திருவள்ளுவரின் ஞானவெட்டியான் பாடல் எண் 1801- 1900

பாடல் எண்:- 1801

காலியுங்கழிந் தோடுவ தாகையால்

வாலிபங்கள் வளர்பிறை மாறிடும்

பாலனாய்வாலி பங்களில் கற்பங்காண்

வாலையாமினி வச்சிர தேகமாஞ்

சீலவாசி சிநேகித மானதால்

தூலமேயுடல் சோதிப்பிர காசமாய்

மாலியேது மறலியு மேதுகாண்

சூலிகபாலி சுடர்கொடி தீபமே.

பாடல் எண்:- 1802

தீபகுண்டஞ் செழுந்தேன் பொழிந்திடுங்

கியாபகங்கள் கணேச னிருப்பிடம்

பாவமேது பரமெனும் பாவமுஞ்

சாபமேது சாரத்தா லழிந்திடுந்

தூபதீபங் காரசாரமுங் காதலால்

தாபமெல்லாம் க்ஷணத்தி லொழிந்திடும்

ஆவதென்ன அழிவது மன்னமால்

சாவதில்லைகாண் சண்டனு மில்லையே. 

பாடல் எண்:- 1803

உப்புங்கார முணர்ந்த ருசிப்பதாய்

அப்பும்உப்பும் மறிவறிந் துண்பர்காண்

இப்பொருள் கண்டிரவி மதியுமே

கைப்பொருளுன் னுள்கணக்கில்லை வேதைகாண் 

செப்பினார்கள் தெளிந்தபண் போர்களும்

அப்படியாண்டே யகத்தியர் வாக்கினால் 

சொற்படி யினிசுரோ ணிதசுக்கும்

இப்படிக்கண் டியம்பினே னாண்டையே. 

(வேறு-விருத்தம்)

பாடல் எண்:- 1804 

அந்தணர் முனிவ ரோடு ஆய்ந்தநூல் பதினெண் பேருஞ்

சந்தத மாகத் தானுஞ் சாஸ்திர நூல்கள் பாடிச் 

செந்துகள் தனிலு மாண்பர் சுத்தராய்த் தெளியத் தானும்

சுந்தர ஞான வெட்டி சூட்சமு மறிந்திடீரே. 

பாடல் எண்:- 1805

ஞானத்தை வெட்டி நாத விந்துவின் கருத்தி னாலும்

பானத்தை யுண்டு ஆண்டு பழக்கம தாகை யாலும்

வானத்தி னீரால் சுத்தி வாசியால் காயஞ் சித்தி

ஊனற்று உறக்க மற்றுப் போகத்தி லிருந்தே னாண்டே. 

பாடல் எண்:- 1806

யோகத்தின் விதிதா னென்ன உடலுயிர் பலக்கத் தானும்

ஆகமப் படியே ஞான ஆயிரத் தைந்நூறு சொச்சம்

பாகமா யாய்ந்து பானம் பழக்கமோ ராண்டு உண்டால்

சாகத்தான் போமோ இல்லை சாக்காடு தவறிப் போமோ?

பாடல் எண்:- 1807

சாரமோ ராண்டு உண்டு சடமதும் வலுக்கச் செய்து

காரமு மிரண்டாண் டில்தான் காலைபோய் மாலை யுண்ண

மாறவுங் கழித்து மூன்று வருஷமும் கடந்த தானால்

வீரமா முதகம் பாயும் வேதையு மாச்சு தாண்டே. 

(வேறு- கவி)

பாடல் எண்:- 1808

வாலையபி ராமியெனுங் கமலந் தன்னில்

மலரடியைப் பணிந்துமதி யமிர்த முண்டு

பாலையமிர்த மூலமெந்தன் இல்லற வாழ்க்கைப்

பன்னிரண்டு வருஷமதுஞ் சென்று மேலும்

ஆலவிட முண்டசிவ னருளா லாண்டே

ஆயிரத்து ஐந்நூற்று அறுபத் தொன்றும்

சீலமருள் ஞானவெட்டி நிறைந்த சோதி

சிவசமயந் தழைத்தருள்வாய் சித்தி முற்றும். 

(வேறு- விருத்தம்)

பாடல் எண்:- 1809

முத்து தித்த வெண்மதி யுதித்த சந்திர மால்மயம்

விந்து தித்த நேர்மையால் விளங்கு மிந்நூல் வாய்ந்தனர்

கற்று தித்த சித்தர்கள் கடந்தி டுங்க ருத்தினால்

பத்தி ரண்டீ ராறுங்கூடிப் பலித்த திந்த தீட்சையே. 

பாடல் எண்:- 1810

தீட்சை பெற்றி ரண்டுடன் தசதீட்சை பெற்ற பேர்களும்

தீட்சை யான பேர்தமக்குத் தீங்கு வாரா தாகிலுந்

தீட்சை யாமீ ராறும்பெற்ற சித்தர் கடக தீதமாய்த்

தீட்சை பெற்ற யோகிகட்கு சேத மில்லை யில்லையே. 

பாடல் எண்:- 1811

சரியை கிரியை யோகஞான சங்கைக ளதீதமாஞ்

சரியை யாவ தேதுலக தந்தைவிந்து நாதமும்

சரியையி லுதித்த ஞான சாஸ்திர மறிந்ததால்

சரியை கிரியை யோகஞான சாட்சியிந்நூல் காண்பரே. 

பாடல் எண்:- 1812

நூலறிவ தேதுகா ணுழைந்து பார்த்த பேர்களே

நூலறிந்து பின்பு யோனி நோக்கமு மறிவதோ

வாலை யுந்தன் தாயெனு மறந்ததோ விழியொளி

வாலை யின்வயிற் றில்வந்த வாறறிந்த பேர்களே. 

பாடல் எண்:- 1813

யோனி யாசை தீனியி லுழலு கின்ற மாண்பர்கள் 

யோனி யாசை யாலுயி ரொடுங்கு வாற றிந்திலீர்

யோனி யிலுதித் தபின்னு பஸ்தங் கொண்டு மாய்கிறீர்

யோனி யாசை யும்மறந்து ஊது தாரை யோகமே. 

பாடல் எண்:- 1814

தாரைகொண்டு வூதி யோக சாதனை நிலைத்திடும்

வாதை யேது ஆண்டுபின்பு வாரியால்முப் பாழதாம்

வேறுகூறு மும்மலம் வெறுப்பு கொண்டு மாறுமாய்த்

தேறுங்காய சித்தியெண்சாண் தேகவச்சிர காயமே. 

பாடல் எண்:- 1815

பசைந்த மண்ப ழமலம் பரிகரிக்க வல்லிராம்

இசைந்த தீவி னையிரண் டினிபறந்து ஏகிடில்

பசைந்த மண்ணு தர்மமும் பகர்ந்தகங்கை கர்மமும்

பசைந்த மண்ணுந் தண்ணிகாண் பாரும்உப் பகற்றியே. 

பாடல் எண்:- 1816

உப்ப கன்று கர்மமு முவர்ப்புகார சாரமும்

அப்பு உப்பு மாற்றினா லவர்பெருமை யென்னகாண்

கைப்பு மாற மாறதேக காந்தியென்ன சூரியன்

உப்பு முன்னைக் கொல்லவந் துளவனென் றறியுமே. 

பாடல் எண்:- 1817

கைப்பல்லோ இருந்து உப்பில் காலனாகு மூழ் வினை

அப்பல்லோ இருந்து லோக கானது மழிவதும்

உப்பல்லோ விரக தாப காமித முணர்வதாய்

இப்பொரு ளிருந்தல் லோஎ ழுந்துஎண் சாண்தேகமே. 

கெந்திதிராவகம்

(தரு)

அந்தபரிபூரணகெந்திதிராவகங்காணும்- அருள

அதின்பிரகாசங்காணவாயிரங்கண்வேணும். 

பாடல் எண்:- 1818

இந்திரனுந்துய்யவெண்ணந்தமதியொளியாய்

இந்தவர்ணமுடைத்தால்விந்துநாதநீர்காணும்

இலகுபற்- கதிர்சூரியன்- அழகுமுலசரகும்படி- அந்த. 

பாடல் எண்:- 1819

அந்தமதிசாரநீரமுரிநாலுபடிகொண்

டறிந்துபாண்டத்தில் தாக்கியகத்தியரைப்பணிந்து

அதுபானநீர்- கரமால்கரை- வடினாள்திரி- எடுநாதநீர்- அந்த. 

பாடல் எண்:- 1820

விந்துநாதநீர்கொண்டுவேறொருஏனத்திலூட்டி

சுந்தரப்பூநீர்பலம்பத்தொடுத்துடனும்பின்புகாண்

தொழுதுப்பணி- வழுவாமலும்- பழுதேதுகா- ணிதுவேகமும்- அந்த. 

பாடல் எண்:- 1821

சிந்தையில்லாமல்காணுந் தெளிவாய் மடையன்

சுண்ணம்வெந்துநீறானதுவுமிடவும் பலம்பத்தாகும்

வெகுவாய்கரைத்- ததுமூன்றுநாள்- சொகுசாய்சுத்த- சலநீரது- அந்த. 

பாடல் எண்:- 1822

துய்யகெந்திதனையுந் தோளாந்திரங்கள்செய்து

தூக்கிக்கிழியாய்க்கட்டிச் சுடர்மலம்போல்வன்னி

சொரிந்துகனல்- பொழிந்துகுறி- யறிந்தும்பதம்- மெரித்துத்தணல்- அந்த. 

பாடல் எண்:- 1823

எரியஎரியதணலிதுநீர் தொக்குந்தொங்கிடும்

இனம்பார்கெந்திமெழுகு இளகுமிதனைவாங்கி

எரிப்புத்தனி- விந்துநீர்சல- மிருபத்துட னெருப்பாறியே- அந்த. 

பாடல் எண்:- 1824

காரசாரசெயநீர் கருதுமிந்தநீர்முன்பு

கருநீரெடுத்தோரினவறுநீர் பதனஞ்செய்து

கணக்காயெடு- பலமொன்றது- எனக்கானது- இரவிமதி- அந்த. 

பாடல் எண்:- 1825

இரவிமதியளவாலிருந்தகற்பகாலங்கள்

சுரவிகுளிகையினால்சிவராஜாங்கயோகஞ்

சுழிபேதக- முனைமீதினில்- விழிபார்த்திரு- நடனங்களில்- அந்த. 

பாடல் எண்:- 1826

கெந்திமெழுகுதன்னை முந்திக்கலுவத்திலிட்டு

இந்தநாதநீரிட்டுஇணைவிடாமலொருநாள்

இதுநீர்விட- மயனப்பத- மதுபோல்வரும்- வழித்தேயெடு- அந்த. 

பாடல் எண்:- 1827

மயனங்கொண்டுவாலைரவிதன்னிலும்வருங்காண்

நயனபார்வையுநாடியடிக்கடிவினாடி

ரவிதன்சுடர்- கனலொன்பது- கவியும்பாடி- யருணனொளி- அந்த. 

பாடல் எண்:- 1828

கருவாய்மெழுகெடுத்துக் கருவந்தனிலடக்கி

கம்பியுப்பதுசேர்த்துக் கலக் கஜாமமுமாட்டி

கருதும்பொடி- வருகாண்பதம்- காணுங்கன- வேகத்துடன்- அந்த. 

பாடல் எண்:- 1829

செப்புக்குடத்திலூட்டிச் செம்பினால் வாளைபூட்டி

அம்புமதின்மேல்சோர அடிக்கடியும்நீர்பாய

அனல்கொண்டுட- னொருசாமமு- மனல்சூழ்ந்துடன்- வருந்திராவகம்- அந்த. 

பாடல் எண்:- 1830

தேய்வைச்சேர்ந்தசரக்கில் தீநீர்கெந்திசரக்கு

பாயும்ரோகந்தனிலும் பற்பமதாகுமனேகம்

பரிபத்தது- கழஞ்சாவதுங்- குறியொத்துடன்- குகைக்கிட்டுமே- அந்த. 

பாடல் எண்:- 1831

மேலுங்கொல்லனுலையில் மேவியருகும்பதம்

வேகமாங்கெந்திதிராவகம்விடுங்குன்றியெடைவீதம்

மிதங்காண்குகை- யதமாம்இடும்- வெடிகாண்கெடி- யரைநாழியில்- அந்த. 

பாடல் எண்:- 1832

சித்தர்சாபவிரத்தி செப்புமிந்நூல்வகையில்

உத்தசெய்தியுண்டா மொருதுளியில்வட்டாகு

மூலகந்தன்னில்- தசதீட்சையிது- ஒருதீட்சைகா- னருள்பெற்றிடில்- அந்த. 

பாடல் எண்:- 1833

வெட்டையுருக்கத்தங்கம் வெள்ளையென்னசொல்வேன்காண்

அஷ்டதிசையுஞ்செம்பொ னதிகமாற்றுமிருநால்

அதுகுன்றிடை- பரிவெள்ளையும்- ரசிதமிடை- பதமொன்றுகாண்- அந்த. 

(வேறு- விருத்தம்)

பாடல் எண்:- 1834

வாரிகடந் தோராண்டு மற்றவோ

ராண்டுமுதல் வருக லேசாய்க்

காரியென்ற உப்புசல மமிர்தபா

னங்களினால் களிப்ப தற்று

வீரியமென் னால்விளங்க ஆத்மசத்தி

தேகசுத்தி விளக்க மாகுந்

தேறிடும்பேர் முதற்கொண்டு செல்கையினா

லிருந்தவமுஞ் சித்தி யாண்டே. 

பாடல் எண்:- 1835

பலமதற்குக் குன்றியெடை பரிவெள்ளை

யெனுங்குருவைப் பாச்சு வீராய்

விலைமதிப்பா ரொருவரில்லை வெளிசெம்பு

காண்பதறி தெதிர்வந் தாற்போல்

சலமதுபோல் நீர்தெளியு முருக்கிக்

குழியினில்விடவு மொருப் பிரகாசந்

தளதளென நிகநிகென மகாசூரிய

னெதிர்வருதல் காண்கி லீரே. 

பாடல் எண்:- 1836

நவரத்ன மிதுக்குநிகர் நானிலத்தி

லறிவதுண்டே ரவிகண் தேய்வு

கவையுலகத் தார்தமக்கு எய்திடுஞ்

செம்பது பலங்காண் கனமாய்மூசை

சிவயநம ஓங்கிலிவோம் அம் உம்மென்

றேசெபி இருநூற் றெட்டு

துலவுஅலை கடல்புக்குத் தீவுதீ

வாந்தரத்தில் சொக்குந் தானே. 

பாடல் எண்:- 1837

ரசிதசெம்பு குன்றியெடை தேய்வுசெம்பி

மலமதனில் நாடிச்சொல்ல

உசிதமிது வயதீரையுஞ் சொளிவதுகாண்

சூரியனை யொளித்துப் போடும்

வசியமிதுபவுத்திரஞ்செய் மகாமந்திர

எட்சணியு மருகை யோடும்

பசிவரும்போ திதையெடுத்துக் கரமதனி

லிடும்வழிசெல் பரிதா னாண்டே. 

பாடல் எண்:- 1838

வரித்தவளை யெனுமதுகேள் குழித்தயிலம் 

காட்டெருவாம் வன்னி மூட்டிக்

குறித்தஅந்தத் தயிலமதி லொருபலந்தா

னாகமதுங் கொண்டு மேலும்

விருத்துருக்கித் தயிலம்விடு மேழுவிசை

உருக்குருக்கி விளங்கச் செய்தால்

துரிதபச்சை வண்டதுபோ லொளிவாந்தர

காசமோ கோடி கோடி. 

பாடல் எண்:- 1839

பச்சையென்றஒளிவதுவாம்பரிநின்றகாண்

வர்ணமதுபரிசோதித்தால்

கஷ்டமில்லா நாகபச்சை விலையெல்லா

மதிரவியுங் கடந்து வோடும்

பிச்சையென்று வருமவர்க்குத் திரவியங்கள்

கொண்டுவரும் பேசப் போகா

சச்சரவம் பூண்டசிவ ஞானகுரு 

நற்கமல நான்ப ணிந்தேன். 

பாடல் எண்:- 1840

நாகபச்சைதனைஎடுத்து மூசைதனிலிட்டு

மேன்மேல்நாடி நாடிக்கொல்லன்

வாகதுவா யுலையிலிட்டு உருக்குமுகம்

பறிவெள்ளை வசனி குன்றிப்

பாகமதாய்த் தாக்கிடவும் பரிகோடி

மதிகோடி பானு கோடி

மோகமெனும் மடுத்தகலில் சாய்த்திடவு

நாகசெம்பை மொழியலாமே. 

(கொச்சகம்)

பாடல் எண்:- 1841

மதிரவியு மொன்றாகில் மாளுவதேன் மாள்வதில்லை

விதியிருந்தோர்க் கெய்துமிது வித்ததனா லாவதென்ன

அதிசெயமா லெபிக்குமாண் பிறவி நீயால்

கெதிமோட்ச சற்குருவின் கிருபையனுக் கிரகமதே. 

பாடல் எண்:- 1842

பச்சையிலு நாகபச்சை பரியில்பனி ரெண்டுகளை

வைச்சபொருள் மதிபனார் மாலின் களையிரண்டொன்றாய்க்

கச்சணிசே ரம்பிகைப்பெண் கருணைமதி பானமதை

இச்சையுட னொருமனதா யிருந்திடினுங் காண்கிலிரே. 

பாடல் எண்:- 1843

நாதவிந் தேநரகம் நாறுமலம் போக்கிமறு

சாதனைசெய் தபெரியோர் தாரணி யிலுமறியார்

மாதவிடாய்த் துன்மயமாய் வாறுதண்மை நாதமுன்னுள்

வேதமிந்தப் படியைவிட்டு வெறுங்கூறு மாடினரே. 

பாடல் எண்:- 1844

ஜெகமதிலு நாகசெம்பு சித்தர்செய்வார் வாதிசெய்வார்

அகமாண்ப ராசையினா லம்புவியி லும்மறிவார்

சுகமதனு போகசுக சூழுமன்ன சாரமுடன்

அகமாயு றக்கம்ரவி அஞ்சைவிட வுஞ்சுகங்காண். 

பாடல் எண்:- 1845

இந்தசுக மன்னவித மேகபோக மாயுலகம்

அந்தபரி பூரணத்தை ஆரறிவா ராண்டையேகேள்

விந்தையிது நாகசெம்பு மேவியொரு குன்றியெடை

சந்ததமெ னுங்குடவன் தனித்தொரு பலமதற்கே. 

பாடல் எண்:- 1846

அண்டபிண்டக் கூறறிந்து அக்குகைக்கொல் லன்னுலையில்

விண்டதிது வேயுருக்கி மெய்விழிக்கண் ணாடிவரும்

கண்டவுடன் குன்றியெடை காட்டிடவு நாகசெம்பு

உண்டிடுங் குடவனைத்தா னுகவரைக்கு முண்டிடுமே. 

(கலித்துறை)

பாடல் எண்:- 1847

நீடாழி சூழுங் கதிர்மதி கோடி நிலவொளியாய்

நாடாளும் ராஜ கெம்பீர சிங்க ராஜரிஷி

மேடான மேடி யகத்தீசர் பொற்பதம் வேதரிஷி

கோடானு கோடி அதிவித ஞானகுரு சிஷ்டையே. 

பாடல் எண்:- 1848

ஈரைஞ்சு மாற்று அரைமாற்றுக் கூடி யிருபத்தரை

பாரஞ்சு பூதம் பொன்னிது மாச்சுது பார்தனிலும்

ஆரறிந் தாங்கரை யில்லைகோடி அளவில் லைகாண்

நூறில்லை ராச பயமில்லை மோதிரந் தொடுத்திடுமே. 

பாடல் எண்:- 1849

ஆக்கினை சத்த மறிவுக்கு ஞான ஆண்டவரைப்

பாக்கிய சவுக்கிய மஷ்டாங்க யோகப் பதவியிலும்

நீக்கிய நிராதர நிர்மல சுரூப நிஷ்டைதனில்

வாக்கிய மெட்சணி யுனக்கேவல் செய்குவள் வசனித்தனே. 

பாடல் எண்:- 1850

மேருவில் வாசங் கருங்கூளி நேச மேதினியில்

காருமே வாசங் காட்டக தேசங் கானகத்தில்

பாருமே பாறை பலகோடி வர்ணம் பலவிதத்தில்

பேருமே யொன்று தனியாக நிற்கும் பிறவியதே 

பாடல் எண்:- 1851

இருவினை போக்கிக் காயாதி கற்ப மெய்திடுவோர்

அருந்தவ ஞான ஐயஞ்சு மாற்று அவருளமுங்

கருவியைக் காண்க ஐப்பசி மாசங் கனபிசலில்

குருவனுக் கிரக மெய்மதி யூறக் குணமதுவே. 

பாடல் எண்:- 1852

அவிடம் போய்ச்சேர்ந்து அநேகநாள் வாச மதினருகே

பவுர்ணமி கூடும் நாள்வருங் காலம் பாறையின்கீழ்

அவிடத் தில்சேர்ந்து வலைகொண்டு வீசி அறவுளதாய்

மவுன சாபத்தி னிவர்த்திநா னூறு வசனியுமே. 

(வெண்பா)

பாடல் எண்:- 1853

நாட்டுக் கருங்காக்கை நாயில்கரு நாயானு

பூட்டுங் கரும்பூனை யதன்புகழ்கேள்- நாட்டுகரு

வாலியின் கரிக்குருவி வால்நீண்ட பட்சியதுங்

காலைவிலங்கு மெரியோந்தி காண். 

பாடல் எண்:- 1854

கழுவி லிறந்திடுவோர் கண்டமட்டுந் துண்டுசெய்து

முழுதுமுரலி லிட்டு வோரிடியாய்- முழுதும்

அண்டத் துடன்மழலை ஆறுடனே ஏழாச்சு

என்றறிமூ லப்புளிகா ணீது. 

பாடல் எண்:- 1855

அம்புவியி லெட்சணியெட் டஷ்டசெக சித்துமதும்

நம்பியொரு நாட்டமதாய் நாடினால்- அம்புவியில்

அறுபத்து நாலுமது ஆடுமந்த அஷ்டகரு

துறவிகட்கு வேணுமெனச் செப்பு. 

பாடல் எண்:- 1856

எட்சணிக ளெட்டுக்கு மெண்கருவி யெண்ணெழுத்துப்

பட்சணிக்கு மாகுமிந்தப் பாகம்- தெட்சணிகாண்

அன்னம்வருஞ்சொர்னம்வரும்அயிஸ்வரியக்கியானம்வருஞ்

சின்னவய தாகுமன்னை சொல். 

பாடல் எண்:- 1857

என்னையன்னை யீன்றபல னெவ்விதங்காண் கல்லுரலில்

அன்னைசொல்ல யானறிந்து அஷ்டவிதம்- முன்னையுமே

நாடியியக் கம்பமதனால் நாலிரண்டு எட்டையுமே

சாடிவிடு நாள்மூன்று தான். 

பாடல் எண்:- 1858

காட்டெருவு கொண்டு கண்டதிடம் பாண்டமதில்

நாட்டிமுடி சந்ததமு நாலிரண்டு- காட்டெருகாண்

குழித்தயில மெண்ணதிதங் கோடானு கோடிரவி

பழித்திடலா காதுவன்னி பார். 

பாடல் எண்:- 1859

கெந்திமெழு கெடுத்துக் கேளுமொரு குப்பிதனில்

அந்தரமாய்த் தொங்கவிட்டு ஆனதால்- கெந்திமெழு

குழியில் குழித்தோண்டி கொண்டுகுப்பி பந்தனஞ்செய்

வழியதுவாய்ப் பாண்டம்வைத்து மண். 

பாடல் எண்:- 1860

எருதுகொண் டக்கினியு மிட்டுஅனு போகமதாய்

உருவதுவா யானபின்பு வோசைபார்- எருவதுகொண்

டக்கினியை மூட்டியன லாறி விடும்பதமும்

உக்கிரம தாயிறங்கு மே. 

பாடல் எண்:- 1861

தயிலமிது பதனஞ் சந்தனஞ்சவ் வாதுடன்

மயிலமதி யிலகு மாண்புழுகு- தயிலமது

குங்குமப்பூ கஸ்தூரி கோரோசனையுங் கொண்டுஎடை

அங்கமொரு கழஞ்சி யாட்டி. 

(விருத்தம்)

பாடல் எண்:- 1862

தயிலங் குப்பிதனில் பதன மாமெனவுந்

தயில மானதுவுந் தயிலமாகும்

தணிய வும்மிழிதன் மண்ட லம்பிலகு

சாட்சி பாரதுவு மைபதம்

குயில்கள் போலுமட மாது வம்பிகையின்

குறைவி லாக்கமல பொற்பதம் 

கும்ப மேவிவரும் வாசி வாவெனவுங்

கூறும் ரேசிகண்ட தாரையில். 

பாடல் எண்:- 1863

ஒயில்கள் போலு மசைவாகி யெங்கும்

வளரொவ் வொன்றூதிடு மூதிடு

ஓங்கா ரமூலகனதேவ தேவகுருவ

உழ்வொன் றூதிஉருத் தாக்கவும்

கயிலை மேவுசுழி வாலை புவனையருள்

கமல மும்பணிந் தெழுவதாய்க்

கருணை திரிபுரையும் யேந்தி ரியாமளையும்

வராகி சாமளையு மேழதே. 

பாடல் எண்:- 1864

சாகாதே வியருள் பாத பங்கயமுந்

தாள்ப ணிந்துமதி மலர்தொழும்

சனகா திரிஷி கள்பதி னெண்பேர்

கமலபதஞ் சரணபரிபுர சற்குரு

அக்க ரங்கள்பிதுர் துர்க்கி சாமுண்டியு

மாயி ரந்தலைகல் லெறிவனும்

அகோர வீரஅனு மந்த னோடுகுட்டிச்

சாத்தி யுமஷ்டப யிரவர். 

பாடல் எண்:- 1865

சக்க ரங்கள்சுழிக ணேச சுப்ரமண்ய

சாடன் மாடன்வே தாளமும்

சத்தி யெட்டுகரு பதுமை யோடுசெப

மணியு மெட்டுஅஷ்ட திசையதும்

உக்கிர சீலையிரு நாலு டனதித

ஓரிகண் டதுகை யாசனம்

உண்மை யுண்மையஷ்ட எட்சணிகளது

உனையும் விட்டு அகலாதுமே. 

பாடல் எண்:- 1866

கட்டி வாமெனவு மோதி ரந்தனையுங்

கருவி மைதடவி கரமதில்

இட்டு ஸ்திரீகள்தனை முகம லர்தடவி

யிடது கைப்பிடியும் வாவெனவும்

கெட்டி காரனெனும் பின்து டர்ந்துவரு

வார்கள் மாதர்களின் பேதமை

அட்டி யேதுஅவ ரிட்ட ஆபரண

மாதி தம்முனக்க ளிப்பரே. 

பாடல் எண்:- 1867

சார்வ காலமுனை தழுவிபின் தொடர்வர்

சரணஞ் சுவாமியெனை ரட்சியும்

பார்வை வைத்துஅடி யாளைக் காத்துப்பர

கெதிக்கு ளாய்வழிதன் பாலியும்

தார்பு விகள்மலை மிருக மாதலவர்

சத்தி ராதிகளுன முன்வரும்

ஆர பாரமிருக ஆனை யோடுபுலி

யனேக மிருகமுதல் வசியமே. 

பாடல் எண்:- 1868

ஆனை வாவெனவு மோதி ரக்கரமு

மதித மாகஅதின் மேல்பட

வான மேவும்புவி சூழும் பின்துடர

வாருஞ் சுவாமியெனை வாழ்வியும்

நானு முன்பிறகு நாடி யும்வருதல்

ஞாய மாவென்தன் ரட்சியும்

சேனை யானைமுதல்  சர்வ மிருகங்களுந்

தேடி யும்வருவர் தேவரா. 

பாடல் எண்:- 1869

பரிட்சை பார்பரியன் மோதி ரந்தனையும்

பத்தி யுமொருவர் கரமதில்

துரித மாகயிதில் தயிலம் பூசியொரு

சின்ன பையல்கரந் தன்னிலும் 

வரிசை யாயவர்தன் கரமு மேவிவிட

மான கர்க்கடைப ஜாரினில்

குழிசி ராப்புகரங் கொடுத்து மாறிவிடு

குணம தாம்வயது பத்துமே. 

பாடல் எண்:- 1870

மாறி வும்வரவுந் தேடி ராவுதனில்

வசிய ஓம்ஶ்ரீயும் வாவெனும்

வசிய மாம்பரிதன் மோதிரங்கள் பையும்

வங்குசிங் கெனவும் வருதலாய்

ஏறியுமேயுனது இல்லந் தேடிவரும்

எமசொர்னமெனும் ரசிதமும் 

இனிய தோரளவை ஆதி தங்களுமே

யாவ துமுனது சொந்தமாம். 

பாடல் எண்:- 1871

வெறிகள் கொண்டுமிக வேதையாகிசெக

மேவியோடியலை வார்கள்தான்

மீறிப் பேய்களது வாடி யோடியழு

மேவு ஞாயமது போலெனத்

தேறுந்தேறுசெக ஞானபண்டிதர்கள்

தெட்சணாயனருள் கிருபையால்

தேச தேசரச வாத யோகிகளுந்

தேறுந் தேறுஞான வெட்டியே. 

(வேறு- விருத்தம்)

பாடல் எண்:- 1872

கெடிதன் சூரான மோடி வைக்கும்விதங்

கேள்வி நாடதிலுங் கெடியதாம்

கேளுங் கேளும்பெரி யோர்கள் செய்கைதனைக்

கேட்டுங் கேள்வியது மில்லையோ

நாடியுஞ்சபையில் மோடி காரர்வரும்

நானெ டுப்பனெனு மோடிதான்

ஞாய மாகவரு வார்கள் தானெனவும்

யானு மேவிசபை மோதிரம்

சாடி மஞ்சளினில் பசுமை காணரிசி

தயில மேவியதைத் தடவியும்

தரணி மீதில்பவுத் திரத்தின் மோதிர முந்

தயிலந் தொட்டுதனை யெரியவும்

மோடி மோடியெடும் பேர்கள் மீதிலெறி

ஓகோ செங்குளவி வண்டெனும்

ஒருகோடி கோடிகோடி குளவி வண்டுகளு

முயிர்வ தைத்துஉடல் மாயுமே. 

(வேறு- விருத்தம்)

பாடல் எண்:- 1873

மோதிரமு மெடுக்கவரு வோர்களதன்

சேஷரிசி மொழிவீ ராகில்

வீதியெல்லாங் கருங்குளவி செங்குளவி

கருவண்டு வீசிக் கொட்டும் 

சாதிபுளி யிலையுருவித் தயிலமது

பிறட்டி சபை யோரஞ் சென்று

பேதியிலை தூவிவிடத் தேளரணை

காலிசெய்யா னரவந் தானே. 

(வேறு- விருத்தம்)

பாடல் எண்:- 1874

குளவிவண்டெனுஞ் செங்கு ளவியோடு

கொடூரமானவிஷ மதீதமும்

கொட்டுந் தேளரவ காலி செய்யானுடன்

கொல்லு மாகிலெரி மண்டலம்

அளவி லாதித அரவஞ் சூழ்ந்திலு

மள்ளி சேஷரிசி தூவிட

அகோர மானபுர மெரிவு தேகமெது

கூற றிந்துஎடுப் பார்களோ

நளின மாகவுங் கமல பாதமதில் நமஸ்க

ரித்து அடிதொழு திட

ராஜ ராஜாமகிழ் மோடி யாமிதனை

நாமி தெங்குமறி யோமென

வளமி தாகுமொரு நாக செம்படைய

வசிய மோதிரமும் வாங்கிடில்

மையெ னுந்தயிலம் விசரி மோதிரமும்

வைத்தெ டுமெனவும் வாழ்த்தினார். 

(வேறு- விருத்தம்)

பாடல் எண்:- 1875

வாழ்த்தி னாரெனை மோடி யெடுப்பவர்

மணலை யள்ளியதில் கருகூட்டியுந்

தாழ்த்தி யோம்சாம ளாதேவி சாம்பவி

சவ்வும் ஓம்சிவசங் கரிநசமசி

போற்றி யம்மம்ம சர்வ காரணியம்ம

போட்டெவு பெருங்காற்று மழையுமாய்ச்

சாத்தி னார்கக்கி ரெத்தங் களாகிச்

சபைக ளெலாஞ்சற்றுச் சிரிப்பார்களே. 

பாடல் எண்:- 1876

மண்ணை வாரிமலை போலவும் போடுவாய்

கண்ணுங் கெட்டுக்கடக் கப்போ வார்கள்காண்

சொன்ன மோடிசுக்கல் சுக்க லாகுமாய்ச்

சோப தாபந்துயரப் படுவர்தான்

என்ன மாயினி யிவ்வித மாகினால்

ஏக்கங் கொண்டுவிளைத்துள றுப்பர்காண்

அன்ன வாலை யருகி லிருந்துமே

முன்ன மேமொழி முத்திய ளிப்பதே. 

பாடல் எண்:- 1877

இந்தமோ டியெடுக் கும்சபை

விந்தையால் குழி வட்டிச் சதுர்த்திசை

அந்தமா கக்கழற்சி யின்காய் தனில்

ஆறுமே யறியாமலு மார்க்கமாய்த்

தொந்த மாகத் துப்பாக்கி மருந்துகாண்

சோதித்தே பலமஞ்சு அந்நூறதும்

தந்திரம்மிது தார்புவி மூலைநால்

இந்தவித மியம்பிடீ ராண்டையே. 

பாடல் எண்:- 1878

நாலுமூலை நடுமையவாமிது

நாடியேகரிவாலைபந்தனம்

தேடிடாமலுஞ்சீலைமண்மூடியுஞ்

சேருங்கில்லுசிறுகத்துவாரமாம்

வாலதரகவளமெனும்நூலினால்

சீலதாமச்சிரங்களைப்பாய்ச்சியும்

நூலுமேலும்நுனிதெரிந்தேவிட

காலமேகளி மண்ணினால்பந்தனம்

வேலையாயிவெளியிதையானருள்

வீதியில்விரும்பாமலொளித்திடே. 

பாடல் எண்:- 1879

கதிரவனொளிகாலையில்மோடிதான்

அதிரவுமிடியாகாசமாகவும்

பதறிடாமலும்பாரில்மகாசனம்

பக்கஞ்சூழப்பலபேரதிதமும்

விதியதாகவிட்டெறிபச்சிலை

கெருடனாயிரங்கிலியுஞ்சவ்வுமெனும்

மதியிலாடுமகாமந்திரத்தினால்

கதியவுங்கல்வத்திக்கருதுமே. 

பாடல் எண்:- 1880

கருதும்வன்னிகனல்படவத்தியில்

விருதுமோவெடிசத்தங்காணுமாய

துரிதமாகுந்துப்பாக்கிமருந்தினால்

தூக்கிவாரிச்சுடர்புகைசூழுமாய்

அரிதுகாய்களதுவெடித்தங்ஙனே

பொருதுமேபொடியாகவுந்தூசிபோல்

சுருபமோடியைச்சூழ்ந்தசபையெலாம்

சொக்கியோடிச்சுழன்றலைவார்களே. 

(விருத்தம்)

பாடல் எண்:- 1881

சபைதனி லிலகு மாண்பர் சனங்களு மோடிப் போவார்

அபையமென் றழுது போடிப் பரிதவித் தலைந்து போவார்

உபையமாங் கழற்சிவித்தை யொருநொடிக்குள்ளேதானு

சபையெனுஞ் சூக்ஷ மோடிச் சூஸ்திர மறிந்தி டீரே. 

பாடல் எண்:- 1882

வணக்கமாய் மோடிக் காரர் மலரடிக் கமலம் போற்றி

இணக்கம்வைத் தெங்க ளைத்தானிடரது வருகா மேலும்

அணுக்கமா யடியோர்க் காக நுண்கருத் ததனை வைத்து

அணுக்கமா ருள்வைத் தேதா னாதரித் தருள்செய் விரே. 

பாடல் எண்:- 1883

செய்கையின் கருத்தினாலுஞ் சேவடி வணங்கும் போதில்

வையக மனித ரெல்லா மகாமோடி வைத்தா ரென்று

மையெனு மகிழ்ந்து மேலு மிணையடி தொழுதா ரென்றால்

சையெனமோதிரத்தைக்ஷணம்வையாதெடுத்துப்போடே. 

பாடல் எண்:- 1884

எடுத்துவிட் டியம்பக் கேளீ ரினியதோ ராவின் பாலில்

விடுத்துடன் மோதி ரத்தை விட்டுமே கழுவிப் போட்டுத்

தடுத்தும்ஓம் சிங்வங் ஶ்ரீயுஞ் சக்கரம் ராரா வென்று

தொடுத்துட னுருவஞ் செய்து திருநீறு மவர்மேல் வீசே. 

பாடல் எண்:- 1885

வீசிடும் போதி லுந்தான் எரிசுர மிரத்தங் கக்கல்

தூசியாய் விடுபட் டேபோஞ் சுகமெனும் சபஸ்தம் வாறே 

ஏசிடு மவர்க ளைத்தா னிருத்திடுஞ் சனங்கள் யாவும்

பேசியே ளிதங்கள் கோடிப் பின்புரைத் திடுவ னாண்டே. 

பாடல் எண்:- 1886

தயிலமும் வாங்கி நெற்றி தனிலொரு பொட்டும் போட்டு

அகிலமாம் புவனந் தன்னி லப்புவி யரசர் வீட்டில்

கயிலைநா தனையும் போற்றிக் கடவுளின் கமலம் போற்றித்

தொழிலெனும் வேண செம்பொன் தூக்கியும் போகலாமே. 

பாடல் எண்:- 1887

போனதட் சணத்தில் காணும் பொக்கிஷ மாந்தங்கொண்டு

தேனெனும் ராஜதேவி ஸ்திரீயுமுன் கரத்தால் தொட்டால்

மானெனுந் துடரு வார்பார் வரவழைத் துடனுஞ் செல்லத்

தானெனும் வசிய மாகிச் சதா காலம் பிரியாள் தானே. 

பாடல் எண்:- 1888

மையெனுந் தயில வித்தை மகாஜால மாடும் மாடும்

சையெனுந் தாயைப் போற்றித் தனதுமோதிரத்தைத் தாங்கிக்

கையெனுங் குறுவை வைத்துக் கனகமும் வாங்கி மேலும்

செய்கையா யுனது வில்லந் தேடியும் வருவார் தானே. 

(கொச்சகம்)

பாடல் எண்:- 1889

நாடியல்வந்  தேடிவர நான்குதுவை வைத்தநகை

வாடியவர் கிலேசமிட வந்துவிடு மில்லமதில்

ஆடிதிரு வம்பிகையி னாத்தாளைப் போற்றிசெய்து 

மோடியெனு மிந்தவித்தை விவேகிகளைச் செய்துமதே. 

பாடல் எண்:- 1890

பாடியமோ திரத்தைப் பத்திரமாய் வைத்திடிலுங்

கூடியருள் தந்தவித்தை கோடானு கோடிவரை

வாடாமல் சித்துவித்தை வையமதி லும்மதிகம்

வீடுகள்தோ றுஞ்சுவைகள் வேண்டியழைத் தேயிடுவார். 

பாடல் எண்:- 1891

வேண்டியெனையாண்ட குருவிவேகமதால் யான்தெளிந்தேன்

ஆண்டேயென் சற்குருவால் அகத்தியரை யான் பணிந்தேன் 

தூண்டுகுரு மாமுனிவர் சூட்சஉப தேசமதால்

ஆண்டி வேஷம் பூண்டுமதி ஆராய்ந்தேன் பூரணமே. 

பாடல் எண்:- 1892

ஒன்றான பூரணத்தை யோகவிதி காரணத்தால் 

அன்றாட மென்மதியா லாய்ந்துவுட லாத்துமத்தை

வென்றேன் வினைப்பயனை வேதனை சாரமதுங்

கண்டேன் கருவிதொண்ணூற்  றாறுங்கடந் தேன்சுடரே. 

பாடல் எண்:- 1893

சுட்டுவிட்டே னுப்பதனால் தொண்ணூற் றறுவரையும்

மட்டுமித மில்லாத வாரியுப்பை நீற்றிவிட்டேன்

சுட்டுக் கழன்றதுகாண் கருநீ றமுரியினால்

விட்டகுறையாலும்விந்து தொட்டதெல்லாம் பொன்மயமே. 

(கலித்துறை)

பாடல் எண்:- 1894

பொன்மயம் பூண்டு மனோமய மாகிய பொக்கிஷமுந்

தன்மயம் பூண்ட மதிபலங் கார தற்பரத்தில்

தன்மய சற்குரு ஞானப் பிரகாச நாதவிந்தால்

சின்மய மாச்சுது சிற்பர சுரூப சிவசிவமே. 

பாடல் எண்:- 1895

சுரூப சுரூப சூட்ச சடாதார சுகாதிதம்

நிருபகிரு பாகர நிரஞ்சன நிர்க்குண நிராதரமுங்

குறுமுனி யாதி தமிழ்மொழி ஞான குண்டலிக்குஞ்

செயசித்தி முத்தி யருள்பெற்ற பேர்க ளதிசயமே. 

பாடல் எண்:- 1896

ஜெயசித்தி முத்தி யருள்ஞான தீப சிவபதங்காண்

பயமற்ற போதி லிராப்பக லொன்று பகரறியும்

பயமற்றும் போச்சு வலுவாகு தேகமும் வச்சிரமாம்

சயனத்தி லாடவும் அம்பிகா யோக சவுக்கியமே. 

பாடல் எண்:- 1897

ஆண்டாண்டு ஒன்று அதுமூன்று ஆண்டி லசவதுவும்

நீண்டாடி நின்று நிலையொன்று மூல நிலையிலிரும்

ஆண்டாண்டு அண்டி லம்பிகா யோக மறுவதனில்

தூண்டா மணிவிளக் கேற்றிய தீபச் சுடர்கெதியே. 

பாடல் எண்:- 1898

செடியான சித்து அறுபத்து நாலுங் கிரகிக்கவும்

துடிதபற் றறிந்து அதினதி னுள்ளதுன் பங்களெல்லாம்

படி படி யாய்ந்து கருக்கண்டு தேறிப் பலகலையும்

முடிப்பித்து ஞான முத்தியுண் டாக்கு முனைசுழியே. 

(வெண்பா)

பாடல் எண்:- 1899

முத்தி சித்தியுண்டா மூலச் சுழி நடுவில் 

சத்திசிவம் ரெண்டுமொன்றாய்த் தான்தோற்றும்- நித்தியமும்

காலை யொடுமாலை கண்டமதி லும்மசவு

வாலைவய தாயிது மாற்று. 

பாடல் எண்:- 1900

மாற்றும் வகையறியார் வாசியெனுங் காணளவு

பார்த்துக்கொண்ட தாரைவிடாப்பாலித்து- மாற்றும்வகை

அன்னைக்கண் ணாட மசவு மதுபிரியா

விண்ணையொட்டி வாசிகட்டு மே.