திருவள்ளுவரின் ஞானவெட்டியான் பாடல் எண் 1001- 1100

பாடல் எண்:- 1001

முப்பொருளாய் நின்றிலங்கு மதியே விந்து

முறையான நிலவுப்புக் கடல் நீருப்பு

இப்பொருளாய்ச் சமைத்தவிதச் சுன்னம் வாங்கி

யிசைந்துகுளி கல்லதனில் நன்றா யாட்டிக்

கைப்பொருளென் றிதையறிந்து வீரம் பூரம்

கருவினிலும் புழுகுகுரு வண்டு நாபி

செப்பதித வகைவகைக்கோர் களஞ்சு கூட்டிச்

சிதையசம் பழத்தினிட ரசத்தால் மாய்த்தே. 

வேறு- கவி

பாடல் எண்:- 1002

மாய மாய மயன தாகிடும்

வாய்வும் வன்னி வருணனுங் கூடினால்

தேய தேயசெம் பொன்னிற மாயிடும்

பாய பாயபகி ரண்டம ளாவியே. 

பாடல் எண்:- 1003

நின்று நாடி நிகழ்த்த மயனமாய்

அன்று நாளுமன் னாள்முழு தாட்டினால்

கண்டி சாடிக ணக்கொரு வீதமாய்ப்

பண்டு ளங்கனி பார்க்கப் பழமதே. 

பாடல் எண்:- 1004

கடலுப் பாவது கடல்நுரை கட்டினால்

கல்லுப் பாவதுங் காணும கத்துகள்

செடல வுப்பு சிவகங்கை கூடினால் 

அவனீ மீதினி லஷ்டசித் தாடுமே. 

பாடல் எண்:- 1005

மாதுவா லைவா லாம்பிகை தன்பதம்

ஏது நாதமு மேகத்தின் வாறுகாண் 

ஊதுந் தாரை யுயிர்காண முரியால்

வாத முன்னெதிர் வந்தெதிர் நிற்குமே. 

வேறு- கவி

பாடல் எண்:- 1006

வெண்மதிநிலவுப்பையறிந்திடும்

வேகமென்னவிதுவீரசுன்னமாம்

நண்பெறுமெழுகேவழித்தங்ஙனே

நாடிபில்லைரவியினில்காய்ந்ததால்

அண்ணல்தன்பதமர்ச்சித்துவட்டியில்

அடியிருக்கமேலோடுதன்மூடியும்

மண்ணதீதமண்சீலைமண்ணேழுமே

வண்ணியாங்கதிர்வாலையில்வைத்திடே. 

பாடல் எண்:- 1007

வைத்துச்சாவல்புடம்போட்டெடுத்துடன்

வானில்குப்பிருவந்தியத்திற்குள்தான்

சித்துவாதச் செகவசியம்மதாஞ்

சீனச்சரக்கறுபத்துடனாலதும்

பற்றுமில்லாப்பளிங்கதுபோல்நிறம்

பாரும்பாரும்பரீட்சைதன்வேதைகாண்

கற்றுமுப்பொருள்காட்டினார்நூல்வகை

காணாதொன்றுங்கருதினேனாண்டையே. 

பாடல் எண்:- 1008

ஆண்டுநூறுமடுத்தென்னபாக்கியம்

ஆயிரத்தைந்நூறில்வாறுகாண்

கண்டுநூல்கள்கல்லுப்பறியாமலும்

காணுங்காணாகருத்தழியார்காண்

மண்டலம்வலிவோடுதிரிந்ததால்

வண்டர்காணும்வகையறிந்தாரில்லை

ஒன்றுமொன்றுஉருவறிந்தாலல்லோ

ஓகோஓகோபாருமுனதருளாண்டையே. 

பாடல் எண்:- 1009

வான்புவிகடல்மண்ணும்விண்ணும்மது

ஏனதுக்கிதுக்கேவல்செய்யும்மதாம்

நானருள்ஞானவெட்டுக்கெதிரொரு

நாடியாடியநான்மறைநூல்களும்

பானுமாலிபரையென்றறிந்திடார்

ஞானமோதுவர்கியானசுகாதீதம்

மானுபாவரெனுஞ்சிவமுத்தர்கள்

ஆனதால்நற்பொருளறிந்தோதினார். 

பாடல் எண்:- 1010

முப்புமுப்புவென்றோதியநூல்கள்தான்

அப்புமப்புவென்றாரறிவார்களோ

செப்பினார்பதினெண்பேர்மகத்துக்கள்

தப்புமோசுத்தசாகரநீரெலாம்

அப்புவினருளான அவ்வாறினால்

கைப்பையேகளிம்பற்றுக்கசடறும்

இப்புவிஜெகவீணாசைகொண்டுவர்

கைப்பையுண்டுங்கருத்தறியார்களே. 

பாடல் எண்:- 1011

வாரிவாரிமகராசமாவதால்

நீறிடும்நவலோகமும்ரத்தினம்

தேறுந்தேறும்வெண்வங்கமொருபலம்

சீரதாய்முப்புசுன்னங்களஞ்சிடை

சாரிசாரிசாரித்துநீறதால்

ஆரபாரமதின்கீழ்மேல்பூசியின்

நீறிநீறியநீற்றினமாகிடும்

ஆறியுங்கதிர்வாலைரவியதே. 

பாடல் எண்:- 1012

அந்தரத்தலர் தாமரைமூலிதான்

அங்ஙனே அரைத்தங்கியும்பூட்டிமேல்

இந்திரக்கவசங்களுஞ்சீலைமண்

ணேழுஞ்செய்துஇரவியில்வைத்தெடுத்

தந்திரப்புடங்குக்குடபுடமாமதில்

அந்தவங்கமதிநிறவெண்மைதான்

சந்திரனொளிபோலும்பிரகாசமாய்

விந்தையாமிதுவெள்வங்கம்நீறுமே. 

பாடல் எண்:- 1013

நீற்றினால்நவலோகமுநீற்றிடும்

நேர்மைநேர்மைநிகரிதுக்கொக்குமோ

சாற்றினார்குருவெள்வங்கச்சுன்னமாம்

தாம்பிரபற்பஞ்சாஸ்திரவேதைகாண்

சூத்திரமிதுசொன்னாரகத்தியன்

தொட்டதெல்லாந்தொடுகுறியாமிது

பார்த்துபார்த்துப்பலபேர்மயங்கினார்

பாடுபட்டால்பலனுண்டுஆண்டையே. 

பாடல் எண்:- 1014

இந்தசுண்ணமெடுத்துக்களஞ்சிடை

யெந்தெந்தசரக்கெல்லாமிசைந்திடத்

தொந்தங்கோடி தொடுத்துமிழ்நீரதால்

அந்தந்தசரக்காவதுமோர்பலம்

அந்தமாய்க்குழைத்தந்தசரக்கின்மேல்

இந்தப்பாகமிதுகவசஞ்செயில்

கந்தப்பூமலரம்பிகைப்பொற்பதம்

சிந்தைவைத்துத்தெரிசிந்துப்போற்றிடே. 

பாடல் எண்:- 1015

பூரணச்சந்திரன்போலொளிவீசிய

தாரணைத்தசதீட்சைதவறிடில்

காரணக்குருகண்டுமகிழ்ந்திடும்

வீரியத்தாதுவும்விந்துகட்டிடும்

காரியமாஞ்செந்தூரத்திற்காயமும்

தேரிடுமொருதிங்களுணர்ந்ததால்

மாறமாறமதியமிர்தம்மதுசேரச்

சேரச்செந்தூரமொழிவதே. 

(வேறு- விருத்தம்)

பாடல் எண்:- 1016

முத்துடன் பவளம் பச்சையும் வயிர

முழுவயி டூரியங் கெம்பு

முற்பகப் புஷ்ப ராகமு மிவைகள்

முதிர்ந்திடா மரகதத் தோடு

சத்தெனு மஷ்டரத்தின மிதுகாண்

தனிவகை யொவ்வொன்று பலந்தரன்

தரணியில் வேதை சத்துக ளிலகுஞ்

சந்திர னுப்புவா லதிதம்

விந்தெனுங் குளிக்கல் தனிலுமொவ்வொன்றாய்

விளங்கிடு முப்புவின் சுன்னம்

இதுபண விடைகொண் டருள்பெற அமுரி

விந்துநீர் தனிலிரு சாமம் 

கற்றவர் கமல பொற்பத மடியேன்

கருத்தில்வைத் தர்ச்சனை செய்து

காரண குருவின் கடாக்ஷமும் புரியக்

கனகவே தையுமருள் கூர்வாம். 

பாடல் எண்:- 1017

கனகவே தையுமா மெழுக்கதின் பதத்தில்

கண்டிடை வழித்துயில் லையதாய்க்

கருணைகூர்ந் திலகுங் கதிர்முகம் படவும்

காய்ந்ததை வட்டியில் தாக்கி

வினவிதைத் தனைமேல் மூடிச் செய்கை

விசிதமாய்ச் சீலைமண் ணேழு

விக்கிர மாய்ரவி தன்சுவாலை யில்வைத்து

மிகுபுட மைம்பது எருவில் 

தனமிது வெனுமே புடமெனு மாறித்

தளையெடுத் தனுக்கிரகம் புரியச்

சத்துமுத் ததனில் தந்திர னொளிவாய்ச்

சங்கற் பமில் லாமலே

இனமதா யிலகு மிதுயுவ ரசமா

மெடுத்துட னுருக்கினா லுருகும்

எவர்செய லிதுகா ணமைப்பிருந் ததனாற்

செய்திடு மினியுரைப் பதுவே. 

பாடல் எண்:- 1018

செழுங்கன லொளிவா மழகுதன் விசிதஞ்

செழித்திடும் பவளமோர் பலமாய்த்

தெளிந்தநற் கலுவ மதனிலிவ் வகையைத்

திருத்தமா யூட்டிமென் குருவில்

அழுந்தமுன் னிடைகொண்டமுரிவிட் டாட்டி

யருளிரு சாமமவ் விதமாய்

அதைவழித் திலது மெழுகுபோல் வருத

லருமு கம்பட வருளியே

தெளிந்ததோர் வட்டி யதினதை யூட்டிச்

சிரமுடி மேலதாய் மேவிச்

செய்கைமண் ணேழு சீலையுந் திரமாய்ச்

செப்பிடில் சந்தது மிசைவாய்

விடமெலு மருணன் கனவில்தாக் கிவிளங்

கிடீரெரு வுமன் பதனில்

மேலதாய்ப் புடம்போட் டியல்புசத் திறங்கும்

வெண்ணிற மதியொளி யிதுவே. 

பாடல் எண்:- 1019

ஜெகமெலா நிறைந்த வடிவழ குடைய

திருமலர்க் கமலபொற் பதத்தில்

சீஷனென் றடியேன் சாம்புவ னெனும்பேர்

தெக்ஷணா மூர்த்தியின் செயலாய்ப்

புகழ்விளங் கதிதம் ராஜரத் தினமாம்

பூமவர் பச்சையோர் பலமாய்

புரையில்லாக் கலுவ மதனிலிட் டுபமாய்ப்

பொற்குரு பணவிடை ரூட்டி

அமலர் வீசு மதியொளி விளங்கு

மமுரிவிட் டாட்டிரு சாமம் 

அதிதமா மெழுகு பதமெனும் வருத

லதனையே வழித்துபில் லையதாய்

உகையதாய்க் கதிர்தன் முகம்பட அனலி

லுணர்ந்தெடுத் துடன்வட்டி யதனில்

உபமதா யடங்கி மேல்மூடிச் சீலை

யறுத்தமண் ணேழுசெய் விதமே. 

(வேறு- விருத்தம்)

பாடல் எண்:- 1020

அதிவிதிக் கதிர்தன் னொளிவதும் வீசு

அருணனில் முகம்பட அருளி

அனுக்கிர கம்புரிய ஐந்துபத் தெருவி

லக்கினி யனலது மூட்டி

துதியகத் தீசர் மலரடி பணிந்து

தொழுதுடன் தோத்திரஞ் செய்து

தொடுத்தன லாற்றிப் பசைந்தசத் தளவின்

சுகாதித மெனுஞ்சொல்ல எளிதோ

உதித்தசத் தொளிதா னுவரச மிதுபே

ருலகினில் நிலவதுக் கதிதம்

யோகியாய் ஜெனித்து யோனிதன் வழியி

லுற்பவித் தமைத்தவ னொருவன்

விதிதன்விந் ததனால் தந்தையுந் தாயும்

விரும்பிசை யோகத்தி லமிசை

விளங்குவார் பெரியோ ரிவரிருப் பிடமே

வீடுவந் துரைப்பது மேலோ. 

பாடல் எண்:- 1021

சுகாதிதஞ் சொலவும் ராஜரத் தினமாஞ்

சுடரொளி யிலகிய வயிரம்

சுழிமுனை யிலகு மதியனு மதின்பேர்

துகையுள திதுவடி வுளதாய்ச்

செகாதீத மனைத்து மடி பணிந் தொழுது

திருவுள னாயன்ற னருளால்

தேவரா யுதிப்ப தரிதரி துலகில்

சித்தராய் ஜெனிப்பது மரிது

தகாதுல கதித மனிதராய்ப் பிறந்து

தரித்திர அமிசையி லழுந்தித்

தந்தையாய் செய்கை பூசாபல யோகஞ்

சற்குரு பயனிவை தவத்தில்

யுகாயுக மளவு மனித்தியந்த தினந்தின

மொழிகுவ முலகினில் வாழ்க்கை

உடலுயிர் வளர்த்தி நாதவிந் துளதா

யொருவனே யுலகெலாம் படைத்தே. 

(விருத்தம்)

பாடல் எண்:- 1022

வயிரமொரு பணவிடைகாண் கலுவத் திட்டு

மகத்தான குருவில்பண விடைதா னூட்டிச்

சயிலமெனு முதகமாஞ் செயநீ றாகும்

தனைவிளங்க மதியமிர்த சலத்தா லாட்டி

அயிலவிது அறிவாரோ ஆண்டே கேளீர் 

அதுமெழுகு போல்மயன மதுகா ணெய்தல்

குயில்மொழிமா தம்பிகைப்பெண் குறித்துச் சொன்ன

கூறதனா லிருசாமங் கூர்வ தாமே. 

பாடல் எண்:- 1023

கூறினதோர் மெழுகெடித்துச் சதிரப் பில்லை

குறிப்பாகச் செய்துரவி முகத்தி லூட்டி

வீரியமா யிரவிசுட வட்டிக் கேற்றி

மேலொருதன் வட்டியது மிகவு மூடி

தெரியசந்து வாய்புதைந்து சீலை யேழு

செய்துகதிர் முகம்படவுஞ் செலுத்தி மேவி

நெறியுடைய வைம்பதெருப் புடத்திற் சந்து

நிகரில்லா வச்சிரத்தி னேர்மை யாண்டே. 

பாடல் எண்:- 1024

நிகரில்லாச் சத்துவி னொளிவோ கோடி

நிலைவதித் துய்யநிற மதியோ கோடி

சுகவதித வஜிகரவை டூரியச் சத்து

தொட்டகுறை யிருந்ததனால் சொல்வேன் காணும்

திகம்பரவை டூரியத்தில் பலமொன் றிட்டுத்

சிவகுருவின் பணவிடைதா னோக்கத் தாக்கி

அகமான அமுரிவிட் டிருசா மத்தில்

ஆடையிலு மெழுகுபத மாச்சு தாண்டே. 

பாடல் எண்:- 1025

கண்டுமெழு கெடுத்துசதுர் சீராய் வாலைக்

கதிர்முகவன் சுவாலைபடிக் கடிச தானால்

நன்றுதனி வட்டியிலி மடக்கி வட்டி

நடுமூடிச் சந்துமண் சீலை யேழு

அன்றிரவி முகம்படவும் ரவியில் வாலை

யைம்பதெருப் புடந்தனிலு மடக்கி வன்னி

வென்றுபுட மாற்றியெடுத் துடைத்துப் பார்க்க

மிகவும்வை டூரியத்தில் சத்த தாண்டே. 

பாடல் எண்:-1026

தரணிதனி லிதையறியப் பெரியோர் சொல்லச்

சாற்றினே னிதையெடுத்துப் பதனம் பண்ணிக்

குறைவதுவந் தெய்தாமல் குருவைப் போற்றிக்

கும்பமுனி திருவடியைப் பணிந்து யானும்

மறைவுகளில் லாமலிந்நூல் ஞான வெட்டி

வசனித்தே னாயிரத் தைந்நூ றுக்குள்

துறைகோடி முறைகோடி தொந்தங்கோடி 

தொட்டதெல்லாம் பலிதமெனுஞ் சொன்னாராண்டே. 

பாடல் எண்:- 1027

பூரணச்சந் திரன்மதியை விதிக்கப் போமோ

புஷ்பரா கத்தினுட சத்து நேர்மை

காரணத்தை மனதிலுன்னிக் கவலை நீக்கிக்

காசினியோர் செய்தொழிலில் கருதார் மேலார்

வாரண முனிவரெனுந் தெட்ச ணாயன்

வரத்தாலுந் திருவள்ளுவன் வசன காவியம்

சூரனெனு மதிவீர ஞான சிங்கம்

துரைசாமி பிரமசிருஷ்டி சூக்ஷமாண்டே. 

பாடல் எண்:- 1028

சூட்ச்சாதி சூக்ஷமெனும் புஷ்ப ராகம்

தூக்குமொரு பலமாகக் கலுவத் திட்டுப்

பட்சமெனக் களித்தகுரு பாதம் போற்றி

பரிகுருவில் பணவிடைகொண் டமுரி யாலும்

தட்சணமு மிருசாம மிடைவிடாமல்

சாதித்து ஆட்டிவழித் துண்டை யாக்கி

யிட்சணமுஞ் சதுரடைபோல் பதமாய் வாலை

யிரவிமுகம் படவுலர வெடுத்தா லாண்டே. 

பாடல் எண்:- 1029

வலுவான வட்டிதனி லடக்கி மேலும்

வட்டியது மேல்மூடி மண்ணுஞ் சீலை

விலுவாக சந்துமண் மேலு மூடி

வெகுவாலை ரவியதனில் விளங்க மேவிச்

செலவாகா தெருவதுகே ளஞ்சு பத்து

சிவந்தவன்னி மூட்டிகன லாறிச் சென்று

பெலமான சத்ததுதான் பேரியோ ராலும்

புவியிலமைத் தெவர்களும் புதுமை யாண்டே. 

பாடல் எண்:- 1030

சத்துகளின் சித்துஅறு பத்து நாலும்

தமிழ்முத்துக் கொப்பான வெள்ளே டில்லை

கற்றவர்கள் பழிப்பவரோ கவிக்கொவ் வாதால்

காரணத்தை யறியார்காண் மற்றப் பேரும்

முத்தர்நவ சித்தமற் றுள்ளோ ரெல்லாம்

முனிவனெனப் புகழ்ந்தேத்து முதல்வ ரான

வித்துவா னாயுதித்தாற் கிடைத்த தேது

விந்துத்தோ னவர்செயல்வாழ் விதித்த தாண்டே. 

(கொச்சகம்)

பாடல் எண்:- 1031

ராஜரத்தின ரதிதான் ரத்தினத்தில்கோ மேதகமாம்

பேசவரி தோபெரிதோ பேருலகி லாரறிவார்

தேசமதி லுமனந்தஞ் சென்னிதனி லும்பலங்கொண்

டாசைவைத்துப் பாடுபட்டா லாண்டேய ரைப்பதுவே. 

பாடல் எண்:- 1032

பாரிலிருந் தேயுற்ற பண்டிதரே யுங்கள் புத்தி

தாரிகளி லேமயங்கி தாபந்திரி யப்படவோ

நாரியர்தன் கையிலகப் பட்டபுலி பூனையைப்போல்

ஊரி லிருக்குநரி யுபாயமதாய் வாழ்ந்திடுமே. 

(விருத்தம்)

பாடல் எண்:- 1033

கலைபரவு மம்பிகையே வாலை தேவி

கருணையெனக் கருள்புரிந்த காட்சி யாலும்

வலுத்தன்னிக் கலுவமதில் மருவு முப்பு

வகையதனி லொருபலங்கொண் டமுரி யூட்டி

நிலைத்துவிடு மயனமெழு கதுபா கத்தில்

நிகழாமல் சதுரடையாய் நிகழ்த்தி வாலை

கலையதுவுமுருகிபனி ரெண்டு மோடில்

காந்தியொழி படவும்ரவி கடிச தாண்டே. 

(கலித்துறை)

பாடல் எண்:- 1034

கெடியான வட்டி கனிலூட்டி மேவிமேல் மூடியதும்

அடியான சீலை வழுவேழு செய்து அருணன்முகம்

படவும் படமொரு அஞ்சுபத் தோர்புட மாறியபின்

தொடவு மதீத கோமேத கச்சத்து சோதிப்பதே. 

பாடல் எண்:- 1035

மரகத வாலைப் பரிபூர ணத்தின் மலரடியில்

வரமே யளித்த குருமுனி பாத மடிதொழுது

நிரமே மரகதம் பலமொன்று பார்வை நிகந்தருவீர்

சரமே வியபதங் கலுவத் தினிலிட்டுத் தாபியுமே. 

பாடல் எண்:- 1036

சற்குரு விந்து நாதமுங் கூடிச் சருவினதால்

வற்கமும் பொருளின் பணவிடை கூட்டி மதியமிர்தம்

முற்க மதாக விருசாம மாட்டி முன்பதமாய்

உற்கந்த விர்ந்து சதுரடை செய்து உலர்த்திடுமே. 

பாடல் எண்:- 1037

கதிர்கோடி வாலை ரவிசூடு பட்டுக் கடிசதுவாம்

பதிமேவி வட்டி மேல்மூடி செய்து பாகமதாய்

மதியேழு சீலைமண்பூசிப் பின்பு வைத்துப்பதம்

மிதமேவு வைம்ப தெருச்சூடி யேவன்னி வீசவுமே. 

(வெண்பா)

பாடல் எண்:- 1038

மரகத மாஞ்சற்று வானி லெழுமில்லை

திரமிதுகாண் பதனமிது செப்பினோம்- மரகதத்தில்

ஊரினி லுண்டாய்ந்து உத்தசெய்தி பாடுபடச்

சாரிவர லாங்கடல்சூழ் தான். 

பாடல் எண்:- 1039

மாலின்திரு வாலிலகு மாதவத்தோர் கண்டறிந்த

ஆலிலைமேல் பள்ளிகொள்ளு மாயுன்- மாலின்திரு 

அவ்வெழுத்தும் பேசு மறிவா லறிவறியும்

உவ்வெழுத்தால் வாய்மூடு வோம். 

பாடல் எண்:- 1040

நீலமா ணிக்கமது நின்பல மொன்றுவெடை

வாலைகுரு வெடைபணமாய் வாங்கி- நீலமணி

புரையில்லாக் கலுவமது பூட்டிவிருந் துச்சூட்டி

உரையமெழு சாமு முணர். 

பாடல் எண்:- 1041

மயன மெழுகு மதியமிர்த நீரூட்டி

வயதுகுறை யாதிடைக்கு வன்னி- மயனமெழு

சதிரிடைபோ லிலசூந் தனிக்கதிரோன் தன்முகத்தில்

பயமதுகாண் வாராது பார். 

பாடல் எண்:- 1042

மண்வயிர வட்டி வைத்துமேல் வட்டியதும்

நண்பதிதண் சீலை நாட்டி- மண்வயிர

ரவியில் முகம்படவு நன்னயமா யைம்பதெரு

திரவியமா வன்னியதுஞ் சேர். 

பாடல் எண்:- 1043

மாறிகன லாற்றி மாறிசத்து நீலமணி

கூறுமா ணிக்கமதுக் கொவ்வாது- மாறுகனல்

விந்துநவ சத்து மிகவு மொருசுரூபம்

வைத்துகுரு பணவிடைகா ணாண்டே.

பாடல் எண்:- 1044

அமுரியுடன் றேங்கு அதுபத்துக் கொன்றுயிடை

கமுரியுட னாட்டிக் கருங்குகையில்- அமுரியுடன்

கதவான சத்ததற்குக் கருமயம் ரேசித்துப்

பதனங்கு கைமுக்கால் பார். 

(வேறு- கவி)

பாடல் எண்:- 1045

ஓடுகுகை சீலைவயல் காடுகளின் தோறும்

நீடுமிரு வஞ்சுகர கால்களதின் வாறும்

தேடுநில மண்வளைகல் தோறுமெடு மூடி

கூடுகுகை சந்துபிசைந் தாடும்ரவி சூடே. 

பாடல் எண்:- 1046

கொல்லனுலை யில்லம டக்கமிக வூது

வெல்லலாமி தற்குவித மூன்றுவிசை யேற்று

வல்லமையி தற்குவடி வானநவ ரத்னம்

சொல்லவெளி தோவதனின் சூட்சமறி வாரோ. 

(வெண்பா)

பாடல் எண்:- 1047

சூக்ஷமிதுக் கின்னஞ் சுகாதீதமாய்ப் போசனங்கொள்

வாசமலர் வீசும்வச்சிர தேகம்- சூக்ஷமிது

பச்சைமா ணிக்கம் பருமணிபோ லுண்டையதாய்

வைச்சபொரு ளாண்டே வயசு. 

பாடல் எண்:- 1048

பச்சையிது ரத்னம் பட்டவெளிப் பிரகாசம்

சத்துஎம ரசமிதுகா ணாண்டே- சத்ததுவும்

ஆற்றது காண்களிம்பு அறுபத்து நாலுமது

சேத்ததுகா ணமுரியினால் சீர். 

(வேறு- கவி)

பாடல் எண்:- 1049

சத்துநவ ரத்னமிது எத்ததுமு டைத்து

வித்துகுரு சுன்னமது வீரமணி கூட்டி

யெத்தது மதிப்பிறையின் விந்துநீரி லாட்டி

ஒத்தொரு விநாடியினி லெத்தகுகை யாண்டே. 

பாடல் எண்:- 1050

ஊதியெலி காரமிட வூதவுரு குங்காண்

வீதமொரு கிண்ணிகுகை யேழுமேழு கூட்டி

வாதிகரு மூடிகரு மண்ணதுவி னாலும்

தாதுவடி கட்டிவருஞ் சத்துமிது வாண்டே. 

பாடல் எண்:- 1051

கிண்ணமதில் சூதமொரு சேருவதி லூட்டி

வண்ணதிரு மேனிரசம் வாங்கியதில் சேர்த்துக்

கொண்ணைசரக் காமதுவி னாலுங்கடை யச்சேர்

வெண்ணிறம தாகிரச வெண்ணெயது வாமே. 

பாடல் எண்:- 1052

வெண்ணெயில்வெங்காரமிடவிராகனிடையூட்டிக்

கண்ணின்மணிபோலவுங்கருங்குகையிலிட்டுக்

கிண்ணியதுவேகம்படரத்னமிதுதங்கம்

மண்ணினுடகரவலரைவாள்பகர்வாளாண்டே. 

பாடல் எண்:- 1053

மூசையிலடக்கியுமிமேலுங்கரிதாக்கி

ஓசையிடவூதியிடுஉண்மையிதுகண்டாய்

வாசமலரம்பிகைவாலாம்பிகையைப்போற்றி

வாதரசசூதமணிவாலையருளாண்டே. 

பாடல் எண்:- 1054

இம்மணியும்பாலிலிடஎண்விதநீர்வாங்கும்

அம்பலர்கடாக்ஷமதுளாயிரத்தெண்மாற்று

சம்புதிருவள்ளுசதாசாம்பவனுமாகில்

அம்புவியில்வாதிகளறிந்துவருகாணேன். 

பாடல் எண்:- 1055

காரியெனும்வங்கங்கருவங்கமதுசேர்தான்

வாரியயச்சட்டியிடுவட்டியதுமூடி

நாரியர்சுரோணிதமதாகுமுருவீரின்

சீரியரசத்தையிடுசேருக்கொருபலமே. 

(வேறு)

பாடல் எண்:- 1056

வங்கசல நீரருவி யூதிவிட வுருகும்

வாங்கும்ரச சூதமணி வாலைரச மாகும்

ஓங்குமுனை குப்பியிலு றுத்திர வாதி

ஓகோபுவ னங்கள்மய லோகவய மாண்டே

யெங்குமதி தீபவொளி சூழுமுனை மீதில்

ஐங்கரன் பதக்கமல செங்கதிர் விலாச

மங்களமி வைதொழிலு ரைத்தபரி வேதை

தங்கரச வங்கமிது சாக்சியறி தாண்டே. 

பாடல் எண்:- 1057

வெண்மதிவெண் வங்கரச மேவுமயத் தாடி

வித்துஒரு சேருருக வெண்சாரணை மூலி

உண்ணும்ரச மோர்பலம் தாகவிடு வீர்காண் 

ஓடுருக ஆடிசல மோடியது பாயும்

கண்ணும்ரச வாலையது சூதமணி போமோ

டண்ணுவிடுஞ் சுத்தசல வெள்வங்கநீ றாலும்

கொண்ணுவிடு மேகுளிகை கோடிபரி வேதை

குப்பியில டக்கிரசங் கொண்டிடவுஞ் செய்யே. 

பாடல் எண்:- 1058

இந்தரச மாமதுவு மேமரச மாகும்

அந்தரச தேய்வுஇடை யயமதிரு பத்தும்

இந்தகுகை தன்னிலது நீரதுரோ லாகில்

அந்தமதி வங்கமோ வராகனிடை பூட்டே. 

பாடல் எண்:- 1059

ஊட்டியுமி யூதியெடு பத்தரையு மாகும்

ஓடுமிர சிதமெனு மொண்ணரையு மாகும்

காட்டியவெண் வங்கரச முப்பதொரு வஞ்சும்

காட்டையில் வராகனிடை கனகமது வாண்டே

ஏட்டினில்வி திப்பதனு போகியரு ளாலும்

எட்டியிது பத்தரையு மேருமய மாகும்

நீட்டிடுங்கா ரீயசல சூதரச வேதை

நாட்டினிலு முண்டுரச நன்பரிசப் புகையே. 

பாடல் எண்:- 1060

புகைக்குஉமி சூதரச வங்கமிது கோரு

பொன்மயம் வராகனிடை போடுங்கரு நீரு

துகைக்குப்பதி னாயிரம ணங்குஇடை தேய்வு

சூட்சமிது சூதமிது சூதமிது சொன்னேன்

நகைக்கரச வாதமிதுக் கேவலது செய்யும்

ராஜர்களு நாடுமகிழ் நாமிவர்க்க வைத்த

வகைக்குநவ லோகபரி தங்கமய மாகும்

புகைக்குநிக ருண்டோசெய பூபதிகா னாண்டே. 

(வேறு)

பாடல் எண்:- 1061

கிண்ணமதி லன்னமொடு ஆவினமிர் தங்கள் 

அன்னமது சுவையுமொடு அதிதவகை யெல்லாம்

இன்னவகை யுள்ளசட மென்றனநிற மாகும்

வர்னபரி தங்கவொளி சொன்னேன்தொழி லாண்டே. 

பாடல் எண்:- 1062

அமுரியிதி லுண்ணசட மாக்கையழி யாது

அமிர்தவெளி மதியுங்கதிர் வழலையதி னாலும்

அமிர்தரச பானமுறு காயம்பெல மாகும்

அமுரிரவி மதிதரச வேதையொடு வாமே. 

பாடல் எண்:- 1063

கற்பமதி லுண்ணசட சொற்பமது வல்ல

விற்பகவி னோதரச பானதி னாலும்

உற்பகந ரம்புதச நாடிவலு வாகும்

இப்பொருள றிந்தவர்கள் கற்பனைசெய் வாரே. 

பாடல் எண்:- 1064

அக்கினிமி குந்துவள ரந்தமது கோடி

திக்கினில்சித் தாதிகளுஞ் செய்கையுணர் வாரோ

கைக்கினியி தற்குமணி மந்திரம றிந்தால்

அக்கரையுந் தாண்டியனுக் கிரகம்பெறு வாரே. 

பாடல் எண்:- 1065

முப்புவும றிந்துவுரை தப்புமோகை பாகம்

இப்படியு டற்குறியுஞ் செப்பிடுஞ் சாஸ்திரம் 

சொற்படியு ரைத்ததிரு வள்ளுவனு ணர்ந்த

இப்புவியி லும்மறிவ ரெந்தனுரை யாண்டே. 

(வேறு- கவி)

பாடல் எண்:- 1066

ஆட லாங்கட லுப்புவி னால்ரசம்

காடெ லாமுடல் காந்த மலரினால்

ஓடெ லாம்ரச வாதிகள் தேடினும்

வீடெ லாம்வெளி வேதைக் குருவதே. 

பாடல் எண்:- 1067

உப்பென் றாலுரு வானஉப் பேதுகாண்

செப்பி னார்தெட்ச ணாய னருளினால்

கைப்பு மாறிக் கடல்நுரை கட்டியும்

வைப்பு காண்கடல் வாரிக்கல் லுப்பதே. 

பாடல் எண்:- 1068

காந்த மாமலர்க் காட்டினி லுப்புகாண்

ஆய்ந்து பார்க்க அடிமூல சுன்னமாம்

மாய்ந்து மாய்ந்துவ ரும்புளி மாறினால்

தோய்ந்து அப்புவுந் தோய்ந்தது சொக்குமே. 

பாடல் எண்:- 1069

அமுரி யுப்புமப் பூவுங் கடசலம்

அமுரி யுப்புமடி மூலம் புக்கினால்

அமுரி யுப்புமம் மண்ணதில் பூர்க்குமாம்

அமுரி மூல மதிதசுன் னங்களே. 

பாடல் எண்:- 1070

காந்த மாமலர் கதிரெனுஞ் சூரியன்

ஆய்ந்து பாரு மதுபுளி மண்ணுதான்

சேர்ந்து தான்கட லுப்புவுங் கூடினால்

ஈந்து தானு மிதுநிக ரில்லையே. 

பாடல் எண்:- 1071

காடு காடுகா டென்றா லறிவரோ

காடு தான்கரு கண்ட மகத்துகள்

வீடு வீடுவீடென் றாலுன்னுக் குள்ளே

நாடு நாடெலாம் நாடித் திரிவதே. 

பாடல் எண்:- 1072

வறுமை யேன்வரும் வாதிக ளுங்களுக்

கருமை யில்லைகாண் கல்லுப் பறிந்ததால்

உருமை யாயரு வானக்கல் லுப்புதான்

சிறுமை யேன்வருஞ் சித்தர்சொன் னார்களே. 

(வேறு- கவி)

பாடல் எண்:- 1073

இடைபின்மேவுகலைசுழி

யிலங்குமதியிரவிசூழுமணிமுடியினில்

விடபரங்கிரியிலமிர்தஞானசுக

வெளிகடந்துஒளிமேவியான்

சடைமுடிமகுடமலர்பொழிந்தருளில்

சற்பரத்தினடிதொழுதுயான்

நிடதராஜயோகவாலைகுண்டலியி

னிருவிதாளடியைப்பணிகுவாம். 

பாடல் எண்:- 1074

மகிதலங்கருவூரிலகுநாடியல்புகழ்

வாரிசூழ்மதுரவேணியில்

அகிலமேவுகதிசந்திரபுஷ்கரணி

அமிர்தமாமதிதன்ரவிபதம்

பகிரதிகள்திருநடனபொற்கமல

பாதபங்கயமுநாடியான்

கெவனசூக்ஷசடாதரமேவிவளர்

கெதியில்நின்றுதொழுதேத்துவாம். 

பாடல் எண்:- 1075

மருவுஞானவொளிமதிவிளங்கு

மணிமலர்முடிக்கமலமீதினில்

கருவூர்நாடுதிருநடனகாயபுரி

கருணைஞானத்தமிழ்பொழியவும்

திருவருளமிர்தஞானவெட்டி

தெளிந்ததோதியாமுமிவைகூறுவாம்

இருள்விளங்குமனுக்கிரகசோதியரு

ளென்னூலின்மொழியையோதுவாம். 

பாடல் எண்:- 1076

பொதிகைமேவுமகத்தீசராலெனது

போதஞானதமிழ்வாக்கியம்

மதிவிளங்கும்ரவிசுடர்பதம்ரவி

மலர்பொழிந்துதொழுதோதினான்

விதியிருந்துமதிபாலுணர்ந்து

விழிசுழியறிந்துதமிழ்பொழியவும்

பதியஞானபரிபூரணத்தினடி

பாதபொற்கமலம்பணிகுவாம். 

பாடல் எண்:- 1077

சண்டமாருதக்குழம்பையானருள

சனகனாதிபலமுனிவரும்

அண்டர்கோனருள் பதினெண்பேர்

மகிமாயிரத்தைந்துநூறதும்

தெண்டிரையுங்கடல்மேருதோறுஞ்

சிவஞானசித்தர்கள்புகழ்ந்திடக்

கண்டிரோஜெகதிமானுகாலுடலில்

காயசித்திகுழம்பாண்டையே. 

பாடல் எண்:- 1078

தன்னைத்தானறியசண்டமாருதமுஞ்

சாம்புவனருளுஞ்சார்புவி

மன்னர்மண்டலிகராஜபூபதிகள்

மகிதலத்தினிலும்வாழ்பவர்

உண்ணுங்கற்பமதுக்கொன்றுகோடிபல

ஊழ்வினைக்குமிதுஅவிழ்தமாம்

வென்றிடும்வினையைவேதையாமிதனில்

வெகுபேய்ப்பிணிநோய்விடுவதே. 

பாடல் எண்:- 1079

மூலசுத்தியிதில்மும்மலங்களாறு

முன்னோர்சொல்லுங்கரிசாலைதான்

வாலையாகும்ரசவாதமும்வருதல்

வானோர்சொல்வதும்வல்லாரையேன்

காலைமாலையதுங்காரசாரமுணர்

காயசித்தியாங்கற்பமாம்

சோலைமலர்விலாசவாசமெனு

சூக்ஷசூக்ஷசடாதாரமே. 

சண்டமாருதக் குழம்பு

(தரு)

சண்டமாருதக்குழம்பிதுகாணுமென்னாண்டே- பிர

சண்டதேகமொழிந்தேவச்சிரதேகமாநன்றே. 

பாடல் எண்:- 1080

அண்டரண்டம்வானத்தளாவியமாமலைசூழும்- வேணி

அற்புதசந்திரபுஷ்கரணிதீர்த்தம்வாழும்- கதிர்

மண்டலண்டரண்டங்களுலாவியவாசி- மதி

மண்டலஞ்சூடியமாமலர்ஞானோபதேசி- சுழி

நின்றிலகுந்தென்பொதிகைவளர்தெக்ஷணாயன்- செகம்

நீடுலகும்புகழர்ச்சித்துபூசிக்குநேயன்- அருள்

கண்டுபொற்கமலபாதபங்கயத்தைநாடி- பிர

சண்டமாருதக்குழம்பையருளுவேன்தேடி- சண்ட. 

பாடல் எண்:- 1081

பரமண்டலமண்டரண்டங்களும்பேதித்துப்- போகும்

ராமபாணத்துக்குப்பின்னிளைப்போகாமலுஞ்சாடும்- சர

மண்டலங்கட்டியறுத்திடலாநதிவ்யஅஸ்திரம்- சார

காரத்தினாலறுத்துநால்வருமெம்மாத்திரம்- சுர

பாணத்தினால்மேகந்தீவுதீபாந்திரமேகும்சேத்துமந்- தொண்ணூற்றாறு

மொருபக்ஷத்தில்நீறியும்வேகும்- கரை

காணப்பிரசண்டத்தைச்சொல்லஉன்னால்வெள்ளேடில்லை

கர்மநோய்கள்துலைந்துவச்சிரதேகமாங்கல்லே- சண்ட. 

பாடல் எண்:- 1082

வெறண்டுங்காண்வினைஊழிபறந்திடுந்தங்கம்- மேகம்

இருபத்தொன்றுந்தூசிபோல்பறந்திடுஞ்சிங்கம்- வருங்

கண்டசூலைக்ஷயகாசமரோசிகங்குன்மம்- குத்தல்

மண்டையிடிமதுமேகமகோதரந்துன்பம்- வாய்வு

அண்டவாதமரையாப்புகர்ணிகமும்வயிறுநோய்

நெஞ்சுதொண்டைவலிதொடைவாழைபவுத்திரஞ்சுரநோய்- புகை

கொண்டுபுண்புரைகளண்டப்புற்றும்யோனிப்புற்றும்- குடல்

வாதங்கூனிவாதஞ்சந்தவாதங்கன்னப்புற்றும்- சண்ட. 

பாடல் எண்:- 1083

சூதங்கெந்தியரிதாரமனோசிலைபூரம்- கெவுரி

சூஸ்திரநாபியிருவிநிர்விஷம்லிங்கம்- பத்தும்

சோதியீரைஞ்சுவராகனிடைகொண்டுசிலை- கயிறு

தொங்கலிட்டுப்பாண்டந்தோளாந்திரமெனும்வாலை

அமுரிவிதநாலுக்கொன்றுமூலப்புளியெனுங்காரஞ்சினம்

வெங்காரம்பூநீர்வெடியுப்புதேனுப்புச்சாரம்- பான

வேதைஉப்புஅப்புவிந்துப்புடன்மேனியுருவிவளையில்

மேவுமீரஞ்சுவிசிதமறிந்தருள்போற்றே- சண்ட. 

பாடல் எண்:- 1084

லவணமீரஞ்சுமிடைசரக்கவ்விடைதூக்கி- சாரங்

கவனத்துடன்காரநீர்தெளிந்தேசன்னீர்தாக்கி- இன

மவுனத்துடன்காரசாரத்தில்நீறதில்மூட்டி- உப்பு

லவணத்தையும்பொடிசெய்துநாதவிந்திலூட்டி- பாகங்

கெவனத்திலும்பாண்டங்கேசரமாகவுஞ்- சாற்றி

வாலைபுவனையெனும்பதம்போற்றித்தோளாந்திரமேற்றிக்- கனல

கவனமதாகநீர்தொக்கிடவன்னியைத்தாழ்த்தி- சோதி

கமலப்பிரகாசஒளிவுவரும்பதமாற்றி- சண்ட. 

பாடல் எண்:- 1085

பார்த்துவரும்பதம்பாய்ச்சிப்பீங்கானதில்காரம்- பின்னுங்

கார்த்துக்கதிரவன்வேகம்படஒருவாரம்- இதை

சேர்த்துவைத்திடுஞ்சர்க்கரையைப்போல்வரும்பாகம்- மருந்

தேத்துந்தோளாந்திரமெடுத்துமேவிடும்வேகம்- ரசம்

வேற்றுமையில்லாமிகவுமேன்மேல்சுற்றிப்பாரும்- மெழு

கேத்துஞ்சரக்கதிதங்களனைத்துமேதேறும்- அருள்

சாற்றிமதிமலர்சற்குருமாமுனிபாதம்- வகை

நீற்றுஞ்சரக்குநிகரிதுக்குத்தொந்தபேதம்புகழ்- சண்ட. 

பாடல் எண்:- 1086

வாதமடக்கியுந்திப்பிலிசுக்குடனோமம்- வளர்

சீரகம்ரெண்டுஅரத்தைப்பறங்கிக்குரோசாணி- கடுகு

வீரம்வராகனிடைபொன்னிறமதாய்மேவும்- கனல்

நீதமதாய்ப்பதமாக்கசரக்கிதைவெதுப்பும்- பின்பு

பேதம்வராமல்பொடிபிலக்கநாட்டியிடித்து- ஆண்டே

சேதம்வராதெந்தன்செய்பதங்கள்வரமுடித்து- மேலும்

நாதவிந்துகருவூர்வளநாட்டினிலிலகும்- வேத

ஞானமொருநன்னூலாயிரத்தைந்நூறுமாய்ந்தோரிது- சண்ட. 

பாடல் எண்:- 1087

அதிமதுரங்கோஷ்டங்கடுகுரோகணிகடுக்காய்- சிங்கி

அக்கரகாரமாவாரையுங்காக்கணஞ்சிவதை- பிதுர்

துதியீரைஞ்சுமெடுத்துப்பொன்வறுப்பாய்த்தொடுத்துப்- பொடி

விதித்துவடித்துகஸ்தூரிகுங்குமங்காயம்- பச்சை

மதித்திடுங்குரோசனைவகையிதுமஞ்சு- மகிழ்

வதிகமொன்றுவராகனிடைவகைக்கொன்- றுளங்

கதித்திடுமுன்போலப்பொடியதுஞ்செய்துபாகம்- பதங்

கச்சூருந்திராட்சிபனைமட்டுந்தேங்காயின்கறியும்இவை- சண்ட. 

பாடல் எண்:- 1088

பொருந்துமம்பிகைப்பொற்கமலம்பதம்பணிந்து- வாளம்

மருந்ததைச்சுத்திவசப்படுத்திஅவ்வசையில்- பதம்

இருந்தமருந்துமிவ்வெடையைம்பதுவராகன்- நெடுந்

துருந்தமாகத்தொடுத்துச்சற்குருவைத்தொழுது- சுகம்

விருந்தமுன்மருந்தருந்திடுநூறுமாச்சு- பற்பம்

வராகனிடையசெம்புவெண்ணிறமாகவும்- பாச்சு

குருபுருவத்தினடுசுழிமுனைமலர்சொரிந்து- புகழ்

புனிதமாமெனுங்குளிக்கல்லதனில்பரிந்துசெய்கை- சண்ட. 

பாடல் எண்:- 1089

கோமட்டிமாதளம்பழத்தின்ரசம்விடுத்து- இணை

குறுக்கிடாமலுமூன்றுநாளாட்டிமயனம்- மெரி

யாமணக்கின்வித்தில்தயிலமாமதுமிறக்கி- அருள்

அத்தயிலம்விடும்பதமாயாட்டிடுமுன்போல்- இவை

பூமணக்குங்கருநொச்சிவெள்ளறுகுதுளசிபுனல்- கண்டு

பொற்கையான்வல்லாரைகரிசாலைபிரமி- சங்கும்

ஏமரசமெறிந்தெலுமிச்சம்பழரசந்தான்- இதை

பிணைவிடாமல்வகைக்குமூன்றுதினமருவி- சண்ட. 

பாடல் எண்:- 1090

வகைக்கொன்றுவிதமூன்றுநாளிராதுமூலி- செய்தை

வகையதாயுணர்முப்பத்தைந்துநாளாட்டியும்வழித்து- இவை

துகைகணக்கறிந்தொருமனதொன்றுசுகமாய்ப்- பின்னூந்

துன்பம்வராமலுமின்பசையோகவைராக்கியம்- மயல்

நகைநகைத்துமினுக்கிக்குலுக்கள்வாசம்- மேலும்

நாடிநாடிடாமலும்ராசயோகந்தனில்நேசம்- குரு

உகையிதற்குவாலாம்பிகைபாதமென்னோடே- தொழு

துள்ளங்கனிந்துடன்வள்ளலெனும்பதம்போற்றி- சண்ட. 

பாடல் எண்:- 1091

சண்டமாருதக்குழம்பைவழித்துச்சிமிளில்- ஏனஞ்

சார்வாய்வெகுபந்தனங்களடைவாய்நெற்பாண்டம்- மறை

மண்டலம்வைத்துவாலாம்பிகைபொற்பதம்பணிந்து- வரும்

வல்வினையூழிமகாசுரஞ்சன்னிகள்மாந்தம்- பாலை

தண்டிடுமுக்கல்பிரளியுமள்ளுடனிசுவும்- மிக

கக்கல்கறுத்தகிரகதோஷமுங்கவுசி- வலி

நின்றிடுமூர்ச்சையும்விக்கலுமேப்பமுமிரைச்சல்- உஷ்ணம்

வெறுப்புமதுப்புங்காக்கவலியதுங்கொறுக்கை- சண்ட. 

பாடல் எண்:- 1092

குமரகண்டவலியக்கினிமந்தமுங்குலைநோய்- குடி

கெடுக்கும்வாய்வினால்மூடிக்குக்கடிப்புப்பிடிப்பும்- இவை

திமிருடன்தசவாய்வுமெழுப்பிடுங்குழம்பு-கிண்டி

திப்பிலிசுக்குடன்மிளகுந்தேனைவிட்டரைத்து- அதில்

சமரசமெனுங்கூட்டிக்கழஞ்சிப்பிரமாணம்- உண்டைதனை

யதுக்குள்குழம்பிட்டுத்தாக்கிடுநோய்க்கு- ரவி

அமிழ்தமதுவெனுங்காலையில்நோயதக்கருது- மிந்த

அவிழ்தமூட்டிமுன்னம்வேம்புடன்பத்திரி- சண்ட. 

பாடல் எண்:- 1093

அகார உகார ஓங்கார மூன்றெழுத்தி- னாலு

மதமாகும்பிணிநோயகன்றுவிடும்படி- அதமாய்ச்

சிகாரவகாரநகாரமவ்வெழுத்தும்- செபி

தெளிந்துடநூற்றியெட்டுஓதிடு- முபமாய்

விகாரமதாகியநோய்கள்பறந்திடுஞ்சுகமாய்- விதி

மேவிஅவிழ்தம்விளங்கிடுமெஞ்சுநாளகமாய்க்- காலை

சுகாதிதசுகமொருவேளைகணக்காய்ச்- சொன்னோம்

தொழிலாளியானால்மணிமந்திரமெனுமவிழ்தம்- சண்ட. 

பாடல் எண்:- 1094

பிரசண்டமாருதபேதாபேதம்பிரித்தாண்டே- சொல்லும்

பெரியோர்வரப்பிரசாதகத்தாலிதுகண்டே- பிணி

குறைவாராதுகாண்பத்தியமுமிச்சாபத்தியம்- குலை

குலைந்துநோய்கள்போங்குணவல்லியமிந்தக்குழம்பு- பின்பு

திரையில்லாமலுஞ்சுக்குடன்திப்பிலிமிளகும்- வெந்நீர்

தினுசதைக்கொண்டுசுரசமாமதில்தேனுங்கிண்டி

பரவசமிதுஅவிழ்தமுங்கொண்டுபாய்ச்சி- பரி

பூரணமாகவுங்காலையிலஞ்சுநாள்முன்போலருள்- சண்ட. 

பாடல் எண்:- 1095

வாலப்பருவம்வருமளவில்வந்தகுன்மம்- மதி

மயங்கியுங்கடல்புக்கிடும்பாரிதுபரிட்சை- பின்னும்

மாலைப்பருவமதுநாலும்பத்துடன்சென்றால்- வஸ்து

பானத்திலுங்குழம்பெடுத்துக்கிண்டியிட்டுட்டி- இன்பச்

சோலைமறப்புடைகொசுவித்தேனதில்பாய்ச்சி- இந்த

சூலைபதினெட்டுக்குன்மமெட்டும்பறந்தோடு- சொல்லும்

வேலைவிழிமடமாதுசூதகத்தினோய்க்கு

மிதுவிடுமந்தப்பாகமேதினியோர்களுக்காமே- சண்ட. 

(கொச்சகம்)

பாடல் எண்:- 1096

வேல்பொழியு மாது வின்பரச வாலையருள்

பாலுமெனக் கூட்டிமதி பானமிர்த மேயொழிய

ஞாலமெனு ஞானவெட்டி நன்னூல்விதி யாய்விளங்கும்

ஓலமிடு மம்பிகையை யுள்ளுணர்ந்து கண்டேனே. 

பாடல் எண்:- 1097

தேனரு பாய்ந்துசலங் தேங்குமடை யோங்கிவளர்

வான்பொழிய நாதவிந்து மார்க்கமிந்த வாறதனால்

நான்மகிழ்ந்து நோய்தனக்கு நாட்டிலனை வோர்க்குமிது

ஞானபண்டி தர்க்குவிள்ளும் ஞாயமிதைக் காண்கிலரே. 

(கலித்துறை)

பாடல் எண்:- 1098

பதினாறு கண்ணி மதிரவி சூழும் பாடலையான்

விதிவாறின் மூல விவேகத்தி னாலறி விட்டகுறை

அதிவீர ஞானி திருவள் ளுவன்மொழி யவனிதனில்

நிதிமேவி யதன மளித்தாலு மிந்நூல் நிகழ்விலதே. 

பாடல் எண்:- 1099

கற்றாலு ஞானக் கருத்தறிந் தோர்கள் கமலபதம்

பெற்றாலுஞ் சித்திப்பே ரின்பக் கல்விபிற வாமுத்தி

வைத்தாலும் வெற்றி மருவி யவர்பதம் வணங்கவும்யான்

சித்தாதி சித்தர் பதினெண்மர் தந்த திரவியமே. 

(வெண்பா)

பாடல் எண்:- 1100

கண்டீரோ பண்டிதரே காலைதனில் கிண்டியது

சண்டமா ருதக்குழம்பைச் சாற்றினால்- எண்டிசையில்

சீரகமாங் கஷாயத்தில் தேனும்பஞ்ச தாரைவிட்டு

நீரதுவு நாள்மூன்று நேர்.