திருவள்ளுவரின் ஞானவெட்டியான் பாடல் எண் 1501- 1600

பாடல் எண்:- 1501

கண்டதிந்தசெயநீர்காண்- அயங்

கருதியசட்டியில்கெவுரியைத்தாக்கி

விண்டிடவுநாலுசாமம்- மிக

மென்மேல்வன்னியாக்கினையாகத்

தொண்டுசெய்துசுருக்கேற்ற- கெவுரி

துவண்டுஇறுகிவலுத்திடுமாகில்

நின்றதைப்பார்க்கவெளுத்து- சந்திரன்

நிலவுபளிங்குவெண்துய்யநிறந்தான்- தன. 

பாடல் எண்:- 1502

வெளுத்திடுங்கௌரியைவாங்கி- துருசி

வேகமென்றசுன்னமுப்புவின்சுண்ணம்

அழுத்திடவகைக்குக்கழஞ்சி- அந்த

அம்பிகைநாதவிந்ததுசலம்விட்டு

குளிர்த்தியாய்க்குழைத்ததின்- மேல்காண்

கொஞ்சங்கொஞ்சமாய்ப்பூசிரவிதன்முகத்தில்

வளர்த்தியேகாய்ந்தபின்கொண்டு- பின்பு

மலப்புளியிருபலமாதுநீர்விட்டே- தன. 

பாடல் எண்:- 1503

மயனம்போலாட்டிவழித்து- கெவுரி

மலப்புளிசுன்னங்கவசங்கொடுத்து

வயனமதாய்ரவிவைத்து- மகிழ்ந்

தாறினபின்புமடையன்சுண்ணங்காண்

நியமதாய்ப்பலம்ரெண்டரை- கொண்டினி

நின்றஅமுரியினுப்புமந்திடைகாண்

துயரில்லாமலிரண்டுஞ்சேர்த்துச்- சட்டிச்

சுத்தமாய்கொண்டின்னீரில்பாதி- தன. 

பாடல் எண்:- 1504

பாதியதிலிட்டுகெவுரி- நன்றாய்ப்

பாய்ச்சியேபின்னந்தபாதியுமிட்டு

ஆதியாயத்தியேயத்தி- அதின்

மேலொருசட்டியடக்கமாய்மூடி

நீதியாய்ச்சந்துமண்சீலை- நிலை

நிர்ப்பந்தமாகவுநேராய்முடித்து

தோதியடுப்பின்மேலேற்றி- கம

லாக்கினையாகவுஞ்சாமந்தீமாறா- தன. 

பாடல் எண்:- 1505

மாறாமலும்வன்னிமூட்டி- அது

மாற்றித்தீயாறினபின்னெடுத்தேதான்

பாராய்கெவுரிசுண்ணத்தை- சந்திரன்

பலிங்குநிறமதுக்கதிதமாகும்

சீராய்ச்செம்புபதினாறு- குகையி

லிட்டுஉருக்குமுகமதனில்குன்றி

நேராய்ப்பாச்சிவிடும்போது- கெவுரி 

நிகரில்லாதசெம்பொன்னிதுபத்துமாற்றே- தன. 

பாடல் எண்:- 1506

ரசிதம்பத்துக்கொன்றுநாட்டுகுடவன்- நடப்பு

இருபதுக்கொன்றியபத்தாம்

விசித்தமிந்தகெவுரியாட்டு- வேதை

விஸ்தாரமென்றால்விளங்கவொண்ணாது

பசியொருநாளுமில்லை- சென்மப்

பாதகஞ்செய்திடுவோர்க்கென்னவாய்க்கும்

நிசுத்தமசுத்தமறிந்து- பற்பம்

நேராய்ப்பாடுபட்டுநேரறிந்தோரே- தன. 

பாடல் எண்:- 1507

நவலோகநவரத்னநீறு- நாத

விந்துநீர்விட்டுக்குழைத்துக்கழஞ்சு

இவைதான்பற்பங்களும்நீறும்- பின்னு

மிரும்புரசிதமுந்தங்கமுநீறும்

அயச்சத்துகளெல்லாநீறும்- கரு

வங்கம்வெள்வங்கமுங்குடவனுநீறும்

சவமாகிலுமெழுந்தோடும்- சத

கோடிசரக்குங்காண்தவளமாமாண்டே- தன. 

பாடல் எண்:- 1508

சத்திவிந்துநாதத்தாட்டு- சித்தர்

சமத்தெல்லாங்காரசாரத்தினாட்டு

வெற்றியெய்தும்வேதவாக்கியம்- வீர

சாம்புவமூர்த்திகாண்வெட்டியானாண்டே

சித்தியெய்துஞ்செயமாகும்- தச

தீட்சைபெற்றுமூலந்தெளிந்திடுவோர்கள்

முத்தியெய்துங்கெவுரிசுண்ணம்- பற்ப

முடிந்ததுஆண்டையேமுப்பூவாலாச்சே- தன. 

(வேறு- விருத்தம்)

பாடல் எண்:- 1509

வேலியெனும்பருத்தியின்வே ரஸ்வகெந்தி

கெருடனுமே மிளகுஞ்சுக்கும்

காலியென்ற சீரகமுங் கார்கோலந்

திப்பிலியுங் கடுகு வோமம்

வால்மிளகு பரங்கியுடன் வகைவகையு 

மினஞ்சரிதான் சமனாய்க்கொண்டு

சூலியபி ராமிபதம் பணிந்துபல

மிடைகுறைவாய்த் தூக்குவாயே. 

பாடல் எண்:- 1510

சூரணமாச் செய்துவடிக் கட்டியதில்

பசுங்கிருதந் தேனுங் கூட்டிக்

காரணமாய்ப் பிசைந்துரவி முகம்படவு

மூன்றுநாள் கருதி மேலும்

வாரணமாம் கழஞ்சியதின் பிரமாணம்

லேகியத்தில் வசனி குன்றிச்

சாரணையாய்க் கெவுரிபற்பங் காலையொடு

மாலையுமே சாற்று வீரே. 

(கொச்சகம்)

பாடல் எண்:- 1511

சீராய்ச் செழுங்கெவுரி சேர்த்துவுண்ண லேகியத்தில் 

தீராய ரைமண்டலஞ் செய்கைநிலை யானபின்

பாராய் பரங்கியொடு பல்லரணை நாவரணை

மாறிவிடு நோய்பிணிகள் மண்டையிடி போமதுவே. 

பாடல் எண்:- 1512

மண்டையிடி கண்வலியு மார்வலிகை கால்குடைச்சல்

குண்டிவலி குன்மமெட்டுங் குடல்வாத மேகிடுங்காண்

அண்டையிடி வாழையரை யாப்புசீலை யோடுபுண்கள்

கண்டமணி மாலையொடு கர்ணிகம்விட் டேகிடுமே. 

(கலித்துறை)

பாடல் எண்:- 1513

விட்டேகு நோய்கள் கோடான கோடி வினைப்பயனும்

கெட்டேக டல்புக்கி சடலம்விட் டேகுங் கெவுரியினால்

கிட்டாது சன்னி சுரமேழு தோஷங் கிறுகிறுப்புத்

தொட்டாலும் பற்பம் விட்டேகு மென்றுசொல் கின்றேனே. 

பாடல் எண்:- 1514

மதுராஜ மேகம் வரும்புண்கள் வாய்வு வாதபித்தங்

கெதியில்லை யென்று கர்மாந் தரநோய்கள் கிடுகிடுத்து

மதிசந்திர சோதி வாருதி பான மதினளவால்

சதிசெய் யுங்கால னெமனென்ற அஸ்திரந் தலைப்படுமே. 

(வெண்பா)

பாடல் எண்:- 1515

இஞ்சி சுரசத்தி லிடுங்குன்றி பற்பமது

அஞ்சிப் பயந்தோடு மாறுசன்னி- இஞ்சி

பித்தசுரந் தேனிலிடும் பேசாம லோடிவிடுங்

சத்தேழு தோஷமும்போந் தான். 

பளிங்கு பாஷாண பற்பம்

(தரு)

பளிங்குபாஷாண பற்பமென்னாண்டையே

பார்க்கவுஞ்சொர்ணபற்பம். 

பாடல் எண்:- 1516

விளங்கலாகும்வெள்ளைவெண்மதிசந்திரன்

கல்மசங்களில்லாக்கண்பார்த்தொருபலம்

துலங்குந்துய்யநிறசுந்தரமாகிடுங்

களங்கமாகும்வெள்ளைப்பாஷாணங்கட்டுமே- பளி. 

பாடல் எண்:- 1517

கருவில்மூலப்புளிகண்டதுமோரிடை

சுரூபசாரநீர்தூக்கிடுநாலிடை

புருவமாய்க்கம்பிஉப்புவெங்காரமும்

புரசனுப்புஉருவியுப்பாண்டையே- பளி. 

பாடல் எண்:- 1518

பூனைவணங்கிப்புகழிந்துவுப்பது

மீனமிதுசரிபாகஞ்சமனதும்

தானேமூலப்புளிநீருறவாக்கியே

சாருமூன்றுதண்ணீர்போலாகிடும்- பளி. 

பாடல் எண்:- 1519

தேனேசெயனீரினில்சேருமுப்பூவதின்

மானேகழஞ்சிடையதிலிட்டுத்தாக்கியே

நானோ அயச்சட்டிதன்னில்பாஷாணமும்

யானும்வைத்துச்செயநீர்சுருக்கானதே- பளி. 

பாடல் எண்:- 1520

ஏற்றநாலுமிடைவிடாச்சாமமும்

போற்றிமூலப்புளியொருதன்பலம்

சாற்றுமோவிந்துநாதநீராட்டிப்பின்

ஏற்றுவங்கவசமினந்தெரியாமலும்- பளி. 

பாடல் எண்:- 1521

காற்றுரவிமுகங்காயவைத்தானபின்

மாற்றுமுப்பின்வகைவகைக்கோர்பலம்

வேற்றிடாவெள்ளெருக்கன் பால்விட்டது

பார்த்துஆட்டிப்பாஷாணத்தின்மேலுமே- பளி. 

பாடல் எண்:- 1522

அட்டியில்லாமலதுகவசங்கன

மருணகாந்தியதுமுகம்வீசிட

கட்டிவைத்துக்கனரவிகாய்ந்தபின்

கவசமேழும்மண்சீலையதுசெய்தே- பளி. 

பாடல் எண்:- 1523

நெட்டிடுமேபுடஞ்சோடசமாவது

கெட்டியதாய்சுண்ணங்கீர்த்தியதாகுமால்

சொட்டுப்போடுஞ்சுண்ணத்தினால்வேதைகாண்

வெட்டிடுமேவெள்வங்கமும்வெள்ளி- பளி. 

பாடல் எண்:- 1524

வெள்வங்கமிருசேரயச்சட்டியில்

கண்விட்டாடக்கனலாக்கினிதீயினால்

பண்பற்றேசலநீரதுபாகமாய்ப்

பாஷாணசுண்ணம்பணவிடைதாக்குமே- பளி. 

பாடல் எண்:- 1525

எண்விதப்புகையெட்டுமேகட்டுங்

கண்விதப்பதமாகக்கருதினால்

விண்ணுமண்ணுமிதுக்கெதிரில்லைகாண்

நண்ணுந்தீதுவராதுகாணாண்டையே- பளி. 

பாடல் எண்:- 1526

சுத்தபற்பஞ்சுகசன்னிதாந்தரீகஞ்

சூலைபேதிசுரதோசம்சீரணம்

உற்றநோய்களின்வாயுவுடகிராணியும்

உள்மூலமாவதுடல்மூலமெட்டதும்- பளி. 

பாடல் எண்:- 1527

வித்தில்மேகம்விப்புருதிகட்டியும்

வெக்கைபுண்கள்வெடிசூலைகுஷ்டமும்

சத்திவிக்கல்சயரோககாசமுந்

தானேபறந்திடுஞ்சங்கைகளில்லையே- பளி. 

பாடல் எண்:- 1528

பற்பங்குன்றிபஞ்சதாரைக்கிருதந்தனில்

பாகமதாகவும்பாய்ச்சுங்காலைமாலை

கெற்பநோயோடிகெதிகெட்டுப்புக்கிடுங்

கிலேசமில்லையரைமண்டலமுண்பீராகில்- பளி. 

பாடல் எண்:- 1529

அற்பநோய்தனக்காவின்பாலன்னமும்

ஆகுஞ்சருக்கரையந்தவிதிப்படி

சர்ப்பவிஷங்கடித்தாலுமேறாதுகாண்

காரசாரசவுகாரமிதாண்டையே- பளி. 

பாடல் எண்:- 1530

இந்தபற்பமீரேழுலோகத்திலும்

சங்கைகாண்பதரிதரிதாகையால்

விந்தைபார்விந்துநாதக்கருவியால்

வந்தநோய்கள்வாராதுசெடத்திலும்- பளி. 

பாடல் எண்:- 1531

மந்தமும்வயிறுமுப்பசமேப்பமுங்

கொந்திடுங்குலைநோய்கள்பறந்திடும்

அந்தமாகுமருணனொளிவுபோல்

அந்தபற்பமெவர்செய்துண்பார்களே- பளி. 

பாடல் எண்:- 1532

வெள்ளைப்பாஷாணமிதுகற்றறிந்திடில்

வேதைகோடிவெள்ளீயம்ரசிதமாங்

கொள்ளைகொள்ளைகோடானகோடிவினை

கூறறிந்துகொடுத்திடநோய்கள்போம்- பளி. 

பாடல் எண்:- 1533

விள்ளயில்லைவேதாந்திகள்சூதுகாண்

விந்துநாதம்வெளிமறைத்தேகினார்

கள்ளமில்லைக்கருதியநோய்களில்

காட்டினார்கருகாண்பதருமையே- பளி. 

பாடல் எண்:- 1534

பற்பங்கோடிபலப்பலநூல்களில்

பாடினார்கள்பழம்பொருளாகவும்

கற்பங்கோடிகருவறியாமலும்

காட்டினார்கள்கனகத்தின்வேதைகாண்- பளி. 

பாடல் எண்:- 1535

சற்பஞ்சாரைசவுக்காரமுப்பூவினால்

தப்பிதங்களொருசங்கைவராதிடில்

அற்பசண்டாளருக்காகுமாகாதிடில்

ஆண்டேஞானவெட்டிஆயிரத்தைந்நூறே- பளி. 

(விருத்தம்)

பாடல் எண்:- 1536

இந்தவிதங் குறுமுனிவ ரெனக்குச் சொன்ன

ஏழ்மையடி யேனுரைத்த இயல்பைக் காண்போர்

அந்தரங்க மானதெல்லாம் வெளியாய்ப் பாடி

அப்புவியி லனை வருக்கு மாசா னாக

வந்தவிதி காணரிய ஞான வெட்டி

வசனித்த வாறுகளின் வரலா றெல்லாம் 

பைந்தமிழை யாய்ந்துவிந்து நாத கற்பம்

பாடுபட்டோர்க் கெய்தும்பர கெதிதா னாண்டே. 

பாடல் எண்:- 1537

கனவதுபோற் கண்டதொரு காட்சி யெல்லாங்

கற்பத்தா லறிந்தெந்தன் கருத்தி னாலும்

இனம்பிரித்து எந்தனுக் குபதே சத்தால்

எடுத்துரைத்தே மினிவர்ம மில்லா தாலும்

அனைவருக்கு மாயுரைத்த பொருளா னல்ல

மகத்துவத்தா லானதல்ல மர்ம மல்ல

தனமிதுகாண் பொக்கிஷத்தை வெளிவிட் டாலுந்

தலைதெறித்து அண்டஇடி சாருந் தானே. 

(கொச்சகம்)

பாடல் எண்:- 1538

பூத்திருக்கு நாதவிந்து பூநீறு வானதுகாண்

மாற்றுஇரு பத்தாண்டில் மலப்புளிபூ நீரதுவாம்

வேற்றுமைக ளில்லையினி மெய்பொய்யறிந் தேமருவக்

காற்றுமழை போலிருந்த காரணத்தைக் கண்டிலரே. 

பாடல் எண்:- 1539

வஞ்சகமில்லா நூலாய்ந்து வைத்திருப்போர்க்கென்னபலன்

சஞ்சலம்வா ராதுவினை சாஸ்திரம்பொய் வாராது

பஞ்சவரு காதவற்குப் பதினெண்பேர் காயமும்போம்

கஞ்சமல ரம்பிகையின் கருணைபெற்று வாழ்பவரே. 

பாடல் எண்:- 1540

இந்நூலை யாய்ந்து இகழ்ச்சிபடு வித்த ஈனருக்குத்

தன்னா லனேகஞ் சதகோடி நோய்களில் சஞ்சலமாய்க்

கன்னான் குறடுகனல்கொண்டுவீசிடுங் காயத்திலும்

சொன்னேன்சொரிகுஷ்டம் வெறிகொண்டுபாய்ந்துசொக்குவரே. 

பாடல் எண்:- 1541

கற்பத்தை யுண்டு கணக்குபத் தாண்டு கழித்தபின்பு

அற்பமிது வென்றறிந் திட்டதா லல்ல ஆச்சுதென்று

உற்பகஞான ஜெகஜோதி யாட்ட முடலதனில்

முற்பகஞ் செய்த பூசாபல யோகமுன் னாள்தவமே. 

(வெண்பா)

பாடல் எண்:- 1542

எஞ்செய லாலெய்து மிவ்விதியு மல்ல

தஞ்செய லாலுண்டோ தந்தைவிதி- எஞ்செயலோ

முன்னா ளமைத்த மொழிதவறா தன்னால்

இன்னாள மைப்பதுவு மில். 

பாடல் எண்:- 1543

சயில மிரதுதகந் தயிலமது லேகியமும்

அயிலமதி லுதித்த அஞ்சும்- சயிலமது

அஞ்சுருவு மவித்ததனி லமைத்தபடி யாமாகில்

சஞ்சலங்கா ணில்லைத் தவிர். 

சாதிலிங்க பற்பம்

(தரு)

சாதிலிங்கபற்பங்காண்பஞ்சபூதத்தில்

சோதியானந்தப்பிரகாசங்காண். 

பாடல் எண்:- 1544

ஆதியிலெனக்குள் சாதிவாதிகளனந்தங்கூடி

அந்தரங்கமாப்புதைத்தவிந்தலிங்கவித்தையைநான்

அருள்அம்பிகையாலதிகமிதைஆயிரத்தைந்நூறில்

பிரசங்கமறிந்தம்புவியோர்களுக்காககெம்பீரஉத்தண்டமாலை

சம்பிரமதாகவிளங்கசெம்புலிங்கேசர்பதமேஆயிரத்தெட்டிதழில்கமலமலர்

பாயிரத்தோடனைத்தும்தமிழ்பொழிய

அகிலமுழுதுஞ்செழித்தவனியெங்குந்தழைக்க

அலைகடலுமீரேழும்பலகலைகளும்பாயஅறிவித்தேன்கற்பம்

நாதவிந்தினால்துரியத்தில்நின்றுஆண்டீரைஞ்சில்மேதினியோர்களும்

ரசவேதைகளுழைத்துலிங்கம்வால்களடிபட்டுப்போய்

மாண்டதுமிங்கிலிகத்தால்வறுமைகள்சூழ்ந்து

மாளிகைவீடுந்தனங்களுமிழந்துநாய்களதுபோல்- சாதி. 

பாடல் எண்:- 1545

காடுகள்தோறுந்திரிந்துபேடியாய்க்கண்கெட்டுழன்று

ஊதியம்பதியிழந்துவீதியிலுழன்று

வேதைபொய்யென்றுவெகுவிதமாய்ச்சேதிகளாய்ந்து

உலகுதனில்என்னுக்குள்விசிதரத்னமிருந்துலவுவதுங்

காணாதிப்படியானுமேசுட்டுவிழந்தேன்

பொக்கிஷமெல்லாம்இனியென்னகாணும்

இவ்வுடலினில்கருநெல்லிதோணும்

எவ்விதமாகஇரவிகதிசூரியனொளிவைக்காருமறைத்தவியல்பு

என்னுக்குளிருளுருவைக்காணொட்டாமேக

மிருப்பதுங்கண்டேன்கற்பத்தையுண்டுசிறப்பதாய்விண்டேன்

காயந்தனிலும்வாலாம்பிகைப்பெண்ணமிர்தமூட்டியெனக்கு

அருவுருவையுங்காட்டிசுரூபசித்தியளித்துஅழைத்துமேன்மேலும்

அட்சயபாத்திரங்கொடுத்துப்பொன்மேரும்சுழிமுனையின்முனை- சாதி. 

பாடல் எண்:- 1546

அம்பரவீதியில்வாசிபம்பரஞ்சுழன்றதுபோல்

கும்பித்துஇடைபிங்கலைஸ்தம்பித்துஎங்கெங்கும்பாய்

அஸ்வங்களோடசவாரியதுவிசுவாசித்தாட

அண்டங்கள்பாயஆதாரமாறுங்கடந்துசூதபானத்தையடர்ந்து

அகண்டமண்டலம்வேண்டியுகசண்டலங்கள்தாண்டி

அரூபியாய்நின்றுசுரூபசித்திகருவியைவென்றுஆண்டவன்செயல்

அனுக்கிரகபதவிபெற்றனந்தங்கோடிப்பிரகாசம்

அதிதமதிபெருகியமிர்ததீபத்தைக்கண்டு

அர்ச்சித்துப்பணிந்தேன்மதிமலர்கொண்டனுதினமணிந்தேன்

சொர்க்கவாசலில்அதிலுநுழைந்துஞானவிதியைக்கடந்தப்பால்

அகிலமீதினில்வந்தஅதிசயத்தையருளஆண்டேநீர்கேளீர்பரிசவேதை

ஆரம்பத்தாண்டில்நாதவிந்துநீர்- சாதி. 

பாடல் எண்:- 1547

இங்கிதமாகவும்லிங்கமிதிலும்பலமெடுத்துமிகவுங்காரத்தி

லெட்டுயிடைகாண்பாண்டத்திலிட்டுயிந்துநீர்சார

மிதுமூன்றுபத்திடையுமேரெண்டுமிதமாய்ப்பதம்

இன்பமாய்க்கரைத்தில்லம்விதமாய்த்தெளியவைத்து

இருக்கமூன்றுநாள்பின்புசிறப்பாய்ச்செயநீரைவாங்கி

இனியுரைப்பதுகேள்உருவியுப்புஇசைந்துணர்வீராய்

நாற்பதுபலம்இடரில்லாமலதனில்விடவும்விட்டுவுறைய

வெளியில்லகலடக்குங்கனமாய்ப்பாண்டஞ்சிறுசாய்

இடையொருபடிதான்லிங்கந்தனையுமளவாய்தோளாந்திரங்கயிறுகொண்டு

தூக்கிடுஞ்சுருக்கேறவுமாக்கிடுங்கமலாக்கினை

தாக்கிடுங்கொஞ்சுங்கொஞ்சநீர்வாங்கினால்சொன்னபடியா

மதிமலர்பொங்கும்நாதவிந்துநீர்அதிகம்விடாமல்வாலாம்பிகை- சாதி. 

பாடல் எண்:- 1548

மறைந்தசூக்ஷமிதுகாணுரைத்தமதிரவிதான்

விரைத்தேன்ஞானவெட்டியில்பரத்தைத்துதித்துவிந்நூல்

வேகம்பொல்லாதுஅதிகவாசந்தேகம்வெல்லாது

மாய்கையடைந்தோர்செய்வதுங்கடினம்பழுவரும்பலியாதொழுது

அம்பிகைபதமெளிதும்விதியிதுகாண்கெவனம்விடாதே

மனக்கவடுகவனம்படாதேசற்குருவினால்தொட்டகுறை

யிருந்தால்விட்டகுறைவருங்காண்தொடுத்தேன்கோடி

தொந்தங்களடுத்தேன்பனிரெண்டாண்டுசொன்னசொல்லறி

சோமனீரெல்லாஞ்சுருக்கேறித்தொக்காந்தொக்காகிடும்பின்

சாரம்பலம்வெங்காரஞ்சமனாகவும்பொடியாம்

சாதிலிங்கத்தைவாங்கிச்சாரம்வெங்காரமிட்டு

தான்கிளறிடுமேசலமதாகுமேனிந்தவாறேயிரவிதனில்- சாதி. 

பாடல் எண்:- 1549

சாரநீர்களுஞ்சுண்டக்காரமொருதிங்களில்

ஈரமுங்கசிந்தால்ரவியெடுத்துக்கதிர்முகத்தில்

உலரவைத்திடுவாம்சுன்னமதிதம்உப்பிதுகாரம்

புட்டியிலிட்டுசாதிலிங்கமதுசாரணைசெய்யவும்வித்தை

ஓதினாரென்குருவாசானொளித்துசொல்லவில்லைகாண்

ஓகோமாரணமாய்நவலோகங்கள்உவரசங்களுமாய்நவபாஷாணம்

உப்பிதுநாலுமீரைந்துபற்பமதாகுஞ்சரக்கு

சொற்பமிதுவென்றெண்ணிஅற்பமாகிலும்நினைக்காசுண்ணமிதாகும்

வெகுபதனம்இன்னஞ்சொல்லுவேன்காண்ஆண்டேகேளீர்

அருள்லிங்கத்தின்பேரில்குருவண்டுடனேபூரம்அதிதவீரம்

உரமுந்துருசிசுண்ணம்அறுவகைச்சரக்கும்வகைக்குசமன்புழுகு

சரியிடைகழஞ்சிவெள்ளைப்பாஷாணம்- சாதி. 

பாடல் எண்:- 1550

அதனிலிருகழஞ்சுவிதமுங்கலுவத்திலிட்டு

அடைவாய்நாதநீர்விட்டுத்திடமாயிருகடிகை

ஆட்டிமைபோலும்வழித்துஓலைஅதுபதங்காணும்

கொஞ்சங்கொஞ்சமாய்ஊட்டிலிங்கத்திமேலுமுலரக்

கதிரமுகத்தில்வாட்டியடிக்கடிதான்வலுவாய்ச்

சுருக்கேறவைத்துப்பின்கவசம்அறுரெண்டாகில்

சித்தர்சொல்முறைகாண்மூலப்புளியின்

சுண்ணம்வெண்காரம்தாரந்துருசானதில்வெள்ளைகாண்

சுடராகியபேரண்டமெடுமேவழலையஞ்சு

மிடைகழஞ்சிரண்டுசரிசமன்கொண்டெடுத்துக்

கல்லதனில்நாதவிந்துநீர்இசைவாயாட்டி

மயனம்வசமாய்முன்போல்வசம்

இரவிமுகந்தனிலுந்திவியங்கனிதென்றுமெடுத்திவைத்தினிகாண்

கரத்தின்வேகம்விடுத்திடாமலுமேகாயக்காயவும்- சாதி. 

பாடல் எண்:- 1551

திருப்பித்திருப்பிரவிமுகத்திலீரமும்வற்றக்

குறிப்பதுவாய்மறுபின்சிறப்பாய்மூன்றாங்

கவசம்சாரம்வெங்காரந்துருசிவெள்ளைப்புளிசுண்ணநாலும்

சரிசமனாய்க்கழஞ்சுவிதமிரண்டுகலுவந்தனிலடக்கிக்

கருவிநாதவிந்துநீர்கலக்கவிருகடிகைகருதியாட்டிடவு

மயன்மீதுவருதலானதுகாண்லிங்கமதுக்குக்

கவசமுன்போலப்பதமாயருணனொளிவுபடக்

கனதியாகாதிடினுமுலரவுலாவுங்காண்கன

ரவிபடவுமுன்பின்திருப்பிகாயவுஞ்சத்தில்லாவேற்றுமை

வாராதிருவுருவின்மலர்தனருள்விசிதகமலஞ்செழுந்

தேன்பொழியுஞ்சுழிமுனையில்திருநடனம்ஜெகச்சோதியிந்

நூல்சுகாதீதத்தின்பிரகாசவெளியில்கருணைஞான- சாதி. 

பாடல் எண்:- 1552

தீபந்தனிலெனதுகியாபகத்துடனும்வாசியோகத்

தினிலிருந்துயாகமப்படியேயூதிதசதீட்சையாண்டு

மோக்ஷபதவிதெரிசனம்பெற்றேன்சுருதிமுடிசுகஜீவன

மெனக்குத்தொழிலனந்தமளித்தசூக்ஷமறிந்து

இந்தசுகத்தைச்சொல்லுவேன்காணுந்துதிபெற்றலிங்கம்

சுண்ணபூபதிஅமுரியுப்பதுகாண்முன்புமுடித்த

அதுவுப்பதனில்பத்துவிதமஞ்சதுபலங்கொண்

டடிகனத்தசட்டியில்குடிலமில்லாதபடி

அதனிலிட்டதன்மேல்கவசம்வைத்துவிதித்தஞ்சுபலமும்

பின்புமேலிட்டுதனதுமேலுமேன்மேலுஞ்சருவாமலுமேல்மூடி

வெனதுசந்துதெரியாகனதியேழுமண்சீலைதெரியாமல்செய்து

விவேகத்துடன்அறியாதெவர்க்கும்அடுப்பிலேற்றி- சாதி. 

பாடல் எண்:- 1553

அருள்வந்தெய்தும்வன்னியதன்மிகச்சோராமல்

விதியாயக்கமலாக்கினைவிளங்குகடிகையேழு

விடம்விட்டுப்பிரியாவொருநிலைகொண்டனல்சுற்றி

முறியாபதனமாகஎரித்துஆறவுமறுநாளெடுத்து

வைத்துமேகாலைபிரித்துச்செய்கையின்படிபிசகாமலுமெடுக்க

சிவசிவசம்போசெம்புலிங்கேசஅரகரசம்போ

சற்குருநாதாஅகத்தியருள்சித்திமகத்துவலிங்கந்

தவத்திலடியனுந்தன்சபத்திமறவாமலும்

சாதிலிங்கந்தான்அதிதசுண்ணமதியந்தடங்காணும்

நாதவிந்திதால்வீரசெயபூபதிவேதைகளுக்குங்கெடி

சூரனெனுஞ்சவ்வீரந்துரைபூபதிக்குப்பெட்டி

தாம்பரவேதைவிஜயமன்னால்சாற்றவுமெளிதா- சாதி. 

(விருத்தம்)

பாடல் எண்:- 1554

பிருதிவி யப்புடனுந் தேய்வு வாய்வும்

பலத்தஆ காசமொடு பஞ்ச பூதம் 

அறிவித்தேன் சரக்கிதுகா ணஞ்சு மாச்சு

அகிலபுவ னங்களினி லார்தான் செய்வார் 

உருதிமன தொருமையினா லோகோ தீட்சை

ஓராண்டு அமுரியுண்டு உடல்வே றானால் 

குறிபடுமென் னாண்டைதச தீட்சை பத்துங்

குருவருளால் முடிந்ததனால் யோக வானே. 

பாடல் எண்:- 1555

யோகமொரு வருஷம்பனி ரெண்டாண் டென்னில்

உதகமது மிறங்குமிட லழிவோ இல்லை

தேகமழி யாதுயிர்காண் சடமே வச்சிரம்

சித்தர்க ளினொருவன் தேவ னாச்சு

சாகாம லிருந்திடலாம் வினைதான் போச்சு

சத்திசிவ தீட்சையினால் சாக்கா டில்லை

ஆகமத்தி லொளித்துவைத்த பொருள்தா னாண்டே

அகத்தியரால் யானறிந்து அருபெற் றேனே. 

பாடல் எண்:- 1556

அறிவித்தே னீற்றினமுங் கார சாரம்

அதினளவால் சரக்குஅறு பத்து நாலும்

விரிந்திடுமே நவலோக நவரத்தி னங்கள்

வெண்ணீறாஞ் சுண்ணமொடு பற்பந் தானும்

தெரியவுமே செந்தூர மனுபா னங்கள்

செய்தொழிலும் வேதையொடு திறமாய்க் காணும்

பரியாச மாயுலகோர் பழியா மற்றான்

பதினெண்பேர் மறைத்தகற்பம் பகர்ந்திட் டேனே. 

பாடல் எண்:- 1557

சாம்புவனென் றேயெடுத்த பேர்தன் னாலுந்

தந்தையெந்தன் பிர்மசரஸ் வதியுந் தாய்தான்

நாமெனுமே விரித்துவிட்டகுறையா லெய்தும்

நாதவிந்து உற்பகத்தால் ஞானி யானேன்

வாமெனுமே வஸ்துவுண்டு யோக வானாய்

மதிரவியின் பிரகாச ஒளிவி னாலுந்

தேனெனுஞ்செங் கமலமலர் பூத்த வாசம்

ஜெகமெல்லாம் பரிமளிக்கச் செய்தே னாண்டே. 

பாடல் எண்:- 1558

பரியாச மாகவுமே பழிப்பார் நூலைப்

பழித்ததனா லெலுவாய்க்கும் பலனோ வில்லை

குறிப்பாகக் கும்பமுனி பாதம் போற்றிக்

குருவருளால் குண்டலியே தொழுதேன் காணும்

துரியதுரி யாதீத நிலையுங் காட்டித்

துவாத சாந்தவெளி சுழிமுனை காட்டி

நெறிபிசகா மூலமென்ற புளிசுண்ணத்தால்

நீற்றினமும் கண்டறிந்து நிலைபெற் றேனே. 

பாடல் எண்:- 1559

பலிதமாய் வான்குமரி லேகி யத்தைப்

பக்குவமா யானருளப் பாரில் மாண்பர் 

மெலிந்தசடம் வலுத்திடுங்காண் வினைதா னில்லை

மேதினியோர்க் காகவுமே விளம்ப லானேன்

சலியாதே நீமனதே கெர்வம் வேண்டாம்

சாஸ்திரத்தைப் பொய்யென்று தள்ள வேண்டாம்

கலியெது கற்பமுண்டால் காயஞ் சித்தி

கனகமுன துள்ளமதில் காண லாமே. 

வான்குமரி லேகியம்

(தரு)

வான்குமரிலேகியங்காணும்- மேகாதிமேகந்

தான்பயந்தோடி யேபோங்காணும். 

பாடல் எண்:- 1560

நான்மகிழ்ந்துலகருக்குவான்குமரிலேகியத்தை

யானுணர்ந்துணரவின்பஞானவெட்டியான்விதிக்கும்

நதிசூழ்ந்திடுஅருள்மேவியமதிசாரநீரெடைநாலது

மலமூலமிதொருகானெடைகுடமுட்டகரைத்தேவடி- வான். 

பாடல் எண்:- 1561

தேனிதைமூன்றுநாள்வைத்துப்பானமுந்தெளியசலம்

ஆனதையேனத்திலிட்டுவூனெனுங்கற்றாழையின்வேர்

செருக்கித்தததுதரித்துத்திடிபிரித்தெத்தனைபடிபத்திடை

யினமுனசலமுடன்சேர்த்தினிபுனல்வைத்திடுவனல்சூழ்ந்திடு- வான். 

பாடல் எண்:- 1562

முன்னமேவன்னியைநாட்டியின்னமுங்கமலாக்கினை

பின்னமும்வராமலுந்தானென்னையுங்கசிந்துவிட

முறியாமலுமலைபட்டழிந்தொழியாமலுங்கொதித்தெத்துட

னிருந்துத்துதிமருந்ததன்றிவையறிந்துப்பதமதுபாகதும்- வான். 

பாடல் எண்:- 1563

கன்னலும்வரும்பாகதுநன்னயத்துடனேசீனி

தன்னினம்பலம்பத்ததுஉன்னிதமாகவும்விட்டு

கலந்துக்கிளரதுபாகுபோலிருந்துக்கனலடிபற்றிடா

மலர்ந்துப்பதம்வருமேவிடில்முறிந்துத்தணலறிந்திப்படி- வான். 

பாடல் எண்:- 1564

சாதிபத்திரிகிராம்புஞ்சோடசம்பதினாறெடை

ஏலமுஞ்சீரகம்ரெட்டியிதுக்குரெட்டிமிளகு

இயல்பாயெடுமிதுசூரணபலமாய்ப்பொறித்திடைமாறிடாப்

பதமாய்வருமிதுபாகுவில்கவரும்படியுடனேயிது- வான். 

பாடல் எண்:- 1565

பாகதுபோலும்வருதல்பதமாய்லேகியங்காணும்

மாவதுமடிபற்றாமல்மார்க்கமாயெடுத்தேனத்தில்

வைத்துபரிசுத்தத்துடனித்தம்மருள்முத்திப்பெற

சித்தத்தனுக்கிரகம்பதஞ்சித்திச்சிவஞானக்குரு- வான். 

பாடல் எண்:- 1566

தத்துவமெய்ஞ்ஞானநெறிசித்தர்களறிந்துசிவ

சத்தியைப்பூசித்துக்கற்பமுத்தியையறிந்துமோட்சம்

தனைப்பெற்றுடன்வினையத்துடல்கனசித்துகள்மனமொத்துடன்

நிலைவைத்துருபரசிததியிலருள்பெற்றனுக்கிரகப்பதம்- வான். 

பாடல் எண்:- 1567

குமரிலேகியந்தனில்குறித்துக்கழற்சியின்காய்

அமிர்தமெனவும்லிங்கமதிதசுண்ணங்குன்றியெடை

அதிக்குட்பதிந்திருவேளையுமிதுக்குப்பொருளரைமண்டலம்

விதிக்கும்பசுமமிர்தத்துடனுதிக்குங்கதிரொளிபோல்வரும்- வான். 

(கொச்சகம்)

பாடல் எண்:- 1568

வான்குமரி லேகியத்தில் வைத்துஅரை மண்டலங்காண்

தான்கருதி யுண்டிடவுஞ் சன்னிசுர தோஷமும்போம்

ஊண்வாயு வுளமாந்தை யோடும்விப் பிருதிமுதல்

தேன்மதுர மேகசயந் தித்திப்புநீர் காண்கிலனே. 

பாடல் எண்:- 1569

கட்டியரை யாப்புகன்ன சூலையுடன் கர்ணிகமும்

ஒட்டியப்புண் வாழைசிலை யுட்பிரமி மூலமதும்

ஈட்டியது போலிகழ்ச்சி யெய்துஞ்செவி குத்தலுடன்

மேட்டியென்றே மேகமெல்லாம் விட்டொழிந் துவேகிடுமே. 

பாடல் எண்:- 1570

மார்புத்து வாய்புத்து வாதபித்த சேத்துமங்கள் 

நீர்ச்சுருக்கு நீர்க்கடுப்பு நீராமை நீர்ச்சுரப்பு

தூர்செயுங் குன்மங்களெட்டு சோகையுடன் காமாலை

பேரனந்த நோய்களெல்லாம் பிரிந்துவிடுங் காண்கிலனே. 

(கலித்துறை)

பாடல் எண்:- 1571

விஷப்பாண்டு வீக்கமும் விக்கலுங் கக்கல் விரோசனமும் 

சுழல்வாத பித்த சூரணமும் பஞ்சு வாசமுடன்

கழல்வாத சன்னி கறடு முறடுங் கட்டிகளும்

மழல்வா தம்வாய்வு சொரிகுஷ்ட மூலமடிபடுமே. 

பாடல் எண்:- 1572

கடுவன் சிலந்தி கரையானு மீளையுங் கண்ணெரிவும்

வடுவன் பவுத்திர மணிகண்ட மாலை பரபரப்பும்

விரியனுந் தேளு மறுபத்தோ ராயிர விஷங்களதும்

பருசிக்க டல்புக்கி புகைபோலும் பற்றிப் பறந்திடுமே. 

பாடல் எண்:- 1573

தீராத நோய்கள் தெளியாத பித்தந் தினவுடனே

வாராது காணும் வழலைப் பெருமையும் வாழ்க்கையினால்

பேரா லெடுபடு மமுரியுண் டால்வினை பேர்ந்திடுங்காண்

சாராது மாய்கை நமனென்ற தீவினை மாறிடுமே. 

(வெண்பா)

பாடல் எண்:- 1574

பெண்பா லமிர்தம் விதித்தமதி பானத்தை

உண்பா ருலகுதனி லுண்டோ- வெண்பால்

மூலப் புளியருந்த முப்புரத்தைச் சுட்டிடுங்காண்

காலனில்லை யெப்போதுங் காண். 

பாடல் எண்:- 1575

மதனப்பா லுண்டு மாய்ந்திடுவ தில்லை

மிதமாய்க் கற்பம் விரும்பினால்- மதனப்பால்

லகரியது வேக நிராமயத்தை யுண்டு

சுகம்பெறலாங் காயசித்தி சொல். 

பாடல் எண்:- 1576

சொல்லார் பெரியோர் சொன்னால் வெகுசூக்ஷம்

வெல்லா ருலகத்தோர் விதியிருத்தால்- சொல்லார்

கண்டாலுங் காரங் கருத்தி லதைக்கண்டால்

உண்டாலு முத்தி யுணர். 

நாகபற்பம்

(தரு)

தனனாந்தனதனனாந்தன- தன-தத்தனாந்தனதனதனனாந். 

பாடல் எண்:- 1577

திருப்பெருந்துறையிலகுமெய்ஞ்ஞானஒளி

திருமருவியமதிமலர்சூழும்

பொருப்புனல்நதிபெருகுந்தில்லையனந்த

புருவச்சுழியிடைபின்முனையில்வளர்

அருவுருநாதவிந்தின் அமைத்துவரலாறுகளின்

சூக்ஷமெல்லாம்யானுரைத்தேன்காண்

குருமுனியுரை தவறாமெய்ஞ்ஞானகுருவின் மலர்க்கமலம்

அடிதொழுதடியதுமர்ச்சனைசெய்து

கற்பகக்குண்டலியின் பதங்கருணையருள்

காரமுஞ்சாரமுங்கண்டுகருதினோம்பார்

தற்பரசிகாமணியின் சற்குருபரன்

தாளிணைபொற்பாதமலர்நான்மறவேன்

பரப்பிர்மசிஷ்டையினால்சாம்புவனெனும்

பாடுகிறேனாகபற்பம்வேகமிதுகாண்- தன. 

பாடல் எண்1578

பாகமதாய்நாலுபலங்காண் இடைபிசகா

பானுமதிசாரையது நாலுபடிதான்

சேகரமாம்புளிசரக்குக்கடுங்காரமது

சேர்த்தொருபடியிடித்துச்சூரணமதாய்

வேகமென்றஅமுரிதனில்காரத்தையூட்டி

விருப்பமுடன்கரைத்துமேலதுமூடி

யாகமப்படிதனைமூன்றுநாள்வைத்து

அமுரிதெளிவிறுத்துஅத்தெளிவினில்

கம்பியுப்புச்சீனக்காரம்வெங்காரஞ்சாரங்

கடல்நுரையுப்பதஞ்சுவகைக்குச்சமன்

ரம்மிதமாய்ப்பலமதுகாண்குளிக்கல்லினில்

நாட்டியரைத்தேமூடியதனிலடக்கி

கும்பமதிலுங்கரைத்துமூன்றுநாள்வைத்துக்

குடத்திலிருக்குஞ்சலத்தெளிவிறுத்தி

அம்பகமில்லாமலுமேகமலாக்கினி

அக்கினியைமூட்டியனல்தெட்டிமையதாய்- தன. 

பாடல் எண்:- 1579

தொக்காகிசுண்டிடும்பதமாய்எடுத்துஆறச்

சூட்டிடும்பீங்கானதனில்சொல்லுவேனாண்டே

உக்கிரமதாய்ரவிதனில்எடுத்துவைத்து

உலரஉலரக்கதிர்முகந்தனிலும்

விக்கிரமெனும்வெண்ணிறமதாய்உப்பதுவேகம்

வெளுத்தசர்க்கரைநிறமென்னசொல்வேன்

அக்கரைகரங்கள்படவும்அதிதசுண்ணம்

ஆலகாலவிடமதுக்கெதிரில்லை காண்

ஆதியில்முன்னண்டைபற்பம்கழஞ்சியது

அதிதமுப்புசுன்னமதிலொருகழஞ்சு

நீதியாய்ச்சவ்வீரம்பூரம்வகைவகைக்கு

நேர்மையால்கழஞ்சியெடைதுருசுசுண்ணம்

பேதியிலதிதபேதிகாண்இதின்பெருமை

பேசினார்பெரியோர்ஜெகஜாலமதா

யிதிலொருகழஞ்சியிடைவகைவகை

யிதுவகைகளனைத்துமேகமதாய்- தன. 

பாடல் எண்:- 1580

பனிவிழும்காலமதில்எட்டுநாள்விதம்

பாகமதுவாகவொருவாரமும்வைத்தால்

இனிசலநீரிறங்கும்இதுவென்னமயம்

இறுத்துஇறுத்துக்குப்பியதினுள்ளதாய்

வனிதையின்மாதவிடைபோல்அக்கினிவீசும்

வடித்துவடித்துச்சலமளவதுவாம்

கனதையாயிதையெடுத்துகைபாகமாங்

கருதிமூசையில்நாங்கனலதிகம்

உருகும்பதங்களறிந்துசெயநீரதனில்

ஓரெழுதிரமுருக்கிச்சாய்த்திடவும்தான்

வரும்வெள்வங்கமதுபோல்வெட்டையதுவாய்

வலுத்துக்கட்டியுமறுதிரமுருக்க

அருகுஞ்சவளையதுபோல்மெழுகதினவாறாச்

சரியமறுவெறுதிரமிருக்கப்

பெருகுந்தங்கத்தினிதங்காண்அதுவலுத்துப்

பெருமையென்னால்விளங்கப்பேசரிதுகாண்- தன. 

பாடல் எண்:- 1581

பச்சைவண்டுபோலதுவாம்பசுமைநிறம்

பாரதனிலும்மாரறிவர்பாகமதுகாண்

அச்சமில்லானாகப்பச்சைசித்தர்கள்செய்யும்

அதிசயமென்னுற்றுக்கொண்டதுவீய்ந்தால்

மச்சமறிமாத்தறுநூறுசெம்பதுக்கிய

வயதென்னவழலையென்மகிமையதால்

நச்சரவமமுரியுண்டாளினமதால்மீளாதுகற்பச்

சாதனைமூலப்புளியின்சுன்னம்படவும்

நீறுநவலோகமதுங்காரசாரத்தின்

நேர்மையிதினாலும்நவரத்தினநீறும்

தாறுமாறுசெய்கையதனால்குருவறியாசந்

தேகமாகும்வெகுஅந்தேசமாய்த்

தேறினதோர்நாகமதிலும்பலமெடுத்துச்

செய்வீரசுன்னமதில்வராகனரைகாண்- தன. 

பாடல் எண்:- 1582

வீரசுன்னநாதவிந்துநீர்மென்மேலதாகவிட்டு

மத்தித்துமேனாகமேற்கவசமாய்ப்

பரவியும்பூசுரவிஒளிவுபடபானுவின்

முகந்தனிலும்மாகமதுவாய்

சுரவியதின்மேற்கவசம்மூலத்தின்புளி

சுன்னமொருபலமதில்நாதவிந்துநீர்

திரவியமிதுவெனவும்மத்தித்துமேலுந்

தீர்க்கமாங்கவசமதுசெய்துமுடித்து

வாலையருள்பொற்கமலம்மலரடியில்

வணங்கினேனாண்டையிருகரங்குவித்து

சாலவும்பூசித்தடியேன்பாறையுப்பதுந்தானதி

லொருசேர்கொண்டுவிந்துநாதநீர்

கோலமுடனாட்டியதைக்கவசமதுகுறித்து

நாகத்தின்பேரில்கூறதுசெய்து

ஞானமுடன்தாளிலுமிட்டுமேல்மூடிமண்ணு

நற்கவசஞ்சீலையதுஏழுஞ்செய்தே- தன. 

பாடல் எண்:- 1583

முன்முறைபோல்சாமமதுஒருநாள்முழுது

முத்தியெய்ததுசதுர்சாமமொருகம்பமதாய்

இன்பமுடனுமெரித்துதீயாற்றியெடுத்தி

யல்புடனாகசுண்ணமெய்துமுறைகாண்

தெம்புடனேசெம்புருக்கிப்பத்துக்குவொன்று

திருத்தமதாகவுமேயெடுத்திடவும்

அன்புடையபத்தரைமாற்றுஅதிகநிறம்

ஆருமறியார்களிந்தஅதிசயத்தைப்

பன்னீருமாதளம்ரசமும்பசும்பாலும்தேனும்

பாகமதுவால்மிளகுசுக்குதிப்பிலி

யிளநீரும்பலவகைக்குஇதனிலிடும்

இச்சரக்கழஞ்சியெடைச்சூரணமதாய்

குன்றியிடைநாகபற்பங்கூட்டிமத்தித்துக்

கொண்டிடுங்காலைமாலையங்குணமதுவாய்

வேண்டிடுமரைமண்டலம்விசிதமாய்

விளங்கிடுநாகபற்பமேதினியோர்க்கும்- தன. 

பாடல் எண்:- 1584

அண்டவாதமரோசிகமுஞ்சுவாசகாசமை

யிரண்டுவாய்வதும்சீரணமுங்

கண்டமாலைகர்ணிகக்கோடும்பிரமியமுங்

காசபித்தபாண்டுவிஷபாண்டதுவும்

நின்றவயிர்குன்மமும்நீராமையோடுநீர்ச்

சுருக்குநீர்க்கடுப்புநீரெரிப்பும்போம்

இன்றணுகாபுண்புரைகளும்இருபத்தொரு

இசைந்தமேகங்கள்மதுமேகமுதலுந்

தந்தவலிநாசியடைப்புஞ்சயகாசங்கள்

சன்னிசுரதோஷமொடுகிராணியெட்டும்

வந்தவினைவிப்புருதியும்இசிவுவலி

வாந்தியொடுசோபதாபஆயாசமும்

வெந்தணலாய்வீசுங்கனலும்வெடிசூலைகள்

விக்கலுமேப்பமுடனும்வெதுப்புகளும்

அந்தந்தவியாதிகளுமேயுடலும்விட்டு

அலறிப்பயந்துஅலைகடலிற்பதுங்கும்- தன. 

(விருத்தம்)

பாடல் எண்:- 1585

வினைப்பயனை யின்னதென்று விரித்துச் சொல்ல

வெளிதல்ல வெகுநோய்கள் வெளிப்பட் டேபோம்

எனைப்போலும் பாடுபட்டுப் பனிரெண் டாண்டு

எடுத்துரைத்தேன் ஞானவெட்டி யெளியோர்க் காக

கனைதொடுத்து வேதையதுந் தொந்தங் கோடி

கருவறிந்து செய்துவிட்டேன் கற்பத் தாலும்

தனையறிந்த தன்னைத்தா னுண்ட தாலுஞ்

சகலகலை செய்தியெல்லாஞ் சாற்று வோமே. 

பாடல் எண்:- 1586

சுருக்கமென்ற பற்கவகை கோடா கோடி

சொன்னார்பதி னென்பேர் சித்து மார்க்கம்

கருக்களென்ற கருவியெல்லாங் கணக்காய்ச் சொன்னார்

காண்பதுவு மரிதரிது கல்வி மானார்

உருக்கமிந்த வுடலுயிரும் நினைக்க வேணும்

உடலுமுயி ரிருந்தல்லோ அறிய வேணும்

மருக்கமழு மாதுரத்ன வாலை தேவி

வடிவமெனு மம்பிகைப்பெண் வாறு தானே. 

(கொச்சகம்)

பாடல் எண்:- 1587

சுழிமுனைக்குள் ளேயிருந்த சோதியறிந் தாமாகில்

வழிபலவுங் கண்டுமதி மாமதுர கற்பமுண்டேன்

ஒழியாது கற்பமுண்டா லுடலுயிரு மேவலுக்கும்

அழியாத காயகற்ப மாரறிந்து வுண்பவராம். 

பாடல் எண்:- 1588

வேற்றுமைக ளில்லையிந்நூல் வெட்டவெளி யாகவும்யான்

பூத்தமலர் வாசமதைப் புகட்டினேன் பூரத்தை

நாற்றிசையி லும்புகழு ஞானவெட்டி யாய்ந்துகற்பம்

பார்த்துணர்ந்து வண்டிடுவோர் பரகெதிக்குப் பாதையிதே. 

(கலித்துறை)

பாடல் எண்:- 1589

காலங் கழிந்து காயம் நெகிழ்ந்து காற்றுமழிந்

தோலுந் துருத்தியும் நாடி நரம்புந் துவண்டபின்பு

சாலவுங் கற்பஞ் சாராது சார்ந்துஞ் சற்றில்லைகாண்

வாலிப மெய்திடுங் காலத்தில் கற்பம் வசப்படுமே. 

பாடல் எண்:- 1590

வாராது யோகம் வாசிவ சப்பட்ட மதிரவியால்

மாறாது கற்பம் வலுவந்த தேக வாழ்க்கையினால் 

மீறாது ஞான மிகப்படித் தாலும் வித்தையல்லால்

தேறாத பேருக்கு மெய்ஞ்ஞான வெட்டி தெளிந்திடுமே. 

பாடல் எண்:- 1591

கண்கள் விழியு மிருள்மூழ்ந் துநாடி கலகலத்து

பெண்கள் மயல்கொண்டு விழிந்தழிந் தேபெரு நோய்க்கிடமாய்

வெண்தந்த மாறி மெய்நரை கண்டு வினைப்பயனால்

மண்ணுக் கிடமெனுஞ் சுடுகாடு சொந்த மாளிகையே. 

(வெண்பா)

பாடல் எண்:- 1592

ஞானத் தெளிவில் நாடிவிடு வோர்தமக்குப்

பானத்தை யுண்டு பரீட்சைபார்- ஞாலத்தில்

தெளியாதா ராகில் செகமாய்கை சூழ்ந்து

களியுவா ரென்றறியுங் காண். 

பாடல் எண்:- 1593

நாடிநரம் பசைந்து நரைதிரையு முண்டாகில்

தேடியென்ன ஞானந் தெளியாது- பேடி

மாய்கை யதுசூழ்ந்து மாயுஞ் சுடுகாடு

தாயெனக்குச் சொன்னவழி தான். 

பாடல் எண்:- 1594

காணாது கண்ட காட்சி யதுயானும்

கோணாது மாய்கையதின் சூட்சங்- காணுது

கற்பமதை யுண்டால் காய நெகிழாது

தற்பரையெப் பொழுதுஞ் சார். 

வாலை திராவகம்

(தரு)

தனனாந்தனதனதனனாந்தன- தத்தனாந்தானதனதனனா. 

பாடல் எண்:- 1595

சீர்மேவியகமலந்- திரு- வம்பிகைப்பொற்பாதம்நம்பியருள்

கார்மேவியகருணை- கற்ப- சாதனைகாட்டியெனக்குரைத்த

பார்மேவுங்கும்பமுனி- குரு- பாதமலர் பணிந்தேயடியேன்

தார்மேவியமதுரம்- சார- காரப்பெருமையைச் சாற்றிடினும்

ஞானச்சுழிநடன- திவ்விய- நாட்டத்திலும் வாசியோட்டத்திலும்

வானம் பொழியுமதி- கடல்- வாருதியின் திருமால்பதியில்

ஈனம்வராமலுங்காண்- மிக- யோகத்தினால் தவஞானத்தினாலும்

பானமிகவுணர்ந்து- பரி- பாஷையெல்லாமாய்ந்துபாடுகிறேன்- தன. 

பாடல் எண்:- 1596

சித்திரபூரணவாலை- திவ்விய- திராவகத்தையாண்டேயானுரைப்பேன்

வெற்றியெனும்படிகம்- நவாசாரம்- பூநீறுகம்பி வெங்காரம்

பத்துயுடன்பாறையுருவு- பச்சை- கற்பூரமும் நல்லபண்ணையுடன்

சதியெனுமாமேனி- பாண்டந்- தானதுவப்புதசையதுவும்

பத்திமொருபாண்டமெனும்- பின்பு- பக்குவமாய்வகையஞ்சுபலஞ்

சத்தோடவேமூலம்- புளி- சுண்ணமதும்படிசூரணமாய்

எத்தாயமுரியெனுஞ்- சார- மேலுமதாய்ப்படிநாற்பதுகாண்

சித்தாகவுங்கரைத்து- மூன்று- நாளதனைவைத்துச்சேகரமாய்- தன. 

பாடல் எண்:- 1597

ஆனாலுமேசரக்கு- அரி- தாரமும் வீரங்கெவுரியதும்

தானாகும்வெள்ளையுடன்- சாதி- லிங்கமும்பூரமனோசிலையும்

வேனானசிங்கியதும்- விந்து- நாதமென்றால் ரசகெந்தியதாந்

தேனான பச்சையதுந்- திரு- நீலகண்ட ரெனுமேசரக்கு

குவகைக்வகைப்பலமாய்- வலு- வானசரக்கொருசீலைதனில்

திகையாமலுங்கிழியாய்- தினு- சர்வதெல்லாங்கட்டித்தொங்கலிட்டு

துகையாயடுப்பினிலுஞ்- சொன்னேன்- சுத்தமெனுங்கனபாண்டமதி

வகையாய்தெளிவிறுத்து- ஒரு- சாலிலிட்டுக்கொஞ்சங் கொஞ்சமதாம்- தன. 

பாடல் எண்:- 1598

புரைதான்வராமலுடன்- சீலை- பொட்டணமாய்கட்டித்தொங்கலிட்டு

வரையாமலடுப்பில்வைத்து- வன்னி- மாட்டிடவுங்கமலாக்கினைதான்

திரையாய்நுரையகற்றி- செழுந்- தேனெழும்பிவருகாமலுடன்

கரையாமலுஞ்சரக்கு- கணக்- காவதுஞ்சென்றுஆறிடவும்

இனமாயிறக்கியதை- யிருந்- தாறினபின்னெடுத்தாமதனை

கனமாகவேசரக்கைக்- கண்டால்- கல்லதுபோலுமிறுகிடுங்காண்

மனமேமதிபிசகா- வரும்- மார்க்கமிந்தவுப்புவாருதியால்

தனமேபீங்கானிலிட்டு- ரவி- தன்முகத்திலிதுகாய்ந்திடினுந்- தன. 

பாடல் எண்:- 1599

கதிர்முகங்காய்ந்திடினுங்- கன- வாலையெனுங்குடந்தன்னிலுந்தான்

சதிராகவுஞ்சரக்கைத்- தனிச்- சூரணமாய்ச்செய்துமேலும்

தாயுதிராமலும்படியே- உப்பு- ஒக்கச்சரக்குத்தூளொன்றாக்கி

அதிராமலுங்குடத்தி- லிட்டு- ஆனபின்பு அக்குடமதின்மேல்

செம்பதினாற்செய்ததொரு- செப்- பாலையதுக்குடமேல்பூட்டி

தம்பனவதாகவுமே- சீலை- சாற்றிடீர்வெண்கருமாவுளுந்து

செம்மையாய்க்கவசமது- செய்து- சீர்பெறவும்வாலுகையடுப்பில்

அம்பாளருள்பெறவும்- வன்னி- அக்கினிமூட்டியெடுத்திடுமுன்- தன. 

பாடல் எண்:- 1600

பாலையதின்வாயில்- குப்பி- பாய்ச்சியேமேலும்சலம்பொழிய

செலமதுவுஞ்சொரியும்- இந்த- திராவகத்தையென்னசொல்வேன்

சலமாய்ப்பொழிந்ததின்பின்- தயிலந்- திராவகங்காணேன்ரத்தவர்ணங்

கலையாமலுமிறங்கும்- இந்தக்- காரணத்தைக்கண்டுஆரெடுப்பார்

ஒருநாழிகைசுருக்கில்- சூத- மோடாதுகட்டிவலித்திடுங்காண்

இருநாழிகைதனிலும்- ரசம்- மேலும்புகையசையாதிருத்தல்

உருவாகவுங்கடிகை- தச- மூலவன்னிகமலாக்கினையில்

சுருங்கியொடுங்கிவிடுஞ்- சொன்ன- சொல்லறியும்பத்துநாழிகையில்- தன.