திருவள்ளுவரின் ஞானவெட்டியான் பாடல் எண் 1301- 1400

பாடல் எண்:- 1301

மனம்பிரிந்திருந்ததின்பேராரோ- அது

தெரிந்தபேரிதைச்சொல்வாரோ- தன

மிருந்தபொக்கிஷமதுதானே- வினை

யொழிந்துபோமதுகுருதானே- தனந். 

பாடல் எண்:- 1302

இடைகலைக்குமறவாதுருவாமோ- பின்

கலைக்குஒருவழிகுறைவாமோ- கட

லலைக்குநதிபாரெதிராமோ- அலை

கடலிதுக்கொருநிகராமோ- தனந். 

பாடல் எண்:- 1303

உந்திச்சுழியினில்நீமனமே- வாசி

உழன்றுமேலங்குபடிமாட்டி- மூல

சந்திரபுஷ்கரணிநதிமூழ்கி- திவ்ய

சமுத்திரசலத்திலுவர்நீக்கே- தனந். 

பாடல் எண்:- 1304

திருவனந்தகுருபரசிவஞானம்- ஜெக

மனைத்துஞ்செயல்பெறுமெய்ஞ்ஞானம்- குரு

வரத்தினருள்விட்டகுறைவிதிபார்- மதி

பரத்தில்கெதிபெறுநானாண்டே- தனந். 

பாடல் எண்:- 1305

நந்திக்குருபரநாதனருள்- திரு

நாமத்தைநயந்துவுணர்ந்துருகி- இன

மிந்தப்படிரவிமதிநாட்டமிகுந்- திரு

வினையொழித்தேனாண்டே- தனந். 

பாடல் எண்:- 1306

முக்கோணச்சுழிமுனைநடுவே- மூலா

தாரக்கணபதியருள்தனினும்- நாம்

எக்காலந்தொழுதேபணிவோம்- என்

றேங்கிவிளையாதேமனமே- தனந். 

பாடல் எண்:- 1307

பிரமசதுர்முகனருள்திருமலரடியில்- மதி

தவமொருநிலைபெறஓராண்டு- கர்மச்

சடமொருவினையொருஒழியதவம்- அருள்

தருங்கெதிபரகுருநீயாண்டே- தனந். 

பாடல் எண்:- 1308

கண்டமகத்துகள்விண்டதில்லை- கற்பங்

கருத்தையறிந்தவராருமில்லை- செகம்

எண்டிசையனைத்துமேயாராய்ந்தா- ரதி

ரெவரெவரென்றறியாய்மனமே- தனந். 

பாடல் எண்:- 1309

குயில்போலிளமொழிமடமாது- இரு

கொங்கையெனும்விழிபார்வையினால்- மய

லகிலமுழுதும்யோனிக்கேணி- தனில்

விழுந்தரவங்கடித்துமாண்டிடுமனமே- தனந். 

பாடல் எண்:- 1310

இருவிழிசிமிட்டுவள்ஸ்தனபாரம்- கலை

யெடுத்துமுகமுருவதுகாட்ட- வருந்திப்

பின்துடர்ந்தவள்மாமயலான- வாடைப்

பொடியதும்போட்டியல்பாய்மனமே- தனந். 

பாடல் எண்:- 1311

இருதுடையரவம்பாம்பதுகடிக்க- மருந்

தெவருமறியாரிவ்வுலகுதனில்- அருள்

விரகமதுகாமக்குரோதமெனும்- விஷம்

விக்கிரமெனுமறிந்திடுமனமே- தனந். 

பாடல் எண்:- 1312

நிலவுபொழியுமதிசந்திரகலை- வரு

மிரவுபகலதுமாறிடவுங்- கனல்

மனமுஞ்சலமதுநீரதுபாய்த- லலை

கடறிமிதுக்குநிகரராமனமே- தனந்.  

பாடல் எண்:- 1313

சுழியின்முனையிலகும்நடுவணைகாண்- சொன்ன

துரியமதிநிலவுபொழியவரும்

விழியினொளியுமறைமதிசலநீர்- விட்ட

விதியென்னவிந்துநீராமனமே- தனந். 

பாடல் எண்:- 1314

பஞ்சபூதாதியஞ்சும்பரவெளிதான்- அப்பு

பருதிமதியிரண்டும்பழகினதால்- நெஞ்சுப்

புண்ணாகிடுங்காண்கடுங்காரம்- நின்ற

நிர்மலம்போக்கிடுங்காண்மனமே- தனந். 

பாடல் எண்:- 1315

மும்மலம்போக்கிடுமுப்பாழ்மூலசுத்தி- முதல்

முத்திசித்தியுமெய்தல்முனைகாணல்- அருள்

ஞானசித்தியெய்தல்காயசித்தி- ரவி

நடனமென்னாலருள்நாமுரைப்போம்- தனந். 

(கொச்சகம்)

பாடல் எண்:- 1316

அண்டமெல்லாஞ் சூழ்ந்துநின்ற ஆதித்தனென் றேயறிய

மண்டலமெல் லாமொளிவாய் வளர்பிறையின் சூக்ஷமதைக்

கண்டேன் மதிமலர்பார் கனகவம் பலத்தினருள்

உண்டேன்வெண் சாரையதை யோகசித்தி யாலறிந்தே. 

பாடல் எண்:- 1317

சித்திதரு ஞானவெட்டி செங்கந்தி யாற்றருகே

சத்தியமாம்வே தாந்தவொளி தாய்பலத்தி லேதுதித்து

முத்தியாமுப் பாழ்கடந்து மூலசுழி தன்னருகில்

மத்தியத்தில் நின்றுமதி வாமப்பா லுண்டேனே. 

பாடல் எண்:- 1318

சொல்லப்பா காவதனில் சுகபோக வேளை தனில்

வெல்லப்போ காதுகண்டாய் வேதாந்த கற்பமதை

அல்லல்போ வென்றுலகி லலைவதனா லாவதுண்டோ

வல்லமையால்கொங்கணர்க்குவாய்த்ததுகாணிப்பொருளே. 

பாடல் எண்:- 1319

எத்திசையு மேபுகழு மிந்திரன்த னக்குரைத்த

புத்திநிலை யாமலுமே புதுமைகேட் டிருந்தகமை

சத்திதனை விட்டுலகில் தடுமாறி யேதவிர்த்த

வெற்றிபெற்றகொங்கணர்க்குவிரித்துரைத்தார் வள்ளுவரே. 

பாடல் எண்:- 1320

தாயார் சரஸ்வதியுந் தந்தையெனும் பிர்மாவாம்

மாயாப் பிறவியினால் வந்தார் புவியதனில்

ஓயாக் கவலைபெற்று வுடன் றுலகில் வாழாமல் 

நாயாம் பிறவிதன்னைக் கற்பத்தால் கண்டேனே. 

பாடல் எண்:- 1321

கொள்வதுமெப் படியெனது குருவருளே யென்றுநம்பி

உள்ளமதி கலங்கி யுலகி லுலவுவதேன்

கள்ளமல்ல இந்நூல் கசடர்தனக் கெய்துவதோ

வள்ளுவனார் தாமுரைத்த வசனமதி தப்பாதே. 

(விருத்தம்)

பாடல் எண்:- 1322

கொள்வதென்ன மூலமென்ற காரந் தள்ளிக்

கொண்டிடவுந் தினந்தோறு மாண்டஞ் சாச்சு

தள்ளுவது மெண்ணய்சுன்னங் கடுகோ டுள்ளி

சாதித்து வருந்தையிலும் பேதி காணும்

அள்ளுவது மூலமென்ற புளியை மாற்றி

அந்தியிலும் புளியருந்தி யருளை நோக்கிக்

கள்ளமல்ல வீரமுண்டா லஞ்சாண் டாகில்

கடினமெத்த ஏழுதிங்கள் கருத்த தாமே. 

பாடல் எண்:- 1323

கன்னியெனு மம்பிகைப்பெண் வடிவென் தாயார்

கல்வியிலு முயற்சிமெத்த காம ரூபி

உன்னிதமாய்ப் பூருவத்தில் மூலத் தாய்தான்

ஓங்காரத் துள்ளொளியா யுலவு மாத்தாள்

வன்னிஎனும் வலையறுத்து மேரு தாண்டி

வாசியிலுஞ் சிவயமென வைத்து வூதிச்

சென்னியெனுங் கருணைகொண்ட மூலத் தாயைத்

தேடுதற்கு மிகவரிது செப்பு வேனே. 

பாடல் எண்:- 1324

செப்பிடினுந் தாயெனக்கும் பிள்ளை யானாள் 

தேவியம் பிகையவட்குச் சீஷ னானேன்

ஒப்பிதமாய்க் குருவானா ளடியே னானோ

ஓகோகோ வேதப்பெண் ணுருவு மானாள் 

இப்பிறப்பிற் பெண்ணாகி நீசப் பெண்ணாய்

எண்டிசையும் புகழ்பெரிய தெந்தன் வாக்கை

அப்புவியின் பூவறிந்து முப்பூ வொன்றாகி

லகிலபுவ னங்களுக்கு மிகமேன் மேலே. 

பாடல் எண்:- 1325

இன்னமினிச் சொல்வதெந்தன் வாழ்க்கை யாலும்

எச்சாதிப் பெண் ணாகி யிருந்தா லுந்தான்

அன்னையெனுந் தாய்தந்தை பிள்ளை சுற்றம்

அவராரோ நானாரோ அகலத் தள்ளி

வன்னியதை நம்புதலாய் மனதாய் நின்றேன்

வாகான பூரணத்தில் மருவி னேன்யான்

சென்னிதனில் மாதர்களைக் கண்ணிற் கண்டால்

தேசம்விட்டு மறுதேசஞ் சிறந்திட் டேனே. 

பாடல் எண்:- 1326

உந்தியெனு மோங்கார மூல கற்பம்

உறுதிபெற்று மண்டலந்தான் கடந்த பின்பு

வந்துதிக்கு ஞானகற்ப மோராண் டுண்ண

வரிசையுடன் கொள்ளவுமே வகைதான் வேணும்

உந்தியெனு ஞானகற்ப மாண்டே யொன்று

ஓரெட்டாம் பன்னிரண்டில் முடிந்து போச்சு

அந்தலபி தள்ளுண்டு அசடும் வாரா

தகமிளித லெமலபியு மழைத்த தாண்டே. 

பாடல் எண்:- 1327

ஏமனுக்கும் நமனவளா யிருந்தா ளாத்தாள்

ஈஸ்பரர்க்குத் தமக்கதிக மிவள்தா னாச்சு

காமனைக்கண் ணாலெரித்த கதைபோ லாச்சு

கருவியெல்லா மாண்டதுவுங் கசடு போச்சு

பூவதுபோ லிருந்தஉப்பு மயம்பொன் னாச்சு

பொன்மேரு கிரிசிவட்கு மணிவ தாச்சு

வீமனுக்கு விமலியும்போல் தேக மாச்சு

வெகுசுறுக்கு மிக நன்று விந்து பாண்டே. 

(கொச்சகம்)

பாடல் எண்:- 1328

ஐங்காய மாச்சுதுகா ணைந்தாண்டு கற்பமுண்ணத்

தங்கநிற மாற்றதிகச் சாட்சியறிந் தேனுபமாய்

வெங்காய மாமதித வெள்ளைக்கல் லுப்பதனால்

பங்கமில் லாமலுண்டால் பத்தியத்திற் பழுதிலையே. 

பாடல் எண்:- 1329

பத்தியத்தி லேபழுது பாகமது முன் தவிர்ந்தால்

அத்தியத்தி லுங்கனல்கொண் டசீரணத்தால் பேதியெய்தும்

சுத்தமதிப் பாலுடனுஞ் சொர்னமல ருண்டதனால்

சித்தியெய்து லேகியந்தான் செப்புகிறே னானறிந்தே. 

(கலித்துறை)

பாடல் எண்:- 1330

அஞ்சாண் டில்கற்ப மருந்தப் புளியு மதுபடவும்

நஞ்சாகும் பேதி யடிக்கடிக் கேவ நமனதுவாய்க்

கஞ்சா வதும்பட மலங்கட்டுக் கிராணி கண்களும்போம்

இஞ்சொற் றிருவள் ளுவநாய னுமுண்ட இயல்பதுவே. 

பாடல் எண்:- 1331

மாமாந்த கற்பம் பனிரெண்டு மாண்டு வந்திடிலும்

நான்மாத் திரங்கறி களறுப் பிரமாணம் நடந்தறியேன்

தேன்மொழி வேல்விழி மாதர்சம் போகஞ் செய்திடிலும்

தான்போய் மரணஞ் சுடுகாடு வேகுஞ் சமமதுவே. 

கற்பலேகியம்

(தரு)

லேகியங்கொண்டேன்காண்- காயகற்ப

லேகியங்கொண்டேன்காண். 

பாடல் எண்:- 1332

லேகியங்கொள்வனினியருளின்பம்- அளாவிய

அண்டபிண்டமப்புவின்காரமும்

தாவியிடித்துச்சரக்காதிதங்களும்

பாகமதாகவும்பாண்டம்விட்டேபதம்- லேகி. 

பாடல் எண்:- 1333

ஆவியதுக்குள கலாமலும்படி

தாவிநாதவிந்துதாக்கியேசூரணம்

மேவியதற்பரவேதசாஸ்திரத்தினால்

பூவதுலேகியம்பொன்னிறமாகவும்- லேகி. 

பாடல் எண்:- 1334

பெற்றிடுமெய்ஞ்ஞானங்கற்றறிந்தோதிடும்

சுத்தவானாகியுஞ்சித்தர் பதம்பெற

வித்ததிகங்களாலுத்தமர்சொல்மொழி

சத்தியமாகவும்நித்தம்பூசிக்கவும்- லேகி. 

பாடல் எண்:- 1335

மூலத்திலேறிமுனைபிரளாதலும்

காலத்திலுங்கற்பகாயம்பெலப்பட

ஞாலத்திலும்வாசிநாடிச்சுழிமுனை

பாலத்தினாலறிவாகித்தினந்தினம்- லேகி. 

பாடல் எண்:- 1336

அப்புமுப்புமறிந்துப்பையகன்றுமே

கைப்பொருள்விந்துக்கருத்தழியாமலும்

மெய்ப்பொருளாவிவிலங்காமலும்படி

தற்பரைசோதியானந்தமீதாகவும்- லேகி. 

பாடல் எண்:- 1337

சத்தியெனுநாதமூலப்புளிதனில்

சாரநீர்கொண்டுடன்வீரமதாகவும்

நித்தமனுசரிவாசிகொண்டுதாரை

சித்தியோகராஜதேகம்வலுத்திடும்- லேகி. 

பாடல் எண்:- 1338

துரிசியிதென்றுஜெகமறியாமலும்

உரிசைகொண்டுமனுஓடித்திரிந்துடன்

வரிசையென்றுங்கடைதுரிசியிதென்றுமே

வாதஞ்செய்தேயூறல்மாற்றிடுவாமலும்- லேகி. 

பாடல் எண்:- 1339

முத்திகொடுக்குஞ்சிவசத்திதன்பதம்

மூலாதாரத்தின்கருவியறுத்திடும்

வெற்றியதாகச்சமைத்துஉட்கொள்ளவும்

மேலானசேகரமேறிப்பறக்கவும்- லேகி. 

பாடல் எண்:- 1340

நாசிவழியிற்சுவாசத்தைவிட்டேன்

ஊசிகொண்டதாரையோகஞ்செய்யாமலும்

பூசிதமாகவும்ரேசித்திடாமலும்

வாசியறிந்துடல்மாளுவதில்லையே- லேகி. 

பாடல் எண்:- 1341

சயிலமிரதமுதகமுங்கூடியுந்

தற்பரானந்தசிவசத்திகிருபையால்

அகிலம்புகழ்காயமைங்காயமாமிது

தயிலமதாகியும்தானதுலேகியம்- லேகி. 

பாடல் எண்:- 1342

பிருதிவியுமப்புதேயுடன்வாய்வதுவும்

பேர்பெரியசத்தமைந்துமங்காயமாய்த்

பூரிதத்துடன்பஞ்சபூதமொன்றாகியுஞ்

சூக்ஷமகாரணலேகியமாச்சுது- லேகி. 

பாடல் எண்:- 1343

தன்னைத்தானறிந்தாக்கைபிலத்தது

சாம்பசதாசிவசங்கரனாச்சுது

அன்னையென்னைப்பெற்றஅம்பியால்செட

அன்னையும்விந்துடல்முத்தியுண்டாச்சுதே- லேகி. 

பாடல் எண்:- 1344

மூலப்புளியில்மூலாக்கினைதோன்றியும்

மூலாதாரத்தினிலப்புவுந்தோன்றியே

ஆலவிடமதிலக்கினிதோன்றியும்

அக்கினியாலசவாகிடும்வாயுவே- லேகி. 

பாடல் எண்:- 1345

தூலமெனும்வாய்வுசத்தமுண்டாகியுந்

தோன்றியஞ்சுபஞ்சபூதமொன்றாகியும்

மூலபஞ்சாட்சரநாதனிருப்பிடம்

நந்திகொலுவிலிருப்பதமுரியே- லேகி. 

பாடல் எண்:- 1346

அமுரிபஞ்சாட்சரமஞ்செழுத்தாச்சுது

அண்டமெனுஞ்சிவலிங்கமதாச்சுது

குமிறிடும்சாகரம்வெண்மதியாச்சுது

கோசபீசமெனுங்குருலிங்கமாச்சுதே- லேகி. 

பாடல் எண்:- 1347

கோசந்தனிலிருகூறதுமாச்சுது

கூறியபீசமடிமூலமாச்சுது

வாசிநின்றேகுகைபுளிசுன்னமாச்சுது

வாலகுண்டலியின்பீடமதாச்சுதே- லேகி. 

(விருத்தம்)

பாடல் எண்:- 1348

மதிவருந்து நடனமிடும் பிராணா யத்தில்

மதுரமிருந் திலகுமின்ப மவுன பீடம்

கெதிபெருங் காண்மகத்து களின்மோக்ஷ பீடங்

கெவுன ரசகுளிகை யிருந்தாடு பீடம்

துதிபெறவு மெய்ஞ்ஞான சுகாதீ தங்காண்

சோதிசுடர் மணிவிளக்கில் துண்டா நின்ற

விதியைவெல்லும் விசிதரத்ன பதியை வீசும்

மிகுத்தபஞ் சரவனத்தை விளம்பி னோமே. 

வாதமுறை

(தரு)

வாதவிதிபாடுகிறேன்- ஆண்டேகேளீர்-

வாதவிதிபாடுகிறேன். 

பாடல் எண்:- 1349

வாதவிதிபாடுகிறேனாதமதிலுமிருந்து

சோதிமணிபூரகத்தைச்சூட்டியுஞ்சூக்ஷமதுவாய்ப்

பச்சைத்துரிசியதைச்சத்திநாதநீரிலூட்டி

அச்சமறவும்ரவியில்வைத்துப்பார்நாலுசாமத்தில்- வாத. 

பாடல் எண்:- 1350

ஊரலறுமேகளிம்புவேறில்லைசுன்னமதாகுஞ்

சீருள்ளசூதத்தைக்கட்டுமேருவும்பொன்மயமாகும்

அம்பிகையெனக்குரைத்தகெம்பீரசுன்னமாகும்

நம்பியுங்கற்பமதனைவம்புசெய்தாலுமுண்டால்- வாத. 

பாடல் எண்:- 1351

ஆண்டுதசமானதுபின்னறுபத்துநால்வரையு

மாண்டுவிடமருந்துவா ச்சுதறிவாய்மனமே

தசவாண்டதின்பின்கற்பஞ்சடசித்தியானதின்பின்

பசுமையறவேளுமைபார்க்கப்பளிங்கதுவாண்டே- வாத. 

பாடல் எண்:- 1352

கற்பசாதனையில்லாமல்கனகஞ்செய்வார்களில்லை

அற்பமூலிகைதழையாலாவதுமுண்டோமனமே

மூலப்புளியைவிடமுத்தியுமுனக்கேதுகாண்

ஆலகாலவிஷமேயமுரியாண்டொன்றுண்டால்- வாத. 

பாடல் எண்:- 1353

அமுரியாண்டதுமுண்ணஅம்புவால்காலனுமேது

விமலசர்வாணியின்விளக்கமதாமனமே

வாதவித்தையாவதென்னசூதகவித்தைகாணமுரி

நாதமும்விந்துவுங்கூடிநவலோகம்பொன்னதாச்சு- வாத. 

பாடல் எண்:- 1354

இப்படியாகியசெய்தியாவரறியாதவிதம்

முப்பூவும்பூரணங்கூடிமுடித்தல்லோசெலமாச்சு- வாத. 

பாடல் எண்:- 1355

கருங்கடல்நீரையுண்டுகைப்பதுமாறினவிதம்

ஆருமறியார்களோபின்னதுசுத்தநீர்மகிமை

வாய்கொண்டுவுண்டசலத்தைமாறிடக்காயந்

தேயசுமதிதசித்திதேகமும்வலுத்ததாண்டே- வாத. 

பாடல் எண்:- 1356

காயாதிலேகியமிதுகருதக்காலனுமேது

மாயாதுவாசியொன்றானால்மரணமடையாராகில்

வாயுவுவீரஞ்சுமொன்றாய்மாறிமாறித்தாரையில்

ஓயாமலூதியூதிடும்யோகாதியோகமிதாச்சே- வாத. 

பாடல் எண்:- 1357

எழுபத்தீராயிரநாடிநரம்பிலிருந்தசவு

பழுதுவாராதுகாணும்பாருஞ்சாதனையாண்டே- வாத. 

(கொச்சகம்)

பாடல் எண்:- 1358

மூட்டுவாய் மூலகற்ப முக்கியமதா யாண்டுபத்து

ஆட்டுவாய் பெட்டிதனி லடைத்தரவ மாவதுபோல்

நாட்டுவாய் கும்பமுனி நாதனரு ளாலுங்கற்பம்

பூட்டினேன் குருவருளின் பொக்கிஷத்தை விண்டேனே. 

பாடல் எண்:- 1359

ஞானவெட்டி யாயுலகில் நானுதித்துப் பாடுபட்ட

பானரச கற்பமதைப் பாடிவிட்டேன் கைமுறையாய்

வானம்புவி யுள்ளவரை வாழ்ந்துலகி லும்புகழ்

தானவனாய் முத்திபெற்ற சங்கையறி யாய்மனமே. 

பாடல் எண்:- 1360

விட்டகுறை யாலுதித்த விந்தினிட செய்கையினால்

தொட்டதொரு கற்பமெல்லாஞ் சூட்சசித்தி யாச்சுதுகாண்

பட்டசள மெத்தவிந்தப் பாருலகி லேயறியார்

வட்டமுலை யாளுரைத்த வசனமது தப்பாதே. 

(கலித்துறை)

பாடல் எண்:- 1361

அஞ்சாண்டு கற்ப மானபின் பத்திய மாறாண்டுதனில்

வெஞ்சனங் கூட்டும் வகைவிதஞ் சொல்ல மேவிடிலும்

ரஞ்சித நாடு கருவூர் விளங்க நாமறிந்து

வஞ்சமில் லாமல் வெஞ்சனங் கூட்டு மகிழ்ந்ததையே. 

(விருத்தம்)

பாடல் எண்:- 1362

வெற்றிதரும் பத்தியந்தா னாவின் பாலும்

வெள்ளாட்டின் பாலுமது வொன்று வேளை

புத்திதரும் பச்சரிசி பயரும் பாசி

பொசிப்பதற்குப் போசனமாம் விகழ்தான் மெத்த

சித்திபெறும் புளியாரை கொடுக்கப் போடு

சிறுகீரை சீரகமுங் கரிய வேம்பு

முத்திதரு மிளகுபசு நெய்தா னாகும்

முக்கியமது பின்பதுகேள் முறைதா னாண்டே. 

பாடல் எண்:- 1363

ஆண்டையினி கேளும்புளி சுன்னத் தாலும்

அதிதவித்தை வாதமெல்லா மடங்க லாச்சு

தாண்டவமாய் நடனமிடும் கணேசன் சத்தி

தாயான வல்லமையுந் தானே தோற்றும்

மாண்டிடும்பே ரில்லையிந்த வைய மீதில்

மகத்தான கற்பமுண்டால் மாய்கை போச்சு

பூண்டிந்த வுலகமெல்லா ஞானி யானால்

புவிஎல்லாம் தேவர்களாய்ப் பிறப்பா ராண்டே. 

பாடல் எண்:- 1364

அறிந்திடுங்காண் புளியமுரி மாலை யுண்ண

அப்புவும் ரவியிலுண்ண வயதைந் தாச்சு

புரிந்துகொள்ளும் புளிசுன்ன மமுரி கூட்டிப்

பேரான வாலையிலுந் தயிலம் வாங்கித்

தெளிந்துபுளி சுன்னமதை யமுரிக் கேற்க

செயநீராய்ச் சரக்குகளில் சுருக்கு மேற்றக்

குறித்தரசம் ரவியில்சுருக் கிடவுஞ் சாகுங்

கூகூகூ வாதமிதிற் கொள்ளை தானே. 

ஞானவெற்றி

(தரு)

வெற்றிக்கொடிகட்டினேனாண்டே- சூக்‌ஷாதிசூக்ஷ

வெற்றிக்கொடிகட்டினேனாண்டே. 

பாடல் எண்:- 1365

எத்திசைதனிலறியசத்திநாதவிந்துங்கூடிப்

புத்திமயங்காமல்நின்றுசித்தியுமறிந்தேனாண்டே

அண்டபிண்டகளுமேவுமண்டலமெல்லாம்புகழுங்

குண்டலிவாசியைக்கொண்டு கண்டிடசாதனைசெய்து- வெற்றி. 

பாடல் எண்:- 1366

ஆதியந்தமாய்நிறைந்தஅம்பரவெளியில்நின்று

சோதியாஞ்சுன்னம்புளியுஞ்சுக்கிலசுரோணிதத்தால்

நீதிநினைவாலறிந்துநிச்சயமனந்தெளிந்து

சாதனைஎன்னுக்குள் நாடுந்தனஞ்செயனைச்செயித்து- வெற்றி. 

பாடல் எண்:- 1367

காலனென்றகாமனைக்கட்டறுத்துக்கடந்துமுப்பாழ்

ஞாலன்றவுட்கருவிநாடியேயடக்கியபின்

மாதுமயலாலமைத்தவல்வினைக்கோராஸ்திரங்கொண்

டூதுதாரைவாசியினாலோட்டியேவெட்டியெரித்து- வெற்றி. 

பாடல் எண்:- 1368

பாலுடையஸ்தன்னியமயல்பாவையர்களைத்துலைத்து

சீலமுடனேயெனதுசீஷர்மனம்மெய்க்கவுமே

உற்றார்சுற்றத்தார்களுமுலகுதனிலுள்ளோரும்

பெற்றாராசையைவிடப்பெண்டீராசையைவிட்டு-வெற்றி. 

பாடல் எண்:- 1369

மொத்தஎன்மேல்மனதைமெய்யிலுமிகநொந்து

குற்றமறமாதுதன்னாசைகுடோரம்விட்டுனதுபதம்

உற்பனமத்தியானமதுகற்பனசாரத்தையுண்டு

விற்பலமூலப்புளியைவிதமாயுண்டுதேறினேன்- வெற்றி. 

பாடல் எண்:- 1370

தேகசித்தியுமாச்சுதீவினைகளும்போச்சு

ஆகமப்படியாச்சுஆயிரத்தைந்நூறுமாய்ந்தால்

இந்நூல்ஞானவெட்டியிலெடுத்தேன்முறைபிசகா

நன்னூல்ஞானகாவியம்யான்வெளியாயுரைத்தேன்- வெற்றி. 

(விருத்தம்)

பாடல் எண்:- 1371

புத்தியினில் மத்தியானமது அமுரி யுண்டேன்

பூரணத்தை மாலைதனில் புளிதா னுண்டேன் 

சத்தியினால் கொல்லுமிந்தக் கருவி யெல்லாஞ்

சண்டாள வாய்வுமெங்கே சரருந் தானாய்

வெற்றியதா மந்திகா சந்திலை மூன்றும்

வேகமில்லை குருமுறையை விளம்பி னேன் பார்

நித்திய மனுயதித காய கற்பம்

நீடுழி காலமதும் வாழ்வா ராண்டே. 

பாடல் எண்:- 1372

ஆண்டொன்றில்லை தேகசுத்தி யமுரி யாச்சு

அதுதள்ளி யாண்டுமுதல் கற்பஞ் சுத்தி

தாண்டவமா மிரண்டாண்டில் மாற்று ரெண்டு

சாதித்தால் மூன்றாண்டில் மாற்று மூன்று

தூண்டாகும் நாலாண்டில் மாற்று நாலு

சொல்லிவிட்டோ மைந்தாண்டில் மாற்றைந் தாகும்

பூண்டாகு மாறாண்டில் மாற்று மாறு

பொன்மயமா மேழாண்டில் மாற்று மேழாம். 

பாடல் எண்:- 1373

மாற்றெட்டா மாண்டினிலும் வயது மெட்டு

மாறிடவும் புளியமுரி லேகியஞ் செய்து

வேற்றுமைகள் வாராது ஒன்ப தாண்டில்

இதுபுளிய மமுரியுமே வேகச் செய்து

பார்த்துவன்னி தனிலுங்களி பதமாய்ப் பாகம்

பகருவாய் பத்தாண்டில் மாற்றுப் பத்து

பூத்திடுபூ நீறுபுவி தனிலு மூலப்

புளியிருந்து பனிபடவும் பூர்க்கு மூப்பே. 

பாடல் எண்:- 1374

இந்தவிதஞ் செய்திடுவோர்க் கெய்து முப்பு

இகந்தனிலு முவர்சவடு முப்பா காது

வந்துஅடைந் திந்தவிதி யினிமேல் காணும்

மறைத்தபொரு ளனைத்துமிந்நூல் வகையைச் சொல்வேன்

சுந்தரப்பெண் னமிர்தமட மாது வாலைச்

சூக்ஷமெல்லா மெந்தனுக்குச் சொன்னாள் மேலும்

அந்தவிதம் பத்தாண்டுந் தாண்டி யேற

அருள்வேன்கா ணளவையினி யருள்வே னாண்டே. 

பாடல் எண்:- 1375

பத்தாண்டு கடந்தபின் பதினொன் றாண்டில்

பத்தரைக்கு மதிகமதாம் பசும்பொன் தேகம்

சித்தான திங்கள்ரெண்டு மாற்று மொன்று

திங்களுமே நாலதுக்குள் மாற்று ரெண்டு

வித்தாகு மாறுதிங்கள் மாற்று மூன்று

மிகுநான்குஞ் சென்றபின்பு மாற்று நாலு

பத்தான திங்களுக்குள் மாற்று மஞ்சு

பதினொன்றாண் டதுக்குளது பரீட்சை யாண்டே. 

பாடல் எண்:- 1376

ஆறுபத்து மறையும்வய தறிவ வேது

அம்பிகையால் பதினாறு அரைமாற் றாச்சு

மாறுவதும் புளியுமப்பு மாறிப் போச்சு

வச்சிரத்தா லிட்டி ழைத்த காய மாச்சு

தேறுவதும் பனிரெண்டாண் டடுத்துக் காத்துச்

சிவகுருக டாக்ஷமத்தின் செய்கை யாலும்

பேறுபெற்ற மகத்துகள்தான் கடந்த மார்க்கம்

பேருலகில் மகானுக்கள் பேசு வாரே. 

பாடல் எண்:- 1377

திங்களெனு மதிகடந்தால் மாற்றொன் றாச்சு

செங்கதிர்மூன் றதுகடந்தால் மாற்று மூன்று

செங்கமல தேகமதாந் திங்கள் நாலில்

செம்பொனிற வயததுவு நாலு மாகும்

அங்கமெனும் திங்களஞ்சில் வயதஞ் சாகும் 

ஆறுதிங்கள் வயதாறு ஏழுக் கேழு

எங்குகதிர் சூரியனா மெட்டுக் கெட்டு

இனியொருபத் தாறுதிங்கள் பனிரெண் டாமே. 

பாடல் எண்:- 1378

வாலையெனும் பதினாறு அரையும் பத்து

வதிஇருபத் தாறரைகாண் மாற்று மாச்சு

காலையெனுங் கற்பமுண்டேன் பனிரெண் டாண்டு

கனகமென்னுள் விளைவாச்சு கற்பத் தாலும்

சாலையெனுங் கொய்துடுத்துச் சிறுபெண் ணாத்தாள் 

செப்பினதோர் வாதமுஞ் செடத்தி லாச்சு

ஆலையெனுங் கரும்பினுள் சாறு போலும்

அலைவதில்லை யடிசுன்ன மறைத்த வாறே. 

யோகஜெயம் ஏலப்பாட்டு

(தரு)

ஏலேலோ ஏலேலோ சிவசிவ ஏலேலோ ஏலேலோ. 

பாடல் எண்:- 1379

கதிர்மதிசூழ்கமலவிதழ்- இடையின்

கலைசுழலுங்கருணைமலர்பொழியும்

விதிகருவூர்நகர்செழிக்கும்- மெய்ஞ்ஞான

வெட்டியருள்வேதாந்தகற்பஞ்சுழியின்

முனையருள்புரியும்பரி- பூரணகற்பந்

துரியாதிதமுமதியிலறிந்தேதான்

பொழியமிர் தமதுரரசபாண- மதினாலும்

புகழ்விஜயமாண்டுபனிரெண்டளவுந்தேறித்

தொழிலனேகமகாராஜயோகமதில்வாசி- சூக்ஷ

சடாதாரமதுமீராறுந்தாண்டி

வழிபலசுகாதிதசுகசோதி- மணிவாசல்

வாலையபிராமிமலர்ப்பாதந்தெரிசித்தே- ஏலேலோ. 

பாடல் எண்:- 1380

திருவமிர்மதிமலர்சூழ்- மருவீர்

செழித்தவளர்தேன்பொழியும்புனல்

மருவும்விந்துநாதசத்தி- செனித்த

வாறுதன்னையானருளமூலமணி

பூரகமனாகதம்வீசுத்தி- மூடுதுறை

யாக்கினைசுகாதிசுடர்தாண்டி

மேலும்வரையாறுதிருவாவடுதுறை- தாண்டி

விக்கிரமவியானனையஸ்வமதாய்ப்பூட்டி

ஞாலமதில்கூர்மமெனுஞ்சீனியதை- மாட்டி

நாடியதனஞ்செயனையங்கும்படியாக்கி

வாலையருள்பொற்கமலபாதந்- தொழுதேதான்

வாசிதனிலேறிமதியமிர்தநதிபாய்ந்தே- ஏலேலோ. 

பாடல் எண்:- 1381

தூலவுடல்சூக்ஷமதேகமதாய்- மேனி

துய்யநிறந்தசவாண்டினிலும்வினை

தாவிவருஞ்சூடுகனல்- ஓராண்டில்

தாபம்வருஞ்சோபமெத்தஅவிழ்தம்

போகமெனுங்காமத்தை- வாமத்திலேற்று

பொல்லாதமூதேவிசாதத்தைமாற்று

கோவித்துஅந்தியைச்சந்தியினில்தள்ளு- குற்பம்

வீணிலும்போகாதுடலூணியேகொள்ளு

நோயற்றுப்போக்கிவிடுஞ்சீரொத்துப்- பாரு

வுன்னிதமாய்ப்பத்தியமுநிர்ணயமிதாண்டே- ஏலேலோ. 

பாடல் எண்:- 1382

காலையிஞ்சியமுரியுண்ணு- தினமுங்

கடுக்காயும்புளியுமுண்ணு

அந்திமாலைசுக்குவிந்தமுரி- சேரு

மருவிநிற்கும்பூரணம்

பாலன்படும்பாடதும்பார்க்க- லொண்ணாது

பாழானபத்தியமும்பாகமதுகேளு

தூலமெனுவகைவசமாகவும்- வேணும்

சூதானபேதியதுமூன்றுதிங்களெய்தல்

மாலானபூரணமனோவின்ப- மாகும்

மதுதள்ளினாலிற்சந்தியதுவாகும்

நாலுபேர் அஞ்சிலுமடங்காது- பேதி

நமனுக்குமேலதிகநஞ்சதுகாணாண்டே- ஏலேலோ. 

பாடல் எண்:- 1383

ஆறாந்தான்திங்களிலுந்- தேகம்

அசதிமெத்தஅரோசிகங்காண்

ஏழாந்தான்திங்களிலும்- உதிரம்

இறங்கும்பெரும்பாடானதுபோ

மெட்டுதிங்களினில்சீதளமுங்- காணும்

செய்கையொன்பதுதிங்கள்தேகமதுவாடும்

கூரானபேதியுடன்வாந்தியுங்காணும்

கூசாமலேடனையுஞ்சீதள சுரமெய்தும்

வீறானதோய்களதும்வேகமிகக்காணும்

விக்கலதுகக்கியுருமாறிவிடுமாகில்

நேரானகற்பமுறைபேராகச்- சொன்னேன்

நிச்சயமதாகுமிதுஅச்சமில்லையாண்டே- ஏலேலோ. 

பாடல் எண்:- 1384

கடல்பெருகுஞ்சமுத்திரத்தில்- கப்பல்

கரையோரம்போகையிலும்பூத்த

மடல்பெருகும்பாய்மரத்தை- நன்றாய்

மடக்கிநடுமத்திபத்தில்சுக்கா

னுடல்தனில்வருகின்றசுவாசத்தைப்- பாரு

ஒன்பதுவாசலுங்கட்டியிருக்கும்

திடமுடனேகம்பத்தினுனியிலு- மேறித்

தீண்டாதமணிசுடரைத்தூண்டாமலேற்றி

புடம்வைத்துக்கருவிகளைக்- கட்டேயறுத்து

பூரணபஞ்சாக்ஷரபிரணவத்தைமூட்டி

நடுமரஞ்சுக்கானைமையத்திற்- பூட்டி

நாடியேமதுவுண்டுயான்பணிந்தேனே- ஏலேலோ. 

பாடல் எண்:- 1385

மதியமிர்தமதுவமுரி- மதுரவாசி

யெனுஞ்சாரைவெள்ளைகற்பம்

நிதியகடுங்காரசுன்னம்- அப்பு

நிலவுபொழிஉப்பிதுதே

ரதிதவிதஅமுரியதுமுப்புவுமாச்சு

அமிர்தரசமானதுகள்ளுமதுவாச்சு

மதிரவியுஞ்சுவசத்திவாகியதிலாச்சு

வழலையறிபூரணமும்வஸ்துவெனுமாச்சு

பரிமளசுகந்தமலர்கெந்தமிதுவாச்சு

பகரறியசாந்துசவ்வாதுபுனுகாச்சு

துரியதுரியாதீதமுஞ்சுழியின்முனையாச்சு

சொப்பனமுஞ்சாக்கிரமுஞ்சுற்றிவலமாச்சே- ஏலேலோ. 

பாடல் எண்:- 1386

காயகற்பமாண்டுசதம்- அதின்பின்

கடந்தபின்புவழலைமுறைமூல

சாயசரக்கெடுத்துலர்த்தித்- தயிலந்

தான்புடம்போட்டெடுத்தபின்பு

தனியமாயாமல்பார்க்கவுமனோன்மணியின்

விந்துமாணிக்கஒளிவதிதவலைமுப்பாகும்

தாயானகெந்திரசகாரசாரந்- தயில

மிதுகாலையுறசோருப்புடம்போட்டு

உபாயமதுவாகவொருகழஞ்சிடையுண்டு

முன்னுடலெதுக்குவொளிவாகுமதுகோடி

நயமாகப்போதமயமானந்தங்காட்டும்

நங்கென்றபூரணவிலாசத்தில்நின்றே- ஏலேலோ. 

பாடல் எண்:- 1387

முன்னான்கும்பன்னிரண்டில்கற்ப

முறைதவறுமனதுகந்துஉறுதி

அன்னாள்முதலப்பரத்தை- மிகவும்

அதிதமதாய்வளரும்விந்துவாசி

தூக்கியிறுக்கிச்சுருக்கியதைப்பாரு

சொன்னபடிகண்டமதிலூதிவிடுதாரை

தீர்க்கமுடன்செந்தணலைத்தாண்டியதுபாயுந்

தீபஒளிப்பிரகாசதெரிசனமுமாகும்

மார்க்கமுடனாரறிவர்சொன்னேன்கருவாளி

மனதுஒருமித்துவைராக்கியமதுவாகக்

கார்க்கசிலம்பொலியோசைகாணுமதுயூபங்

கயிலாசபரகெதியில்காட்சிபெறுவாரே- ஏலேலோ. 

பாடல் எண்:- 1388

இருபத்தோராயிரத்தறுநூறு- சுவாசம்

இறுக்கிகண்டதாரைதனில்சுருக்கி

கருத்துகந்தமூலக்கருக்குழியில்இருத்தி

கற்பமுண்டுவாசிகருதிடிலும்

சுழியிலுற்பனமதாகவொருஓங்காரநாடி

ஒன்றானகம்பத்தில்பாய்மரமீரெட்டு

விற்பனமதாகபதினாறுகயிறுபூட்டி

வீசிவிடுவாசியதைநாசிநுனிபாயா

சொற்பமதுசந்துகள் துவாரமதிலோடா

சொக்கிவிடலாகாதுசுவாசமதிலேறி

கற்பனைசுக்கானைரசக்கண்ணாடிபூட்டிக்

கருதியேவிடுசீனிகலப்பையதைநாட்டே- ஏலேலோ. 

பாடல் எண்:- 1389

சித்திரமணிமண்டலத்தில்- கண்ட

தீபவொளிப்பிரகாசமதில்அருள்

முத்திபெறுமதியமிர்தம்- வாசி

முனையிடைபின்கலைபிரழாஇன்ப

சித்திரவிஸ்தார சுழிகமலவிதழ்நாடி

திருமருவுசோதிமணிதீபசுடர்தேடி

இத்தலமெய்ஞ்ஞானகுருபரிபூரண

வாலையிங்கிதமலர்கமலஞ்சிங்காதனமேவி

பத்தியுடனும்பணியசத்திசிவரூபம்

பச்சையுடனுஞ்செழுமைபார்க்கபரங்காணும்

கர்த்திகசதாசிவமனோன்மணிப்பிரகாசங்காணுங்

கயிலாசகிரிகாட்சிபெறலாமே- ஏலேலோ. 

(விருத்தம்)

பாடல் எண்:- 1390

இவ்வுலகில் யாவர்களுங் கண்டிந்நூல்

ஞானவெட்டி யிகழ்ந்தி டாமல்

அவ்வம்பர மானந்த சின்மயத்தி

னருள்பெறவும் அர்ச்சித் தேன்காண்

செவ்வையென்ப தடியறிந்து செய்கையெல்லா

மாய்ந்துசிவ சத்தி பாதம்

எவ்விதமாய்க் கற்பமுறை யியல்புதனி

லினிமோக்ஷ மெய்து வாரே. 

பாடல் எண்:- 1391

எய்துந்தச தீட்சைபத்து மிரண்டுபனி

ரெண்டதுவாம் இனிதா னாச்சு

பழுதுவரு காமலுமே பாடினதோர்

வாக்கியமதைப் பழிப்பீ ராகில்

எழுநரகில் விழுந்துவுயி ரிருக்களவும்

வினைப்பயனறிந் தெய்து மாகில்

தொழுதுவடி வாம்பிகையின் மலர்ப்பதமுங்

கெதியடைந்தால் சொர்க்கஞ் சேர்வோம். 

பாடல் எண்:- 1392

இகத்தாசை பாசமிருந் தெந்நாளு

முழன்றிடுவோர்க் கெதயா தொன்றும்

நகைநகைத்து மினுமினுக்கும் விழிசிமிட்டி

வரவழைத்து நாணஞ் செய்யும் 

புகைசூழ்ந்து விருள்மூடி மாய்கையினி

வழுந்திமிகப் போவா ராகில்

அகத்திலிருந் தருள் ஞான தீவவொளி

யறியாம லமைத்தா ராண்டே. 

பாடல் எண்:- 1393

அனித்தியமிந்த வுயிர்வாழ்க்கை யுண்பதுவு

முறங்குவது மதுவாய் ஞானம்

தனுவெனுமன் மதபாண அஸ்திரத்தா

லவர்மாளச் சபித்தா ரீசன்

வனிதையில்லா வுலகமில்லை வாழ்க்கையில்லை

பிறவியில்லை கண்ணீ ரில்லை

இனமறிய நாதவிந்து வியல்பில்லா

வுலகமெல்லா மிருள்தா னாண்டே. 

(கொச்சகம்)

பாடல் எண்:- 1394

சுந்தரரே யெங்கள்குலஞ் சூதுபரை வென்றதுவுஞ்

சந்தயமே யானுரைக்க சாட்சியறி யாதவிதங்காண்

நிந்தையுல காதிதமு தீசனென வேபழுக்கும்

வந்தவடி கண்டறிந்தால் மாய்கையிருள் மாறிடுமே. 

பாடல் எண்:- 1395

அண்டமென்ன பிண்டமென்ன அம்புவியா தீதமென்ன

கண்டதென்ன கேட்டதென்ன காரில்லா மாரியுண்டோ

எண்டிசையெல் லாஞ்செனித்த விந்திரியு வுப்புமயம்

நின்றவுப்பு வாரியினால் நீடுலகெ லாமுவரே. 

(கலித்துறை)

பாடல் எண்:- 1396

மயமான உப்பு கடல்சூழ்ந்த வாரிதி மாலின்மயம்

செயலான கார மதிசந்திர சோதி திருநடனம்

நியமித்த வாழ்க்கை நிராமயத் துப்பு நெறியறியார்

கயமான கைப்பு வுலகமெல்லா மிந்தக் காரணமே. 

(கொச்சகம்)

பாடல் எண்:- 1397

உப்புமய மப்புமய மோகோகோ நாதவிந்தின்மயம்

இப்புவியெல் லாஞ்செனித்த இந்திரிய வாழ்க்கைமயம்

மைப்பிதுவில் லாமல்ஜெகங் கண்டதென்ன காண்கிலென்ன

முப்பதுகா ணாதியிலு முடிந்துவைத் தாசனுமே. 

(கலித்துறை)

பாடல் எண்:- 1398

எழுபத்து நான்கு நூறாயிர லட்ச மெவ்வுயிர்க்கும்

உண்பதுங் கைப்புவர் சாரத்தி னாலுயி ருற்பகங் காண்

ஐம்பத்தோ ரக்ஷர வோங்காரங் கொண்ட அவ்வெழுத்தில்

உண்பது றங்குவ துப்பொழிந் தால்செக மொன்றில்லையே. 

பாடல் எண்:- 1399

உப்புவ ரின்றிச் சடமில்லை கார சாரத்தினால்

அப்புவி னால்முடிந் தாண்டுபத் துங்கடந் தானபின்பு

செப்புகி றேன்மதி நாலுக் கொன்றேரவி சேர்த்துவிதம்

அப்புவி லுப்புவு மட்டுப்பு வொட்டுப்பு மானதுவே. 

பாடல் எண்:- 1400

காரமுஞ் சாரமுங் கம்யியுப் பாகுங் கரைத்துபதம்

சேரவு மூன்று தினஞ்சென்ற பின்பு தெளிவிறுத்துக்

கூரவும் வன்னிக் குமிறிட வுஞ்சலங் கொண்டிறக்கி

வாரம திரவி பீங்கான் தனிலிட்டு வைத்திடிரே.