திருவள்ளுவரின் ஞானவெட்டியான் பாடல் எண் 1401- 1500

பாடல் எண்:- 1401

ஒன்றாகி முப்பு ஓருரு வாகி யொளிவதுவாய்க்

கொண்டே யொருபலம் பண்ணைச்சவ் வீரங் குறித்துசமன்

நன்றாகு நாதமும் விந்துவுங் கூட்டி ரவிமதியாய்

அன்றாதங் காய மதில்வனார் விட்டு ஆட்டிடுமே. 

(வெண்பா)

பாடல் எண்:- 1402

விந்துநீர் விட்டுவிடாம லிதையாட்டி

அந்தமது வழித்து அருணனி- லிந்த

முகம்பட வும்வைத்த மூடிய சீலைதனில்

புகழ்சீலை செய்துபுடம் போடு. 

பாடல் எண்:- 1403

ஆறிய தோர்பின்பு அதற்குச் சரிசூதம்

வாற்றிய முன்பதமாய் வார்த்து- மீறிடா

ஆட்டியதை வதித்து அருணன் முகம்படவும்

நாட்டுமுழப் புடத்தில் நன்று. 

பாடல் எண்:- 1404

நன்றிகாண் கழஞ்சி நாதவிட் டமர்த்தி

துன்று துருசுதனில் தொந்தித்து- நன்றறிய

மூலப் புளிகவச மூன்றுமண் சீலையது

ஞாலக் கவுதாரிபுட நன்று. 

முப்பு முடித்தல்

(தரு)

முப்புமுடிந்ததுகாண்- மூலம்புளி முப்புமுடிந்ததுகாண். 

பாடல் எண்:- 1405

முப்புமுடிந்ததுகைப்புமுறிந்தது

அப்புமுப்புங்கம்பியுப்பிதுமூன்றினால்

கற்பகஞானவாலாம்பிகைதன்னருள்

அற்புதமாமலரர்ச்சனைசெய்துயான்- முப்பு. 

பாடல் எண்:- 1406

சீனச்சரக்கறுபத்துநாலுஞ்சுன்னஞ்

செந்தூரபற்பமுஞ்செயநீர்திராவகம்

பாணத்தினால்குடோரிகட்டுங்களங்கதும்

பார்க்கப்பார்க்கச்சரக்காதிதமுநீரே- முப்பு. 

பாடல் எண்:- 1407

துருசிசுன்னமுடிந்தாச்சுதுமுப்பினால்

தொந்தங்கோடாகோடிசோதிக்கவேதைகாண்

பரிசைவேதையிதிலனந்தங்கோடி

பாடுபட்டுச்செய்தோர்க்கெய்திடுமாண்டையே- முப்பு. 

பாடல் எண்:- 1408

காரீயஞ்சேரொருசேர்த்துஅயச்சட்டி

கண்டுகனத்தினகாரீயஞ்சலமதாய்

வீரியமாமுப்புக்கழஞ்சிடை

வேகத்துரிசியிடைச்சரிசுன்னமே- முப்பு. 

பாடல் எண்:- 1409

கம்பியுப்புபதினாறுபலமதில்

காட்டிடுஞ்சுன்னங்கலக்கவுமூட்டியுந்

தும்பிமுகன்பதம்போற்றியாடுபின்பு

தொந்தித்துக்கிராசமுந்தூவிக்கடைந்திடே- முப்பு. 

பாடல் எண்:- 1410

அஸ்வகெந்திக்கிழங்கவ்விதவேரினால்

யிசைவதாகவிருசாமம்வறுத்துடன்

பஸ்பமாகும்பருதியொளிவுபோல்

நிசமதாகுநிலைகண்டறிவதே- முப்பு. 

பாடல் எண்:- 1411

பச்சைப்பனையதினேடுசெந்தூரிகம்

பழையசட்டிதனில்நடுவைத்துகாண்

உச்சிகம்புகழ்செந்தூரந்தன்னிலும்

அச்சமிலாவிந்துநாதம்விட்டாட்டிடே- முப்பு. 

பாடல் எண்:- 1412

நாதவிந்துநீர்விட்டொருசாமம்

நேரஆட்டிவிடாமலுங்காசுபோல்

தீதில்லாமல்ரவிமுகங்காட்டியும்

பேதமில்லாமல்செந்தூரத்தில்மாட்டிடே- முப்பு. 

பாடல் எண்:- 1413

சட்டிமேலுஞ்சந்தில்லாமல்சீலைமண்

கெட்டியாய்க்கவசங்களுமேலதாய்ச்

சட்டியில்லங்காற்றில்லாமலும்படி

முட்டிவன்னிமுதல்சதுர்சாமமே- முப்பு. 

பாடல் எண்:- 1414

ஒட்டியேகமலாக்கினிதீமிதம்

யோகநாதவாலாம்பிகைதன்பதம்

வெட்டியால்வீரசாம்பவமூர்த்தியால்

அட்டியில்லாமலென்னாண்டேமுடிந்ததே- முப்பு. 

பாடல் எண்:- 1415

கர்த்தனருள்கருவங்கசெந்தூரமும்

நித்தம்பூசித்துடன்நின்றறிவோர்கள்தான்

சித்தியெய்துஞ்சிவசத்திபொற்பதம்

முத்திமோட்சமெய்ஞ்ஞானம்லபிக்குமே- முப்பு. 

பாடல் எண்:- 1416

இந்திரனுமதிரவியுங்கதிரொளி

சந்திரசூரியர்விந்துநாதஞ்சேர்ந்து

இந்தவெண்சாணுடல்பஞ்சபூதங்கூடி

ரஞ்சிதஉப்புநவலோகநீற்றுமே- முப்பு. 

பாடல் எண்:- 1417

நீலமேகவர்னமாலின்மதிமலர்

வாலைரூபிவடிவம்பிகைதன்செயல்

மூலாதாரமுமண்டலஞ்சூழ்மதி

ஆறாதாரமமைத்தாராண்டையே- முப்பு. 

பாடல் எண்:- 1418

கற்பகோடிகற்பசோதனைசெய்கினும்

உற்பகங்களொருவரறிகிலார்

சற்பமாவததுகடித்தேவிஷம்

கைத்தால்ஞானங்கரைகண்டறிவரே- முப்பு. 

பாடல் எண்:- 1419

வங்கசெந்தூரமிருபத்துமேகமும்

வாரியேழுகடலேழுஞ்சுழலவும்

தங்கமிதுபதினாறுகலையினால்

கருவங்கசெந்தூரமருவினால்தங்கமே- முப்பு. 

பாடல் எண்:- 1420

இந்தத்தேகமிருந்தெவ்வுயிர்க்குமே

வங்கசெந்தூரமதுகுன்றித்தேனிடை

அந்திடைவாதமடக்கியுமந்திடைச்

செந்தாவின்கிருதத்திலூட்டியுணருவாய்- முப்பு. 

பாடல் எண்:- 1421

காரிலுதித்துருவாயிறுபத்துமே

கட்டளையின்படி மேகங்கள்சூழ்கிலும்

சாருமுடல்விந்துநாதத்துலாவியும்

பாயுந்தங்கரசவங்கசெந்தூரங்காண்- முப்பு. 

பாடல் எண்:- 1422

குமரிலேகியத்தில்குண்றிடைச்செந்தூரம்

அமிர்தமேயரைமண்டலமுண்பீரால்

தமதுதேகம்பொன்காலையுமாலையும்

அமிர்தமாகுமாவின்பால்கிருதங்களே- முப்பு. 

பாடல் எண்:- 1423

பாலுமன்னம்பரிந்துஅருந்திடில்

வாலையாகும்வயதுவிளமையாம்

சூலைகிராணியெட்டெட்டுமெழும்பிடுஞ்

சோபதாபமாயாசங்களும்விடும்- முப்பு. 

பாடல் எண்:- 1424

வாதமெண்பதுபித்தன்நாற்பது

மாறுஞ்சேத்துமமிருபத்துமேகிடும்

வாதவிந்துமூலப்புளிசுன்னத்தில்

காதமோடிக்கருங்கடல்புக்குமே- முப்பு. 

(விருத்தம்)

பாடல் எண்:- 1425

அந்தவொளி யாயிலகுஞ் சுழிமுனை மீதில்

அருள்பரம சிவகுருவே ஆண்டே கேளீர் 

வந்தவழி முப்புமுன்னா ளமைத்த வாறு

மனிதர்களில் மறுபிறவி செனித்த வாறும்

சுந்தரமே யென்குருவே யகத்ய சுவாமி 

சொன்னமறு பிறவியென்ன சூக்ஷ ஞானம்

எந்தவித மாகிலுமே கற்பக் கூறால்

எண்சாணு தேகமது வேறாய்ப் போச்சே. 

பாடல் எண்:- 1426

கருவிதொண்ணூற் றாறுஞ்சுட்ட காய மாச்சு

காமப்பால் வேறுபடக் கர்மம் போச்சு

திருமருவுங் கருவூரு பெலத்தும் போச்சு

திருநடன செகச்சோதி யறிய லாச்சு

வரும்வினைக்கு மூன்றுப்பு முடிந்து போச்சு

மகத்தான செந்தூரம் வசிய மாச்சு

பெரியோர்கள் மறைத்தகரு வெளியாய்ப் போச்சு

பேதபே தங்களெல்லாம் பேச லாச்சு. 

ரசபற்பம்

(தரு)

சூதரசபற்பங்காண்- ரசசூத- வாலைரசபற்பங்காண். 

பாடல் எண்:- 1427

சூதமென்றால்ரசவாதசூதரசம்

சோதித்தொருபலஞ்சூட்சமதாகவும்

நாதவிந்துகாரசாரம்பத்டினில்

மாதுநீர்நாதமருவியும்பாய்ந்திடில்- சூதரச. 

பாடல் எண்:- 1428

நீதமெனும்விந்துநாதத்திற்பொங்கியும்

வேதசாரம்விந்துவெண்மதிபாய்ந்திடும்

வேதசாரம்பழச்சாறெனுங்கூறிடல்

வீதமஞ்சுபலநாதநீராண்டையே- சூதரச. 

பாடல் எண்:- 1429

தோகையெனுமடமாதுமாதவிடாய்

சூதமத்தச்செப்புபாத்திரந்தன்னிலும்

சூதத்தைவிட்டுப்போற்றித்தீபாக்கினை

நாதத்தைவிட்டிருநாலுகடிகைக்குள்- சூதரச. 

பாடல் எண்:- 1430

மாதவிடாய்சருங்கேற்றவாலைரச

மேலுமேன்மேலும்வெகுவலுவாகிடும்

நாதசத்திமூலநாடிப்புளிக்குளே

சூதவாதசித்திகுகைமலப்புளிசீலையே- சூதரச. 

பாடல் எண்:- 1431

மலப்புளிசரக்கானதுகுக்கிடம்

வன்னியிட்டுஅனலாறிசூதபற்பம்

பலமிந்தஎடைமாறாதொருபலம்

பார்க்கப்பார்க்கப்பளிங்காகும்பிரகாரமாம்- சூதரச. 

பாடல் எண்:- 1432

நலமிந்தவுடலெமனென்றநோய்வினை

நாடிடுமேபதினெட்டுகுஷ்டத்துக்கும்

வலையதுவும்வீசும்பஞ்சதாரைக்கிருதமெனும்

அதில்குன்றியிடைவைத்தரைமண்டலமுண்ண- சூதரச. 

பாடல் எண்:- 1433

வாதமடக்கிவேர்க்கொம்புபறங்கியும்

இரவுமேகொடிவேலிவேர்தோளதும்

வீதஞ்சரிஎடைசூரணமாய்ச்செய்து

மேருதேன்கூட்டிக்குழைத்தந்தபற்பத்தில்- சூதரச. 

பாடல் எண்:- 1434

வேதஞ்சொலும்படிமேகவாய்வுகுத்தல்

பேதமானகடிமுடக்குப்பிடிப்பதும்

சூதபற்பங்குன்றிகாலையுமாலையும்

நாதனருளரைமண்டலநல்கிடே- சூதரச. 

பாடல் எண்:- 1435

மூலமெட்டுமூலகிராணியெட்டுவாய்வு

குன்மமெட்டுசுரதோஷத்தோடேழதும்

நீலமேகங்களிருபத்துஒன்றுடன்

காலையோடிகடல்புக்குமாறுமே- சூதரச. 

பாடல் எண்:- 1436

வாலைசூதமகிமைமகத்துகள்

பேதபேதமாய்ப்பேசினார்நூல்களில்

நாதவிந்துகாரசாரமகிமையால்

சூதபற்பமுஞ்சூட்டினேனாண்டையே- சூதரச. 

பாடல் எண்:- 1437

ஊழ்வினைப்பயனோடிப்பறந்திடும்

மைவிழிமடமாதுசூதகம்போம்

பையவினைப்பழிபாண்டுரோகம்விடும்

மெய்யிதுஞானவெட்டியிதுண்மையே- சூதரச. 

பாடல் எண்:- 1438

கர்மாந்தரநோய்கருதிப்பறந்திடும்

மர்மமேதுவழலைமகத்துவந்

தர்மநோய்க்குத்தகுந்தவிழ்தமிட

கர்மநோய்கள்காணாதுசுபஸ்தமே- சூதரச. 

(விருத்தம்)

பாடல் எண்:- 1439

வடிவுடைய திருமால்தன் தேவி யான

மதிதலத்தி லவதரிக்கு மரிதா ரங்காண்

கெடிவீர சிங்கமெனுஞ் சரக்கி தாகும்

கேவலமாய்ச் சொல்லுகிறேன் கெருவ மில்லா

மடிமீதி லெனைவளர்த்து அமிர்தந் தந்த

வாலையபி ராமிமலர்க் கமலம் போற்றி

அடிநடுவு முடியுமெனக் கனுக்கிரக கிக்க

அரிதார பற்பமதை யருள்வே னாண்டே. 

அரிதாரபற்ப முறை

(தரு)

தாரபற்பமிதுகாண் திருமாலின் தேவியிதுகாண். 

பாடல் எண்:- 1440

தாரந்தனில்திருமாலின்தேவிபலஞ்

சீராய்காலங்கல்லுசுன்னத்தில்தாளித்து

நீரமுரிபடிநாலுக்கொன்றுகாரம்

நேரத்துடன்மூன்றுநாள்கரைத்துபின்பு

தாரமூன்றுநாளில்தெளியுஞ்செயநீரதில்

வேறொருபடிவெண்காரசாரமும்

பூரம்பலஞ்சரியொக்கத்தூளாக்கிப்பின்

தூறிடுநீரினில்தூள்செய்துபோடுமே-தார. 

பாடல் எண்:- 1441

சாரகாரசெயநீரதும்பீங்கானில்

வீறதாரவிடுமெய்ப்பொருள்முப்புவும்

காரநீரினில்கழஞ்சிடைபாய்ச்சியு

மேறநீருமிறுத்துங்கடிகைதான்- தார. 

பாடல் எண்:- 1442

புரசையாவதும்பூமுருக்கநிறம் 

வரிசையாச்சட்டியில்தாரமும் 

சுரநீர்செயநீரதுஞ்சாமனால் 

துருசமாகச்சுருக்கிட்டுப்பாருமே- தார. 

பாடல் எண்:- 1443

சுருக்கேறவுவந்துய்யவெண்ணரிதாரமாம் 

மிருகுங்கட்டிமினுமினுப்பேகிடும்

இறுகுமுப்புக்கழஞ்செடைவிந்துநீர் 

இரண்டுமிழைத்துக்கவசமுஞ்செய்திடே- தார. 

பாடல் எண்:- 1444

தாரங்கட்டிடுஞ்சத்துகள்வெட்டையாம்

ஈரம்வற்றஇனிரவியின்முகம்

நீறுந்தாரம்பத்திராட்சியரைத்துமேல்

சோரச்செய்துமேசுன்னநீர்ச்சீலையே- தார. 

பாடல் எண்:- 1445

சீலைமண்ணுடன்செய்வதருவஞ்சினில்

வாலையம்பிகைமாதுஅருளினால்

சாலமாமலர்தாயைப்பணிந்துடன்

நீலமேதிருமாலைப்பூசித்தேனே- தார. 

பாடல் எண்:- 1446

வன்னியிட்டுப் பார்க்கவாசம்புகைவரா

துன்னிதமாய்ப்பொன்னரிதாரநீறிடு

மன்னையருள்திருமாலின்தேவியெனுஞ்

சொர்னபற்பந்துடிசொன்னோமீதாண்டையே- தார. 

பாடல் எண்:- 1447

அதிதாரமதுநீறும்பரிசவேதை

யாதலால்தேயுவினதுபத்துக்கொன்றிது

காரியமாமெனும்பொன்னரிதாரத்தில்

வீரியமென்னவிதமறியார்கள்காண்- தார. 

பாடல் எண்:- 1448

கூறறியுமாவின்கிருதமுந்தேனுடன்

சீர்மேவுந்திப்பிலிசிறுமிளகுமது

வாறறியுங்கிராம்புவாதமடக்கிவேர்

சாருஞ்சுக்கதுவம்பலமதாகுமே- தார. 

பாடல் எண்:- 1449

வகைவகைக்குச்சரிசமனாய்த்தூளாக்கிப்பின்

அறியும்பற்பமதுகுன்றிதன்னிடைத்

திகையில்லாமல்தேன்கூட்டிகற்பத்தினில்

பகையில்லாதொருபக்ஷங்கொண்டுணருமே- தார. 

பாடல் எண்:- 1450

வகையிந்தப்படிகாலையுமாலையும்

புகையுமேபுளிபொட்டெனத்தள்ளிடுந்

துகையதாஞ்சயகாசமிருமலுஞ்

சுவாசத்தோடிரைப்பாவதுநீங்குமே- தார. 

பாடல் எண்:- 1451

சாதமிந்தப்படிமேவும்பட்சத்தினில்

தாரபற்பமுஞ்சடந்தனிலூறினால்

வாதம்விக்கலுடன்பித்தரோசிகம்

வாந்திசந்திசுரசன்னியுமேகுமே- தார. 

பாடல் எண்:- 1452

சூதத்தினால்வயிறுவலியுடனுஷ்ணமும்

வாதத்தினால்பெருவயிறுந்துர்க்குணம்

நாதத்தினால்பிரமூலப்பிரமியங்

காசத்தினால்தொண்ணூற்றாறுசயம்விடும்- தார. 

பாடல் எண்:- 1453

பரங்கிப்பட்டைச்சிற்றரத்தைசுக்குடன்

சிறந்தவாதமடக்கித்திப்பிலியும்

நிறைந்ததோர்கொடிவேலிவேர்பட்டையுங்

குறைந்திடமிளகருணையேழுமே- தார. 

பாடல் எண்:- 1454

ஏழுவகைக்குச்சரியெடைப்பாகம்

இடித்துத்தூளதாயினிப்பதனத்துடன்

வாழுமாமலைத்தேன்பசுங்கிருதஞ்சரி

வார்த்துமத்தித்துமதிபற்பங்குன்றியே- தார. 

பாடல் எண்:- 1455

பற்பங்குன்றியெடைகாலையுமாலையும்

உற்பகமாயொருபக்ஷமுணர்வீராய்

அற்பதேகமசாத்தியநோய்களுந்

துற்பலமாவதுந்தூணதுவாகுமே- தார. 

பாடல் எண்:- 1456

சீறுநாசியடைப்புநீர்பாய்ச்சலும்

சேருஞ்செவிதனில்சீழுமடைத்தலும்

தேறுங்கபாலத்தின்சூலையும்பாண்டுடன்

ஊரைவிட்டேகியுகாந்திரமோடுமே- தார. 

பாடல் எண்:- 1457

காசரோகங்கனமேப்படைகளும்

நாசியடைப்புப்புண்புரைச்சீலைகளும்

வாசமாகிடுஞ்சீழுங்கிருமியும்

மாரியோடும்வலுவானநோய்களே- தார. 

பாடல் எண்:- 1458

கெற்பகாசங்கிரந்தியுஞ்சூலைகள்

அற்பநோய்க்குஅவிழ்தங்கொடுத்திட

முற்பச்செய்கைமூலங்களுமறும்

மெய்ப்பொருள்காரபத்தாலாண்டையே- தார. 

(கொச்சகம்)

பாடல் எண்:- 1459

மூலப்புளியமுரி முன்னேயுள் ளத்திலும்

வாலையது வாய்செனித்து வாசியினால் சுன்னமாம் 

சூலதுவா வந்தமைத்த சூதறிந்து முப்பூவின்

காலத்திலும் கற்பமுண்ட காரணத்தி னால்முடிந்தே. 

பாடல் எண்:- 1460

முடிந்ததுகாண் தீட்சைபத்து மூலப்புளி சுன்னமதால்

படிந்ததுகாண் முப்புசுண்ணம் பார்தனிலுமார்முடிப்பார்

கடிந்தமுரி கற்பசுத்தி காயசுத்தி யானதினால்

வெடிந்ததுகாண் சற்குருவால் வெகுசரக்கு நீற்றினமே. 

(கலித்துறை)

பாடல் எண்:- 1461

ஆண்டுதச பத்து கற்பாதி கற்பத்தி னாதரவால்

பூண்டுத்தி றந்திந்த மூலப்புளியென்ற பொக்கிஷத்தை

வேண்டிவா லாம்பிகை பாதார விந்தத்தில் மேவிடயான்

தூண்டி யெனக்குப தேசந்தந் தென்னைச் சோதித்தளே. 

பாடல் எண்:- 1462

சோதி யானந்த பரிபூர ணானந்த சூக்ஷமதால்

வாத வயித்திய நானறிந் தம்பிகை மதுமலர்ச்

சாதனை செய்தொரு ஈராறு மாச்சுது தானறிந்தேன்

நீதிமெய்ஞ் ஞானத்தில் வெட்டியென்றேவேதநிர்மித்தனே. 

(வெண்பா)

பாடல் எண்:- 1463

வேண்டு மரிதார வேதையிட பாதையது

தூண்டிதுகாண் மூலப் புளிசுண்ணம்- வேண்டுலகில்

கண்டால் கலகமது காசமறுஞ் சன்னிசுர

முண்டாலு மூழ்வினைபோம் போம். 

பாடல் எண்:- 1464

தேனுமனு பானஞ்சேத்து மந்தொண்ணூற் றாறுமது

முளைவிட்டி வோடிவிடு மூழ்வினைபார்- தேனதனால்

நானுணர்ந்த ஞானவெட்டி நன்னூலது வாயருள

பானமதை யுண்டதுவும் பார். 

(விருத்தம்)

பாடல் எண்:- 1465

இந்தமதி யாலெடுத் துரைத்தேன் காணும்

எண்டிசையுங் கீர்த்திபெற விந்நூல் பாடிச்

சந்தயமெல் லாம்வெளியாய்த் தானே தோற்றும்

சங்கையென்ற மர்மமெல்லாஞ் சார்வாய்த் தோன்றும்

கந்தமலர்ப் பூங்குழலா ளன்னை பாதங்

கருத்தில்வைத்துக் கருவியெல்லாங் கணக்காய்ச் சொன்னேன்

இந்தமதி யெய்தினதா லாண்டே கேளீர் 

இனியுரைப்பேன் சவ்வீர சுண்ண மாண்டே. 

சவ்வீரசுண்ணம்

(தரு)

அதிவீரசுண்ணங்காண்- சவ்வீரமாலகாலவிஷங்காண். 

பாடல் எண்:- 1466

விதியிருந்ததினாலிந்தசுண்ணமு

மதிவிதவீரசவ்வீரபற்பங்காண்

மதிரவிராசகெம்பீரபூபதி

கெடிரணசூரமகிபதிராச- அதி. 

பாடல் எண்:- 1467

கட்டுமறுபத்துநாலுசரக்கையும்

வெட்டியெறிந்துவெண்ணீறதுபோலவும்

கெட்டிகாரசாரசிஷ்டையினால்வீரம்

பட்டுப்போய்மர்த்தனம்பற்பமதாகிடும்- அதி. 

பாடல் எண்:- 1468

வீரம்படநவரத்தினமர்தனம்

வேகமிதால்வச்சிரங்களுமர்த்தனம்

காரம்படநவலோகமுமர்த்தனம்

காலனென்றஎமன்கற்பத்தால்மர்த்தனம்- அதி. 

பாடல் எண்:- 1469

தாரத்தினால்செம்புவங்கமுமர்த்தனம்

தங்கமுதல்ரசிதங்களுமர்த்தனம்

சாரத்தினால்சரக்காதீதமர்த்தனம்

சத்துருமித்துருவறிந்துசெய்மாரணம்- அதி. 

பாடல் எண்:- 1470

வீரந்தனிலொருமேலும்பலமறிந்

தேனுமறுவகைநீரிலொருபடி

பானந்தனில்முப்புநானறிந்தோர்களிச்

சேனத்திலுமயச்சட்டிக்குளிட்டுமே- அதி. 

பாடல் எண்:- 1471

காரநீராலுஞ்சவ்வீரஞ்சுருக்கிட

காரசாரசெயநீரினில்கட்டிடு

மூரலற்றுமுழுக்கட்டுமிருரெண்டு

சாமத்திலுஞ்சுத்தபேதியாமாண்டையே- அதி. 

பாடல் எண்:- 1472

முப்புசுண்ணந்தனில்மூன்றுபணவிடை

கற்பூரமுங்காடிக்காரமுமைந்திடை

உற்பகநாபியுமுரவெங்காரமும்

இப்படிச்சூதமினமரிதாரமே- அதி. 

பாடல் எண்:- 1473

மடையன்புனுகுமனோசிலையந்தெடை

எடைபிசகாமலுமிந்திடைபூரமும்

நடைகுருவண்டுநாதவிந்துநீரில்

உடனேமூலப்புளியூட்டியரைத்திடே- அதி. 

பாடல் எண்:- 1474

விந்துநாதத்தினால்விட்டொருசாமமு

மந்தமரக்குமதுமைபோலாகவும்

சந்தயமில்லாசவ்வீரத்தின்மேலெழு

விந்தையெனும்ரவிவேகம்படப்பட- அதி. 

பாடல் எண்:- 1475

காயக்காயக்கதிர்காணசவ்வீரமு

மாயும்படியதுமாறிமாறியிடச்

சாயமேறிசரகாயுலர்ந்தாகிடில்

வேகங்கண்டுவீரமேவிடுமாண்டையே- அதி. 

பாடல் எண்:- 1476

தனியமூலப்புளிதான்சரகானதி

லினியதூளாக்கிடுமொருசட்டினில்

கனியஓரஞ்சதுகாரமதுபலம்

இனியகீழ்மேலுமிவ்வீரத்தையூட்டிடே- அதி. 

பாடல் எண்:- 1477

ஊட்டிமேலோடுஓரெழுகவசமும்

நாட்டிரவிவன்னிநாடிகடியில்

நீட்டியனலுமூலாக்கினைபாய்ந்திடில்

வேட்டியாகுமிதுவீரசுண்ணமிதே- அதி. 

பாடல் எண்:- 1478

வேகம்படவிந்தவீரசுண்ணத்தினா

லோகங்கள்நீறுநுழைந்ததில்பாய்ந்திடில்

சாகுமறுபத்துநாலுசரக்கது

மேகமிருபத்துஒன்றறுமாறுமே- அதி. 

பாடல் எண்:- 1479

ஆலகாலவிஷமானஅவ்வாறினால்

காலனேதுபின்கலிவருகாதுபார்த்து

மூலமெட்டுமுறித்ததுமோடியும்

பாலையாவதும்பாருஞ்சவ்வீரமே- அதி. 

பாடல் எண்:- 1480

வெள்ளியீரஞ்சமிதுசன்னங்குன்றிடை

யள்ளியேமூசையதுவுருகும்பதம்

கொள்ளியாஞ்சுண்ணங்கொடுத்திடப்பத்துகாண்

கள்ளமில்லிகனகமிதாண்டையே- அதி. 

பாடல் எண்:- 1481

தேய்வுமீரெட்டுஞ்செலுத்திமூசையில்

பாயுங்குன்றிடைப்பரீட்சையைப்பார்த்திடில்

வாய்வுபத்துக்குமேவைத்திடுதேனதில்

மாயுமதுநோய்கள்மரணங்காணாண்டையே- அதி. 

பாடல் எண்:- 1482

அசுவகெந்தியாதண்டம்வேர்ப்பட்டையுந்

தினுசுவேரிஞ்சிதிப்பிலிகோஷ்டமும்

வாதமடக்கிவேர்காற்பலம்

வசதியோர்சமன்வைத்தரைசுரமே- அதி. 

பாடல் எண்:- 1483

சுரசமதில்சூட்டிசுண்ணமும்

அரிசிதன்னிடையாவதுங்காண்கிலார்

துரிதமாகத்தொடுத்திடுமஞ்சுநாள்

பருதிகாலையுமாலையுமூட்டிடவே- அதி. 

பாடல் எண்:- 1484

ஓடுமூர்ச்சையுளமாந்தமுசல்வலி

சாடுஞ்சந்நிசந்திவாதத்தின்தோஷமுந்

தேடியுங்கடல்புக்கித்தீவாந்தரம்

நாடியோடிநாசமதாண்டையே- அதி. 

பாடல் எண்:- 1485

குமரகண்டன்குலைவலிபாரிசந்

திமிர்குஷ்டஞ்சேடத்தைவிட்டோடுமாய்

தமரதன்வாய்வுதலையிடிவிக்கலுங்

குமுறுங்கோள்கள்குலைவலியேகுமே- அதி. 

பாடல் எண்:- 1486

திசைகளோடித்திகைத்திடும்வாயுவும்

விஜையவீரம்விளங்கிடும்பாவமாய்ப்

பசையுநீர்கள்பறங்கிக்கிரந்தியுங்

கெசமிகுக்கெதிர்கீடுவராதுகாண்- அதி. 

பாடல் எண்:-1487

நடனமாதுவாலாம்பிகைதன்னருள்

நாதவிந்துமூலமுப்புவதால்சடம்

உடலிலுள்ளவூழ்வினைகளேகிடும்

முடமுடக்குக்கடிப்பதுமாறுமே- அதி. 

பாடல் எண்:- 1488

ஞானவெட்டிநாதாக்கள்மறைப்பெலாம்

பானத்தினால்விந்துநாதத்தினாலதும்

வானமும்மாரிமழைகள்பொழிந்திடும்

தானறிந்தேவீரசவ்வீரத்தாட்டமே- அதி. 

பாடல் எண்:- 1489

சூரனென்றசுத்தவீரசுண்ணமது

காரசாரத்தினால்கட்டுண்டுபோச்சுது

மாறகொடிவலுவேதைகளாகிடும்

வாலசூதத்தைமடக்கியேகொல்லுமே- அதி. 

(விருத்தம்)

பாடல் எண்:- 1490

அம்பரமாஞ் சுழிமுனைதிரு நடன வோசை

அண்டபரி பூரணத் திலகுஞ் சோதி

தும்பிமுகன் வல்லபைதன் தாளைப் போற்றி

சுபத்தில்சுக மெய்ஞ்ஞான சுகத்தில் நின்று

எம்பிரா னெனதுகுரு முனியைப் போற்றி

எள்ளளவும்பிசகில்லை யானும் சொன்னேன்

நம்பியுங்காண் பாடுபட்டால் கற்பம் வாய்க்கும்

நாதவிந் தறியாரேல் நரகந் தானே. 

பாடல் எண்:- 1491

நரகமென்றுஞ் சொர்க்கமென்று நடத்தை காணார்

ஞானமென்றும் யோகமென்று நாட்டங் காணார்

துரகமென்ற வாசிதனி லேறி ஞான

சுழிமுனையைக் கண்டுமதி யமிர்த முண்டு

இரதமென்ற யானையைத்தான் குளிகை செய்து

இகபரத்தின் வெளிதாண்டி எய்துங் காலை

பரமபத சொர்க்கமென்ற தீபங் கண்டு

பரஞ்சுடரில் நின்றுதினம் பணிந்தே னாண்டே.  

(கொச்சகம்)

பாடல் எண்:- 1492

கடலலைக்கு மூறிவிடுங் காரணம்போல் கண்டமதில்

அடரவுமே தாரைவிட்டு அங்கிருந்து வூதிடவும்

கிடுகிடென அண்டரண்டங் கீழ்மேலுந் தத்தளிக்க 

வடம்பூட்ட வாசியினால் வங்குக்குளிருந் தூதினனே. 

பாடல் எண்:- 1493

ஊதிடவி னாடியெட்டு உள்ளத்தில் நின்றுமனம்

சாதனைசெய் தேயடியேன் சற்றுமறி யாமலுங்காண்

வீதியிந்த மூலம்விட்டு மேல்வரையில் வாசியொட்டி

சேதியறிந் தேன்விடஞ் சிக்கென்றும் வினாடியெட்டே. 

(கலித்துறை)

பாடல் எண்:- 1494

நாடிடுங் காற்பத்து வோடிடும் வாசிநவத்துவாரத்திலும்

ஆடிடு நரக மரவத்தின் சாயலவ் வழிகளெல்லாம்

மூடிடுங் கற்ப முனைசுழி காணமூ லாக்கினியில்

தேடி யொருவழி பாயுங் கலையொன்று தேறினனே. 

பாடல் எண்:- 1495

காலாக் கினைகற்ப நாதவிந் தூறிய காலத்திலும்

வாலாம் பிகைநின்று மாழ்ந்திருந் தால்மூல வட்டமதில்

தாலாட் டியம்பிகை யமிர்தத்தைத் தந்து தசவருஷம்

நாலாம் பதவிக் கனுக்கிரக வாழ்க்கையை நாட்டினனே. 

(வெண்பா)

பாடல் எண்:- 1496

தந்து மதியமிர்தந் தாயா ரிருந்தெனக்கு

வந்துகலி தீர்க்கும்வா லாம்பிகைப்பெண்- முந்தி

வாதவயித் தியத்தின் வாறறிய நாதவிந்து

சூதவித்தையின் னதென்றுசொன் னாள். 

பாடல் எண்:- 1497

சூதவித்தை யின்னதென்றுசொல்லவா லாம்பிகைப்பெண் 

வாதவித்தை மார்க்கம் வசனித்தே- சூதவித்தை 

ஆண்டு வொருவருஷ மாத்தா ளமிர் தமதைப்

பூண்டறிந்து கொண்டேன் புகழ். 

கௌரிபாஷாணச்சுண்ணம்- ஆனந்தக்களிப்பு

(தரு)

தனனத்தனன தந்தனானா- தான- தனனத்தனனத்தந்தனா தந்தனானா. 

பாடல் எண்:- 1498

சவுரியமிதுவென்னசிங்கம்- சரக்

கானதில்கெடிவீரகெவுரியுந்தங்கம்

கெவுரிசிந்தாமணிகாணும்- கெடி

யானபாஷாணத்தின் பற்பமுந்தோணும்

கௌரியில்கோடி தொந்தங்காண்- கனக

வேதைதாம்பரத்தின்வேதையிதுகாண்

எவருமறியாரிச்சூட்சம்- ஏம

மிப்புவியில்பரிபத்துக்குமோட்சம்- தன. 

பாடல் எண்:- 1499

பாஷாணம்பலமொன்றுவாங்கி- பழம்

புளிசுண்ணமோரிடைபானநாலிடைதான்

காமாயம்போல்கரைத்ததில்வந்- தெளிய

கருதிடுமூன்றுநாள்கணக்குச்சென்றெடுத்துத்

தாழாண்மைவாராதெளிந்து- சல

நீர்படிகொண்டுசவ்வீரத்தின்பற்பஞ்

சூழனந்ததாரபற்பங்- கெடி

துருசியின்பற்பமுஞ்சூதபற்பங்காண்- தன. 

பாடல் எண்:- 1500

சீனம்வெங்காரம்பொட்ளுப்பு- சாரஞ்

செய்கைவகைக்குப்பலங்கொண்டுதூளாய்ப்

பானத்திலிட்டுப்பூவில்- பணம்

பற்பமெல்லாமினியந்திடைதாக்கி

ஈனம்வராமற்கடிகை- ரவிமேல்

முகம்வீசிடவைத்துக்கலக்கி

ஊனதுவைக்கொண்டுபார்க்க- கலியாண

முருக்கம்பூவதுக்கொப்பாம்- தன.