திருவள்ளுவரின் ஞானவெட்டியான் பாடல் எண் 1201- 1300

(வேறு- விருத்தம்)

பாடல் எண்:- 1201

மூல குண்டலி மும்மத வாரிசூழ்

ஆல முண்டயான் மால்திரு பொற்பதம்

வாலி குண்டலி மாமுக னைத்தொழச்

சீல மாமலர்ச் சேவடி போற்றுவோம். 

(வேறு)

பாடல் எண்:- 1202

அண்ட ரண்டபகி ரண்ட மண்டல

அகண்ட குண்டலியின் பொற்பதம்

நின்றி லங்குமதி வாரி சூழ்மருவி

நிகழு லாலியவன் நிர்மலம்

கண்ட தாரையுட லாதி யந்தசுழி

கருணை ஞானதமிழ் கருதயான்

தென்ற லாவிகதிர் திருப்ப ரங்கிரியி

திசைமு கன்கமலம் போற்றுவாம். 

(வேறு)

பாடல் எண்:- 1203

வெற்றிதரு ஞானவெட்டி ஆயிரத்

தைம்பதுக்கு மேலா மஞ்சில்

சித்திதருங் காயகற்ப நாலாண்டு

சென்றதின்பின் செனித்த நோய்க்கு

முத்திதரு மவிழ்தமொடு வாதவயித்

தியமுமுப்பு முடிந்த வாறும்

சத்தியமா மமிர்தமுண்டு சண்டனையுஞ்

செயித்துநிலை சாதித் தேனே. 

பாடல் எண்:- 1204

இத்தலத்தில் முன்னோர்கள் மறைத்தமறைப்

பொருள்களெல்லா மியம்ப லானேன் 

கற்றறியார் கற்றுணரக் கற்பசித்தி

யோகசித்தி காய சித்தி

சித்ததித சத்துஞ்சித்து மித்துருசத்

துருக்களின் செய்தி யெல்லாம்

முத்தமிழால் குருமுனியி னனுக்கிரக

மிருந்ததனால் முடிந்த தாண்டே. 

பாடல் எண்:- 1205

முடிவதுமெய்ஞ் ஞானகுரு பரனருளா

லாறாண்டு முடிய வேணும்

வடிவுடைய வம்பிகைவா லாம்பிகைப்பெண்

னருள்இந்நூல் மவுனந் தன்னில்

கெடிவீர சிங்கமெனு ஞானவெட்டி

யாலமைந்த கீர்த்தி தன்னாம்

படிப்படியா யெய்துவதி ரவியதனால்

பதம்பெற்றுப் பாரில் வாழ்வார். 

பாடல் எண்:- 1206

இற்பிறப்பு மகற்றகற்பம் வாசியது

நிலைத்துவிட இயம்ப லானேன்

சற்பமதின் சாரையினால் சருகினதா

லிடையூறு சார்ந்த தாலும்

கற்பத்தை யுண்டுவருங் காலமதி

லவபத்தியங் கருதுங் காலை

உற்பனநோய் வைத்திடிலு மதற்குவயித்

தியஅவிழ்த முரைப்பே னாண்டே. 

கற்பமுண்ணுங்கால் அபத்தியம் நேரிடுமாகில்

அதற்கு வயித்தியம். 

(தரு)

வயித்தியம்பாடுகிறே னாண்டேகேளீர்- வயித்தியம்பாடுகிறேன். 

பாடல் எண்:- 1207

வயித்தியம்பாடுகிறேனுயித்தியமாகவுஞ்

சயித்தியமாம்பித்தசாபசோபந்தீரப்

பயித்தியகாசமும்பரண்டுசோகையுஞ்சொரி

பச்சைகிரந்திகாமாலைபறந்துவிட்டோடவும்- வயித். 

பாடல் எண்:- 1208

மூலப்புளிதனையும்முறைவாய்மைபோலரைத்து

முருட்டியெடுத்துருட்டித்திரட்டிக்காலைமாலையுஞ்

சாலவும்பித்தமுஞ்சோகைக்ஷயமுமதிதகாசத்

தானெனும்பறந்தோடவுநானெனுமுரைத்தேனாண்டே- வயித். 

பாடல் எண்:- 1209

சுக்குடன்வாதமடக்கிதிப்பிலிஓமத்துடனும்

உக்கிரமதாகுமுருக்கன்பூவதுஞ்சேர்த்தரைத்திவை

பக்குவமாகியகாலைமாலையும்விடாமலுண்ண

உக்கிரமதாகியநோய்களோடியும்பறக்குமாண்டே- வயித். 

பாடல் எண்:- 1210

அண்டவாதங்கள்வாய்வுஅசீரணத்தால்பேதியு

மையிருவாய்வரோசிகமதிகமாய்க்கடுகு

மண்டையிடியுஞ்சூலைகிரந்தியரையாப்புடன்

வாதமும்பித்தசேத்மமாறிடுநோய்களாண்டையே- வயித். 

பாடல் எண்:- 1211

பூரணமாமதுவைந்துபுனலாவதுவைந்து

பொறியாவதுமைந்துபுளியைந்துகாயைந்து

ஆரணமாகவரைத்துஅமுரிவிட்டரைத்துண்ண

அலறியோடியொளிக்குமதிதநோய்களாண்டையே- வயித். 

பாடல் எண்:- 1212

காரியசெந்தூரந்தனில்உப்பைச்சேர்த்து

அண்டக்கருவினால்அரைத்துருட்டி

இருவேளையும்உண்டால்எமனபோல்வரும்

நோய்களெல்லாம்நடுங்கிஓடும்- வயித். 

பாடல் எண்:- 1213

காலையிலிந்துப்புடனேகறியுப்பிட்டுப்பதுவுங்

கடுக்காயுடனரைத்துக்கலக்கியமுரிதனில்

ஞானமேகொள்ளவுங்குன்மநாடியேக்ஷயங்களோடித்

தேடியேபறக்குநோய்சேதியைக்கேளுமாண்டையே- வயித். 

பாடல் எண்:- 1214

கருவிழுதியின்வேரிலோடியேவடவேர்ப்பட்டை

கானகந்தனிலுமிச்சங்காணுவோர்மதியில்கொள்வோர்

ஆலகாலவிஷந்தினமுரியதின்மேற்கொள்ள

வாலவயதுண்டாகுங்காலனில்லையேஆண்டே- வயித். 

பாடல் எண்:- 1215

கருவசளையுங்கைப்புகாணுவோர்மேருகள்தோறுங்

காடுகள்தோறுந்திரிந்தால்காணுமோகருவசளை

திரிபுவனந்திரிந்துங்காடலைவோர்தமக்குச்

செழுந்தேன்பொழியுமேசொல்வீரிம்மூலிபார்- வயித். 

பாடல் எண்:- 1216

வசளைவால்மிளகுடனரத்தைவாதமடக்கி

வரிசையதாய்க்கழஞ்சிவாங்கிடுமனல்வெதுப்பி

வசளையதுசரக்கும்வாங்கித்தூளதாய்ச்செய்து

வாயுவெனுமமுரிவார்த்துவிட்டாட்டிமைபோல்- வயித். 

பாடல் எண்:- 1217

கதிர்மதியும்வருதலுவகையாக்காலைமாலையும்

கருதிசுண்டைக்காய்பாகங்கண்டுகளிகூறவும்

உதயமண்டலமுண்ணபற்பதமதனிலூட்டி

ஒருபணவிடைகொண்டுஉணர்ந்துயோகஞ்சாதித்தால்- வயித். 

பாடல் எண்:- 1218

நீலக்கொடியின்வேருஞ்சாதிப்பத்திரியேலம்

நேர்சமனவகையதுவுஞ்சேர்த்தெடுத்து

ஞாலமதினீவிட்டுரசனைக்கவனமாட்டி

நாற்பதுநாளிருவேளை நாமேயுண்டுவிட்டோங்காண்- வயித். 

பாடல் எண்:- 1219

கறுப்புக்கையாந்தகரைகருஞ்சீரகமுஞ்சுக்கும்

கடுக்காய்தோடுங்கழஞ்சிவகைக்கிவ்விதமாகும்

நுறுக்கியமுரிதனிலுடலுண்டிருவேளையும்

உபமாய்மண்டலங்கொண்டுஉணர்வீரென்னாண்டையேகேள்- வயித். 

பாடல் எண்:- 1220

கனகாம்பரமெனவுங்காசிடைகாண்வேரின்தோடுங்

கடுக்காய்கற்கடகசிங்காசிடைகணக்கதாகும்

செனகாதிதமேவியஅமுரியதனாலாட்டித்

தினமுமிருதன்வேளையொருமண்டலமுமுண்ண- வயித். 

பாடல் எண்:- 1221

காட்டுமுளகருணைகருத்திலகப்பட்டக்கால்

கறுப்பாயிருந்துகண்டால்பொறுப்பாய்ச்சமூலம்வாங்கி

கூட்டுமிளகுசுக்குரோசனையுங்கஸ்தூரி

கொடுத்துப்பணமரைதானெடுத்துமதிநீர்விட்டே- வயித். 

பாடல் எண்:- 1222

மதிநீர்விட்டுமயனமதுபோல்மெழுகுபதம்

வருதலிரண்டுவேளைமகிழுமண்டலங்காணும்

விதியிருந்தோர்தமக்குவிட்டகுறைவந்தெய்தும்

வேதசாஸ்திரத்திலுள்ளவிசிதமிதுவறியும்- வயித். 

(விருத்தம்)

பாடல் எண்:- 1223

காஞ்சபுளி தனையெடுத்துத் தூளாய்ச் செய்து

கம்பியுப்புக் கிடைக்கிடைதான் கலந்து வுண்ணத்

துஞ்சலென்ற குன்மமெல்லாம் பறந்து ஓடுஞ் 

சுணங்கனுக்கு ஈயாதே தோஷ மெய்தும்

ஓஞ்சலென்ற புளியமுரி சாரணையுங் கூட்டி

யுண்டிடவே நோய்பறக்கு முடனே தானும்

அஞ்சாத நோய்களெல்லா மமுரி தன்னால்

அலரியது முடலைவிட் டகலு மாண்டே. 

பாடல் எண்:- 1224

அகலவும்பத் தியங்காணு மருளக்கேளு

அவிழ்தமதில் கோளாறு அனேக மார்க்கம்

புகலவுநா தாக்களுரைத் தமிர்த வாக்கியம்

பூட்டினார் வெகுநூல்கள் புனித மாக

விகற்பமில் லாமலுரை மறப்பாய்ப் போச்சு

வெளியாகப் பாடியுமே விகற்ப மாச்சு

உறையதுவா யுரைத்திடுநூல் செய்தி யெல்லாம்

உரைதவறா துரைத்துவிட்டா ரொளியாய்த் தானே. 

பாடல் எண்:- 1225

காலசருங் கையெரியுங் கண்வாய் கூசும்

கண்டமது பச்சைபுண் ணதிதங் காணும்

ஆலவிடந் தீண்டினது போலாந் தேகம்

அசதிமெத்த தீபனமு மதிகங் காணும்

வாலையொரு திங்களுமூன் றாச்சு தானால்

மயக்கமெனும் பேதியதா மனந்தா ளாது

கோலமெனு மனதுமே றேற வேணுங்

கொடிதாகக் கொண்டறிந்து கொள்ள லாமே. 

பாடல் எண்:- 1226

உள்ளிருந்த நோய்களெல்லாம் வெளியே காணும்

உடம்பெல்லாம் புண்ணாக வெந்து நீறு

மெள்ளிலைபோல் மேனியெல்லாந் தடித்துக் காணும்

இந்திரியமு டைந்தல்லோ தண்ணீ ராகும்

கொள்ளியால் சுட்டபுண்போல் நாபி வேகுங்

குமட்டுவதா லவிழ்தத்தைக் கொள்ளாட்டாது

துள்ளிவிழுந் தாலறுமதா மெரியுந் தேகம்

சுருக்கெனவும் நீர்க்கடுப்புந் தோன்றுந் தானே. 

பாடல் எண்:- 1227

ஒட்டொட்டாய் மேனியெல்லாங் கடுப்புத் தோன்றும்

ஊதுமது நீர்த்தாரை யுடனே புண்ணாங்

கட்டிவைத்த பழங்கனிபோல் தேகங் காந்தும்

கலகலென்று நரம்பெல்லாந் தளர்ந்து காணும்

முட்டியல்லோ வாய்வுஅங்கே யேறி மீளும்

முறைமையைந்து திங்களுக்கு ளொருமை யாகும்

ஒட்டியம்போல் வடமயிலாள் தன்னை நம்பி

ஓங்காரப் பீடமதி லூறி டாயே. 

கற்பமுண்ணும்போது நேரிடுந் துன்பம்

(தரு)

தனனாந்தனதனனா- தான- தத்தனாந்தான தனதனனா. 

பாடல் எண்:- 1228

அண்ணமாரேகேளீரோ- அந்த- அஞ்சுதிங்கள்படும் பாடதனில்

என்னவென்றுயானுரைப்பேன்- நல்ல- இடிபோலிடிகள் முழங்கிடவே

மன்னர்மன்னர்கூடியல்லோ- நல்ல- மல்லுயுத்தங்கள் வளர்ந்ததுபோல்

தன்னுடலுந் தன்னுதல்ல- விந்து- தாமரை தண்ணீர்போல்தான் வருதல் 

சொன்னேன்படும்பாடு- இந்நூல்- சூதென்றுந் தள்ளிடலாகாது

உண்டால்தெரியுமதாம்- அமுரி- உடலுக்குள் தொண்ணூற்றறுவருமே

சென்றாலு பித்தியங்காண்- மீளா- சித்திரவதையிதை நீயறிந்து

பண்டுபழகினதால்- பின்பு- பாவையருடன்சேராதே- தனனாந். 

பாடல் எண்:- 1229

கண்டாலும்பேசாதே- மெத்த- கடினமதாம் பேதிதாளாது

நரம்புஎலும்புகளும்- மச்சை- நாடிகளுள்ளபசைகளும்போம்

கரும்புமுறிந்ததுபோல்- அஸ்தி- கட்டுதளர்ந்துவிட்டுவிடுங்காண்

துரும்பாகிடுஞ்சடலம்- செல்லுத்தூணை- யரித்ததுபோல்காணும்

வருமேயனேகம்வினை- மட- மாதுமயல் கொண்டணுகாதே

அந்தியினிற்கொள்வதற்கு- புளி- சந்திற்கிடக்குதுதான்றிந்துந்

தன்னைப்போலிருக்குமதாங்- கற்பந்தானே- யறிந்திடும் பேர்களுக்கு

முன்னமேயான் சொல்லிவிட்டேன் அந்தமுக்கோணமாகியகேசரிபை- தனனாந். 

பாடல் எண்:- 1230

அன்னம்போலிளமயிலாள்- அந்த- அம்பிகைபாதத்தை நம்பினேன்யான்

என்னைப்போலெளியவர்கள்- இனி- எங்கெங்குமுண்டு பார்வையகத்தில்

சாதியில் விந்தீஸ்பரன்காண்- எந்தன்- தாயோபராபரை தானளித்த

வேதியர்குலங்காணும்- பிர்ம- வேதவேதாந்தவிதித்தகுலம்

நாதன்பரமகுருவாம்- பிர்ம- நாதாந்தத்திலவதரித்தோர்

பேதாபேதங்களெந்தன்- சாதி- பிரபல்லியமெவராரறிவார்

ஆறாந்தான்திங்களிலுந்- தேகம்- அசதிகள்மெத்தவுறக்கமதால்

மாறாதது- மக்க- மங்கமாதிதமுதமுமனல்தேகமதே- தனனாந். 

பாடல் எண்:- 1231

தோராதுடல் கூசந்- தொண்ணூற்- றாறுகருவியுறுஞ் சோபமதாம்

வேறாய்வெவ்வேறுபடுத்தி- மாது- வேதனைபோலுடல்வேசாறும்

வீறுடன்பசிகோபங்கனல்- வேக- மெத்தகாணும்பூரணத்தில்

கூறுடனறிந்துகற்ப- மதி- கொண்டாலல்லோ தேகக்கூறுகாணும்

தேறுமேழுதிங்கள்- மாது- செல்வமயக்கங்கள்பொல்லாது

பேறுபெற்றறிந்தோர்கள்- பிர்ம- கற்பமதின் கூறுபிரபல்யமே

யெட்டாந்தான்திங்களிலும்- மெத்த- கொட்டாவிவிட்டாலுயிர்போகும்

பட்டால்தெரியவரும்- பாடு- பட்டதனாலபாலையாவதுகாண்- தனனாந். 

பாடல் எண்:- 1232

விட்டால்விந்துவெந்திடுங்காண்- மீளாது- காமக்குரோதத்தினால்

கெட்டாருலகருமே- மாது- கேணியோனிதனில் கேவலமாய்

ஒன்பதுகாண்திங்களிலே- பின்- னுபாயமதாகவுந்தேறவேணும்

ஜென்மவினைப்பயன்போகுஞ்- சிவ- யோகராஜாங்கச்செயல்காணும்

பொன்போலுடல்விளங்கும்- மாயப்- போதனைகண்டவர்போய்மீளார்

ஐம்பூதமாரறிவார்- மதி- அப்புஅறிந்தோரவர்மாளார்

பத்தாந்தான்திங்களிலும்- துயர்- பாலன்படும்பாடுமெத்தவுண்டு

கற்றாற்கவியார்காணியங்- கற்பங்- காயசித்திபெற்றால்காலனில்லை- தனனாந். 

பாடல் எண்:- 1233

வித்தால்விளைவுமுண்டு- மிகு- வேதனைமெத்தவெகுபாடு

சற்றாகிலும்பொறுக்காச்- சடஞ்- சாக்காடு சாகாதிருப்பதுபார்

உற்றாருறவின்முறை- சுற்றத்- தார்களொருதுணையானறியேன்

இதுக்குமருந்ததுவும்- புவியில்- எங்குமில்லைகருகண்டறியார்

உதவாதினிவறியேன்கற்ப- முண்டி-டுவோர்மாற்றதுகாணும்

இறவார்கதிர்மதியால்- செட- மெண்சாணுடலும் வலுத்திடுங்காண்

பரவசமாயளித்தேன்- ஜென்ம- பாதகஞ்செய்தால்பறந்து விடுந்

துரைராஜயோகத்தினால்- துன்பஞ்- சேராதுகற்பச்சுகாதீதமே- தனனாந். 

(விருத்தம்)

பாடல் எண்:- 1234

திங்கள்தச பத்தாச்சுப் பால னார்க்குச்

சிறுவனுமே பிறந்திட்டான் திங்கள் பத்தில்

கங்கையணி சடையாரைப் போற்றி நித்தங்

கருத்தாலு மெடுத்துலகில் செனித்தேன் காணா

மங்கையுடன் வாதாடி யமிர்தங் கொண்டு

மனோன்மணிதன் பாதமற வாமல் போற்றி

அங்கிருந்த வண்மையெல்லா முரைப்பேன் காணும்

ஆதிகுரு பாதமற வாமல் தானே. 

பாடல் எண்:- 1235

மூலமெனும் வச்சிரப்பை வீட்டுக் குள்ளே

மூங்கில்முளை போலதுவுங் காரசாரம்

வாலையரு ளாலமைந்த வாறு தன்னால் 

மதிரவியுங் கூடியது மிரண்டு ஆண்டில்

பாலனது போல்ஜெனித்துப் பிறவி யாகிப்

பத்துதிங்கட் குள்ளுஞ்சிறு பால னாகித்

தூலமிந்த மூலமதி லுதித்த வன்மை

சொல்வனினிக் காயம்வந்த சூக்ஷ மாண்டே. 

காயசித்தி 

(தரு)

காயம்வலுத்ததுகா- ணாண்டே- காயம்வலுத்ததுகாண். 

பாடல் எண்:- 1236

காயம்வலுத்ததுமாய்கைமறைந்தது

கவலைதெளிந்ததுசகலமொழிந்தது

நேயனருள்பணிந்தாக்கைவலுத்தது

நீயென்றுநானென்றுநேசமொழிந்தது- காயம். 

படலம் எண்:- 1237

கூற்றுவனென்கிறகொடூரமழிந்தது

கோடானகோடிவியாதிபிறந்தது

யேற்றியிருந்தஇகழ்ச்சிமறந்தது

என்னுள்ளேயீஸ்பரன்தன்னையறிந்தது- காயம். 

பாடல் எண்:- 1238

வாசமாய்நித்திரைபாசமறந்தது

வையகத்தோர்கள்வசியம்பிறந்தது

தூஷணையற்றதுபூசைநைவேத்தியஞ்

சொல்லுமந்திரசெபஞ்சொக்கியும்பேரச்சுது- காயம். 

பாடல் எண்:- 1239

தத்துவந்தொண்ணூற்றாறும்பிரிந்தது

தாதுகள்நாடிசடமும்வேறாச்சுது

சுத்தசலமென்றமுரிதேனாச்சுது

சுகஞானதீபச்சுழியைக்காணலாச்சுது- காயம். 

பாடல் எண்:- 1240

காமப்பாலுண்ட கருத்துமழிந்தது

காமக்குரோதலோபங்கண்டிதமாச்சுது

வாமப்பால்கொண்டுமதியொளிகண்டு

மகிழ்ச்சியடைந்துவச்சிரதேகமாச்சுது- காயம். 

பாடல் எண்:- 1241

மூலத்தினுள்ளமுப்பாழுமழிந்தது

முன்னமேயன்னமயமும்பிரிந்தது

ஞானத்திலேறவும்வாசிவளரவும்

ஞானசிரோமயகியானவானாண்டையே- காயம். 

பாடல் எண்:- 1242

ஓராண்டுக்குள்ளேயுடல்வெவ்வேறாச்சுது

ஓங்காரத்துள்ளேயுயிருறவாச்சுது

நீங்காதவாசிநிராமயமாச்சுது

நின்னுள்ளேநின்மயம்நேசமதாச்சுது- காயம். 

பாடல் எண்:- 1243

பிராணாயவாசியும்பின்னிட்டிழுக்காமல்

பேசுமூலாதாரம்வாசம்பொருந்திட

வீறானவாயுவுந்தசபத்துங்கூடியு

மேவியொருமித்துத்தாவியுமொன்றதாய்- காயம். 

பாடல் எண்:- 1244

பத்துமொருமித்துப்பாய்ந்திடுநாடிதான்

நித்தம்வாசியதுநேர்பிசகாமலும்

சத்துஞ்சித்தானந்தமுத்தியருள்தருஞ்

சித்தியனுக்கிரகசுத்தமதிலமர்- காயம். 

பாடல் எண்:- 1245

நித்தம்வாசியூதிநின்றுருசாதியும்

மற்றதுகைப்புஅப்புவஞ்சுன்னமாம்

பெற்றபேரிப்படிப்பேர்பெறுஞானிகள்

உத்தமர்சொல்லுமுண்மையிதாண்டையே- காயம். 

பாடல் எண்:- 1246

வாசிநிலையானதேன்மாண்டிடுந்தேகமும்

பாசம்வைத்துவிசுவாசித்துஊதிடும்

பேசப்பேசவெகுகோடிரகசியம்

ஈசனருள்படியனுக்கிரகநிலையினில்- காயம். 

பாடல் எண்:- 1247

இந்தவாசியூதிஎத்தேசகாலமும்

அந்தப்படியனுக்கிரகநிலையினில்

சிந்தைவைக்காமலுஞ்செய்கைவிதப்படி

விந்தையதாகவிளங்கினாராண்டையே- காயம். 

பாடல் எண்:- 1248

சந்தையங்கள்வாராசாட்சிநூலைப்பாரும்

வந்தவழிவருமாறலகப்படும்

எந்தன்கருத்தறிந்தந்தவிதிப்பயன்

நிந்தனையுமில்லாநீடூழிவாழ்வார்களே- காயம். 

 

பாடல் எண்:- 1249

கட்டும்வாசியறுகால்பன்னிரண்டினால்

நெட்டிட்டேறாமலும்நீஞ்சிடநீஞ்சிட

மட்டுப்படுமிந்தஅம்பிகாயோகமுந்

தட்டுப்படுங்கனம்பலசோதியில்- காயம். 

பாடல் எண்:- 1250

அட்டியில்லாமலுமாண்டையினிக்கேளும்

ஒட்டிக்கண்டதாரைஓயாமலூதிடுங்

கெட்டிகெட்டிவச்சிரதேகமதாகிடும்

நெட்டிநெட்டியேறநிர்மலசுரூபமே- காயம். 

பாடல் எண்:- 1251

நாளுநாளுக்குவினாடிவினாடிகொண்

டாளுந்தினந்தினமப்படியேறினால்

ஏழுமேழும்பதினாலுலகங்களும்

சூழுஞ்சூழுஞ்சுகாதீதங்காணுமே- காயம். 

(விருத்தம்)

பாடல் எண்:- 1252

தராதலவி ராசர்களுந் துரும்ப தாச்சு

தரணிதனி லுள்ளவர்க ளெறும்ப தாச்சு

துராதுரைக ளணுமளவு துன்பம் போச்சுத்

துலையாத செகமாய்கை துலைந்து போச்சு

மாராத சுடர்கோப மாறிப் போச்சு

மகிதலமு மண்டரண்டமறிய லாச்சு

வீராதி வீரனென்னும் வேகம் போச்சு

வேதாந்த சாரமெல்லாம் வெளியாய்ப் போச்சே. 

பாடல் எண்:- 1253

கல்லுமலை கரடெல்லாம் பொன்ன தாச்சு

கண்பட்டவிடமெல்லாங் கயிலை யாச்சு

நல்வினை தீ வினைக்கவுழ்தங் கற்ப மாச்சு

நாடினபே ரெல்லோர்க்கு ஞான மாச்சு

சொல்லவல்ல பெரியோர்க்குத் தெய்வ மாச்சு

சூரியப்பிர காசவொளி தோண லாச்சு

புல்லறிவு கொண்டோர்க்குப் பேய்தா னாச்சு

பூரணத்தை யறிந்தவர்க்கு ஞான மாச்சே. 

(கொச்சகம்)

பாடல் எண்:- 1254

காலையிலுண் டாலமுரி கடும்பேதி காணுமதாம்

மாலையிலுண் டாலமுரி வருமே பெருவாழ்வு

காலையிலை யிலுநின்று தடுமாறிப் போகாமல்

மாலையெனும் பாதமலர் வணங்கினேன் பூரணமே. 

(விருத்தம்)

பாடல் எண்:- 1255

சொல்லவொண்ணாப் பூரணத்தைச் சொல்வே னாண்டே

சோதிமதி யாயிருந்த சூக்ஷந் தன்னை

வெல்லவொண்ணா தாயிரத்தைந் நூறுக் குள்ளே

விரித்துரைத்தேன் மகத்துகளின் மறைப்பெல்லா ந்தான்

வல்லவன் சொல்லவில்லை அம்பாள் சொல்ல

வசனித்தேன் கற்பவிதி மார்க்க மெல்லாம்

நல்குவேன் பட்டசளம் நன்மை தீமை

நயந்திந்நூ லறிவதற்கு நல்கு வேனே. 

பூரணமுறை

(தரு)

பூரணஞ்சொல்லுகிறே- னாண்டைகேளீர்

பூரணஞ்சொல்லுகிறேன். 

பாடல் எண்:- 1256

பூரணகும்பமுனியனுக்கிரகத்தைப்

போன்போலிருத்திடுமைம்பத்தோரக்ஷரந்

தாரணையாகவுந்தற்பரலிங்கஞ்

சதாசிவஞானசடாக்ஷரங்கண்டுயான்- பூரண. 

பாடல் எண்:- 1257

காலத்திலேறியபோதகந்தன்னைக்

கருவாலறிந்து அறிவறிந்தர்ச்சனை

ஞாலத்திலுங்கண்டதாரையிலும்வாசி

நாமறிந்தூதிடவாமப்பால்கொண்டுமே- பூரண. 

பாடல் எண்:- 1258

பச்சைப்பசுங்கிள்ளைப்பாலகன்தன்னையும்

பாவியறியாதபாவனையானதால்

உச்சிதம்வேறுண்டுலகத்தைச்சுற்றியும்

ஒன்றுங்கிடையாமலுண்டார்களாண்டையே- பூரண. 

பாடல் எண்:- 1259

தேசங்களோடித்திரிந்தலையாமலுஞ்

சென்மமீடேறத்தசதீட்சைசெய்துயான்

மோசம்வாராமலும்வாசிகண்டதாரை

ரேசித்துப்பூரணவிலாசத்தைநம்பினேன்- பூரண. 

பாடல் எண்:- 1260

அந்தநல்லுப்பதைச்சந்தித்துக்கொள்வதும்

ஆனால்வெகுமோசமாக்கினையும்வரும்

தந்தையுப்பகன்றுபேதிகடைத்தது

சாரகாரவேகத்தாலுஞ்சுன்னமாண்டே- பூரண. 

பாடல் எண்:- 1261

காலையில்மூலப்புளியுண்டீராண்டினில்

மாலையிலுஞ்சந்திரமாமதிமாறிடும்

வாலைப்பருவம்வருஷமீராண்டுபோய்

மூலச்சுழிமுனைமுத்தியுமெய்துமே- பூரண. 

பாடல் எண்:- 1262

சத்திசிவமொருமித்துஈராண்டினில்

சுத்தவைராக்கியஞ்சூக்ஷமிந்நூல்முறை

வித்தைவேதைக்குவேதாந்தக்கருக்கிடை

சித்தனார்சிலர்சின்மயசித்தியே- பூரண. 

பாடல் எண்:- 1263

அஞ்சுபஞ்சபூதமாதரவாயிந்த

நெஞ்சுநேர்நடுமையத்துவாரமில்

நஞ்சுபோலுமிருந்தாடியநாதனுங்

கொஞ்சியேமேவிக்குழந்தைபோலாவாரே- பூரண. 

பாடல் எண்:- 1264

வாலைவாலைவரும்வயதேகலை

மாறிமாறிமடக்கஅஸ்வங்களை

நீலமேகச்சுவ்வாரியூதியூதி

வினாடிகால்கள்வெளிவராதாண்டையே- பூரண. 

பாடல் எண்:- 1265

காலைமாலையதிகாலையில்வாசியும்

ஆலமுண்டஅமிர்தத்தினால்மூலமும்

பாலையுண்டுவான்குமறிப்பாலுடன்

சோலைவாழும்சிற்றாமணக்கெண்ணெயே- பூரண. 

பாடல் எண்:- 1266

மூலசுத்திமுன்னாளதிகாலையில்

பாலுமென்னப்பகுந்துசரிசமன்

நூலுஞ்சோதியுள்ளுக்குஒருபலங்

காலையில்கரிசாலைமுண்டிடே- பூரண. 

பாடல் எண்:- 1267

சிற்றாமணக்குச்செழுமலர்மேவிய

முத்தாடியானமுன்னமேயெண்ணைய்தான்

நித்தமாமூலிச்சாறுஞ்சரிசமன்

வைத்துவாலைக்கதிர்முகமாண்டையே- பூரண. 

பாடல் எண்:- 1268

பூமிபாரம்புவியில்நாளுக்குநாள்

சாமிநாவிலுண்ணாக்குஅண்ணாக்குமேல்

நாமியொன்றுபெருவிரல்தோய்த்துடன்

நாமிலூட்டினன்நாவினில்தேய்த்திட்டே- பூரண. 

பாடல் எண்:- 1269

சாய்க்கச்சாய்க்கச்சரித்திடுங்கோழையும்

வாய்க்கவாய்க்கவழலையுமற்றது

தேய்க்கத்தேய்க்கச்செனித்திடுஞ்சேத்துமந்

தோய்க்கத்தோய்க்கச்சுழிமுனைகாணுமே- பூர. 

பாடல் எண்:- 1270

மண்டலமிந்தப்படிமூலமாவது

வாங்குஞ்சிறுகுடல்வாங்குமூலப்புளி

கண்டதோர்பலங்காலையிலுண்டு

கர்மமலமுந்துர்மாங்கிஷமேகுமே- பூரண. 

பாடல் எண்:- 1271

பாலுஞ்சாதம்பதமாகும்வகைகரி

வேலுமயில்மீதில்வாலசுப்பிரமணியர்

மேலுங்கண்டகாட்சிவிளக்கமருளியுங்

கோலாகாலகுமரகுருபரன்- பூரண. 

பாடல் எண்:- 1272

என்குருசுவாமியெனக்குபதேசிகன்

பொன்போலும்பூரணன்போதித்தனுக்கிரகம்

அன்புவைத்துச்சுழியப்பாச்சாதனை

முன்பனுக்கிரகம்பூரணமாச்சுதே- பூரண. 

பாடல் எண்:- 1273

வழலைக்கபமும்பலமும்மலமும்

விழலாகப்போச்சுதுவேதனையாச்சுது

சுழலும்ரவிமதிசுத்தமொன்றாச்சுது

சோதியொளிநாதச்சுரோணிதம்வாய்ச்சுது- பூரண. 

பாடல் எண்:- 1274

மும்மலமற்றதுமூன்றுமண்டலத்தில்

தம்மையறியச்சகத்திரமாச்சுது

நன்மைதீமையுமிம்மையும்போச்சுது

நாதவிந்தாலும்நவசித்திரவீடாச்சுது- பூரண. 

பாடல் எண்:- 1275

விந்துநீருவெளியிலுலாவிய

அந்தவாய்வுஅதுசப்தத்துடன்

எந்தனாசானெனக்குபதேசமு

மைந்தனென்றுமகிழ்ந்துரைத்தார்களே- பூரண. 

(விருத்தம்)

பாடல் எண்:- 1276

புளியதனை யுண்டதனா லாவ தேது

பூரணத்தி லேறியல்லோ தேற வேணும்

வெளியான விந்துவைத்தா னறிய வேணும்

வேதாந்த சாரமதைக் கட்ட வேணும்

களியான காரணத்தை யறிய வேணும்

காரணமுன் சாரமதைக் கட்ட வேணும்

எளிதல்ல விந்தமுரி யிதனா லாச்சு

இன்னமொன்று சொல்லுகிறே னினிதா னாண்டே. 

(வெண்பா)

பாடல் எண்:- 1277

கேளும் புளியுப்பால் கேசரம்போய்ப் பாய்ந்துவிடும்

நாலுநா ளாண்டுதிங்கள் நானறிந்தேன்- பீளவுடல்

கண்டேன் கனகசபை காயசித்தியா லறிந்து

உண்டேன் பரந்தனிலும் ஓம். 

ரசக்குளிகை

(தரு)

குளிகைகட்டிக்கொண்டேன்- சூதரச

குளிகைகட்டிக்கொண்டேன். 

பாடல் எண்:- 1278

குளிகையெனுமூலபாதத்திலுநின்று

வெளியொளிதற்பரவெண்மதிசாரத்தில்

நளினமதாகவுநாதத்தைச்சேர்த்துடன்

புளியிலங்கித்துமேபூரணத்தோடவும்- குளிகை. 

பாடல் எண்:- 1279

காரசாரத்தைக்கரைத்தொருபாண்டத்தில்

வீரத்தையுங்கிழியாய்க்கட்டிமேலுடன்

காரத்தைச்சாரத்தையேபொடிதூளாய்

நீரதிலிட்டுநிகழ்ந்திருசாமமே- குளிகை. 

பாடல் எண்:- 1280

பார்த்துவன்னியனல்பாய்ச்சுங்கமலாக்கினை

ஊரலையற்றுவீரமுற்பனமாகுங்காண்

காரசாரசுன்னசங்கைவேகத்தினால்

வாரதினாலதுவஸ்துவுங்கட்டிடும்- குளிகை. 

பாடல் எண்:- 1281

விந்துடனாதமிகவைதசபத்துடனாகிடில்

அந்தமிதுசுன்னமாகிடுமாண்டையே- குளிகை. 

பாடல் எண்:- 1282

சவ்வீரசுன்னஞ்சரக்கையிறுக்கிடும்

எவ்விதமாஞ்சரக்காவதுஞ்சுன்னமாய்க்

கவ்வியுமீந்திடுநீரிற்குழைத்துமே

நவ்விக்கடுங்கதிர்நாடியசுண்ணமே- குளிகை. 

பாடல் எண்:- 1283

வீரசுண்ணத்தால்வெகுவேதையாகிடும்

மேலுந்துரிசுக்குவிராகனுமிநீரால்

காரசுன்னம்படமேலுங்கவசமாம்

சூரியதனில்சுடசுன்னமதாகிடும்- குளிகை. 

பாடல் எண்:- 1284

பாச்சுங்கழஞ்சுப்பாஷாணமசிக்குதுமேல்

தேச்சுக்குருவினில்செங்கதிரில்பட

வாச்சுதமுயிரில்மாட்டிரவியினில்

கூச்சமில்லாமலுங்கூறிதுவாண்டையே- குளிகை. 

பாடல் எண்:- 1285

தசபத்துடனிடைத்தாளகம்வாங்கிடும்

விசையதாயிடில்விராகனுமாகிடில்

கசையஓர்கழஞ்சாமதுசுன்னமும்

இசையஅமுரியில்வேதைக்கவிழ்தமே- குளிகை. 

பாடல் எண்:- 1286

தாளகந்தன்னைத்தணல்கதிர்வேகமில்

ஆகமப்படியனலும்படப்படத்

தூளதாகிடும்சுன்னமதாகிடும்

ஆளுமேவருகாதுகாணூறலே- குளிகை. 

பாடல் எண்:- 1287

லிங்கமொருபலமாகவிளங்கிடில்

அங்கதைவீரஜெயசுன்னமுன்னிடை

வங்கத்தினீரினில்மதிவிட்டழைத்துடன்

பொங்கிப்புத்தாகிடில்போச்சுதுசுன்னமே- குளிகை. 

பாடல் எண்:- 1288

தாரமாந்தினிச்சுன்னமதாகிடில்

வீரமாவதிதுக்குஇணையதாய்த்

தாரசுன்னமுந்தங்கமுஞ்சேர்ந்திடில்

தாரஞ்செம்புத்தவளமதாகுமே- குளிகை. 

பாடல் எண்:- 1289

கேசரின்கிருபாகரமேவிய

வாசமாமதிவாழ்க்கைமுயற்சியான்

பேசும்பேசாதெழுத்தறவோதினும்

மேஷமதுவிளங்குமகத்துகள்- குளிகை. 

பாடல் எண்:- 1290

வாசியென்றுசும்மாவாவென்றழைத்தால்

நேசமுன்னாள்நெடுநாளல்லவோ

ஆசைவைத்துஅமுரியோராண்டுநீர்

பாரம்பாசம்பரியாசமில்லையே- குளிகை. 

பாடல் எண்:- 1291

தேசியென்றால்செழுந்தேன்நிறமுமாம்

ஊசியாவதொருமுனைகாணுவாய்

வாசிவாசிவருமென்றழைத்தால்

மாசில்லாக்கதிர்மாறலறிகுவாம்- குளிகை. 

பாடல் எண்:- 1292

கண்டுகண்டுகனவுமறிதலால்

நின்றுநாளுநெடுநாளலுவலேன்

கண்டகண்டக்கருத்தைப்படைத்ததால்

அன்றுமின்று அறிந்தவர்ஞானியே- குளிகை. 

(விருத்தம்)

பாடல் எண்:- 1293

விஜயமெனும் ரசகுளிகைமனோவேக அதிதமெனும் விதித்தசங்கை

பசைந்தமண்ணீ ருண்டபலன் தீட்சையிரண் டுடன்சேரப் பனிரெண் டாண்டில்

விசையகுரு தீட்சைவச மாவதுவுங் கடினமது இசையு மாகில்

அசவதுகா னிருபத்தோ ராயிரத்து அறுநூறு மடியிற் சேர்ந்தே. 

(வேறு- விருத்தம்)

பாடல் எண்:- 1294

மூலமதி லடங்கிசுழி யண்டம் பாய்ந்து

முடியில்நின்று நடுவணையின் முனைக்குள் ளாகி

ஆலவிட மாமதுர வாசி யுண்டு

அடியில்நின்று மேலெழுப்பி அண்டம் புக்குக்

காலையிலு மாலையிலுந் தாரை யூதிக்

கமலமலர் குண்டலிவல் லபையைப் போற்றி

வாலையெனு மம்பிகைப்பெண் வடிவென் னாத்தாள்

வசனமது வால்வாசி வசம தாச்சே. 

பாடல் எண்:- 1295

ஒன்றான வுடலுயிரு மொன்றாப் போச்சு

ஒளிவான ரவிமதியு மொருமி தாச்சு

கண்டீரோ மகத்துகளைச் சூரிய சந்திரன்

கதிர்மதியு மொருசுருபங் காணுங் காலை

அன்றாடம் பிராணாய வாசி யூதி

அசைவதுவும் பிரியவொட்டா அமிர்த முண்ணும்

சென்றாடு மிவ்விதமா யுலகில் வாழ்வார்

சிவயோக மிதுவறிந்தால் ஞானி தானே. 

மனோதிடங் கூறல்

(தரு)

தனந்தனந்தனதானானே- தன- தனந்தனந்தனதானானே. 

பாடல் எண்:- 1296

மனமினம்பொருந்திசையருள்தானே- மனந்

துணிந்துநீமிகவிழுவானேன்- கன

மினமனத்துடல்விழுகாதே- ஞானக்

கவியறிந்துநீமறவாதே- தனந். 

பாடல் எண்:- 1297

மூலப்புளியெனுங்கற்பமிதுதானே- வாலைப்

பருவமாய்திவருவோனே- காலை

அரவத்தனிடவெண்சாடை- மாலை

அமுரித்ததுவிஷமறவாதே- தனந். 

பாடல் எண்:- 1298

புவிஇசைந்துவாய்மொழிவாராதே- தவ

மிருந்துஒருநிலைபிரியாதே- மது

வருந்தியருசுவையதமாக- குரு

விருந்தசுழிமுனையருள்பெறவும்- தனந். 

பாடல் எண்:- 1299

கண்சிவந்துபோமதுபாராதே- மதி

குலைந்துகாணிதுசாராதே- உண்

ணுகந்துதசதிங்களுமதிபால்- உட

லுயர்ந்துவேதனையுணராதே- தனந். 

பாடல் எண்:- 1300

அறிவறிந்தபின்னவர்வாராரோ- சுழி

அமர்ந்திருந்தபின்னறிவாரோ- இது

ஒருவிருந்ததின்மலக்கூடு- இன்ப

மிசைந்திருந்ததுர்க்கந்தவீடு- தனந்.