திருவள்ளுவரின் ஞானவெட்டியான் பாடல் எண் 1701- 1800

பாடல் எண்:- 1701

பேதாபேதம்பெரியோர்கள்விளக்கிய

நாதவிந்துரகசியமறிந்தபேர்

வேதசாரமெய்ஞ்ஞானவெட்டிகாண்

பாதைபாதைபெருநூலிதுபாதையே- நவ.

(விருத்தம்)

பாடல் எண்:- 1702

பேச்சுரையின் குடுக்கைதனில் குளிகை தாக்கி

லெருவையகத் தீசர்பதந் தொழுது போற்றி

வாச்சுதுநா லாயிரத்து நானூற் றுக்கு

மேல்வருசொச் சம்நாற்பத் தெட்டுவருநோய்க்கெல்லாம்

போச்சுதுகாண் சிவயநம வென்று இஞ்சிப்

புகழ்பெறவுஞ் சுரசமதில் புகல்வீ ராகில்

மாச்சிடுவிடும் பயறளவு முள்ளுக் கேற்ற

வாதத்தா லெடுத்தசுர சன்னி போமே. 

பாடல் எண்:- 1703

பித்தசுரஞ் சந்நியதுக் கிடுமே தேனில்

பிசகாது பயறளவு பின்வாங் காது

உத்தவினைக் கொருவேளை யூட்டும் போது

உடலிலுள்ள சுரதோஷ மோடு மாகில்

செத்தசவ மானாலு மெழுந்து குந்தும்

சிலேத்துமசுர சந்நியதுக் கிடுவீ ராகில்

பற்றறறுங்காண் முலைப்பாலில் பயறுப் பிரமாணம்

பறத்துவிடு மேகசுரம் பாய்ந்து போமே. 

பாடல் எண்:- 1704

சுக்குடனே திப்பிலியு மிளகுந் தூளாய்த்

தொந்தித்துப் பயறளவு குளிகை யூட்டி

இக்குவையா யிஞ்சியதின் சுரசந் தன்னில்

இயம்பிடுமே யொருவேளை யிதுவுண் பீராய்ச்

சொக்கிவிடும் விக்கல்சத்திக் குன்ம மெட்டுஞ்

சூலைபதி னெட்டும்பறந் தோடுங் கண்டாய்

பக்குவமா யமுதுகொள்ளு மிச்சா பத்தியம்

பதார்த்தமென்ன இறைச்சிமீன் பகரா தென்றே. 

பாடல் எண்:- 1705

பறங்கியொடு சித்தரத்தை மிளகுஞ் சுக்கும்

பற்பமதாய்ப் பொடிசெய்து பயறுப் பிரமாணம்

திரமதுவா குளிகையிட்டுத் தேனு மூட்டித்

தீண்டிடுவா ராமாகில் தினமு மொன்று

குலைநோய்கள் குமரகண்டன் முசல்வ லிப்புக்

குஷ்டம்பதி னெட்டுமது குடிபோங் கண்டாய்

அறம்வளர்த்த அம்பிகைப்பெண் ணருளால் சொன்னேன்

ஆண்டையினி மதிதமெல்லா மருளு வேனே. 

பாடல் எண்:- 1706

காயமொடு திப்பிலியு மரத்தை சுக்கும்

கருதுங்கொடி வேலியின்வேர் பட்டை யஞ்சும்

சாயமுடன் வகைசமனாய் வறுத்துத் தூளாய்ச்

சாற்றிடிலுங் குளிகையொன்று தாக்கி மேலும்

உபாயமுடன் வெருகடிப்பிர மாணந் தன்னில்

ஊட்டிவிடு மொருதினத்தி லோடும் வாய்வு

அபாயம்வரு காதுஅசீ ரணமும் போகும்

ஐயிரண்டு வாய்வதுவு மகலு மாண்டே. 

பாடல் எண்:- 1707

மிளகருணை திப்பிலி லவங்கத் தோடே

மிளகுடனே சரிசமனாய் பொடிதான் செய்து

களங்கமில்லா ஆவினுட சுருதந் தன்னில்

கருதியுமே குளிகையொன்று காட்டி மேன்மேல்

விளங்கிடவு முண்டிதனை யிச்சா பத்திய

மிதுவருந்த நோய்களது விடுபட் டேபோம்

துலங்கிடவுஞ் காசமறுஞ் சயகாசம் போம்

சுழற்றலொடு பயித்தியமுஞ் சுவறிப் போமே. 

பாடல் எண்:- 1708

கடுகுரோ கணியதுவு மிளகுஞ் சுக்கும்

கண்டுபரங் கியுங்கடுக்காய்க் கஸ்தூரிமஞ்சள்

இடுமிதனைச் சரிசமனாய்ச் சங்கன் சாற்றி

லிட்டரைத்துப் புன்னைக்கா யளவு நேர்மைக்

கெடுதியில்லா அவ்விலைச்சா றதனி லூட்டிக்

கிலேசமில்லாக் குளிகையொன்று கிளர்த்துங் காலை

விடுமவிழ்தம் பாண்டுவிஷப் பாண்டுக் கேற்ற

விப்புருதி சோகைமுதல் விலகு மாண்டே. 

சிங்கி பஸ்பம்

(தரு)

சிங்கிபற்பமுஞ்சொல்வேனாண்டே- மிருதார்சிங்கி

ஜெயவிஜயசுன்னங்காணாண்டே. 

பாடல் எண்:- 1709

செங்கமலபூபதிகங்கைநதிபெருகும்

பொங்கடல்சூழ்வாரிசெங்கநதியில்வளர்

எங்கும்பரிமளசுகந்தசவ்வாதுவீசும்

குங்குமசந்தனகெந்தமெங்கும்வாசமேவிய- சிங்கி. 

பாடல் எண்:- 1710

தங்கமெனுமம்பிகைபன்னிரண்டாண்டுமுதல்

கொங்கைமதுவின்பந்திங்கள்மதியுணரும்

எங்கலியுமிவளாலிறவாதுடலுயிரும்

இருக்காயசித்தியுமுருக்கமதாயளித்தாள்- சிங்கி. 

பாடல் எண்:- 1711

சந்திரபுஷ்பகரணியில்ஸ்நானபானங்கள்செய்து

உந்தியின்மூலாக்கினை கொண்டுணர்ந்துவாசியோகத்தில்

இந்திரபதவிபெற்றுஇரவியெனும்புளியை

அந்தியிலுணர்ந்துமாலையசடில்லாமலுங்காணும்- சிங்கி. 

பாடல் எண்:- 1712

மந்திரபஞ்சாட்சரத்தைமதியும்ரவியிதென்று

மறவாமலுங்குருவின்துரைசாமியின்சொல்வாக்கால்

சந்தையப்படாமலும்மூலசரக்குமமுரியுண்ட

சாதகத்தாலெனதுசரீரமிதாச்சுதாண்டே- சிங்கி. 

பாடல் எண்:- 1713

மதியென்றமுரிநாலுபடிநீர்பாண்டத்திலிட்டு

விதியென்றதும்ரவிவிளங்குமிதிலொன்றிட்டுப்

பயதிவதுகரைத்துப்பாகமதாய்வடித்து

அதனைமூன்றுநாள்வைத்துஅளவாய்த்தெளிவிறுத்து- சிங்கி. 

பாடல் எண்:- 1714

நீதியாய்வீரமுஞ்சாரநேர்சமானதுசீனமுங்

கெதியாய்ப்பலம்வகைக்குக்கெணிதம்பொடியாய்ச்செய்து

அதிதகாரசாரநீரளந்துபடிதான்வாங்கி

மதுரமாகும்வெள்ளைவிளங்கும்பீங்கானிலிட்டே- சிங்கி. 

பாடல் எண்:- 1715

காரசாரமதுநீகருவியபீங்கானிலிட்டு

நீரதனில்பொடியைத்தாக்கிநெறியாய்ச்சொல்வேன்கேளி

கூறயான்மிருதார்சிங்கிக்குணமாய்ப்பலமிரண்டு

வீரமாய்ச்செயநீரிலூட்டிச்செலுத்துஞ்செயநீரிலாண்டே- சிங்கி. 

பாடல் எண்:- 1716

சீராயக்கம்பினால்செயநீரதைக்கலக்கிப்

பாராயமுப்பூவின்சுண்ணம்பாய்ச்சிடுகழஞ்சியிட்டு

வீராய்க்கதிர்முகத்தில்விசிதநானாக்குநாளும்

பேராய்வற்றவும்விட்டுப்பீங்கான்பதனம்வைத்தே- சிங்கி. 

பாடல் எண்:- 1717

வற்றவைத்தொருபட்சம்வகையாய்ரவிமுகத்தில்

முத்துமுத்ததுபோலுமுனையில்சுற்றிக்கட்டுங்காண்

சித்தர்சொன்னமறப்பைத்திருவள்ளுவனும்விண்டேன்

பற்றிடுஞ்சுற்றிலும்காணும்பசுவின்வெண்ணெய்போலாண்டே- சிங்கி. 

பாடல் எண்:- 1718

நித்தநித்தமூடியயக்கரண்டிகொண்டுவழித்துச்

சித்திபெறவும்பீங்கான்சிறுசாயதனிலிட்டுச்

சுத்தவெண்ணிறவதாய்த்துலக்கமாகுமதிபோல்

வைத்தமருந்தாதீதம்வருகும்வெண்ணெயெடுத்தே- சிங்கி. 

பாடல் எண்:- 1719

சித்திரைவைகாசிநாளில்திறமாய்க்கதிர்முகத்தில்

வைத்திடும்வெண்ணெயைவாரம்வைக்கவைக்கவெளுப்பாம்

புத்துப்போலவுங்கண்டால்பின்னும்வைத்திடும்வாரம்

சுத்தவெண்ணிறமதாம்சிங்கிசுண்ணமிதாண்டே- சிங்கி. 

பாடல் எண்:- 1720

பற்றுப்படாமல்வெள்ளைபரிவாய்க்குப்பியிலிட்டு

நித்தம்பூசித்துவாலைநேமியருள்பதங்காண்

கர்த்திகத்தினருளால்கண்டேன்சிங்கசுண்ணத்தை

விந்துவெனுமமுரிவிந்துநாதத்தாலாச்சே- சிங்கி. 

பாடல் எண்:- 1721

நவலோகங்களும்பற்பம்நவரத்தினமும்பற்பஞ்

சிவமுஞ்சத்தியுங்கூடிச்சேர்ந்துசிங்கிமுப்பாச்சு

புவனந்தனிலும்பொருள்கண்டுரைசெய்வார்களோ

கெவுனாதிகளானாலும்கிலேசப்படுவார்காணும்- சிங்கி. 

பாடல் எண்:- 1722

தவத்திலதிதவந்தரணிதனிலென்னகாண்

மகத்துவக்களுமென்னமதிரகவிகடின்வாயு

கூகவத்துவங்களுமில்லைகற்பகாயசித்தியால்

சவமாகிலுமெழுந்துசற்றேபேசிடுமாண்டே- சிங்கி. 

பாடல் எண்:- 1723

வாய்மொழியால்படித்துவாதாடுவாருலகில்

தாயுந்தந்தையுமல்லாத்தான்பிறக்குமோகிள்ளை

நாய்போலுமேகுலைத்துஞானவாக்கியமெல்லாம்

பேய்போல்தெருத்தெருவாய்ப்பிதற்றிடுவார்களாண்டே- சிங்கி. 

பாடல் எண்:- 1724

பாயுமில்லாமல்கப்பல்பறந்துவிடுமோசும்மாய்

பாருஞ்சக்கரமில்லாப்பாய்ந்திடுமோவண்டிகாண்

நீயும்வாசியில்லாமல்நேராய்நடக்கலாமோ

தூயவெளியென்னவார்சுக்கிலசுரோணிதமாண்டே- சிங்கி. 

பாடல் எண்:- 1725

அன்னமேயம்பிகைமாதுஅமுரிமுலப்புளியும்

ஆரறிவார்களிந்தஅதிசூக்ஷத்தைக்கண்டு

சொன்னேன்மெய்ஞ்ஞானசூக்ஷஞ்சுழியின்முனையதுக்குள்

சூதவிந்தறிந்தால்வாதமேவல்கள்செய்யும்- சிங்கி. 

பாடல் எண்:- 1726

உன்னிதமெனும்பரிதானுருக்கித்துட்டதுபோலும்

ஒருபலத்துக்கெண்ணரையகலமுற்பனங்காணும்

இன்னமிருதார்சிங்கிசுண்ணம்எடுத்துக்கழஞ்சியெடை

உன்னுமிநீர்க்குழைத்துஉருத்தெரியாமல்பூசே- சிங்கி. 

பாடல் எண்:- 1727

பூசிடும்ரவிமுகத்தில்புகலும்பரியுலர

வீசிடுங்கற்பூரமெனும்வெற்றிலைமுதுகாலதும்

மாசியாட்டிக்கவசமதின்மேல்சந்துக்களில்லா

வாசிமண்சீலைசெய்துவதுதெசப்புடமாண்டே- சிங்கி. 

பாடல் எண்:- 1728

வீசியாறியனல்பின்விதமாயெடுத்துப்பாரு

மாசில்லாமலும்பாதான்மலர்ந்துபற்பமாகும்

வேசிவாலையின்மூலநேசத்துடனே

வாசிநாசிநுனிமுனைமேல்வாசியோகங்களாண்டே- சிங்கி. 

(வேறு- விருத்தம்)

பாடல் எண்:- 1729

ரசிதமது பலமதுக்கு மிருதார்சிங்

கிச்சுண்ண நளின மாகும்

விசிதமொரு கழஞ்சியெடை யுமிநீரில்

குழைத்ததற்கு மேலும் பூசி

வசியஉத்தா மணியிலையை யரைத்துநன்றாய்க்

கவசமிட்டு மண்ணுஞ் சீலை

முசியாமல் செய்துதெசப் புடந்தனிலு 

மிவைநீற்று மொழிந்தி டீரே. 

பாடல் எண்:- 1730

வெள்வங்கம் பலமதற்கு மருதார்சிங்கிச்

சுண்ணம்வி ளங்கி டீர்கண்

களங்கமில்லாக் கழஞ்சியெடை உமிநீரினால்

குழைத்துக் கருதி மேலும்

விளங்கும்விஷ்ணு காந்தியரைத்தது கவசஞ்

செய்துமிக விளங்குஞ் சீலை

குளிக்காமல் தெசப்புடம்போட் டெடுத்து

வெகு பதனத்தாக் கூறுவீரே. 

பாடல் எண்:- 1731

கருவங்கம் பலமதற்குச் சிங்கிசுண்ணங்

கழஞ்சியெடை கணக்காய்க் கொண்டு

உருவஉமி நீர்விட்டு மேல்கீழும்

பூசியுரு தெரிய லாகா

அருவான சடைக்கஞ்சா அமுரிவிட்டு

அரைத்துரெண் டடையாய்த் தட்டி

விரிவில்லா மற்கீழும் பதியசந்து

தெரியாமல் விளங்கு வீரே. 

பாடல் எண்:- 1732

மண்சீலைசெய்து தேசப் புடந்தனிலு

நீற்றியதை வளமாய்வைத்து

உணர்வாகத் தாம்பரத்தி லொருபலங்காண்

கழஞ்சிசுண்ணம் உமிநீர்விட்டு

எண்ணமில்லா விதைக்குழைத்துப் பதியசந்து

மூடியதற் கினிமேல் காணும்

விண்ணெனுமோ ரிலையரைத்து உமிநீரிற்

குழைதன்மிகக் கவசஞ் செய்தே. 

பாடல் எண்:- 1733

அதிதமருந் ததனையிரு அடையாகச்

செய்துஅதுக் குள்ளே தாக்கிப்

புரைவருகா மண்சீலைசெய்து தெசப்

புடம்போட்டுப்பின்பு காணும்

முரையனும்பா யுரும்மதற்குச் சிங்கிசுண்ண

மொருக ழஞ்சியுமிநீர் விட்டு

திசையெனுமில் லாமல்படி குழைத்துஅதன்

மேல்பூசித் தெளிவாய்த் தானே. 

பாடல் எண்:- 1734

கறுப்பதுகாண் வசளையது கைப்புமலை

தனிலிருக்குங் கருவாய் கண்டு

உறுப்படியு முனதுஉமி நீரதுவிட்

டரைத்து வுள்ளங் கீழுமேலும் 

அறுபடிரெண் டடைநடுவில் பதியவுங்காண்

வைத்துமண் ணுஞ்சீலை செய்து

துரைப்படியும் பிசகாமல் தெசப்புடத்தில்

நீற்றியதைச் சுண்ணஞ் செய்வார். 

பாடல் எண்:- 1735

எழுகுஒரு பலமதற்குச் சிங்கிசுண்ணங்

கழஞ்சியெடை யியம்புங் காலை

அழகுபெறு முனதுஉமி நீரதனால்

குழைத்துஅதின் மேலும் பூசி

உழலைவரா தெட்டியெனுங் கொழுந்திலுமி

நீரதுவிட் டுருவா யாட்டிப்

பிழைவரு காதடையில்வைத்து சீலைமண்செய்து

தடக்கமதாய் புடந்தானாண்டே. 

பாடல் எண்:- 1736

போட்டெடுக்க அயச்சுண்ணம் பொருமியது

பொற்பத மாய்ப்பொறி போல் நீறு

மூட்டிடவுங் காந்தமொரு பலமதற்கு

ஒருகழஞ்சி யுமிநீர் விட்டு

வாட்டிடவுங் குழைத்துவரி தெரியாமல்

பூசிவன்னி முகமே வைத்து

மேட்டியெனும் விழுதியிலைக் கொழுந்துஉமி

நீரதுவால் விட்டு ஆண்டே. 

பாடல் எண்:- 1737

இரண்டடைதான் செய்துநடுவில் வைத்து

பதியவுமே யியல்பாய்ச் சீலை

திரளவுங்காண் தெசப்புடத்தில் நீற்றி

யெடுத்திங்கள் மதிக்கொவ்வாது

உறவாது வாபநவாச்சாரம் பலமதற்குச்

சிங்கிசுண்ணங் கழஞ்சியூட்டி

பரவஉமி நீர்விட்டுக் குழைத்துஅதின்

மேல்பூசிப் பகர்வே னாண்டே. 

பாடல் எண்:- 1738

பகரரிய ஆடுதின்னாப் பாளையம்மான்

பச்சரிசிப் பரிவாய்க் கொண்டு

நிகரில்லா உமிநீர்விட் டரைத்துஅதுக்

குள்ளடக்கி நெறியாய் மேலும்

திகழொண்ணா மண்சீலை செய்துஒரு

முழுப்புடத்தில் திறமாய் நீற்றிச்

சுகமதுவாய் நாவச்சார சுண்ணமது

நீற்றினத்தில் சொர்னமாண்டே. 

பாடல் எண்:- 1739

துரிசதுகாண் பலமதற்குச் சிங்கிசுண்ணங்

கழஞ்சியெடை துப்பு நீரால்

பரிசமெனும் பூசிகருஞ் செம்பனிலை

யும்பூவும் பரித்து மேன்மேல்

வரிசைபெற வகைக்குப்படி யுமிநீரி

னாலரைத்து வதுமேல் பூசித்

துரியமெனு மண்சீலை மூன்றதுகாண்

செய்துமிகச் சொல்வே னாண்டே. 

பாடல் எண்:- 1740

ஐந்துவிர லதுக்குமுத லதுவிர லால்

பத்தவைத்து ஐயஞ் சாகில்

சஞ்சலமில் லாதுபுடம் போட்டெடுக்கத்

துரிசதுவுங் சங்கை யேது

பஞ்சமில்லாத் தழைகளெல்லாஞ் சலம்பொழியுந்

தயிலம்வரும் பாடு பட்டால்

வஞ்சமில்லை கற்பமுண்டு வழலையதின்

பெருமையி னால்வசனித் தோமே. 

பாடல் எண்:- 1741

முன்சொன்ன காரிய முறையதுகாண்

சுண்ணமதில் முறையைக் கேளீர் 

இன்னமந்தச் சுண்ணமதி லொருபலந்தான்

கல்லுப்பு உவமை யாகும்

உன்னிதமாம் வெண் கருவி னிட்டொருசா

மமாட்டிவழித் துணர்வாய்ப் பில்லை

வின்னமில்லா ரவியுலர்த்தி யகலில்வைத்து

மேலகலும் விதமாய் மூடே. 

பாடல் எண்:- 1742 

சந்துதெரி யாமலுங்காண் மண்சீலை

யுணரவுஞ் சார்வாய்ச் செய்து

இந்தவித மிதனையிரு பத்தெருவில்

புடம்போட்டு எடுத்துப் பார்க்க

அந்தமிகுஞ் சந்திரனுக் கதிதமிந்தக்

கருவங்க மார்தான் செய்வார்

விந்ததித சுண்ணமிதைக் குப்பிதனி

லடக்கவெகு பதனஞ் செய்யே. 

பாடல் எண்:- 1743

அரிதார மதுக்குயிர்கா ணதிதகரு

வங்கசுண்ணங் கழஞ்சி வாங்கி

உரியஉமி நீரிலிட்டுக் குழைத்ததின்மேல்

பூசியபின் னுடனே பாரில்

பரியாசம் வாராமல் கதிரவன்தன்

முகம்படவும் பண்பாய் வைத்துப்

பிரியமுட னத்திமரப் பட்டைதனி

லுமிநீர்விட்டுப் பலமா யாட்டே. 

பாடல் எண்:- 1744

மயனமதா யாட்டிவழித் திடுமூசை

யதுக்குளரி தாரம் வைத்து

வயனமது வாகவுந்தான் மேல்மூடி

யதினளவால் வலுக்கச் செய்து

செயம்பெறவு மண் சீலை திருத்தமதாய்

மூன்றுவிதஞ் செய்வித் தேபின்

நயமதுகா னாண்டையெரு பத்ததற்கு

ளடக்கமதாய் நாட்டி டீரே. 

(விருத்தம்)

பாடல் எண்:- 1745

பூனைக்காஞ் சோரியிலை பங்கம் பாளை

புகழ்சமனா யுமிநீரது வாலு மத்தி

மானேகுகை வருவதுவாய்ச் செய்து மேவி

வாங்குமொரு பலந்துருசு வளம தாகத்

தேனேயரி தாரசுண்ணங் கழஞ்சி வீதந்

தினுசளவி னுமிநீரால் குழைத்துப் பூசி

ஆனைமுகன் கமலமலர் பணிந்து போற்றி

அக்குகைமேல் முடி சந்து அருளு வீரே. 

பாடல் எண்:- 1746

மேல்மூடி சீலைமண்ணு மூன்றுஞ் செய்து

மேன்மேலும் பத்தெருவில் புடந்தான் போட

ஆலவிடமுண்டசிவ னாலும் வெல்லா

அறுபத்து நாலுசரக் கசித மாகும்

வேல்விழியம் பிகைமாது நடனஞ் செய்வாள் 

மேலான கெந்தகமுந் தயில மாகும்

பால்போலு மதியுடைய நிறமொவ் வாது

பார்ப்பதற்குத் துருசிசுண்ணம்பாடி னோமே. 

வீரச்சுண்ணம்

பாடல் எண்:- 1747

வீரமொரு பலமதற்குத் தார சுண்ணம்

விளங்கியொரு கழஞ்சியெடை யுமிநீர் விட்டுத்

தேறவுங் காண்குழைத்து அதின்மேல் பூசிச்

செப்புகிறேன் ஞானவெட்டித் திறத்தைக் கேளீர்

வீறுகின்ற நெருஞ்சுதனி லுமிநீர் விட்டு

விமலவா லாம்பிகையைப் போற்றி செய்து

மீறவுங்கா ணரைத்துஅதைக் குகையாய்ச் செய்து

மேலும்பத் தெருவில்புடஞ் செய்வீர் தானே. 

சூதச்சுண்ணம்

பாடல் எண்:- 1748

சூதமொரு பலமதுவுங் கலுவத் திட்டுச்

சுயமான வீரசுண்ணங் கழஞ்சு தாக்கி

பேதமில்லா உமிநீர்விட்டுக் கடிகை யேழும்

பிலமாக அரைத்துவழித் துண்டை யாக்கி

சோதியெனு மூசிப்பா லிலையை வாங்கிச்

சொல்லுமுமி நீர்விட்டுத் தொந்தித் தேதான்

வீதியெனு மேகுகையதுசெய் திலைச்சார் தன்னில்

விளங்கவுங்காற் பலம்வாங்கி விரைந்தி டீரே. 

பாடல் எண்:- 1749

சாரமதின் சூரவுண்டை தோய்த்துத் தோய்த்து

சங்கையில்லா ரவிமுகத்தில் காயக் காய

மாறியுண்டைச் சாறதுவுஞ் சுண்டச் சுண்ட

மகத்தான கதிர்முகவன் காந்தி வீச

ஊறியந்தச் சாறதுவு முலர்ந்து போகும்

உண்டைதனை யெடுத்துகுகை தனிலு நாட்டி

வாறதுவாய் மேல்மூடி மூன்று சீலை

வசனியுங்காண் பத்தெருவில் புடந்தா னாண்டே. 

பாடல் எண்:- 1750

இந்தரசக் குருவிலொரு கழஞ்சு வாங்கி

யிரும்பதுசட் டியிலும்வெள்ளை வங்கந் தாக்கி

சுந்தரமே யுருகியதுங் கண்விட் டாடும்

சூட்டிவிடுஞ் சூதசுண்ணந் தொந்தித் தாக்கல்

அந்தநீ ரதிகமெல்லாங் குடித்துப் போடும்

அரைகடிகைக் குள்ளாக ரசித மாகும்

எந்தவித மாகிலுமே கற்பஞ் சாதித்

திருப்பதனா லிம்முறையு மெய்து மாண்டே. 

பாடல் எண்:- 1751

இந்நூலில் சொன்முறை யடங்கா மற்றான்

எண்ணூறு வயித்தியந்தா னியம்ப லானேன் 

அந்நூலு மிந்நூலு மார்க்குக் கிட்டு

மனுபோகி கற்பமுண்டோ ரவர்க்குக் கிட்டும்

பின்னுமொரு நாளுமில்லை பிழைதா னில்லை

பெருநூல்கா ணாயிரத்து ஐந்நூ றிந்நூல்

முன்னமேயான் பாடிவிட்டே னாயிரத்து முந்நூறு

முடித்துவைத்தேன் குறளதுவா யுலகோர்க் காண்டே. 

பாடல் எண்:- 1752

இரண்டாயிரத்து முந்நூற்றுச் சொச்சத் துள்ளே

நெறியான தத்துவமுங் கற்பங் கூறும்

அண்ரண்டங் கொள்ளாத அதித மெல்லாம்

அடியுநடு முடிவறிந்து அருள லானேன் 

கண்டுநவ லோகமெல்லா நீற்றிப் போட்டேன்

கரையில்லை துறைகளில்லை கருவின் வறால்

விண்டபொருள் நாதவிந்தின் விதியா லாச்சு

மேதினியி லிதையறியார் விளங்கு வாரோ. 

(வேறு- கவி)

பாடல் எண்:- 1753

மதுவினா லுதித்தசூதம் வாரிவிந்து சாரமும்

அதிதமூல நாதசோதி யந்தகார சுந்தரம்

விதியினா லிசைந்தமுரி வேதசார நாலிடை

அதிகார மோரிடை யளந்துபார் கணக்கிதோ. 

பாடல் எண்:- 1754

விண்ணுமண்ணு மேபிசைந்து வேறதா யொருவினமும்

பண்ணுமே விடுங்கழஞ்சி பாகமாய்ப் பிரமாணமும்

எண்ணிடு மெருகுபோலு மேவுமென் காசிடை

கண்ணிடுங்க திர்முகத்தில்காய்ந்து மலர்ந்து கண்டிடே. 

பாடல் எண்:- 1755

பச்சையா வதுதனி பருதியா துஞ்சுழி

உச்சிதமெ னும்ரவி யுகாரமும் மூலப்புளி

தச்சொரூப மாமதியின் சாரமு மமுரிதான்

வைச்சதோர் பொருளிதுநேர் வாளமுஞ் சமனதே. 

பாடல் எண்:- 1756

அகாரமா யமைத்தது மமுரியால் மடைத்ததும்

உகாரமா யுதித்தது முவரினால் செனித்ததும்

அகாரமு உகாரமு மருவுஞ்செ காகிதம்

சிகாரமே சிவரூப சித்திமுத்தி யாகுமே. 

பாடல் எண்:- 1757

ஏகமாவ தேதுகா ணிசைந்தபாண் டந்தன்னிலும்

வாளமும் வழலையொக்க மாட்டிசில்லு வாகதாய்

ஏனமேயி சைந்துநாடி யேழுசீலை மண்ணதும்

நானுமிப் படியதாய் நளினசெய்கை பாருமே. 

பாடல் எண்:- 1758

பூமியில் குழித்தயிலம் போடுமெவ் விதமாய்

நேமமா யொருவரும் நெருங்கிடா மலும்பதம்

வாமியம்பி கையருள் வாலாம்பிகை மலர்ப்பதம்

சுவாமியென் குருபதஞ் சுகாதிதம் பணிகுவாம். 

பாடல் எண்:- 1759

ஆதியந்த மாய்நிறைந்த அண்டபிண்டஞ் சூழ்ந்திடில்

ஆதியு மனாதியு மதிலுதித்த வாறுகாண்

ஆதியி லமைந்தவிந்து அந்தமூலநாதமாய்

ஆதியில்முன் னோர்மறைத்த அதிவிதமதாண்டையே. 

பாடல் எண்:- 1760

மதிநிறைந்த குப்பியில் மகிழ்ந்துஇத் தயிலமும்

பதியவும்வெ குழதனம் பாரும்பாரும் பண்பெற

விதியினா லமைந்திந்த விந்துநாத பூரணம்

துதியும்வாத மெண்பதுஞ் சிறந்துபோமிதாண்டையே. 

பாடல் எண்:- 1761

வாதநோய் வரும்பிணி அதீதகாலை தன்னிலும்

வீதமாவ தும்பணவெடை யெடுத்துச் சீலையில்

காதலா லுணர்த்திடக் கருதுநோய்க ளோடிடும்

வாதபித்த சேத்துமம் வணங்கிடுங்கா னாண்டையே. 

பாடல் எண்:- 1762

காலைமாலை யேழுநாள் கருதிடுவீ ராகிலும்

மாதுசூத வாய்வதும் வயிர்வலி அசீர்ணம்

மூலமும் பவுத்திர முசல்வலி யனைத்துமே

சூலையுஞ்சுரங்கள் சந்நிதோஷம் போங்கா னாண்டையே. 

பாடல் எண்:- 1763

வாலைபால் கறக்குமே வரும்பிணிகள் மாந்தமும்

சீலமாய்க் குரோசனையுஞ் சண்பகப்பூ சுக்குடன்

சாலவுங் கஸ்தூரியுஞ் சவ்வாதுமே புகழுடன்

சாதிலிங்கந் திப்பிலி மிளகும் பச்சைக் கர்ப்பூரமே. 

பாடல் எண்:- 1764

பச்சையான உப்பதும் பழம்புளி யமுரியும்

இச்சைநாலு மொன்றதா யிதைக்கரைத்து நீரதாய்ப்

பச்சையுந் தெளிந்துநீர் பரிகரித்து வன்னியில்

உச்சிதமா சுண்டினா லுவர்ப்புமா மிதாண்டையே. 

பாடல் எண்:- 1765

அஞ்சுமஞ்சு மொன்றுட னதுபதினொன் றாகவும்

சஞ்சலம் வராமலுஞ் சரிசமன் கழஞ்சிடைப் 

பஞ்சபா தகங்களேகி பாரிலும் பறந்திடும்

நஞ்சுமே முறிந்திடும் ரவிமதியி தாண்டையே. 

பாடல் எண்:- 1766

சரிசமன் மருந்தின தயிலம்விட்டு ஓர்தினம்

வருந்திடு மருந்திதை மயனமாய் வருதலால்

பிறந்திடுவ தேதுகாண் பிரகாசமாய் மெழுகதாம்

மருந்திதைச் சிமிழினில் வருந்தியே துதிப்பரே. 

பாடல் எண்:- 1767

துதித்திடு மாடாதோடை சுரசமா மதிலிதை

விதித்திடுந் துரையின் விளங்கிடீர் பிரமாணமாய்

மதித்திடுங் கனப்பிரளி மாந்தமோ டிசுவதும்

கெதித்துவோ டிபுக்கிடுங் கெணிதமூன்று நாளிலே. 

பாடல் எண்:- 1768

சுரங்கள்சன்னிதோசமும் கிணங்களள்ளுங் கிராணியும்

சுவாசமும் சீரணமும் பசாசுபூத மோடிடும்

திரமானந்த கக்கல்விக்கல் சோகைபாண்டு வீக்கமும்

சுரங்களேழு மோடிடுஞ் சுரசமிஞ்சி யாண்டையே. 

பாடல் எண்:- 1769

கடுகளவு தாகிடுங் கருதிடும் விழிதனில

விடுமுதல் தலைசனாம் விதித்திடும் பால்விட்டுமே

கடுகளவெ டுத்துமத்தி கண்கள் ரெண்டில் வீசிடப்

படும்வினை சுரங்கள்சன்னிப் பத்துமூன்று மேகுமே. 

பாடல் எண்:- 1770

சுத்தவா னறிவதிந்த சூக்ஷமாங் குழம்பதை

வித்துவான் வயித்தியன் மிகுத்தபண்டிதர்களும்

கற்றிடுமெய்ஞ் ஞானிகள் கனத்தயோக வாசிகள்

வித்துவா னிவர்களுக்கு மேலெவர்க ளில்லையே. 

பாடல் எண்:- 1771

வாதபித்த சேத்துமத்தின் வாறறிந்த பண்டிதர்

சூதவிதத்தை வாசியோக சூட்சமத்தைக் காண்கிலீர்

வாதமூல நாடிகாண் மதியும்பித்த வாரிகாண்

நாதவிந்து வாகியும் நடந்தவாறி தாண்டையே. 

பாடல் எண்:- 1772

வாதமா வதும்புளி வருவும்பித் தம்வாருதி

சூதவிந்து நாதமுண்டு தேறிடும் வயித்தியர்

பூதமஞ்சுஞ் சேத்துமம் பொறிபுலன் மூலாக்கினை

வேதசார மூலமும் விளங்கும்பண் டிதர்களே. 

பாடல் எண்:- 1773

இசைந்தநாத மூலமு மெழுந்தவாறு காண்கிலீர்

எழுபத்தீ ராயிரத்தி லேகபோக மாகுமாய்ப்

பசைந்துமண்ணுந் தண்ணியும் பலிதமாயி தாகவும்

இசைந்தபண் டிதர்களே யெண்சாணு டல்சமைந்ததே. 

பாடல் எண்:- 1774

மூலாக்கினை யிருந்தெழுந்து முச்சுடர்க ளானதும்

முப்பாழ்கடந் தெழுந்திருந்து முனைசுழி யறிந்ததும்

காலாக்கினை யிருந்தெழுந்து கற்பஞ்சா தித்தப்புறம்

மூலாக்கினை முடிவில்நின்று முத்திசித்தி யாகுமே. 

பாடல் எண்:- 1775

கால்கள்பன் னிரண்டுமூலங் கைகள்பத்து ஆறுமே

கால்கள்பன் னிரண்டுநாலும் கட்டிடுங் கழிவிலா

கால்களு மிருந்துமூலா தாரமுங் கதிரொளி

கைகளுங் கலையிரெட்டுங் காணுஞ் சாரகாரமே. 

பாடல் எண்:- 1776

சாரகாரம் ரெண்டதுஞ் சரமாறியேற் றவல்லிராய்ச்

சாரகாரமும் பொருந்த சண்டனில்லை யில்லைகாண்

சாரகார வீரபூரஞ் சந்திரசூரி யர்கள்தான்

சாரகார மாறமாறச் சத்துஞ்சித் தானந்தமே. 

பாடல் எண்:- 1777

இந்தஎண்சாண் தேகமா யிரவி மதியுமாய்

இராவுடன் பகலுமாய்ப் பகலுமே யிராவுமாய்

இந்திர னிரவியு மென்னுக்கு ளேயறிந்தபின்

இந்திர னிரவியு மிராப்பகலு மில்லையே. 

(வேறு- விருத்தம்)

பாடல் எண்:- 1778

இருவினை யொழித்து இந்நூ லிருள்தனையகற்றிஞானக்

கருவியை நீற்றி நீராய்க் காலனையெரித்து மேலும்

வரும்பெற கெதிக்குள் வாசி மருவியே யமுர்த முண்டு

அருந்தவ ஞான சோதி யருளில்நின் றர்ச்சித் தேனே. 

பாடல் எண்:- 1779

திருவுரு நடன சோதி தெய்வநா யசனா லிந்நூல்

வருமதி ரவியி னாலு மாய்கைபோய் மவுன முற்றுக்

கருக்குரு தானாய் நின்ற கடவுளின் கமலந் தன்னில்

துரிதமாய்த் துரியா தீதஞ் சொர்க்கவாழ் பதவி சேர்ந்தே. 

பாடல் எண்:- 1780

அதிவித மாயா சத்தி யம்புவி தனிலும் யாவர்

துதிசெய்து பணிந்து போற்ற சுகாதித மறைப்புண் டாகி

விதியிந்த செய்கையாலும் விட்டதோர் குறையி னாலும்

மதிரவி யொளியி னாலும் வாசியில் மகிழ்ந்தே னாண்டே. 

யோக நிலை

(தரு)

சித்திரவிசிதரத்தினதிவ்யஅமிர்தமே- செழுந்

தேனருவிபாயுஞ்சிரோரத்தினதீபமே. 

பாடல் எண்:- 1781

முத்தமிழமிர்தசிவஞானசுரூபி- செக-

மோகனவாலாம்பிகைபுவனாம்பிகையரூபி

சத்திசிவசாம்பவிசடாக்ஷரிகமலஞ்- சர்

வேஸ்பரிசெகதீஸ்பரியெனைத்தற்காக்கவேணும்

வித்தியாதாரணிசர்வாணிவேத- நாயகி

மெய்ஞ்ஞானிகள்பூசித்துத்தரிசித்துமேபணியுஞ்

சுத்தபரிபூரணிசுகாதீதஅன்னமே- சுழி

சூக்ஷசடாதாரப்பிரணவசோதிமுன்னமே- சித். 

பாடல் எண்:- 1782

சூரியசந்திரகாந்திமின்னலொளியே- தூல

சூக்ஷகாரணப்பிரகாசச்சொர்னவொளியே

வாரிசூழமிர்தபானமாமதுரமே- திரு

வள்ளுவன்சொற்பதவிவாழ்விக்கவருமே

துரியதுரியாதீதமும்வாசியும்பாயும்

சுயம்பிரகாசதீபசுடர்சோதிகாணவும்

தேறியபெரியோர்பாதஞ்சேர்வைசெய்யவுந்- திரு

நடனகாரசாரசெய்கையாண்டையே- சித். 

பாடல் எண்:- 1783

வாசிவாசிவயநமவங்கென்றூதியே- வாசு

வரவழைத்துவாய்வுபத்துமாறியூதியே

தேசிகன்திருவடிதெரிசனம்பார்க்க

சிங்கென்றுகண்டதாரைகொண்டுதினந்தீர்க்க

நாசிநுனிமீதில்சுழிநடனசேர்வை- காண

நாதாந்தசின்மயத்தினருநாதனைப்பணிய

ஊசிமுனைமேலதிதவுச்சிகள்கீழுமுள்- மூல

கண்டதாரையாரையோகவாழ்க்கையே- சித். 

பாடல் எண்:- 1784

ஊதிடுங்கண்ட தாரையிலுங்கென்று- மூலம்

உள்ளுக்குள்ளவும்ரே சித்துக்கும்பியூதிடுந்தாரை

ஆதியானசோதிகண்டுஆராதனை- செய்து

அகண்டவெளிகாணுமந்திடத்திலூதவும்

பூதாதியைந்தும்பொருந்திபூரணமதிலுஞ்- சுழி

புருவமையநேரில்நின்றுபுகழுமம்பரமே

நீதியாய்ச்சதாசிவன்தன்நேசமிங்- காண்க

நீடுழிகாலம்வாழ்ந்துமுத்திநிலைபெற்றேன்காணும்- சித். 

(விருத்தம்)

பாடல் எண்:- 1785

சோதியாய் நின்ற தீபச் சுழிமுனைக் கமலந் தன்னில்

நீதியாய் வாசி யூதி நின்றொரு நிலையில் கண்டஞ்

சாதனை யோகஞ் செய்து தற்பரத் தருளைப் போற்றி

நாதனைப்பணிந்துமேன்மேல் நாண்மலிரர்ச்சித்தேனே. 

பாடல் எண்:- 1786

இருபத்தோ ராயிரத்து அறுநூறு சுவாசந் தன்னில்

வருங்கலை யொவ்வொன்றாக வாங்கித்தேய் பிறையில்லாமல்

அருங்கலை யாலுங் கண்ட அதிசய மனேக முண்டு

வருவதுஞ் சொன்னேன் மாண்பா மாய்கையில் மயங்கினாரே. 

(கொச்சகம்)

பாடல் எண்:- 1787

இந்த செனனமிருந் தென்னபல னென்னவிதம்

எந்தவித மாகிலுமே யீசனைக்கண் டேபணிந்தால்

வந்துலபித் தேவிடுங்காண் வாசியென்ற தும்பொருந்த

மந்திரமாய் நின்றசுழி வாசிவச மானதுவே. 

பாடல் எண்:- 1788

வாசியைக்கொண் டூதிகண்டமார்புநடு நேர்கீழ்மையம்

பூசிதய பாசமதில் பூரணத்தி லும்நினைவாய்

வாசிவா சிவயநமவா வென்றும்வி நாடிபத்தும்

நாசிநுனி தீபமதில் நான்பணிந்து நின்றேனே. 

(கலித்துறை)

பாடல் எண்:- 1789

நமசிவய வென்று நாட்டத்தி லுமனம் நான்மகிழ்ந்து

அமைப்பதுவும் வந்து அணுகின தால்அவ்வும் உவ்வுஞ் சித்தி

இமையவ ராலு மிவ்வழி கண்டு இருப்பதுகாண்

இமைப்போதும் வாசி நிலைத்தத னால்நெஞ்ச நேர்படுமே. 

பாடல் எண்:- 1790

வாசியைக் கண்ட தாரையி லூதி மருவிமனம்

ரேசித்துப் பூரித்துக் கும்பித் துவாசி நின்றிடவும்

பேசிடும் பேசா திடமுனக் கெய்தும்பிர பல்லியங்காண்

காசிக்கும் ராமே சுரத்துக் கும்வாசி காண்கிலரே. 

பாடல் எண்:- 1791

நடப்புக் கெட்டாத நாதாந்த வாசி நாட்டத்திலும்

அடர்ந்தூதி கண்ட அகண்டம்பெரு வெளியம் மூலத்திலுங்

கடந்தந்த மூலக் கருக்குழி நாடிக் கழிந்துவிடா

துடர்ந்து வோங்காரப் பிராணாய வாசி தூக்கத்திலே. 

பாடல் எண்:- 1792

ஓங்காரங் கொண்டு வாசிகீழ் பாய உதாரணமாய்

நீங்காம லம்பிகை பாதார விந்தம்நிர்ப் பந்தமாய்

வாங்காமல் வாசி மேல்நோக்கி சாதனை வசப்படவும்

தேங்காமல் தேங்கித் திருச்சிற்றம் பலந்தனைத் தெரிசித்தேனே. 

பாடல் எண்:- 1793

எந்நாளு மிந்த வெண்சா ணுடலி லிருந்தவுயிர்

தன்னால் வளர்பிறை தசைபத்து வாயுவுந் தன்னுக்குள்ளே

முன்னாளில் விட்டகுறைவந்து சூழ்ந்து முடிந்ததுகாண்

இன்னாளி லைவரும் யானுமொன் றாகி யிருந்திட்டனே. 

(வெண்பா)

பாடல் எண்:- 1794

கற்பமத னால்முடிந்த காயசித்தி வீட்டினிலும்

உற்பகமா வாசியிருந் தோங்கினால்- கற்பமதால்

நவரத்தின வீட்டில் நாதனுமே யானுமாய்

அவரொருவ னாயிருந்தோ மாண்டே. 

பாடல் எண்:- 1795

அசைவுறுந் தாலல்லோ யைம்பூத மாச்சுதுகாண்

நிசவோடும் பாவனைபோல் நீஞ்சினேன்- அசைவதனால்

பத்துப் பனையுயரம் பாய்ந்துஅண்ட கோசரமாய்

நித்தநித்தம் வாசிகொள்ளு நெஞ்சே. 

பாடல் எண்:- 1796

வான்புவியு மாதல் மதியுப்பு ரவியதனால்

நானு மருள்பெற்று நான்மகிழ்ந்து- வானம்

நாலு பொருளறிந்தால் ஞானம்வந்து வாய்க்கும்

காலும்பனி ரெண்டளவால் காட்சி. 

பாடல் எண்:- 1797

ஈராறு மெட்டெட்டு மிரவி மதிகாணும்

வாறாக வாசிகொண்டு மாறினால்- ஈராறும்

கற்றோரே கற்றார் காயசித்தி பெற்றார்

வித்தால் விளைந்ததுகாண் வித்து. 

(விருத்தம்)

பாடல் எண்:- 1798

அருள்பொருளுங் காயசித்தி கற்பஞ் சொன்னேன்

அண்டமதில் நிறைந்துநின்ற கருவுஞ் சொன்னேன்

வரும்வினைக்குள் வல்வினையின் மாறல் சொன்னேன்

மதுரதமிழ் பொழியுமதி ரவியுஞ் சொன்னேன்

திருவுருவாய் நின்றிலங்குஞ் சிவமுஞ் சத்தி

திங்களின்சந் திரகாந்தி தேவ மாது

இருவினையை யகற்றியெனக் கமிர்த மூட்டி

யெனைவளர்த்த அபிராமி மூலந் தானே.  

பாடல் எண்:- 1799

மூலமெனும் வாசியொளி வான பீடம்

மூதண்டப் பிராணாய முனைமே லாகக்

காலனையுஞ் செயித்தகதிர் மதிநீர் சாரங்

காயசித்தி கற்பமிந்தக் கருத்தி னாலும்

ஆலவிட மமுரியினா லாண்டுக் குள்ளே

அதிதசுத்தி ஆச்சுஅப்பி உப்பி சாரந்

தூரவுடல் சூட்சமதும் பெலத்துப் போச்சு

துவாத சாந்தவெளி யறிய லாச்சே. 

(வேறு - கவி)

பாடல் எண்:- 1800

இந்தவாசி யெழுந்திடு மூலமும்

அந்தகார மப்புமுப்புங் கூடியும்

விந்தையாய்ப் பழமூலமு மூலமும்

வெந்துநீரால் வெடிசுண்ண மாதலால்

எந்தனாவி யெண்சா ணுடல்சுத்தியாந்

தந்தைவிந்து தரணியி லிட்டநாள்

அந்ததோர் குறைஅவ்வித மாகிடில்

விந்தினாலுடல் வேறுகூ றாண்டையே.