திருவள்ளுவரின் ஞானவெட்டியான் பாடல் எண் 801- 900

பாடல் எண்:- 801

எட்டியடி வைக்கவென் மசக்கை யென்னுடம்பு

கட்டியிழுத் தேமறித்த காரணம்போல்- வெட்டி

மண்டையிடி சூழ்ந்து வலிவயிறு குத்தலுடன்

கண்டகண்ட நோய்கள் வருங்காண். 

பாடல் எண்:- 802

அஷ்டதிங்கள் நாதமடிக் கடிநீர் பாய்ந்துடலில்

கஷ்டமது வாய்ச்செழுமை காணுங்காண்- அஷ்டதிங்கள் 

வாருதியாம் விந்துமலப் புளியிலு முடம்போய்ச்

சேருமுப்பு உப்பதுகாண் சேர்ந்து. 

பாடல் எண்:- 803

சுன்னங் கடுங்காரஞ் சூலது காண்பிண்டம்

அன்னமய மானவர லாறுபோல்- சொன்னேன்

வீரியமாய் நாதவிந்து விந்தே நவாச்சாரங்

காரந்திங்க ளொன்பதில் காண். 

(விருத்தம்)

பாடல் எண்:- 804

கதிர்மதியுங் கூடிக்கடுஞ் சூல தாகிக்

கருவுருவாம் திரண்டுஒரு ரூப மாகி

மதிபெருங் கதிரொளியு ளுருகிப் பாய்ந்து

மகிதலத்தில் வச்சிரப்பை யதன்மேல் சூழ்ந்து

உதிரசுக்கி லங்கூடித் திங்கள் பத்தில்

உருவதுவாய்த் தேகமதா யுதித்த வாறும்

அதிகஜெக மமைத்ததுபோ லாண்டே கேளீர் 

அறிவிந்து நாதமுஞ்சேர்ந் தான வாறே. 

பாடல் எண்:- 805

இந்தவுடல் நாதவிந்து கார சாரம்

இரண்டதுவுங் கூடியொரு ரூப மாகி

விந்தையைநா னுரைப்பதினி யாண்டே மேன்மேல்

மேதினியில் மாதுகர்ப்பந் தரிக்கும் போதில்

அந்தவித பரீட்சையைப்போ லான வாறின்

அவையெல்லாம் யானறிந்து அருளப் பின்னை

தந்திரமா யுடலெடுத்த கூறின் வாய்வால்

தசவாய்வி னுற்பவத்தைச் சாற்று வேனே. 

(வேறு- கவி)

பாடல் எண்:- 806

நாத விந்துரு வான விதங்களை

யாத லால்யா னுரைத்திட மேதினி

பூத மைந்துரு காரசா ரத்தினால்

ஊனு றைந்துரு வானது வாயுவே. 

பாடல் எண்:- 807

வாயு வின்தச பத்தும் விளங்கிட

மாது கர்ப்ப மதிலுறு வாறுபோல்

தேய்வு வன்னி செனித்திடு முப்பினால்

கார சாரங் கடுங்சுசுன்ன மாண்டையே. 

பாடல் எண்:- 808

சயில மாமிர தங்க ளுதகமுந்

தயில லேகியந் தானுரு வஞ்சதும்

மயில மாமதி சூரிய காந்தியால்

அகில மேவிஅம் மாவு படருமே. 

பாடல் எண்:- 809

அஞ்சுரு வாய்தச திங்களி லைங்கோலம்

பஞ்சபூதம் பனிக்கு நீரது

நெஞ்ச மேநீர்க் குமிழுக்குள் ளேசலம்

வஞ்சி மாது மாதந்த மிறங்குமே. 

பாடல் எண்:- 810

இடியிடி மின்னலி டித்து வயிறுவலி

துடிய தாய்நாதச் சுரோணித நீரது

படிபடு படீலென்று கும்ப ஸ்தலம்

முடிகண்டு பாலன் உற்பத்தி யாண்டையே. 

பாடல் எண்:- 811

ஆகுமிந் தப்படி யானது கர்ப்பமுந்

தோகை யர்க்குமிப் படிதொந் தித்திடும்

பாகமூலப் புளியெனு நீரது

ஆக மப்படி யான்கொண்டே னாண்டையே. 

வாரிசாதனை

(தரு)

பாலன் பிறந்ததுகாண்- என்னாண்டையே

பாலன் பிறந்ததுகாண். 

பாடல் எண்:- 812

பாலன்பிறந்துலகாதிதமுன்செங்கோல்

ஆளப்பிரபஞ்சமூவுலகுபுகழ்

காலனில்லை கற்பகோடியுகாந்திரம்

ஞானப்பிரகாசமெய்ஞ்ஞானசிரோமயம்- பாலன். 

பாடல் எண்:- 813

அண்டபகிரண்ட மும்மண்டலமும்புகழ்

நின்றபிர்மாண்டமளாவியமேருஞ்சூழ்

தெண்டிரைப்பதினாலுலகுமஷ்ட

தீவுதீபாந்தரதேவர்களும்மகிழ்- பாலன். 

பாடல் எண்:- 814

விந்துநாதங்காரசாரமுங்கூடி

மேலானகருவிகரணாதிகள்சூழவும்

அந்ததசதிங்களுற்பத்தியாயிந்த

அவனிமீதிலகம்விட்டுப்பாரினில்- பாலன். 

பாடல் எண்:- 815

மாலைப்புளிமதியமிர்தங்காலையில்

வாலைப்பருவமோராண்டுவரும்பதஞ்

சீலத்துடனொருகாலைபோசனங்கொண்

டாவினமிர்தமதிவிதமாண்டையே- பாலன். 

பாடல் எண்:- 816

பூருவக்கியானம்புகழ்வேதசாத்திரம்

ஆறுமேலுமாறாதாரமீராறுமே

சீறுடன்ஞானஞ்சிவயோகசித்திபெற்றுத்

தேறுங்கர்ப்பந்தசதிங்களோராண்டினில்- பாலன். 

பாடல் எண்:- 817

உப்பும்புளியுறவாகுமைங்காயமாய்ச்

செப்பஒண்ணாதுசிவரூபமாதலால்

இப்படியாய்முதல்தீட்சையுமாச்சுது

கைப்புமுறிந்துகனகமீதாண்டையே- பாலன். 

பாடல் எண்:- 818

மாதுவாலாம்பிகைமார்க்கத்தினாலே

மதியமிர்தங்கொண்டுமலப்புளின்சுன்னமாய்

வேதசாரம்வேகத்தினாலுடல்

வேறுகூறாச்சுதுபாருமீதாண்டையே- பாலன். 

பாடல் எண்:- 819

உதகமிதாகுமுவருப்புசுன்னமும்

பதமீராண்டுடன்பாகமுஞ்சென்றது

நிதங்கொண்டிப்பொருள்நிர்மலத்தாய்ப்பதம்

விதமறிந்துயான்வேதைமூவாண்டினில்- பாலன். 

பாடல் எண்:- 820

பானச்சுழிமுனைவானம்புவிகலை

பாயவும்ரேசகப்பூரகந்தன்னிலும்

ஞானகற்பமுண்டுவாசிகும்பித்துடன்

கியானசூக்ஷக்கிரியைமோனமதாகவும்- பாலன். 

பாடல் எண்:- 821

சித்தியருள் முத்திமோக்ஷசுகாதீதம்

நித்தங்கண்டதாரைசித்தத்துடனேயும்

புத்திரயோகவித்துவாமிகனாகவுந்

தத்துவந்தொண்ணூற்றாறுமறிந்துடன்- பாலன். 

பாடல் எண்:- 822

அதிதத்துடன்மதிசந்திரர்சூரியர்

பதியறிந்துபகிரண்டம்பாயவுங்

கெதியடையுமகாராஜயோகத்தில்

பதம்பெற்றருச்சனைவிதியறிந்துடன்- பாலன். 

பாடல் எண்:- 823

தினந்தினமதியமிர்தம்பொழியத்

தனகனகச்சத்துஞ்சித்துமாடவும்

புனல்சொரியும்புஷ்கரணிதீர்த்தத்தில்

இனமிப்படிக்காணேகாந்தமாகவும்- பாலன். 

பாடல் எண்:- 824

காயசித்திகருகற்பத்தினாடல்

மாய்வதேதுமரமுமில்லைகாண்

தாயுமம்பிகைதான்வசமானதால்

நாயிலுங்கடையாவதுமுண்மையே- பாலன். 

(கொச்சகம்)

பாடல் எண்:- 825

தந்தைமதி யாலுதித்துத் தாரணியி லுஞ்சிலநாள்

வந்துபிறந்துபுவிமாய்கைதனி லேயுழன்று

அந்தமதியாலெனது அகமக் குருக்களினால்

விந்தைசில நான்கிரியை மெய்யென் றிருந்தேனே. 

பாடல் எண்:- 826

பொய்க்குரு வினாலெனது பொக்கிஷமெ லாஞ்சிறந்து

கைப்பொருளெல் லாமிழந்தேன் காரியகுருக்களினால்

இப்படியாய் மேதினியில் யான்சிலநாள்போனபின்பு

மெய்க்குரு முனியருளால் மெய்ஞ்ஞானப் பெற்றேனே. 

பாடல் எண்:- 827

எண்சாணுடல்தனி லெய்ந்தொண்ணூற் றாறுவிதங்

கண்ணாரத்தத்துவத்தின் காட்சியெல்லாங்கண்டுணர்ந்து

மண்ணாசை பெண்ணாசை மாய்கைபொரு ளாசைவிட்டு

விண்ணாசை கொண்டுநெறி மெய்ஞ்ஞானம் பெற்றேனே. 

பாடல் எண்:- 828

கற்பமென்றா லற்பமல்ல காயசித்தி யாவதற்கு

உற்பனமே யானறிந்து வுண்டேன் மதியமிர்தம்

தற்பரத்தா லெண்சாண் சரீரமதைச் சுத்திசெய்து

முற்பவமோ ராண்டுசென்று முதல்தீட்சைபெற்றேனே. 

(வெண்பா)

பாடல் எண்:- 829

முதலிருந்த வூழ்வினையை முப்பாழைச் சுட்டுமனம்

பதறாம லுதியாமல் பாடுபட்டேன்- முதலிருந்த

நல்வினையுந் தீவினையு நாடாம லும்பறந்து

வல்வினையைப் போக்கிவிட்டேன் வாறு. 

பாடல் எண்:- 830

காயசித்தி யாலெனது கர்மவினை போக்கியபின்

மாயசித்தி மூலசுழி வாய்க்குமே- காயசித்தி 

மூலப் புளியதனால் முதல்தீட்சை யாச்சுதினிக்

காலமென்ன ரெண்டாண்டில் காண். 

(கலித்துறை)

பாடல் எண்:- 831

பானத்தைக் கொண்டு மூலத்தை யூட்டிப் பழுதுவரத்

தேனத்தை யுங்கிளி யாகவுஞ் செய்து விதுபதமாய்

மோனத்தை யுண்டு யதிகாலை வாசி யோகத்திலும்

ஞானத்தில் நின்று மவுனம்வைத் தேன்சுழி நாமறிந்தே. 

பாடல் எண்:- 832

சுழிமுனை யோகஞ் சதுர்நாலு சாமந் தொடுசரமாம்

வழியும் பேரின்ப மதுவாரி யுண்டு வனமதுவாய்ச்

சுழியாமல் காலையு மாலையு முச்சி கண்டத்திலும் 

அழியாப் பதவியில் வாசிகொண் டூதி யருள்பெற்றேனே. 

பாடல் எண்:- 833

தினமொரு வேளை யதிகாலை மூலப் புளிதெளிவாய்

மனமிக்க வுண்டு வருங்கால மாண்டு வருஷமதும்

கனமிப் படியினங் காலையி லுண்டு மாலைவிட்டேன்

இனமிந்தத் திங்கள் தசபத்து மிவ்வித நெஞ்சகமே. 

பாடல் எண்:- 834

ஆண்டிது மூன்று தீட்சைரெண்டாகு மளவறிந்தேன்

வேண்டிய மாது ரதியெனக் காக விரும்பி நின்றாள் 

தூண்டிப் பூராகம் பூட்டி யிழுத்திடுஞ் சொற்பமதாய்

ஊன்றிச் சுழிமுனை வாசியைக் கொண்டு ஊதினனே. 

பாடல் எண்:- 835

முன்னா ளமுரி தசபத்துத் திங்கள் முதற்கொண்டுயான்

அன்னாள் முந்நூறு மமுரியுண் டேனது யென்னவிதம்

சொன்னாள் சடச்சத்தி முன்னா ளிருந்த சுகவினையை

என்னால் மதிகொண்டு சுட்டுநீ றாக்கி யினம்பிரித்தே. 

பாடல் எண்:- 836

இருவினையாகிய கர்மதுர்ப் பாதக மெய்திடினும்

கருநீ றாக்கிப்பா னத்தினாற் சுட்டுக் கணைதொடுத்தேன்

உருகியெண் சாணுடல் பிர்மாதி கற்ப முண்டிடவும்

சுருக்கிக் கறியுப்பமுரியும் பானதின் சூதறிந்தே. 

(விருத்தம்)

பாடல் எண்:- 837

கர்த்தனருள் சிவதீட்சைப் பதினொன் றுந்தான்

காயசித்தி யோகசித்தி வாதஞ் சித்தி

வர்த்திகமாய்ச் சித்திசெய்து மாவின் பாலு

மன்னது மிரண்டளவால் பற்றோ யில்லை

வெற்றியெய்தாக் கறிவகைகள் மூலஞ் சேர்ந்தால்

வெறும்பாழு கல்மசத்தால் வேக மில்லை

புத்தியில்லாப் பழுப்பேறும் வெண்மை யில்லை

புளியில்பழு துண்டாகிப் புழுக்க ளாண்டே. 

பாடல் எண்:- 838

புழுக்கள் செனித் துயிர்களதும் புளியைக் கொல்லும்

புளிப்பாழு உவர்ப்பாழு துவர்ப்புப் பாழு

களிப்பாழு கருவிகற்பங் காயம் பாழு

காரமதுஞ் சாரமதுஞ் சயிலம் பாழு

அளியாது புளியருந்த ஆண்டே சொல்லும்

ஆவின்பா லன்னமது மிரண்டும் போதும்

வெளிப்பாழாய்ப் போகாமல் புளிதா னுண்டேன்

வேகமென்ன அதிவேகம் விரும்பி னேனே. 

கற்பமுண்ணும் முறையும் பத்தியமும்

(தரு)

கற்பமுண்டேன்கான்- மூலப்புளி- கற்பமுண்டேன்காண். 

பாடல் எண்:- 839

கற்பமென்றமதிசாரையைக்கொண்டேன்

சத்திநாதமூலப்புளியதுங்கூட்டி

உற்பவமாகமூன்றாண்டிற்காலைமாலை

உண்டுமகாராஜயோகந்தனில்நின்று- கற்ப. 

பாடல் எண்:- 840

அன்னம்மாவின்பாலும்பின்னம்வராமலும்

ஆக்கைதனில்வேகஞ்சேர்க்கையில்லாமலும்

முன்னேமூன்றேமுக்கால்கற்பஞ்சாதித்துப்பின்

அண்டமுண்டேன்வாசிஅப்பியாசஞ்செய்துயான்- கற்ப. 

பாடல் எண்:- 841

கதிரவன்முகங்கண்டதிகாலையில்

மதிதனில்மலப்புளியதுமூட்டி

விதியதுவிட்டகுறையிந்தப்படி

துதிசெய்துமூலச்சுழியில்நின்றுநான்- கற்ப. 

பாடல் எண்:- 842

பானத்தினால்வெகுபழக்கஞ்செய்திட

ஞானசித்திக்கொருகளிப்புண்டாச்சுது

ஊனிருந்தாலுயிர்யோகம்நிலைத்திடும்

நானிருந்ததிவ்விதநாட்டத்திலுஞ்சுழி- கற்ப. 

பாடல் எண்:- 843

காலைதன்னில்புன்னைக்காயளவுரெண்டு

மாலைதன்னில்பதமாகுமதிலொன்று

சீலம்பொழிந்திடுந்தேனருவிபாயும்

ஞாலத்திலும்வாசிநாட்டம்புரிந்துயான்- கற்ப. 

பாடல் எண்:- 844

அண்டத்தில்வாசியகண்டத்தில்பாய்ந்திடக்

கண்டத்தில்தாரைகடகத்திலூதியே

மண்டலமூன்றும்வலமாகச்சுற்றியே

தெண்டனிட்டுச்சிவசத்தியைப்பூசித்து- கற்ப. 

பாடல் எண்:- 845

சண்டப்பிரசண்டசராசரந்தாண்டியான்

குண்டலிவாசியைக்கும்பித்துஸ்தம்பனம்

நின்றுகண்டதாரை நிர்ப்பந்தமாகவும்

உண்டுமூலச்சுழிஊதிமேல்நோக்கியே- கற்ப. 

பாடல் எண்:- 846

தந்தைவிதிதலைசுற்றிச்சிமிட்டவும்

இந்தவிதமிகுஇரண்டுவினாடிகாண்

அந்தராசயோகமாண்டுநாளுக்குநாள்

எந்தனொருதிங்களிவ்விதமாண்டையே- கற்ப. 

பாடல் எண்:- 847

வாசியென்றால்பிராணவாய்வுமெழுந்துடன்

வீசியெழுந்துமேல்மூலஆக்கினையினால்

பூசிதமாயண்டரண்டமளாவியும்

நாசிதனில்பனிரெண்டங்குலம்பாய்ந்து- கற்ப. 

பாடல் எண்:- 848

ராஜயோகந்தசதிங்கள்வாலாம்பிகை

நேசத்துடனின்றுநிர்மலரூபமாய்

வாசிநிலைத்திடமூலாதாரத்தினில்

பாசமேன்மேல்வைத்துப்பூசிதமாகவும்- கற்ப. 

பாடல் எண்:- 849

உண்டபின் கற்பமுள்ளவிந்துவிசாரணை

கண்டத்திலூதிக்கலைபிறழாமலும்

இன்றுமூலத்தின்வினாடிகள்ரெண்டுமே

ஒன்றசைவாய்நவத்துவாரமொடாமலும்- கற்ப. 

பாடல் எண்:- 850

மனம்புத்திசித்தமாண்மையொன்றாகவும்

இனமிந்தவாசியேறியண்டத்தினில்

தினமூன்றுவேளைசாதனைசெய்துயான்

முனைசுழியில்மூதண்டம்பாயவும்- கற்ப. 

பாடல் எண்:- 851

வங்கென்றுவூதிவாலாம்பிகைமூலத்தில்

வாசிவாவாவென்றுமார்பிலிருத்தியுஞ்

சிங்கென்றுவூதிசிவரூபத்தினால்

மங்கென்றுமேற்றியும்வாசிசுபாரினில்- கற்ப. 

பாடல் எண்:- 852

இவ்விதமாகஇருத்திமேல்நோக்கிடக்

கல்விச்சுழியில்கதவுந்திறந்திடும்

பல்லிப்படர்ந்தபரஞ்சுடர்காணவும்

அவ்விதமாகரகசியமாண்டையே- கற்ப. 

பாடல் எண்:- 853

மூலச்சுழிமுனைமுடிவிலிருந்து

பாதத்திலேறியும்பானுவினால்வாசி

யாலத்தினாலிந்திரஜாலமதாகவும்

தூலத்திலும்வெகுசூக்ஷத்தைக்கண்டுயான்- கற்ப. 

பாடல் எண்:- 854

நித்திரைசோம்பல்நிகழ்த்தமதிதனில்

சுத்தவயிராக்கியஞ்சூக்ஷசுகாதீதம்

சத்திநாதமூலசைதன்யத்தில்

கர்த்தனருள்பதங்கண்டு மகிழ்ந்துமே- கற்ப. 

பாடல் எண்:- 855

தேகமெனுமெண்சாண்சித்திதருஞ்சுழி

யாகமதுதனிலமுரியுங்கொண்டதால்

வேகமதுமீறிமிக்கனலால்சடம்

யோகசித்தியோராண்டினிலாண்டையே- கற்ப. 

பாடல் எண்:- 856

அமுரிமூலப்புளிஐந்தோராண்டினில்

அமிர்தசூதவிந்தாலும்வலுவதாய்க்

குமுறிடுமலைசாகரநீரெல்லாம்

அமுரிமாறிஅதுசுத்தநீரதாம்- கற்ப. 

பாடல் எண்:- 857

காயாதிகற்பக்கரிசைத்தாலுமே

ஞாயாதிஞாயஞானம்வந்தெய்திடில்

வாய்த்திடச்சலமலமுமாறினால்

காயாதிகற்பங்காணுவோர்ஞானியே- கற்ப. 

பாடல் எண்:- 858

பாழ்வினைபோக்கிமுப்பாழ்கடந்தானந்தம்

சூழஞ்சூடாமணிசோதிப்பிரகாசத்தில்

ஆழிதிரைகடந்தண்டத்திலேறியான்

வாழிமேன்மேலும்மணிவிளக்கேற்றியே- கற்ப. 

பாடல் எண்:- 859

சூழும்வாலை சுரூபமெடுப்பதும்

வாழுமூப்புமயத்தையறுப்பதும்

வேள்விதொண்ணூற்றறுவரும்நீறினால்

பாழும்பாழுமுப்பாழும்போம்நீறியே- கற்ப. 

பாடல் எண்:- 860

யானைசெந்நாயதுக்குள்மரணமும்

பூனையெலிபுழுக்குள்மரணமுந்

தேனைபானந்திசையுண்டவர்க்கொரு

ஞானபேதமெய்ஞ்ஞானிகளாவரே- கற்ப. 

பாடல் எண்:- 861

ஈனருக்காயெடுத்ததுஞானமோ

ஏனோவேனோவியம்புறீர்மானுகாள்

ஆனதாலுமறிந்துபாரங்ஙனே

ஞானமுஞ்சுழிநாட்டமறிவரே- கற்ப. 

பாடல் எண்:- 862

அன்னைதந்தையருளாலறிவதோ

உன்னும்பாதியிற்பத்தியமைப்பதால்

வின்னம்வாராவிதியிருந்தால்மதி

சொன்னேன்கற்பச்சுகாதிதசுகமதே- கற்ப. 

வேறு

(விருத்தம்)

பாடல் எண்:- 863

பழகமூ வாண்டி லும்தசமும் பாயும்

பரீட்சைப்பார்த் தருளிய வழக்கம்

அழகது முடைய அம்பிகைக் கமல

மனுதின மர்ச்சித்துப் பணிந்தேன் 

மழைகன நடையும் ரவியெனுங் காற்று

மனிதர்சஞ் சாரமு மாய்கை

பிழையகற் றிடவுஞ் சோம்பலுந் தூக்கம்

பிதற்றலுங் கோபமா காதே. 

பாடல் எண்:- 864

தள்ளுவ தபினி கஞ்சாவெனு மதுவுந்

தகர்ந்துமேற் கரிவகை சுவையும்

விள்ளுவ தினதான் பசும்பய றொடுபால்

மிகவும்பச் சரிசியுஞ் சமைத்து

எள்ளதோர் கரிய வேம்புட னமுரி

உப்பது மிளகுடன் தூளாய்ச்

சள்ளையில் லாம லொருபோ துண்ட

முதுசாம்பவ னுட்கொண்ட திதுவே. 

பாடல் எண்:- 865

அன்புடன் மூன்றாண் டதுவரை முதற்கொண்

டருளினேன் மகாராச யோகம்

இன்பதே னுற்ற மிதுபுளி சுன்ன

மிருதுவைக் கற்பங்கொண் டடைவாய்ப்

பின்பது செலுத்திச் சென்றது போகப்

புளிதனைப் பதனஞ்செய் திடவும்

தென்பெனுஞ் சேதஞ் செய்கையு மிலையார்

திருத்தமாய்ப் பாண்டத்தி லடைத்தே. 

பாடல் எண்:- 866

உதகமென் றமுரி யுனதுள் நின் றிலகு

முவரச மூசிநீ ரிதுகாண்

பதமெனும் புளியோன் றமுரியா லுளதால்

பாகமாய்ப் பாண்டங்கொண் டடக்கி

விதமிது பாகஞ் சமாதிவைத் திருந்த

மிகுந்தமுப் பதுவய தண்டம்

சுதனரு ளாலும் பற்பஞ்செய் துணரச்

சூக்ஷமே சொல்லுவே னாண்டே. 

பாடல் எண்:- 867

மதுரத்தே னின்பா மலப்புளி யிரண்டு

மார்க்கமாய்க் கரைந்துநாள் மூன்றும்

பதனமா யில்ல மேல்மூடி செய்து

பதமதாய் நீர்தெளிந் ததுநீர்

விதமெல்லாங் குப்பி தனிலடைத் ததுபின்

மேருவென் றெனுமண்ட மதனைச்

சுதமதாய்ச் சுற்றித் தயமதின் கம்பால்

தூளதா யிடித்துமா வதுவே. 

பாடல் எண்:- 868

இடித்துமாக் கருவை வடித்துசூ ரணமா

யினியொரு சீலையில் கிழியாய்

முடித்தொரு படிநீர் தோண்டிகொண் டூட்டி

முக்கியமா யாண்டசூ ரணத்தைத்

தடுத்ததிற் பாய்ச்சி வன்னியிட் டெரித்துச்

சலமெலாந் தொக்கிச்சுண் டிடுமால்

படித்தொரு கல்வம் பாய்ச்சியே பின்பு

பழம்புளி யமுருநீர் விட்டே. 

பாடல் எண்:- 869

வரையிரு சாமம் வற்றவற் றதுநீர்

வார்த்ததில் மெழுகது பதமாய்ப்

புரையில்லா வழித்துச் சதுர்பில்லை கட்டிப்

புகழ்கதிர் முகந்தனில் காய்ந்தால்

நிரையடி யோடு உள்ளதாய் வைத்து

நின்றமே லோடது மூடித்

துறையதாய்ச் சிலை கவசமெண் ணேழு

சூட்டியே புடமுழ மாமே. 

பாடல் எண்:- 870

அந்ததோர் புடமிட் டக்கினி மூட்டி

யதுதண லாறிய பின்பு

இந்ததோ ரண்ட மெடுத்துடன் பார்க்க

இந்திர னொளிவதுக் கதிதம்

சந்திரபுஷ் கரணி சாரையி னாட்டஞ்

சாரணை சதகோடி தேர்ந்த

மந்திர சுரூப மவுனமந் திரங்காண்

மகத்துகள் மறைந்தது மிதுவே. 

(கொச்சகம்)

பாடல் எண்:- 871

சுன்னங்கடுங் காரமிது சுக்கிலசு ரோணிதத்தால்

விண்ணமில்லா தண்டபற்பம் வெகுபதன மாய்க்கருதித்

தன்னையறிந் தேமதியால் தானறிந்து கற்பமதில்

சொன்னேன்குருபஸ்பமதைத் தொடுத்தேன் பணவிடையே. 

பாடல் எண்:- 872

காரமதில் சாரம்விட்டுக் கற்பமிதை யிலேகியமாய்ச்

சீருடனே பஸ்பமிட்டுச் செய்விதமா யுண்டேன்காண்

மாறஅதி காலையிலு மாலையிலு மிவ்விதமாய்த்

தேறவுங்கா னுண்டுதச திங்கள்நிறை வேறினதே. 

(கலித்துறை)

பாடல் எண்:- 873

சூதா மாய்கை யடராமல் வாசியைத் தூக்கிவிட்டு

ஊதாம லூதிப் பிராணாயமூல முள்ளடங்க

வேதாக மத்தின் விதியை யறிந்துகற்ப வேகமதாய்

ஆதாரங் காண விராஜாங்க யோக மறிந்திட்டனே. 

பாடல் எண்:- 874

மூன்றாண்டு மாச்சுது மூலப் புளியிந்த முக்கியத்தால்

ஆண்டாண்டு மாண்டு மருள் நாலு மாண்டி லறியும்விதம்

காண்டா புரமெரித் தானந்த மூலக் கதிர்மதியில்

தூண்டா மணிவிளக்கேற்றிவிட் டேன்திரு வள்ளுவனே. 

பாடல் எண்:- 875

திருவான சோதி கருவூரு நாட்டில் தேன்பொழியும்

பொருளான வாலாம் பிகைமலர்ப் பொற்பதம் போற்றிசெய்தேன்

அருளா மதிமலர் சிவராஜ போக மறிவித்தனள்

குருவபய கத்தி னுபதேசத் தாலுங் குறைவில்லையே. 

பாடல் எண்:- 876

தனமே வியகரு காரசா ரத்தினில் தான்மருவித்

தினமுமைம் பாச மவுனங்கொண் டேன்திரு வள்ளுவனும்

மனமே வியகுரு வாக்கியத் தாள்மூல வாசிகொண்டு

புனலா வதுங்கணை சரமாற்றி யேற்றிப் பொழிந்திட்டேனே. 

(வெண்பா)

பாடல் எண்:- 877

கல்லுப்பின் வாறு கருத்தறியா துண்டுமனு

வல்வினைக்குள் ளாகிமனம் வாடினார்- கல்லுப்பு

வெள்ளைக்கல் லுப்பு வெகுவிதமா யாய்ந்தாலும்

உள்ளமதி லுண்டென்று உன். 

பாடல் எண்:- 878

என்று மிந்துப்பு எண்சா ணுடலிருக்கக்

கண்டுவறி யாதென்ன காரணமே- என்றுமதி

வாரி யமுரியதை வன்னியிட்டுக் காய்ச்சியபின்

வீரியமா பானுணரு மெய். 

பாடல் எண்:- 879

உப்பின் கசடதுபோய் ஊறலது மாறினதால்

முப்புசுன்ன மாமதற்கு மூன்றுபேர்- உப்பதனால்

கற்பாந் தரங்கோடி காய மிதுவலுத்துச்

செற்பாயும் வாசியினால் தேகம். 

வாசிவசப்படுதல்- வண்ணச்சிந்து

(தரு)

தனனாந்தனனாந்தனனத்தனன தந்ததனனதனதனதனனதனதன

தனனதனதனதனனதனதனதனதானதானதானதனதந்ததனனா. 

பாடல் எண்:- 880

ஜெகமேவியவாருலகுந்தனிலிலகும்பரி

யகவாரிதவானகிலம்புகழ்மதிசந்திரசுகவானுள

பூரணவம்பதிகதிர்சூழ்வட- மகமேரதில்வாழ்ந்திருவம்பல

சுடர்மாமணிகனம்பல- இடைபிங்கலை சுழியின்முனைதுரியாதித

தலமேவிய நான்கலையொத்துரு வலஞ்சுற்றினி- யிடபாரிசமாய் நடனம்புரி

அருள்சாதனை கருவூர்வளநா- டுடன்பாடுளநிருபங்களில்

அதிவானகர்வந் துதிபெற்றொரு மலர்பொற்பதம் விதிதன் செயலென்

தந்தைகூறதிதங்களையுதித்தவந்- தனனாந். 

பாடல் எண்:- 881

மதுபாரமுரியவரிந்துசரீரந்தனிலலிவிந்துகூர்

களிவின்பதரசகெந்தியின்

தசதிங்களுமுண்டமுதேபசு

மமிர்தங்களும்விதபோசனமாம்

விரும்புங்கலைமதிசாரணை

அகங்கொண்டேபகிரண்டமுந்திருவம்பரயுகமண்டல

நதிசூழ்கமலம்வரைசுற்றிதழ்

மணிபூரகமனைவாசியுமே

கரைகண்டுளனருள்தாவென

துரைகண்டுகையாய்தசவாய்வது- மொருமித்துடன்

அரியாசனமே- எவர்க்குமுயிரெனக்கும்பொருள்- அறுநீர்சுவை

செயநீர்கதிர்வருமேமதிமனோவேகமாய்- தனனாந். 

பாடல் எண்:- 882

இகம்பரமேவெளியிற்கனிமதுரத்துடனிடராகிய

சஞ்சலத்துள் துடராபலங் கருவாகியபஞ்ச ரூபத்தினிலுற வக்கணை

கதிர்மேவிய பாலமிர்தம் பொழியமுதுண்டபின் கருணாலயஞ் சுழிமேல்சுடர்

சவியத்தசைகலை கொண்டந்திகாலையிலும் புளிநீருகை

அருநீர்சுடருசினாலுனது- கெதியென்னுடன் பசியத்தனை

யெருகும்பியினில் குடியேறிய முனைவாசியும்

பிரியாததுநங்கின வென்றுடன் முதலட்சரந்துடியாகவு

மொருமித்துடன் முடிசுற்றிவினாடித்தறி- தனனாந். 

பாடல் எண்:- 883

வழிகண்டினி பாராதிதப்பெருந்- துறையாகிய

மதவாகியதோகுசிகண்டதின் முனைதாரையில்

சுழியாலும் யான்விழிமாதனுக்கிரசம்பரி- கரைவேதகமாய் ஒருநாளிலும்

பிரியாமலு மபிராமியின்- மலர்ப்பொற்பதம் விதியாய்ப்பணிந்து

தொழுதேயருள்- அறுநீர்புளியுமுறவாய்ரவிமூலந்தனி

லுருவேகமதா யரியுமரன் பிரமாதிகள்- இமையோர்களு மெவராலறி

புவனந்தனில் கருவாய்வெகு செந்தனைவோரின்முடலிப்படி

கருநெல்லியின் கனியுண்டு வெண்ணதிமாமதியருள் கண்டனர்- தனனாந். 

பாடல் எண்:- 884

அனைவோர்களுமேஅறியாரறிந்- தவராகிலுமனவுற்பனமாய்

மதுரந்தனையமுதென்றுள- தெவராகிலுந்தெனமிக்கரு

சுழியென்றதுதவறாமலுநூல்- வழிகண்டுறைமவுனந்தனைக்

கெவனாதிகள்வெகுநாள்யுகஞ்சிவயோகஞ்செய்

தறியாமலும்சவமாகினர்கள்- தவஞ்செய்யகமவர்பெற்றுடன்

உவர்கண்டறியாருதகங்களி- மதபேதமாயிவர்ஞானிகளா

யிலகும்புவியுலகங்களில்பரதேசியதாய்சுகபோகிகள்- குகைசாதனைவயிறுசீவன்

கவனத்துடன்உடல்போய்ச்சுடுகாடேகினர்- தனனாந். 

பாடல் எண்:- 885

தசவாய்வதுவும்வசமாய்க்கலைசுவாசங்களை

யசையாமலுமேஅடியாகிய- மூலந்தனில்

விசுவாகியதும்விதமாய்வயிராக்கியத்துட

னிசவாக்கினைகொண்

டினசிங்கெனமவுனந்தனிலருள் பெற்றுடன்

யோகத்திரு- அருள்பெற்றனுக்கிரகத்துடன்

கெதியாகியதோர்- இருளத்துடன்வரமுத்தியில்

திருவாய்மதுரம்பதமேவியமோட்சத்

துறைகறைகண்டெனுமே- மதியும்

ரவிசிவரூபமும்- குருமந்திரமாய்ப்

புகழ்யங்கென- சுழியின்முனைமுதலட்சரமிதுபின்னிடு

கடையட்சரமறிவித்தனர்- தனனாந். 

பாடல் எண்:- 886

சுகசீவனமாய்எருபோதமு- தமிர்தங்களில்

பெரியோர்களுமே- எரிகும்பிதன்வார்பாடொழிந்

துலகங்களிலும்கருவாளிகள்- அவர்மேவிய

தலவாசமதாய்மருவிப்புனல்- மதுரங்களை

மவுனம்பரி- துரியாதீதமிடைபிங்கலை

சுழியின்முனைகிரிசூழகமாய்- தச

தீட்சையிலதித்தவஞ்- ஜெகசூஸ்திரமாய்நடனந்

திருமடைவாயினிலுயிராகியதோர்

பறவைப்பட்சியடைவைப்போலு

மிவர்தன்னெறி- பார்மதிதன்னிடரவியின்

செயல்களைக்கொண்டுடன்- தசவரண்டினில்

புலனைம்புலன்முனையாந்தனர்- தனனாந். 

பாடல் எண்:- 887

வாய்வோடனல்சேரசையாமலும்- வசமாவது

தேய்போம்பிறைதான்- திறையாலுமலுமதிபூரண

பிறையாவதுமேமதிவன்னியில்- உருவாகிய

பின்னிறவாயுடல்- சேர்வம்பதிகெதியாகியபின்

சிவஞானிகளவர்பெற்றபேர்- துறவறமே

நிசமென்றிரு- பிறவாரிதுமூன்றிலட்சரம்

மீக்காற்றுணர்பழுதென்றிளையார்பத்மப்

பதங்கருணைப்பெறுமறவாதொருநாள்

மவுனந்தனில்- கவனம்விடாரருள்

பெற்றடைவாரமிர்தச்சிவயோகத்தினில்

திருவள்ளுவனுரைதன்மொழி- தமிழ்

வண்ணமுமருள்பெற்றெழும்- தனனாந். 

(கொச்சகம்)

பாடல் எண்:- 888

நற்பிறவி யாயிருந்து நாள்தோறு ஞானமொழி

கற்பனையால் கண்டறிந்து காலமது போக்காமல்

உற்பகமாய்க் கற்பமதி னுட்கருவி னாலுமறி

தற்பரசி காமணியாய்த் தாரணியில் வாழ்வாரே. 

பாடல் எண்:- 889

அண்டபற்ப முண்டுவர ஆக்கைதனி லுள்ளவினை

உண்டகற்ப நாலாண்டி லூழ்வினைவந் தெய்திடினும்

கண்டனனு போகமதாய்க் கன்மவினை சூழ்ந்திடினும்

சண்டனது வாய்லபிக்குஞ் சார்வது மறிந்திலரே. 

(கலித்துறை)

பாடல் எண்:- 890

வித்தால்விளையு மெய்வாழ்க்கை யென்று மிகமகிழ்ந்தேன்

சத்தாகி லுஞ்சளை யாமலுங் கற்பஞ் சாதித்துயான்

எத்தாக வுண்டு இருந்தாண்டு நாலு மினிக்கடந்து

குற்றம தாக வூழ்வினை வந்து குடிகொண்டதே. 

பாடல் எண்:- 891

என்னுக்கு ளம்பிகை பாதார விந்த மினிபணிய

வின்னம் வராம லூழ்வினை யோடி வெளிப்படுங்காண்

அன்னைவா லாம்பிகை அவிழ்தத் தினால்பிணி யறுவிடச்

சொன்னார் வயித்திய சூட்சச் சூடாமணி சூழ்தில்லையே. 

(வெண்பா)

பாடல் எண்:- 892

இந்த ஜெனன மிருவினைக் கீடாக

வந்துதித்த மார்க்க வல்வினைகாண்- இந்த

அவிழ்தத்தி னாலறுமே ஆக்கை யதுக்குமொரு

தவமதுநாள் முன்செய்த சாந்தி. 

பாடல் எண்:- 893

கற்பத்தினா லுதித்த கர்ம வினையதுவுஞ்

சொற்பதத்தி னாலொழியச் சொல்லுவேன்- உற்பத்தி

மதிபிசகா துண்டக்கால் வல்பிணியு நோயகலும்

அதிவிதமாங் கற்பத்தா லறி. 

(விருத்தம்)

பாடல் எண்:- 894

ஆதியாய் விளங்கு ஞான வெட்டியா யிரத்தைஞ் ஞூறும்

நீதியாம் நிகழ்த்த வாலை நிர்மலத் தாளைப் போற்றிச்

சோதியா னந்த ரூபன் சுயகுறு முனியின் பாதம்

வேதியன் மொழிய ஞான மெய்க்குரு விளங்கத் தானே. 

பாடல் எண்:- 895

மானமும் புவியு மேரும் வாருதி யனுக்கிர கத்தால்

தேனெனு மொழியி னாளே திங்களு மருக்க னாலும்

ஞானம்வந் தமைந்த போது நாதவிந் தருளா லெய்தும்

கானெனுஞ் சூத வித்தை கைவச மாச்சு தாண்டே. 

பாடல் எண்:- 896

வேதியர் குலத்தில் யானும் வந்துதித் தளவை யெல்லாம்

சாதியென் பரைக்குள் வந்த சங்கட மெல்லாஞ்சொன்னேன்

சோதியா னந்த ஞானச் சுழிமுனை நடனங் கண்டு

நாதவிந் துதித்த சூக்ஷ ரகசிய மறிந்தே னாண்டே. 

பாடல் எண்:- 897

அனாதியாய் வெளியாய் நின்ற அரூபத்தை யறிந்தவாறும்

வினாடியான் பிரியா வின்பம் விந்துநின் றுணர்ந்த வாறும்

பணாமுடி மயிர்ப்பா லத்தில் பழம்பொருள் தெளிந்தவாறும்

கனவுபோல் கண்ட காட்சி கற்பத்தா லறிந்தே னாண்டே. 

பாடல் எண்:- 898

அன்னைதந்தை கருவுதனி லுதித்த வாறும்

அகிலமதில் யான்பிறந்து வளர்ந்த வாறும்

சின்னவய தளவில்கல்வி கற்ற வாறும்

தெளிந்துலகத் தோர்களுடன் சேர்ந்த வாறும்

நன்னயமாய்ச் சற்குருவை யடுத்த வாறும்

நம்பிசிவ பூசைதனில் நயந்த வாறும்

இந்நூல்மொ ழியாயிரத் தைந்நூ றுக்குள்

நேர்மையெல்லா மொவ்வொன்றாய் நிகழ்த்துவேனே. 

பாடல் எண்:- 899

அண்டபிண்டப் பிறந்தவர லாறுஞ் சொன்னேன்

அகண்டசத்த தீவுகளு மேருஞ் சொன்னேன்

மண்டலஞ்சூழ் வாரிமதி ரவியுஞ் சொன்னேன்

வாரமுதல் கிரகஉச்ச மாறல் சொன்னேன்

கண்டநக்ஷத் திரமதுவுங் கருவூர் நாடு

கருதொண்ணூற் றாறுஞ்சுட்ட கருத்துஞ்சொன்னேன்

எண்டிசை மஷ்டகுல வெற்புஞ் சொன்னேன்

எம்பிரான் வளமெல்லா மியம்பி னேனே. 

பாடல் எண்:- 900

நால்வகைக்கு ளெழுவகையு நவின்ற வாறும்

நாதவிந்தால் ஜெகம்படைத்த நாதன் வாறும்

தூலவுடல் சூக்ஷமதால் தொகுத்த வாறும்

தொல்லுலகில் சாதிகுலந் தோன்றும் வாறும்

சீலமுடன் பரைக்குள்வந்து செனித்த வாறும்

சிவகுருக டாக்ஷமதால் தெளிந்த வாறும்

பாலமதில் விழிபடைத்த அண்ண லார்தம்

பார்வையினால் யானறிந்து சொல்வே னாண்டே.