திருவள்ளுவரின் ஞானவெட்டியான் பாடல் எண் 501- 600

பாடல் எண்:- 501

சீரணியுஞ் சிற்றிடைக்குத் தண்டைக்காலில்

செழித்ததுடை யிடையதுக்கே யரைநாணிட்டு

நேராக விருகரத்தில் காப்பு நல்கி

நெற்றிதனில் சிந்தூரப் பொட்டுஞ்சாற்றிக்

கூரான இருவிழிக்கு மையிட் டேன்பின்

கொண்டைதனில் ரத்தினத்தால் சுட்டியிட்டு

ஆராரோ வென்றுதொட்டி லசையத்தானும்

ஆட்டினா ளிருகரத்தை நீட்டி னாளே.

பாடல் எண்:- 502

நவரத்ன ஊஞ்சல்தனி லெனையே வைத்து

ரதிமாது மங்கையர்க ளருகே சூழ்ந்து

கவனமுடன் பலகலைகள் சிந்து பாடிக்

கருதினா ரெனைத்தள்ளிக் கவிக ளோசை

தவனம்வரு காமலசைந் தாட்டி னார்கள்

தாயான அன்னையுமே யமிர்த மூட்ட

அவரவர்கள் பகுதிமுறை யதாக ஆட்டி

னாரசைய வூஞ்ச லாட்டி னாரே.

தொட்டிலாட்டுஞ் சிறப்பு

(தரு)

ஆட்டினார்தொட்டிலிட்டு அன்னையுமென்னை

ஆராரோவென்றுஊஞ்ச லாட்டினார்காணும்.

பாடல் எண்:- 503

ஆட்டினாரூஞ்சலதனிலன்னை

நானுமசையாமல்நித்திரைகள் செய்தேனாண்டே

சூட்டியபொற்பணியொரு புறமிருக்க

இருசெங்கையிருந்த வளைதான்குலுங்கக்

கூட்டியசிங்கார திட்டிக்கதவடைக்கக்

கோட்டைக்காரர்கொல்லர்கண்டு எனைமறிக்க

பாட்டியவூஞ்சலசைய நாட்டியமாதர்

பரதசங்கீதமுதபாங்கிகளாட- ஆட்டி.

பாடல் எண்:- 504

ஈராறும்வாங்கிசுழிமுனைமேனின்று- பின்பு

இருநாலைக்கட்டியொருமேனிமூட்டி

கூரானவாசிமுனைவழிநடக்க- நல்ல

கோகிலம்போலன்னையென்மேல் சிந்துகள்பாட

வீரானமாதவர்வந்துவீணைவாசிக்க- அன்னை

மேலணைத்துக்கொஞ்சி முத்தமேவிதுதிக்கச்

சீரானகொங்கைமட மாதுகள்- பாடச்

சித்திரசதுர்கூடமெல்லாம் பிரகாசிக்கவே- ஆட்டி.

பாடல் எண்:- 505

கண்டமத்திலொன்றுடனிரண்டு மாறவும்- வளர்

காலோடிநாலுமவன்மேல் துதிக்கவும்

கொண்டதிருச்சக்கரத்திலொன்று சுழிக்க- என்மேல்

கோகிலச்சிந்துகள்பாடி- அன்னைதுதிக்க

நின்றுநடனஞ்செய்தல்ரஞ்சிதங்கள் போல்- மாதர்

நேசமுடன்பக்ஷம்வைத்துப்பாசமுடனே

வண்டுமொழிக்கிள்ளையெனுமாதர் கூடியே- மதுர

வாக்கியமுடனேபதங்களோக்கிமதாக- ஆட்டி. 

பாடல் எண்:- 506

சொற்பனஞ்சுழுத்தியெனுஞ் சாக்கிரத்தினு- நல்ல

துரியந்துரியாதீதமுஞ் சேர்ந்துமேலாடக்

கற்பனையால்நித்திரைவந்து புத்தியினால்- பின்னுங்

கருத்தினால்தெரிசனங்கள் கண்டு நிற்கையில்

விற்பவமதாகிவளருற்பனத்தைக்கா- ணெந்தன்

மெய்தனில்துய்யமதிமையத்திலும்

தற்பொருளின் கற்பனையாலெப்போது மாண்டை- யெந்தன்

சாதனையால்வாசிவந்து சட்டமதாச்சே- ஆட்டி. 

பாடல் எண்:- 507

குறைவிலாமதுமெப்போதுமுறைவின் முறைகள்- கூன்

கோதாட்டிமுத்தாட்டி யன்னைதாலாட்டியே

சரசரவென்றுவூஞ்சல்பதுமைகளாட- நல்ல

சதுர்கூடமெல்லா நிறைந்துதாதிகள்பாட

அருவிநதிக்கரையிலளவாய்ச் சென்ற-பொறி

ஐந்துபுலனைந்ததனை அழைத்துக்கொண்டுநல்ல

முறிகிக்கனலெழுந்தச் சுழிமுனைக்குள்- மெத்த

முழங்கையுடலசைத்துக் குலுங்காமலும்- ஆட்டி.

பாடல் எண்:- 508

கள்ளஇந்திரியமதைக்கருத்தில் வைத்துக்

கலையிலீரேழுமதைச் சுழியிலடக்கி

உள்ளத்திலும்பாழ்க்கதவைப்பூட்டி யெனக்கு- அன்னை

உறக்கம்வரஊஞ்சலினில்சிறக்கவே நின்று

வள்ளலெனுமன்னையு மாமதுரமூட்டித்- தாலாட்டி

வைத்தணைத்துச்சற்றுமவள் புத்திகலையாமல்

எள்ளளவெனைக்கைவிடாஏந்தியே யன்னை- பின்னு

மெடுத்துமடிமீதினில்வைத்துப் பிரியாது- ஆட்டி.

பாடல் எண்:- 509

சுத்தவெளிகோட்டையிரண்டுங் கதவை- மூடி

நல்லசித்திரவீதியலகையின் பாரியோடவும்

வைத்துமேசோதிவிசுத்திவாசி கலைகள்

சுவாசமாறியபோதுகவிகளாறியே நின்று

சித்திரத்தெருவீதியும் வாசியோடவும்- நல்ல

தெசவாயுவுபத்தும் பெருவிசையோடவும்மூல

முத்திரைகம்பத்தடியில் நித்திரைசெய்ய- சென்ம

முன்னும்பின்னுமென்னைத்தள்ளியன்னைதயவாய்- ஆட்டி. 

பாடல் எண்:- 510

இருபத்தோராயிரத்தறுநூறு- பேரு

மிழுத்தூஞ்சலெனைத்தள்ளிக் கருத்துகந்துசுவாசம்

வருத்தம்பாராமலுமேவைத் தணைத்துமே

மதிமாமலர்கொங்கைவலக்கை வாயிலூட்டினள்

சருக்காய்த்திருத்தமதாகவும் யானமிர்தமுண்டேன்

வாசிசுழியில்கலைகொண்டிழுத்தேதொடர்ந்துமேவிஅந்தத் 

திருத்தமுடலும்வச்சிர ஊஞ்சலசைய- மாதர்

தெளிந்துகவிகள்பாடியெனைத் தள்ளவே- ஆட்டி.

(விருத்தம்)

பாடல் எண்:- 511

இருந்தவுரந் தன்னை யிரு நாடி நீட்டி

யியல்பான சுழிமுனைதான் கிடத்தி வைக்கக்

கருவான கூர்மனவன் கதவ டைக்க

கனகசக்ர திரிகர்த்தன் சுழுத்தியோட

அருவமெனுங் குபேரனுந் தான்சு ழியிலே

ஆதார மைம்பூத மூலஞ் சேர

மருகாம லென்னையன்னை தொட்டி லாட்ட

வன்னிநதிக் கரைமேலுந் தூங்கி னேனே. 

பாடல் எண்:- 512

தொட்டிலிட்டு அன்னையென்னை ஆட்டி நிற்கச்

சுகந்தெளிந்து சுழித்திவிட் டெழுந்த சோதி

முட்டிமுட்டித் துடித்தகர்மப் பகையைப் பார்த்து

முறுக்கிவினஞ் செருக்கையிலே யன்னை தானும்

கட்டிமுட்டி முட்டென்னை யெடுத்த ணைத்துக்

கனக்கும்ப ஸ்தனவமிர்தம் வாயி லீந்தாள்

எட்டி யெட்டித் தவழ்ந்தன்னை மடியி லேற

எளிதாக விளையாடி யிருந்தே னாண்டே. 

பாடல் எண்:- 513

பாராட்டிப் பலவிதமாய் வளர்த்தா ளன்னை

பதியான பாகமெல்லா மோடி யாடிச்

சீராட்டி வீதியெங்குந் தவழ்ந்து யானும்

சிற்றடியால் தத்தடியிட் டிருந்தேன் பின்பு

நீராட்டி மையுமிட்டுத் திலதந் தீட்டி

நேர்மையொரு வர்னமதாய் வளர்த்தா ளன்னை

ஆராட்டி யெனைவளர்த்துப் புவியி லேதான்

அருமையுடன் பிறந்துவய தைந்து மாச்சே. 

பாடல் எண்:- 514

அந்தமுள்ள திங்களொரு ஐந்து மாச்சு

அருமையதா யெனைவளர்த்த அன்னை தந்தை

சந்தமுள்ள சாஸ்திரங்கள் கல்வி நூல்கள்

சமத்தான கணக்கெழுதப் புவியின் மீதில்

விந்தையுடன் பிழைக்குமென்று பள்ளி தன்னில்

வேதியர்தன் வசத்திலே வைத்து மேலும்

எந்தனுள்ள மகிழ்ந்துவொரு திங்கட் குள்ளே

யெண்ணறிவுஞ் சாஸ்திரமு மெழுதி னேனே. 

பாடல் எண்:- 515

கற்றறிந்தேன் சாஸ்திரங்கள் கல்வி நூல்கள்

கருத்தறிய வயதெனக்கு ஈரைந் தாச்சு

சித்தறிந்து விளையாடக் கவன மாச்சு

செயலறிந்து மாதர்களைச் செயிக்க லாச்சு

வித்தறிந்து விளையடி வயது போச்சு

மேன்மேலும் பொருளாசை மிகவு மாச்சு

பற்றில்லா வுறமுறையு மேலுண் டாச்சு

பார்மீதில் பேராசை படைத்திட் டேனே. 

பாடல் எண்:- 516

கருத்ததனில் முன்னிருந்த அறிவும் போச்சு

கனத்தபொரு ளாசையெனக் கதிக மாச்சு

விரிந்தபுவி பெண்டிர்மக்கள் மயக்க மாச்சு

வேகமுடன் பொருளாசை மேன்மே லாச்சு

வருத்தமுடன் பலசூதும் பொய்கள் பேசி

வாய்மைதெரி யாமல்மிக வாழ்ந்தேன் யானும்

உருத்தமுடன் தரித்தபடி யுலகுக் குள்ளே

உகந்துவெகு பாக்கியங்கொண்டிருந்தே னாண்டே. 

பாடல் எண்:- 517

விதமான புவிதனிலே யான்பி றந்து

வெகுதனமு மாடுமக்கள் பெண்டிர் சுற்றம்

நிதமாக வாழ்ந்துஇனி யிருந்த நாளில்

நிஷ்டைசிவ பூசையிலு நிபுண னானேன்

சதமான மோக்ஷமுனக் களிப்பே னென்று

சமத்தான காரியத்தின் குருக்கள் வந்து

பதமான அருள்பெற்று வாழ்வீ ரென்று

பதியில்வந்து தீட்சைதந்து பகர்ந்திட்டாரே. 

(கொச்சகம்)

பாடல் எண்:- 518

ஜெனனமுத்தி சித்திபெறுந் தெய்வசி த்திமோக்ஷவரை

இனமறிந்து வுலகுதனி லீடேறி வாழ்ந்தவற்கு

கனரத்ன மேலதிக காரியமாஞ் சற்குருவந்

தினமறிந்து தீட்சைவைத்து இயம்பினவா றெய்திலனே. 

பாடல் எண்:- 519

அஷ்டஅயிஸ் பரியமதும் யானளித்து வான்புவியில்

கஷ்டமணு காமலுமே காரியகுருக் கள்வந்து

இஷ்டமறை வேதசிவ இன்பருள் பூசைவிதி

சிஷ்டையெனக் களித்துத் தீக்ஷைவைத்து ஓதினரே. 

(கலித்துறை)

பாடல் எண்:- 520

கைப்பொருள் வாங்கி யுபதேசஞ்சொல்லிக் கருதியேதான்

மெய்பொரு ளாவி மேன்மேலெ னக்கெய்து விளக்கமறி

மைப்பொழி தேவ மந்திரக் கியான வாறுதன்னைச்

சைப்படி தீட்சை தவமிது வென்று சாற்றினரே. 

பாடல் எண்:- 521

கனமான பூசை பலிதூப தீப காரணமாய்

இனமாகச் சொல்லி யெடுத்துரைத்தா ரிந்தப்பூமிதனில்

தனகன மேவிச் சிவபூசை ஓம தர்ப்பணமே

உனதனுஷ் டான உபதேச வாக்கிய மோதினரே. 

(வெண்பா)

பாடல் எண்:- 522

அவ்வும் உவ்வென்று ஐயுங் கிலிச்சவ்வும்

சிவ்வுமவ் வென்று செப்பினார்- யவ்வெனவும்

நகரமகர நாடி யருளோ மெனவும்

பகரமெனுந் தீக்ஷையிது பார். 

பாடல் எண்:- 523

எட்டிரண்டும் பத்து விளிய தொருதீக்ஷை 

அஷ்டமா சித்தி விளையாடு- மிஷ்டமுடன்

ஐயஞ்சு மாற அவனி முதல்வான

மெய்யிதுபார் ஜெகவசிய மேல். 

சிவபூசைசெய்த விவரம்

(தரு)

பூசைகள்செய்தேன் காண்- சிவக்கியான

பூசைகள்செய்தேன்காண். 

பாடல் எண்:- 524

வாசிக்குதிரைமேலேறிக் கேசரத்தின்

வழியோடேசென்றுச் சுழியறியாமலும்

வேசிக்குளாசை விரகத்துடனேயான்

வெறும்பூசைமணியாட்டி வீணுக்கேயன்

ஆசித்துசற்குரு தெய்வமிதுவென்று

அர்ச்சித்து ஆத்துமந்தன்னையறியாமல்

நேசித்துப்பூசைநிஷ்டையறியாமலும் நின்றே

நிமித்தமாய்க்கண்டுருச் செய்தேன்யான்- பூசை. 

பாடல் எண்:- 525

கோலமறியாமல்காலையில் வில்வக்

கொழுந்தைமுறித்தினிகூகைகள் போலவும்

சாலவுந்தேவாரமோதித்துதித்துடன்

சங்கையறியாமல் பங்கப்பட்டேயினி

காலைதனிலெழுந்தாலயஞ் சுற்றிக்

கருத்தினில்வாசியைக்கண்டு துதியாமல்

சீலமலரையுயிரென்றறியாமல்

சென்றுபறித்துயான் கொண்டுவந்தர்ச்சனை- பூசை.  

பாடல் எண்:- 526

வானத்திலெழுந்த வாலாம்பிகையை

மதியாலறிந்து கெதியடையாமலும்

ஏனந்தனில்முளைத்தெழுந்த கொழுந்தை

யிறுக்கிநானினிமுறுக்கிக் கிள்ளியே

ஞானப்பிரகாசமெய்ஞ்ஞான வித்தையால்

நாடிக்கருவூரில் நாதத்துடன்

மீனமேஷமறியாமல் குருவந்து

வீணதாம்பூசைவிருதாவிற் செய்யவும்- பூசை. 

பாடல் எண்:- 527

ஆத்துமலிங்கத்தமுரியைக் கொண்டு

அறிவினாலர்ச்சனை யான்துதியாமலும்

பார்த்திபலிங்கம்பிடித்துருமன்தனை பாலித்துப்

பூசித்துக்கங்கையைத் தூற்றினான்

பூத்தமலர்கொண்டறுத்து ஆவிடைமேல்

பொழிந்து அர்ச்சனைவழிந்து பாய்ந்துமே

வேற்றுமையென்றறியாமலுங் காரிய

வீணர்சொற்படியே யானும்பூசித்தேனே- பூசை. 

பாடல் எண்:- 528

தில்லைக்குளத்தின்கரை நந்தவனத்தில்

முல்லையிதழ்கொண்டு அர்ச்சணைசெய்யாமல்

கல்லைத்தெய்வமென்று சொல்லறியாமலும்

வில்வமலரைவெடுக்கென்று போட்டுயான்

அல்லல்லோ இதுயாதுமறியாமல்

அம்பரபூசையடுத்துங் கிடையாமல்

வெல்லுநீரிறைத்துப் புவிக்குள்ளாக

வெகுவுயிர்கொன்று வதைத்துப்பலிசெய்து- பூசை. 

பாடல் எண்:- 529

தெண்டிரைக்குள்ளேசெழித்த மலர்க்குள்ளிள

ஜீவனிருப்பதுபாவமென்றுஞ் சற்றே

கண்டறியாமல்கருத்தால் பறித்துக்

கடைத்தேறப்பூசை நடத்தினேனிப்படி

அண்டர்கள் போற்றுமுடலுக்குள்ளாத்துமம்

அங்கிருப்பதென்றறியாமல் யானுமே

வண்டக்குருக்கள்மொழி தவறாமலு

மனத்தினாலேவலுவாயுருச் செய்து- பூசை. 

பாடல் எண்:- 530

காரணசற்குருபாதமே நம்பியே

பூரணத்தைப்பார்த்துப் பூசைகள்செய்தேன்காண்

தாரணி யென்றறியாமலுநேமகந்தான்

செய்து ஆத்துமலிங்கமறியாதே

வாரணிமாமலர் வாலாம்பிகைபதம்

வாழுங்கருவூரில் வாழ்ந்திடும்போதிலே

பாரணையாகிய வாசியைவாவென்று

பாலித்துஅன்னையின் பாதம்பணிந்தேனே- பூசை. 

பாடல் எண்:- 531

விந்துநாதத்தொனியந்தம் பொருந்திய

சுந்தரஞானச்சுகாதிதம் பெற்றுமே

இந்திரியசுகஇன்பச்சுழிமுனை

சந்தனகுங்குமகந்த பரிமள

தத்துவக்கியானந்தவமறி யாமலும்

உத்தமஞானஉபதேசங் காண்கிலார்

வித்துவித்துநாதசத்தறி யாமலும்

பெற்றபேரிப்படிச்சித்தர் சொல்வாக்கியம்- பூசை. 

பாடல் எண்:- 532

மூலச்சுழிமுனைவாலை குண்டலியே

ஞானத்திலேறிமெய்ஞ்ஞானமுங் காண்கிலார்

பாலத்திலுமயிர்ப்பாலமறியாமல்

காலத்திலுங்கற்பசாதனை செய்யாமல்

ஆதாரமாறுமேலாதாரங் காண்கிலார்

வேதாகமத்தில்விவேகமறியாமல்

நாதாக்கள்சொற்படி ஞாயமறிந்துமே

பேதாபேதமறிந்தாதியைக் காண்கிலார்- பூசை. 

பாடல் எண்:- 533

முத்திதருஞ்சுழிசித்திரக் கூடத்தினில்

அத்திமுகனருளர்ச்சனையார்த்திடார்

சித்தியருள்சிவசின்மயரூபமே

நித்தம்பூசியாமல் நின்றுமயங்கிநான்

பஞ்சபூதமறியாமலுஞ்சுறு

வஞ்சகக்காரிய பஞ்சகுருக்களால்

எஞ்செயலொன்றுமினியறியாமலு

நெஞ்சகமேநிலையாமலும் யானொரு- பூசை. 

பாடல் எண்:- 534

மதிமலராயிரத்தெட்டிதழ் சுற்றிலுங்

கெதிபெறுஞ்சிவக்கியானமறியாமல்

விதிமலர்சுழிமேவுஞ்சிங்காதனம்

பதியறிந்துபஞ்சாக்கினை காண்கிலார்

பத்துடன் தீக்ஷைப்பா லித்துச்செய்யாமலுஞ்

சத்திசிவரூபத்தையறியாமல்

இத்தனைகாலமிகுத்தவஞ்ஞானமே

யெத்தனைபூசையியல்புமறிகிலேன்- பூசை. 

பாடல் எண்:- 535

நாளுநாளுமிகநாடியெந்நாளுமே

நாகன்றிருவடிநானறியாமலும்

கோளுங்காரியகுருவினாலிப்படிக்

கூறறியாமலுங்கூட்டத்துடனேயான்

நூறுநூறுநூறுகோடிசதுர்யுகம்

நாடிநாடிஞானம்யானினிக்காண்கிலா

தூறுந்தூறுஞ்சித்தர்தூறினாலிப்படி

வாடிவாடிவாசிமாறாட்டமாகியே- பூசை. 

பாடல் எண்:- 536

உள்ளத்திலுள்ளமொருமைப்படாமலும்

ஊதுந்தாரைசுழியோசைகாணாமலும்

வள்ளலெனுஞ்சிவமாதுவம்பிகையின்

மலர்பொற்பாதமகிழ்ந்திருக்காமலும்

அண்டபிண்டமகண்டகடாகமு

மண்டலமூன்றுமதிமலர்ச்சனை

கண்டதாரையறிந்தூதிடும்வாசியை

நின்றறியாமல்நிராதரங்காண்கிலா- பூசை. 

பாடல் எண்:- 537

காயசித்தியறியாதகருத்தினை

மாயசித்திமகிழ்ந்துடன்மாய்கையில்

பேய்கள்கூத்துகளாடிப்பேரின்பங்காண்

வாய்மதத்தால்ஜெகவாழ்க்கையில்சிக்கியான்

காரமுஞ்சாரமுங்கண்டறியாமலும்

ஊருகள்தோறுமுழன்றுஅலண்டுமே

தேறுமெய்ஞ்ஞானசிவபதம்போற்றிடார்

வேறுடன்காரியவித்தையில்சிக்கியே- பூசை. 

பாடல் எண்:- 538

உப்புடன்புளியுவர்ப்பறியாமலும்

சொற்படிசொற்குருவாஞ்சையாலிப்படிக்

கைப்பொருள்தோற்றுக்கருத்தறியாமலு

முற்பகபூசாபலனருள்முத்தியில்

காரிக்குதிரைக்கனவேகப்பாய்ச்சலின்

ஏறியங்குபடியிறுக்கிமூலத்தினில்

சாரிவாராமல்தனிப்படவேஜெக

நாரியர்கையிலகப்பட்டுயானுமே- பூசை. 

பாடல் எண்:- 539

கட்டாதுவாசிகணக்கில்லையானுமே

கட்டினாலெட்டுடன்மட்டுப்படுமது

எட்டாதுஎட்டுமேகஷ்டமிராதிடில்

அஷ்டதிசைசுத்தியண்டம்பாய்ந்திடவும்

ஒன்பதுவாசல்பஞ்சபூதமாளிகை

ஓராறுசத்துஈராறுமதில்களும்

பொன்புசக்கரக்கோட்டைநவரத்னபீடம்

பூரணச்சந்திரபுஷ்பகரணிசுற்றி- பூசை. 

பாடல் எண்:- 540

அச்சுநகர்சுற்றிஆறதுஏழுமேகச்சிப்பதிக

மாலயஞ்சூழ்நகர்தச்சனுளிபடாதண்டபிண்டங்களும்

மச்சுமாளிகையில்வச்சபொருள்கண்டு

பூட்டுந்திறவுகோல்மூட்டுஞ்சுழிமுனை

பூரணசந்திரபொற்கமலாலயம்

வீட்டிலிருந்துவிளங்குந்

திரவியமெய்ஞ்ஞானபொக்கிஷம்

விந்துநாதத்தொனி- பூசை. 

பாடல் எண்:- 541

சுழிமுனையேவிழிமாய்கைப்பெருங்கடல்

சூக்ஷசடாதாரமூலத்தின்குண்டலி

அழியாமதிமலரர்ச்சனைசெய்து

விந்தமிர்தபானமாராதனைகண்டுயான்

ஆழிக்கடல்கடைந்தமிர்தபானமே

வழியறிந்துமதுவெனுமாறினால்

ஊழியுமேவினையோடிப்பறந்திடும்

வழியறிந்துவினாட்டம்வினாடிகாண்- பூசை. 

பாடல் எண்:- 542

மருவுயர்ந்த கமலமல ராயிரத்தெட்

டிதழின்வளர் மதியை வேண்டித்

திருவுயர்ந்த வம்பிகைப்பெண் சீர்பாத

பங்கயத்தில் தெரிசித் தேதான்

கருவுயர்ந்த வளநாடு தில்லைநதிக்

கரையோரங் கருதி வாழ்ந்தேன் 

அருவுருவாய் மெய்ஞ்ஞான மருளியகத்

தியரெனக் கருள்தந் தாரே. 

பாடல் எண்:- 543

இடகலையின் சுழியின்முனை யிலகுமதி

ரவியொளித னியல்பாய் நின்ற

கடல்பெருகு மதுரவின்ப வமுர்தந்தந்து

புகழ்கருணை கருவூர் நாட்டில்

விடமருந்தி சிவரூப ஞானவா

ரியருள்வி ளங்குஞ் சோதி

திடமருவுங் கமலமல ரம்பிகையைப்

போற்றியினி தெரிசித்தேனே. 

(கொச்சகம்)

பாடல் எண்:- 544

ஆசைப் பயனுரைத்து வசடுதனைத் தீர்ப்பமென்று

பாசமுகப் பூண்டிந்தப் பார்மீதில் போயுரைத்துக்

காசுபணம் பறிக்குங் கசடர்கள்தான் சொற்கேட்டு

நேசமுடன் பூசைசெய்த நிச்சயம் விளம்புவனே. 

பாடல் எண்:- 545

தீராப் பெருங்கவடு செய்வினையி னாலுரைத்த

நேராப்பொய் யாசை சொல்லி நேர்மையரு ளாலுரைத்த

ஏராப் பணம்பறிக்கு மிவ்வுலகிற் சூதர்களால்

பேரா விலகுபிதிர்ப் பூசையில் மயங்கினேனே. 

(வெண்பா)

பாடல் எண்:- 546

மனத்திலுந்தான் வளர்ந்த மலர்க்காவி யிரண்டுளதா

இனத்திலிதை யறிந்து இயம்பினேன்- கனத்திலேன்

காரியத்தின் குருவே காரணமாய் நின்றதல்லால்

வீரியமென் றேயுரைப்பர் வீண். 

பாடல் எண்:- 547

நீட்டியிரு கரத்தால் நெடியகிளை யேவளைத்துக்

கூட்டி மலரெல்லாங் கொய்தேன்காண்- சூட்டியதோர்

கும்பிட்டா லேதாச்சு குவலயத்தி லொன்றுமில்லை

வெம்பிட்டால் பாவம்வரும் வீண். 

(கலித்துறை)

பாடல் எண்:- 548

உதிக்கின்ற வேளையிலெழுந்தோடி யானவ னுட்புகுந்து

கதிக்கின்ற கந்தமலரெடுத் தேன்கன பாவமென்று

விதிக்கின்ற நெஞ்சினில் சற்றறியாமல் விரைந்துகொய்தேன்

துதிக்கின்ற மோக்ஷம் வருமென்று பூசைதுணிந்து செய்தேன். 

பாடல் எண்:- 549

தீக்கரம் போலவுஞ் சீர்மேவுஞ் சித்தி சிறந்தபின்பு

பார்க்கின்ற பேருக் கலங்கார மாய்க்கன பத்தியுடன்

சேர்க்கையில் தூளித முடல்நதி யாடிய திருடரைப்போல்

ஏர்க்கையில் மந்திர மோதலெனை யன்றி யெதிரில்லையே. 

(விருத்தம்)

பாடல் எண்:- 550

பத்தியுட னொருமலரைக் கரத்தி லேந்திப்

பரிவாகக் கடுகில்பதி னாறிலொன்றை

வெற்றியுட னர்ச்சனைகள் செய்வோ மென்றால்

விளங்குமிந்த நினைப்புவரு முலகுக் கெல்லாஞ்

சுத்தியொரு நொடிக்குள்ளே யகம்பு குந்து

சொல்லுகிறேன் பொல்லாத மனதை நாடிச்

சத்தியுடன் சிவனிருந்த நிலையைக் காணார்

சரியென்பார் மனக்குரங்குச் சாரி டாதே. 

பாடல் எண்:- 551

நீரினில்முழு கும்போது பொருள்மே லாசை

நிலையான கரையில்வந்தால் நிலமே லாசை

கூர்ந்துநெற்றி தனிலும்வெண்ணீ றணியும்போது

குறிப்பான மக்கள்பெண்டிர் சுற்றத் தாசை

ஊர்தனிலு மந்திரங்க ளோதும் போது

உற்றபசி யாகுமனம தின்மே லாசை

பார்தனிலே தேவார மோதும் போது

பலவிதமாய் மனமோடிப் பார்த்த தாண்டே. 

பாடல் எண்:- 552

சித்தமுடன் செபதபங்கள் செய்தோ மென்பார்

செப்புகிறே னவர்களுட செய்தி யெல்லாங்

கர்த்தனுட பாதமலர் நினைக்க மாட்டார்

காடுசுற்றி யோடியபின் கலங்கு வார்கள்

நித்யமுடன் நிஷ்டையிலும் நிற்க மாட்டார்

நிலத்திலுள்ள வாசையெல்லாம் நினைத்து கொள்வார்

சத்தமுடன் தேவாரங் கூகை போலுஞ்

சதாநித்திய மோதிகுடி கெடுப்பா ராண்டே. 

பாடல் எண்:- 553

மறவாம லனுதினமும் பூசை யென்பார்

மாந்தர்களுக் காணிதந்து கோடி வாங்க

இறவாமல் புவிதனிலே யிருப்போ மென்று

இடும்பரெல்லாம் தலைகீழா யிறந்து போனார்

உறவான காயமிது வொடுங்கும் போது

உலுத்தர்கள்தன் பின்னர்கைக் காகம் போகா

அறிவாலே யறியாமல் புவியி லுள்ளோர்

அலகையெனத் திரிந்துலக மலைந்தா ராண்டே. 

பாடல் எண்:- 554

மண்டலத்தில் யானும்வந்து பிறந்தபின்பு

மருவுபெண்டிர் மக்கள்சுற்ற மாடு கன்றும்

தன்கரத்தால் வெகுகாசு செம்பொன் காணி

தரணிதனில் தனம்பெறவுஞ் சார்ந்தே னென்று

என்றுமிந்த வாழ்க்கையெனக் கேற்கு மென்று

இருந்ததனால் திருவள்ளுவ னிசைந்து பார்த்தேன்

ஒன்றுமில்லை பிரபஞ்சம் வீண் தாச்சு

உகந்தெந்தன் சாதிகுல முரைசெய் வேனே. 

ஜாதிவேற்றுமை

(தரு)

சாதிகுலமானவகைசபையிலாண்டே- நின்று

சாற்றுகிறேன்சாதகமா யானறிந்தாண்டே. 

பாடல் எண்:- 555

ஆதிகுருவானசிவநாதவிந்துமே- சுழியி

லணுகிமுனைபெருகியா கமம்வந்து

வீதியெனுந்திருவாலங்காட்டகத்திலே- சேர்ந்து

மிகுத்தசுக்கிலமென்றுங்குலங்காணுமாண்டே

நீதியெனும்மூலம்விட்டுநாதவிந்துமே- பரையில்

நின்றிலங்குஞ்சுக்கிலத்தாலெடுத்தவுடல்தான்

சோதியிதுஞானகுலஞ்- சாதிபார்

செந்துகளாவதுமொருசாதியிதாண்டே- சாதி. 

பாடல் எண்:- 556

மூலமதிலானசுழிசதுஷ்கோணத்தி- லிலகு

முதலெழுத்தாகுந்தும்பிமுகவனென்றும்

கோலமுள்ளகுஞ்சரத்திலின்செம்புநிறமாவெள்ளை

கூறாகுமெங்கள் குலவம்மிசங்காணும்

ஓராறுதித்தெழுந்துமோங்குபுவியில்- தாங்கி

உதித்துவுருவெடுத்துஉற்பனமதாய்ப்

பாலமுதாகுமேலிங்கத்திருவாலங்காடு- முன்பு

பரப்பிரமமெந்தனுக்குச்சேர்ந்தகுலமாண்டே- சாதி. 

பாடல் எண்:- 557

திருவுருமேலானநதி அறிவுடைமாயன்

செங்கமலமேவுந்திருசிறந்திருக்கும்நேயன்

கருவூருநாட்டிலிலகுமதியின்பிறைகோணங்

கல்வியும்வாழ்வுந்தரும்திதிசெய்யுமுபாயன்

மருவுறைஅக்கினிசூழ்ந்தமுக்கோணத்தின்வீடு- அந்த

வட்டத்திலமர்கின்றருத்திரகுலங்காணும்

பறையிருக்கும் நாதவிந்துபரப்பிரமவீடு

இந்தப்பாரில்என்னையறியாமல்பறையனென்றாராண்டே- சாதி. 

பாடல் எண்:- 558

கண்டத்தினுள்ளேயழைத்தறுகோணங்காட்டி- சோதி

கருணைமயேஸ்பரத்தின்வம்மிசத்தானாண்டே

நின்றதமையன்பொய்யல்லஎன்குலங்காண்- சொல்வேன் 

நின்புவியில்நீசனென்றுபேர்குறித்தாராண்டே

அண்டபிண்டங்களும்ரெண்டுமொன்றதா- மிரண்டு

மாயிரத்தெட்டிதழினில்யானுதித்தேன்காணும்

என்றுமெவ்வுயிர்க்குமெங்குமெறும்புகடை- யானை

யாருக்குமென்தந்தைசதாசிவன்காணாண்டே- சாதி. 

பாடல் எண்:- 559

பொங்குகடல்சூழுலகம்பதினாலுங்- கூடிப்

புவனமிருநூற்றிருபத்துநாலுமேவும்

எங்குநிறைந்தேயெழுந்துவளர்கின்ற- சோதி

எங்கள்குலஞ்செங்கதிரில்பங்கமில்லைகாணும்

கங்குல்பகலுங்கதிருமதிசூழும்- வானங்

காரணமாகஇரண்டுங்கூடிவருமாயில்

திங்களும்ஞாயிறுமெங்கள்குலமென்மேலாகுஞ்

சேர்ந்ததிந்தப்பறையினால்நேர்ந்ததுஆண்டே- சாதி. 

பாடல் எண்:- 560

கற்றிடுங்கல்விக்குச்சித்தமகிழ்ந்திடும்- புத்தி

கருத்திலிந்துமதியுகந்திடுங்காணுஞ்

சத்தம்பிறக்கையில்கூடசரஸ்வதியுமெங்கள்

சாதியிலுதித்ததெந்தன் தாய்தந்தைகாணாண்டே

வித்தையும்புத்திவிளங்குஞ்சதுஷ்கோணபீட

மெய்ஞ்ஞானகுலத்தில்பிர்மவேதகுலங்காணுஞ்

சுத்தகுலபிர்மசுக சூழுங்கரணாதி

சோதிமயமாதிகுலஞ்சொர்னமயமாண்டே- சாதி. 

பாடல் எண்:- 561

துய்யமதிசூழும்பரைஅம்பரவீதி

சூக்ஷசடாதாரசோதிமூலத்தில்காணும்

வையமுழுதும்படைத்தவாலாம்பிகை- யாண்டே

வாள்புவியுமெங்கள்குலவம்மிசங்காணும்

செய்யதிருகருவூரிலகுமவள்- நாட்டில்

செங்கநதிபொங்குகரையெங்கும்பிரகாசிக்கும்

மையசுழிமூலம்வளர்வாலாம்பிகை- யெங்கள்

வர்க்கத்தில்வாழும்பரைதான்வம்மிசங்காணாண்டே- சாதி. 

(விருத்தம்)

பாடல் எண்:- 562

சுக்கிலசுரோ ணிதமீது இலகுபரி

பூரணத்தின் செயல்தன் னாலே

எக்குலமும் நாதவிந்தா லெய்தும்வகை

வளப்பமெல்லா மிடரில் லாமல்

பக்குவமா யகத்தியர்தன் னுபதேச

மருளபரி பாஷை யாய்ந்து

திக்குமெட்டுப் பதினாறு கோணமதி

லண்டபிண்டந் திசையு மொன்றே. 

பாடல் எண்:- 563

என்றான மனிதர்பல செனனமொன்று

செந்துவொன்று வுலக மொன்று

நின்றிலங்கும் வானமொன்று புவியுமொன்று

அண்டரண்டம் நிலைதா னொன்று

இன்றுமன்றுங் கதிர்மதியு மின்னலிடி

காற்றுமழை யெல்லா மொன்று

தென்றுலகெ லாம்படைத்த நாதவிந்தா 

லெடுத்தவுயிர் செனனமொன்றே. 

சாதிவகை

(தரு)

சாதியைச்சொல்லுகிறேன்- என்னாண்டையே

சாதியைச்சொல்லுகிறேன். 

பாடல் எண்:- 564

சாதியினில்பரப்பிரமகுலத்தினில்

தந்தையெனுஞ்சதுர்வேதசிந்தாமணி

சோதிதனில்ஞானசூக்ஷசடாதார

துய்யமதிசந்திரஜயனெங்கள்குலம்

பூதாதிஐந்தும்புனலில்மருவிய

வேதாகமத்தில்விளங்குஞ்சுகாதீத

மாதாரமூலமேலாதாரமீராறடங்கிய

வீட்டினிலாண்டையவன்சாதிகாண்- சாதி. 

பாடல் எண்:- 565

ஓதிவைத்தபிர்மஓங்கார தீட்சைதான்

ஓகோகோவானம்புவிபடைத்ததாகையால்

ஆதியுமந்தமெனக்குள்ளடங்கிய

ஆக்கினைசத்தமதீதமென்குலமே

பிர்மக்ஷத்திரியர்வைசியர்சூத்திரர்

பேதமறையிதுநாலுநாலும்விளங்கிடும்

கர்மிகள்கூடிகோத்திரமுண்டாக்கினர்

கலியுகமிதுவரலாறுகாணாண்டே- சாதி. 

பாடல் எண்:- 566

அந்தரவட்டத்தின்வானம்புவிக்குள்

அலங்காரமாகப்பதினுலுஞ்சேர்ந்திடுஞ்

சந்திரன்போலுந்துலங்கியபூரண

சாதிகுலந்தன்னிலா திகுலங்காணும்

இந்திரனக்கினியேமனிருதிவாய்

வேகவருணன்குபேரனீசானியன்

சந்திரப்பிரகாசத்தின்மூலத்தினுள்ளே

தழைத்திடுமென்குலசாதியிதாண்டையே- சாதி. 

பாடல் எண்:- 567

முப்பத்துமுக்கோடிதேவர்முனிவர்

முதலானஇந்திரநாரதாகின்னரர்

உற்பத்தியாகநாதவிந்தாலே

யுதித்தவாறெல்லாமாதித்தன்குலங்காணும்

அம்புவியாலுமனேகவுயிர்களும்

அண்டபிண்டமதிலாச்சுதனேகமுந்

தப்பில்லையேபரையம்பிகைதன்குலஞ்சாம்ப

சதாசிவன்தந்தைகாணாண்டையே- சாதி. 

பாடல் எண்:- 568

சிற்பரையானசிவசாம்புவன்குலஞ்

செந்துக்களெல்லாமென்சாதியின்வம்மிசந்

தற்பரைசோதிப்பிரகாசவர்க்கத்தினில்

சாம்புவனென்குலசாதிகாணாண்டையே

சின்மயமென்மயம்பொன்மயன்தன்மயஞ்

ஜீவசெந்தாதிஜெகமயமானதும்

நன்மயனாதச்சிரோன்மயமென்குலம்

நாதனென்வம்மிசநற்குலமாண்டையே- சாதி. 

பாடல் எண்:- 569

பறைபதினெட்டும்படைத்ததென்வம்மிசம்

பாருலகாதீதம்பார்க்கப்பலவிதஞ்

சீரருள்ஞானச்செழுஞ்சுடராதீத

திருவுருமூலச்சிவசாம்புவன்குலம்

ஆதியுமந்தமநேகமுண்டான

அண்டகடாகமதீதசெகங்களுஞ்

சோதியருள்சுழிமூலத்திலேசுக

ஞானகுலத்திருவள்ளுவனாண்டையே- சாதி. 

பாடல் எண்:- 570

சிஷ்டியிலுந்திருவள்ளுவனாயன்

தெளிந்தவேதாந்தச்சிவஞானசாதிகாண்

அஷ்டதிக்கெங்கும்புகழ்சிவசாம்புவன்

ஆண்டையேயுந்தனருள்பரசொர்க்கமே

சோதிச்சுழிமுனைதில்லைப்பதிநகர்ஆதிக்

கருவூர்வளர்திருநாட்டினில்

ஓதியவள்ளுவசாம்புவனாலுலகாதீத

மெங்குமுதித்தவராண்டையே- சாதி. 

பாடல் எண்:- 571

எங்கும்புகழ்திருசாம்பசதாசிவன்

எங்கள்குலவம்மிசாதிவர்க்கத்தினில்

இங்கதினாலுலகாதிதமீரேழுங்

கெங்கையுமக்கினிவாய்வுசத்தங்களும்

பிர்மாவிஷ்ணுருத்திரன்மூவரென்வம்மிசம்

பேரும்பிரகாதீதநாடுலகம்புகழ்- சாதி. 

பாடல் எண்:- 572

மண்ணும்விண்ணும்வன்னிவாய்வுசத்தங்களும்

பண்ணுமறைவேதநாலுமுதித்தவ

ரண்ணுமிண்ணுமாறுசாஸ்திரசூக்ஷமும்

எண்ணுமினியென்குலத்திலுய்த்தவாறு

பேதியரிட்டகட்டளைப்பிரகாரமும்

மேதினியோர்விளங்குமனுநீதி

ஆதியென்றேபலசாதிகுலவர்க்கஞ்

சேதியானபெண்ணிருசாதிகளாவதுஞ்- சாதி. 

பாடல் எண்:- 573

இப்படியேகுறித்தெங்கும்பிரகாசமாய்க்

கற்பனையாய்மறைவேதங்களோதினார்

எப்போதுமேயுலகெங்கும்வழக்கமாய்ச்

சொற்பிடிசொல்லுடுஞ்சூதுகளாண்டையே

பிர்மக்ஷத்திரியர்வைசியர்சூத்திரர்

கர்மசூஸ்திரங்கள்கட்டினார்துய்யமதி

துர்மவிசேஷசுயஜெகஜாலமேவர்ம

மறிந்தருள்வள்ளுவனோதினான்- சாதி. 

பாடல் எண்:- 574

இந்தவிதமென்றறியாருலகில்

எந்தன்குலத்தையிகழ்ச்சிகள்பேசினார்

உந்தன்செயல்சிவசாம்பவமூலமே

அந்தவிதியோடன்றறியாரென்னாண்டையே

மாலப்பறையனென்றேசேரன்சோழனு

மாடுகள்செத்துமேவாறறிந்தானதே

யோலமென்றேயதையுண்ணும்படிசெய்தார்

ஓகோபாவிகாளுற்பத்திகாண்கிலார்- சாதி. 

பாடல் எண்:- 575

ராஜாங்கஞ்செய்தநடத்தையின்குறி

வேதாகமத்தில்விதித்தவாறல்லகாண்

ஆசாரமல்லபீசாபலயோகமே

கோசபீசத்தில்குலங்கள்செனித்ததே

மனிதனாய்ப்பிறந்தவனிமீதினில்

மானுகாளுங்கள்வளப்பமறிவதும்

யோனிநாலல்லவோவேழுவகைப்படி

யோகதிசைஞானமெட்டில்விளங்குமே- சாதி. 

(விருத்தம்)

பாடல் எண்:- 576

அருபுரத்தில் மனோன்மணியென் தாயே யாகு

மடுத்தவட்டஞ் சதாசிவன்தான் தந்தை யாகுந்

திரிபுரத்தில் மயேஸ்பரனுந் தந்தை யாகுஞ்

செவந்தகனல் ருத்திரனு முன்னோ னாகும்

சிறுபிறைக்கு ளிருந்தவரென் தமைய னாகும்

ஜெகம்படைத்த பிர்மாவுஞ் சகோத ரன்தான்

மருமிகுந்த ஐயருக்குள் பின்ன தாக

வந்துதித்த சாம்புவனும் யான்கா ணாண்டே. 

பாடல் எண்:- 577

ஓங்கார சத்தங்குண் டலியே யாகும்

உன்னறியுங் குண்டலியென் பாட்ட னாகும்

ரீங்கார மானவுடல் மச்சை யேழும்

நிலவாங்க ணெங்களுற முறைதா னாகும்

ஶ்ரீங்கார மானதெல்லா முதிர மாகுஞ்

செனித்தவுட லென்தாயின் கூறே யாகும்

நீங்காத நாதவிந் துதித்த நேர்மை

நீள்புவியிற் பிறந்தாரென் குலத்தா ராண்டே. 

பாடல் எண்:- 578

இந்தவித மென்குலத்தா ரென்று மேவி

யென்னுள்ளே பார்க்கஇந்தப் படியே யாச்சு

சந்தையந்தா னறியாமல் நீங்கள் நீரில்

தவளையைப்போல் வேதமெல்லாஞ் சாற்று கின்றீர்

வந்தவழி யறியார்க்கு மந்திர மேது

வகையறியா மாந்தருக்குச் சாஸ்திர மேது

விந்துதித்துப் புவிதனிலே பிறந்த பேர்க்கு

வேறில்லை சாதிகுலஞ் சரிதா னாண்டே. 

பாடல் எண்:- 579

சத்தேழு புவிதனிலே பிறந்து யானுஞ்

ஜாதிகுல மானவகை சார்வாய்ச் சொன்னேன்

சித்தமுள்ள நாதாக்க ளறிந்து கொள்வார் 

தீங்கான மாந்தரிதை யறிய மாட்டார் 

கற்றவரைப் பழிப்பவர்க ளுலக மாண்பர்

கசுமால மடையர் சொல்லுங் கவியைப் பாடி

வித்தையிலு மலங்காரக் கவிதா னென்பார்

வீணர்கள்தான் வீண்புளுகு விளம்பு வாரே. 

பாடல் எண்:- 580

வியாசர்சொல்லும் பாரதத்தில் வெகுபொய் வீணாம்

மேதினியோர் மாய்கையினில் விருப்பச் சொன்னார்

ஆய்ந்துகவி பாடிவிட்டான் கம்பன் வம்பன்

அதீதரா மயானத்தி லனேகம் பொய்தான்

சாயாம லதிவீர பாண்டியன் சொல்லுந்

தமயந்தி சரித்திரநை டதமுஞ் சொன்னார்

சுகமாகா திதுகவிகள் சுத்தப் பொய்தான் 

தொடுகவிமா ணிக்கவா சகர்சொன் னாரே. 

பாடல் எண்:- 581

தேவார மானதிரு வாச கத்தைச்

செகத்தோர்கள் படித்துமெத்தத் தியங்கி னார்கள்

பேயான ஆண்டிகட்குப் பிழைப்புக் காகப்

பேசிவைத்தார் மற்றொன்றும் பிசகோ இல்லை

சாவாதார் மாய்கைதனி லடிபட் டோர்க்குத்

தளர்ந்தபின்பு ஞானவிதி சாரா தென்னில்

துவாதசாந் தவெளிய றிந்தோ ரல்ல

சுக்கிலமு மழிந்தபின்பு துலங்கார் தானே. 

(கொச்சகம்)

பாடல் எண்:- 582

நீடுலகு மாய்கைதனில் நின்றழிந்தால் நாதவிந்து

காடுசுடு காடொழிய காயசித்தி யாகுமோசொல்

பேடியர்கள் மோடிதனில் பேய்மனமே பின்துடரத்

தேடுவதென் ஞானவிதி தேகமழிந் தாலழிந்தே. 

பாடல் எண்:- 583

சீழுதிர மச்சையுவர் தேங்கும் உமாதருவி

வாழுங்கசு மாலந்த மாரிபொழிந் தேயொழுகு

மூழ்குஞ்சல மூத்திரப்பை மூலப்பா ழூத்தையினில்

ஊழியெம் துற்குழிக்கோ வயிர்ப்பெலிக்கு ளாமனமே. 

(கலித்துறை)

பாடல் எண்:- 584

ஊத்தைக் குழிதனி னாதவிந் தூறி யுடலெடுத்தால்

நாற்றமெண சாணுட லவ்வழிக் கேமன நாடிடுங்காண்

சோற்றுத் துருத்தி யெரிகும்பி மாய்கை துலைததுவிட்டார்

காற்றும் வசப்படா ஞானசுகா தீதங் காண்கிலரே. 

பாடல் எண்:- 585

ஜெகத்தாசை யோனி மறவாத சேணி செழுங்கனல்பார்

அகத்தாம லெப்படி யக்கினி சூழ்ந்திடு மவ்வனலில்

உகத்தாசை வைத்து வுழன்றிடு வோர்க்கென்ன வுற்பத்திகாண்

அகத்திற் பிறந்து கடலைக் கடந்தவர்க் கமைப்பதுவே. 

பாடல் எண்:- 586

பஞ்சவிந் திரியம் பாயுமா றூறதின் பாய்ச்சலிலே

தஞ்ச வரமிருந் தாடுது காண்விட நாகசர்ப்பம்

மிஞ்சுமும் மூலச் சுழிநாத விந்து வெளிவருகால்

கஞ்ச மலர்த்திரு கருணைமெய்ஞ் ஞான கற்பகமே. 

பாடல் எண்:- 587

அரவங் கடிக்க விடமே றிடுமுன் னதற்குமொரு

திரமாய் மணிமந்திர சிவஞான பூபதி செய்முறைகாண்

இரவா திருக்கரச் சூதகற்ப மினிதறிந்து

பிறவா திருக்கச் சுழிமுனை காணப் பிறப்பில்லையே. 

பாடல் எண்:- 588

ஞானப்பிர காசத்தின் னாட்டத்தி லேமன னாடிமுன்

வானத்தி லேசுத்த மேகங்கள் கூடிப்பின் வாரிதனில்

பானத்தில் யுண்டு பசியாறும் பாவனை பன்மையைப்போல்

சோனைப் பொழிந்த வுலகாதி யெங்குந் துதிப்பதுவே. 

பாடல் எண்:- 589

ஒன்றுணர் பூரண ஞானசு காதித மொன்றறிய

கண்டுணர்வோர்க் கெய்து நாதவிந் துற்பத்தி காயத்திலே

நின்றறி வானந்த பேரின்ப சோதி நிராமயத்தை

அன்றுமின் றொன்றல்ல பிரபஞ்ச மாய்கை யகற்றுவதே. 

பாடல் எண்:- 590

செந்துக ளாவது மிந்திரி யத்தினில் சேர்க்கையுங்கண்

டிந்த விதமென் றறிந்திடி லாரென் காரணமோ

ஐந்துரு நாதவிந் தாவதுமேசெனித் தம்புவியில்

விந்தை யென்ஜாதி லோகாதி லோகம் வெளிப்படுமே. 

(வெண்பா)

பாடல் எண்:- 591

எங்கள் குலவிந்தி லெறும்புகடை யானைமுதல்

செங்கமல வமிசத்தில் சேருமே- உங்கள்குலம்

வந்துதித்த வண்மைவர லாறுதிரு வள்ளுவனால்

அந்தவிதி கண்டறியா தே. 

பாடல் எண்:- 592

உள்ளம் பெருங்கோயி லுற்றுணர்வ தாமாகில்

எள்ளளவின் சொன்னமறப் பொன்னமயம்- உள்ளபடி

ஒன்றொன் றுலகு வுன்குலமு மென்குலமுங்

கண்டறிவ தென்மொழியில் காண். 

உலகவுற்பத்தி

(தரு)

தனனாந்தனதனனாந் தனதன- தனனாந்தன தனதனதனனா

பாடல் எண்:- 593

ஞானசிகாமணியே- தெய்வ- நாயகனால்ஜெகமாதிதமும்

வானமும்புவியுமுதல்- மதி- சந்திரனும்ரவிசூரியனுங்

காணவொளிவீசும்- கார்- மேகங்களுமிடிமின்னல்களுந்

தானாய்விளங்குமுயல்- மாரி- தாபரமும்வாய்வுசாகரமுஞ்

சேனாதிபதியிலகும்- சத்த- தீவுதீவாந்தரசெந்துகளுஞ்

சோனையருவிவளர்- சுழல்- சோதிப்பிரகாச விருட்சங்களும்

தேனூறல்பாயுமந்த- சல- செம்புநதிமகமேருகளும்

பானுகனல்சொரியும்- தன்னி- பாயுஞ்சூதரசக்கேணியுமே- தன. 

பாடல் எண்:- 594

நவரத்தினம்விளையுந்- திவ்விய- நாகரிகசெந்துநாடுகளும்

எவ்வர்னமாய்விளங்கும்- சந்திர- இந்திரபட்சியன்னபட்சிகளும்

புவனங்களில் மிகுந்த- அண்ட- பூச்சக்கரவாளகிரிசூழிடமுங்

கவனாதிராக்ஷதர்கள்- பிறவி- கந்தருவதேவகந்தருவர்

பவனமளாயிடுவர்- பகி- ரண்டமளாவியகவனாதிகள்

தவத்தில்மிகுத்தவம்- ஏழு- சங்காரஞ்சூழ்நடுரோமபுரி

சிவஞானசித்திபெற்ற- குளிகை- சித்தர்கள்வாழுமதீபாந்தரமும்

புவனஏமகிரியுங்- கெந்தி- மாமலைராக்ஷதரூபகமே- தன. 

பாடல் எண்:- 595

பொதிகைநகரெனுமே- இந்தப்- புவனஞ்சூழ்சாகரமத்திபத்தில்

அதிதமென்னாலருள- மெத்த- அதிசயரோமாபுரிநகரில்

நதிசூதக்கேணியொன்று- அது- நற்சதுரம்நூறுகாதவழி

மதிகோடிரப்பையொனி- ரவி- மாமதிக்குக்கதிரொட்டியதாய்

விதியாலமைப்பதென்ன- அண்ட- மேருவுஞ்சுற்றிமதில்சூழ்ந்திடும்

பதியாயுதித்திடுங்காண்- பஞ்ச- கர்த்தரிருப்பிடமஞ்சுசபை

கெதிவாள்கயிலாசகிரி- சுற்றிக்- கேணியொன்றுசூதவாசலாங்

கொதிதான்கொதித்திடுமே- சித்திரைக்- கோடைதனில்சித்தர்கொண்டுபோவார்- தன. 

பாடல் எண்:- 596

என்னுஞ்சிரஞ்சீவிதான்- அந்த- ஈசனருள் காயசித்தி பெற்றோர்

மண்ணும்விண்ணுள்ளளவும் - தேகம்- மரணமவர்க்கொருகாலமில்லை

உண்ணுமறுசுவையில்- அப்பு- உப்பொன்றுமாகாதிருப்பவர்காண்

தின்னும் பதார்த்தங்களில்- ஜீவ- செந்துவகைகளுயிர்வகைகள்

உண்ணும்படியகற்றி- யோக- சாதனையில்நித்திரையொன்றறியார்

அண்ணலருள்பதமே- நித்திய- மர்ச்சித்துமூல அமிர்தமுண்பார்

கண்ணைமூடியறியார்- மவுனக்- கண்ணாடிமீதில் கருத்துணர்வார்

சென்னாட்டமாயிருந்து - தெசதீட்சைபெற்றுக்கவனம்பாய்ந்திடுவார்- தன. 

பாடல் எண்:- 597

சதாசிவசாம்புவனால்- ஜெகந்- தானேபடைத் துயிருண்டாச்சு

இதானவாறறிந்திடிலோர்- புவி- யெழுவகைத் தோற்றநால் யோனியுமே

தாகமத்தினுற்பத்தியால்- பரை- சோதியொளியில் சுயம்பதுவாய்

நிநானமாவ தெறும்புகடை- யானை- யாவதுவே முன்பின்னேக முயிர்முதலாய்

விதாவிதங்களானபல- விந்து- நாதமது விளைவானதுகாண்

குதாவெனும்பரைச்சாம்புவனால்- அண்ட- கோளகைவடவாக்கினி

மதாவினோத பேதமதால்- வரும்- வந்தவழியறிந்திந்தவிதம்

இதார்த்தமாக இனியுரைக்கும்- எங்கள்- தெய்வம்வேறா உங்கள் தெய்வம்வேறோ- தன. 

பாடல் எண்:- 598

உலகம் பிறந்தவிதம்- பரை- யுந்திதனில் பிர்மயேந்திரங்காண்

கலகப்பிரியர்கூடி- புராண- கட்டளைவெவ்வேறு பிரித்துணர்வார்

அலகையதினளவா- லான- அச்சது வேயறிந்துச்சிதமாய்ச்

சிலபேர்மதபேதங்கள்- மனு- செய்கையினால் விதிநூல்களுமே

பலபேர்கள்கூடி- பரி- பாஷை யறிந்து பகர்ந்திடிலோர்

நிலவுபொழிமதுரஞ்- செக- நீடுலகாதிதமே தழைக்கு

முலகாதிதம்புகழும்- திரு- வள்ளுவசாம்புவனுற்பவத்தைப்

புலையனென்றே யுரைத்த- மவுனப் பொக்கிஷமே ஞானகக்கிஷங்காண்- தன. 

பாடல் எண்:- 599

அம்பிகையின் பொற்கமலம்- பணிந்- தர்ச்சனை செய்து அடியனுமே

நம்பிதிராவியத்தை- மூல- நாதவிந்தையுண்டு நான் வெளியாம்

தும்பிமுகனருளில்- துரியந்- துரியாதீதங் கடந்தே துதித்துத்

தம்பித்திடைகலைபின்- மூலஞ்- சாதித்து வாசிகொண்டே யிழுத்துக்

கும்பிதனிலிருந்த- ரத்தினங்- கோடானுகோடி திரவியத்தைச்

செம்பொனருள் பொருளும்- இனி- சித்திக்க வாசிகொண்டே திறந்தேன்

பம்பகமாயிருந்த- கொல்லர்- பத்துந்தகவாயுவு நித்திரைசெய்து

தெம்பாயிருக்கையிலே- திவ்ய- செங்கநதி யகழிதாண்டி விட்டேன்- தன. 

பாடல் எண்:- 600

மூலாதாரங்கடந்து- முளை- முச்சுடர்வட்டமதில்கடந்து

பாலமது கடந்து- வாசி- பாய்ந்துவிட்டேன் சதுஷ்கோண

ஞாலத்திலேயறிதல்- பிரம- ஞானசுவா திஷ்டானங்கடந்து விட்டேன்

சிலம்பொழியும்ரத்னந்- திரு- மால்மணிபூரகமீதருகே

சந்திரபுஷ்கரணி- திவ்விய- சாவடிசித்திரமண்டபத்தில்

இந்திரசுரூபசித்தி- பெற்ற- எமனாட்டுச்சித்தரிருபதுபேர்

வந்துமறித்தார்கள்- போட்டேன்- வாசிக்குதிரை மேலங்குபடி

அந்தரமாயெழும்பி- சவாரி- யனாகதக்கோட்டைமுக்கோண வட்டந்- தன.