திருவள்ளுவரின் ஞானவெட்டியான் பாடல் எண் 1101- 1200

பாடல் எண்:-1101

நீர்ச்சுருக்கு நீர்க்கடுப்பு நீரடைப்பு நீர்ச்சுரப்பு

பாரதித மேகமதும் பட்டுப்போம்- நீரதனல்

நிம்பப் பழத்தினுட னீரதுவிட் டூட்டியபின்

கப்பிதந்தி மேகம்போங் காண். 

பாடல் எண்:- 1102

வாதமுதல் வாய்வும் வரும்பித்த சேத்துமங்கள்

மாதவிடாய் சூதகமு மாண்டுபோம்- கோதையே

அவரை தொவரை அரக்கீரை தூதுளங்காய்

விரையில்லாக் கத்திரிபிஞ் சாம். 

பாடல் எண்:- 1103

இருவினையால் தாக மெடுப்பதனா லென்றறிந்து

கருத்தறியா தென்னவிதங் காரணமோ- இருவினைநோய்

விகாரமது சன்னிவிடு மூன்று நாளதனில்

அகாரமது நீரதனா லாம். 

பாடல் எண்:- 1104

சார மதில்கிண்டிச் சண்டமா ருதக்குழம்பு

தேறவுங் காணிஞ்சி ரசந்தேனும் சாரமதில்

அதிகாலை யுண்ண அகலுஞ் சுரதோஷம்

சதிசெயுஞ் சன்னியும் போம். 

(விருத்தம்)

பாடல் எண்:- 1105

அரத்தையா மணக்கெண்ணெய் யாடா தோடை

அதன்ரசத்தில் குழம்பதுங் குன்றி தாக்கி

சுரசமிது அவிழ்தமதை யுதைய காலைச்

சூரியனைத் துதித்துபணிந் துடனு முண்ண

பரிட்சையனு போகமென்ன சத்த பேதி

பலாபலத்தைக் கண்டுமருந் தூட்டு வீராய்

வரட்சியொடு வாய்வுதச வாதம் பித்தம்

மருவிவெகு நாளிருந்த மந்தம் போமே. 

பாடல் எண்:- 1106

அன்றுவிட்டுப் பின்புதைய காலந் தன்னி

லறிந்துகுழம் பதனில்குன்றி நாலுக் கொன்று

கண்டீரோ பண்டிதரே பால மந்தங்

கருதுமுன்பு செய்கைவிதங் கருதி டீர்காண்

தெண்டிரையில் குழந்தைகளுக் கிசுவு மூர்ச்சைத்

தெளிந்திடுங்கா ணுப்பசமு மள்ளுந் தீரும்

தண்டுமொன்றாய்ப் பிரளிசத்தி விக்கல் மூர்ச்சை

சாந்தமாஞ் சாந்தமில்லா மறுநா றூட்டே. 

பாடல் எண்:- 1107

நாவறட்சி தோஷமொடு சுரமுஞ் சன்னி

நாள்தோறுங் கனசுரமு நாடுங்காலை

நாவுகரித் திடவரிது குழம்பிற் குன்றித் 

தனையெடுத்து நாலிரண்டு பாகம் வாங்கிப்

பூவையர்க்கு முன்பதுகா ணாவில் தேய்த்துப்

புகல்வீராம் சுடுவெந்நீ ரரையா ழாக்கு

பாவையெனு மைந்தருக்குப் பின்பு ஆண்டே

பாய்ச்சிவிடு குழம்புகுன்றிக் கால்பங் கூட்டே. 

பாடல் எண்:- 1108

ஊட்டுநிலத் துளசிஅவித் துடன்சாற் றைக்கொண்

டுரைத்துமருந் துடனேயுட் கொள்வீ ராகில்

சாட்டியமாங் கிருமிபழ மலமும் போக்குந்

தசையுள்ள வாய்வுமுதல் ரெணமுந் தீரும்

பாட்டிலிந்தப் படிசொன்னோம் பாரில் மாண்பர்

பண்டிதரே யுங்களுக்கும் பலித மாகும்

நாட்டினில்நா லாயிரந்து நானூற் றெட்டு

நல்வினையுந் தீவினையு நாடா தாண்டே. 

பாடல் எண்:- 1109

பரத்தையர்க்குப் பழம்புளியு முளநீர் கூட்டுப்

பாலருக்கு மருந்தூட்டிப் பால்தா னூட்டு

சுரஞ்சன்னி தோஷமதுக் கிச்சா பத்தியம்

சுண்டைக்காய் வற்றலரைக் கீரை யாகும்

உரிசையென்ற உப்புவறுத் துள்ளுக் கூட்டு

ஒருபோது மன்னமது முண்பீராகில்

அறிவீராய்த் தசவாய்வு நோய்கட்கெல்லாம்

ஆகாது மங்கிஷமு மாகா தாண்டே. 

பாடல் எண்:- 1110

பாசியுடன் பருப்புமொச்சைக் கடலை மச்சம்

பாக்குவெற்றிலை புகையிலை சுண்ணாம் போடும்

காகவெனுங் கட்டியொடு கனிகள் தேங்காய் 

கன்னலொடு நல்லெண்ணெய் காற்று நித்திரை

பொசிப்பெடுத்த பின்புரவி யுறக்க மாகா

பொழுதுகதிர் போனபின்பு புகல்வீ ராகில்

தூசிபோல் பறந்துவிடுந் துன்பம் போகுந்

துரைராஜ பண்டிதர்க்குச் சொல்வீ ராண்டே. 

பாடல் எண்:- 1111

மாதர்கருக் குழியில்செனித் திடுநோய் சூலை

வகையாறு விதமதுவு மணங்கு காலைப்

பதராகுங் கருக்குழியில் சனததான் மூடிப்

பாயாது விந்ததுவும் பாழாய்ப் போகும்

விதுரமாங் கருக்குழியில் கிருமி சூழ்ந்தால்

விந்ததனை யுண்டுவெறும் பாழாம் பூமி

போதரவாய்க் கருக்குழில் பூநீர் காரம்

பூர்க்குமந்தப் பூமியைப்போல் பூத்தா லாண்டே. 

பாடல் எண்:- 1112

பூர்க்குமந்தப் பூநீரு உவருண் டானால்

புளிப்பாழு விந்ததனைப் பூநீ ருண்ணும்

ஏர்க்காது இடம்விட்டு இடம்தான் விந்து

இருப்பிடம்விட் டிடம்பாய்ந்தா லினிசெல் லாது

கார்க்காது கருக்குழியில் வாயுவுஞ் சேரக்

கட்டிடுமோ நாதவிந்து கனல்நோய் சேரும்

பார்க்கபனிக் குடமுடையும் பனிநீர் போனால்

பாழாகும் விந்துவும் பாழ்தா னாண்டே. 

பாடல் எண்:- 1113

ரதிபுருஷ ரிருவருந்தான் புணரும் போது

நாயகிதன் கருக்குழியில் நாத விந்து

விதியுமதி யிரண்டிடமும் நீறாய்ப் போகு

மிஞ்சிஇடி யிடிக்குமிந்த வேகம் போலாம்

பதியைவிட்டுப் பதியிழந்து பாயும் விந்து

பரத்தையரெண் சாணுடலும் பஞ்சு போலாம்

அதிவிதமாய்ப் புணர்ந்ததனா லண்ட பிண்டம்

அண்டஇடி யிடித்ததுபோ லாகு மாண்டே. 

பாடல் எண்:- 1114

இந்தவிதம் யானறிந்து அனுபோ கத்தை

யினியுரைத்தேன் யாவர்களு மினமாய்க் காண

அந்தமுட னறுவகைதன் சூலை யாலும்

அணுகாது புத்திரேட்சை யமைக்கும் வாறு

சந்ததமாய்ச் சதைமூடில் சதையைத் தின்ன

சண்டமா ருதக்குழம்பிற் பணந்தா னொன்று

விந்தையுடன் சீலைதனில் விரவிப் பூசி

மிகுந்தரவி முகந்தனிலும் விளங்கு வீரே. 

பாடல் எண்:- 1115

வற்றிட நீர்த்திரியி லந்நீர் சண்ட

மருவிய பதனமதாய் வைத்துப் போற்றிச்

சத்தியெனும் பரத்தையர்க்கு அவிழ்தங் குன்றிச்

சண்டமா ருதக்குழம்பு சாற்று வீராய்

பத்தியந்தான் சங்கன்பழச் சாறு வாங்கிப் 

பலமஞ்சில் மருந்திழைத்துப் பாய்ச்சுங் காலை

சித்தியதாஞ் சதைகரைந்து சூலை தீருந்

தீயதனை யாவிதனில் செலுத்தி டீரே. 

பாடல் எண்:- 1116

இருள்சூழு மதிதனிலு மிருக்கும் வீட்டில்

இத்திரியைக் கொளுத்திரவி தனிலு மாட்டிக்

கருக்குழிக்கு மையநடு நேராய் வற்றிக்

கருதிடவும் யோணிவழி புகைதான் பாயச்

சுருக்கமுடன் மாதுமண வாளற் கிந்தச்

சூட்சமிதை யறிக்கையிட்டுச் சொல்லிச் செய்யும்

சுருக்கமுடன் புகையோனி வழியே பாய்ந்து

சதையெல்லாஞ் சுருங்கிவழி சாந்த மாமே. 

பாடல் எண்:- 1117

சாதுரிய மங்கையர்க்குத் திரிநா ளிந்த

சண்டமா ருதக்குழம்பைத் தாக்கும் போது

வாதுசெய்யுஞ் சூலையினால் மலடு மென்று

மாமுனிவ ரெனுக்குரைக்க யானுஞ் சொன்னேன்

தீதுவா ராதுஒரு வேளை யன்னத்

தீங்கான புளிகையுஞ் சேர்க்க லாகா

பூதலத்தில் பெண்மலடு புகலப் போகா

புருடன்மல டெனுமிகவும் புகல்வ தாண்டே. 

பாடல் எண்:- 1118

கேவலமாங் கிருமினால் சூலை யொன்று

கிரகிக்கும் விந்ததனைக் கெர்ச்சித் துண்டால் 

மேவுமட மங்கையர்க்கு மலடென் றென்னில்

மேதினியோர் புகழ்வதுகாண் மெய்யென் றெண்ணிப்

பூவுலகில் செபதபங்கள் பூசை நேமம்

பிரார்த்தனைகள் செய்துபின்னும் புத்திரன் காணார்

ஆவதினா லதற்கவிழ்த மாண்டே கேளீர் 

அதிதசண்ட மாருதத்தை யருள்வ தாமே. 

பாடல் எண்:- 1119

அவிழ்தமென்ற குழம்பதனில் குன்றி வாங்கி

ஆகாச கெருடனந்தக் கிழங்குச் சாற்றில்

கவனமதாய்க் குழைத்துஅதில் கற்கண் டிட்டுக்

காலைதனில் மூன்றுநாள் கருகும்போது

புவனையருள் பதம்போற்றிப் புகட்டும் போது

பொல்லாத கிருமியிருந் திடத்திற் சென்று

முவனமதாய்க் குழம்பதுவின் வேகத் தாலும்

மூடுபனி போல்சூழ்ந்து முடுக்குந் தானே. 

பாடல் எண்:- 1120

முடுக்குமிரு பணயெடைதான் சீலைக் கூட்டி

முன்திரிபோல் திரித்துமூல ரவிதான் வீச

படுக்குமந்தப் பாவனைபோல் கவிழ்ந்து மூடிப்

பாவையர்தன் யோனிநடு மையந் தாக்கக்

கொதித்திடச்சொல் புகையதுகாண் கொடுக்கும் போது

கொலைசெய்யுங் கிருமியெல்லாங் கொடியாய் வீழும்

தடுக்கவொண்ணா நமனாலுந் தடுக்கப் போகா

சாந்தகுண மாமூன்று நாளி லாண்டே. 

பாடல் எண்:- 1121

ஊஷ்ணத்தால் கடுங்கார முடலுண் டாகி

உப்பதனால் விந்துப்பா யுருவ மாறி

வேழ்விளையாங் கருங்குழியும் வெந்து புண்ணாம்

வெகுவிதஞ்செய் தாலும்விந்து தரியா தென்க

பூஷணமாய்ப் பாசனமுண் டுணர்ந்த தாலும்

பொல்லாத உட்காரச் சூலை யாலும்

ஏஷணையா யெரிந்தசயி லங்கள் மாறி

யிரத்தமெல்லாங் கருகிளைத் திடுவா ராண்டே. 

பாடல் எண்:- 1122

இவ்விதங்க ளறியாம லுலக மாண்பர்

ஏடுத்துரைப்பா ரிதுமலடு என்ன பாவம்

செவ்வையினி மலடுகளைச் சிவனா லுந்தான்

ஜெயிக்கமுடி யாதுஜென்மக் கூறென் பார்காண்

அவ்விதமா யுரைத்திடுவா ரவனி மீதில்

அதுவந்தவித மறியார்க ளாண்டே கேளீர் 

கவ்விடவுங் குழம்பதனில் குன்றி வாங்கிக்

கர்ப்பூர வெற்றிலைச்சா றதனிற் காணே. 

பாடல் எண்:- 1123

ஊட்டிடவும் மூன்றுநாள் மூன்று வேளை

உள்ளிருந்த வர்களெல்லா நீரில் சேர்ந்து

சாட்டியமாய் மலசலத்தைச் சாடுஞ் சாடும்

சடத்திலுள்ள கனல்வேகஞ் சாரித் தேபோம்

மேட்டியிந்தக் கருக்குழிதான் தமன்மேல் சுற்றி

வெண்மதியுஞ் செங்கதிரோன் விளக்கத் தாலும்

நாட்டிவிடுங் குழம்பதனை முன்போல் வற்றி

நயந்துதிரி புகையதனால் நமனாய்ப் போச்சே. 

பாடல் எண்:- 1124

அடுத்தபுகை மூன்றுநாள் கொடுக்கும் போது

அவ்விடத்தி லிருந்தபுண்க ளாறிப் போகும்

தடுத்துரவி மாண்பர்களுந் தடுக்கப் போகா

சாபமெய்து மவநசிய மசிய சுவாகா

கொடுத்தவிழ்த மனுபோகி ராச யோகி

குவலயத்தில் ஞானபண் டிதனாய் வாழ்வார்

தொடுத்தேன்திரு வள்ளுவன்வாக் கமிர்த வாக்கியஞ்

சூக்ஷசடா தாரசுழி தொழுதே னாண்டே. 

பாடல் எண்:- 1125

தொடுத்ததிந்தச் சண்டமா ருதத்தைப் போற்றிச்

சூஷமெல்லா மிந்நூலில் சொல்வேன் காணும்

கொடுத்துவிட்டா ருலகருக்கு மதியோ வில்லை

குணமில்லை வேதாந்தக் கூறு மில்லை

விடுத்துவிட்டா ராமாகில் வினையோ இல்லை

மெய்க்குருவை யறியாத வீணர் வீணர்

அடுத்துபனி ரெண்டாண்டு ஆசான் சொல்ல

அறியலாஞ் சாரவித்தை ஆண்டே கேளே. 

பாடல் எண்:- 1126

சூதகத்தில் வாய்வதுபோய்ச் சொக்குங் காலைச்

சுருதியெனும் வன்னிபித்தந் துணையாய்ச் சேரு

மாதவிடாய் நாகமதும் வஸ்துக் கட்டு

மாதாந்தங் கட்டினதால் மாது தேகம்

ஊதுவுடல் சரீரமெல்லாங் கருப்பை துந்து

உதிரநீர் சூசிகா வாய்வுந் தோன்றி

வாதனையால் வயிறுடம்பு பெருத்து வூதி

மகத்தான அடிமூலம் வாதஞ் சேர்ந்தே. 

பாடல் எண்:- 1127

மாதருக்கிவ் விதக்கூறு மருவுங் காலை

மங்கையர்க்கு மனிதர்சொல்லும் வாறு கேளீர் 

சூதகமுங் கட்டினதால் கெர்ப்பங் காணுந்

தோகையர்கள் கண்டுமந்த விதஞ்சொல் வார்காண்

நாதமென்ற சூலையினால் கெர்ப்பச் சூலை

நாட்டிலிதை யறியபண்டி தஞ்செய் வாரோ

வேதமிந்தச் சூலையினால் மலடென் பார்கள் 

வினைபயனை யொழித்திடவும் விளங்கா ராண்டே. 

பாடல் எண்:- 1128

கெர்ப்பக்கோ ளறிந்துவினை யொழிந்தேன் ஞானி

கேதமிலா ராஜபண் டிதனே யோகி

துற்பவித்த சூலையது நாத சூலை

சுக்கிலமுஞ் சுரோணிதமு மிரண்டுஞ் சேரா

கற்பகமாம் விந்துஒரு வழியிற் பாயுங்

கருக்குழியில் சுரோணிதமுங் கலக்க தாகில்

முற்பகஞ்செய் தனுபோகக் கூறில் லாகாண்

முச்சுடரி னுதித்ததெனு மொழிய லாமே. 

பாடல் எண்:- 1129

மொழிவதுங்காண் சண்டமா ருதக்கு ழம்பில்

முன்பாகங் குன்றியிடை மூன்று நாளும்

அழிஞ்சிவேர்த் தயிலமதில் பலந்தான் வாங்கி

அத்தயிலந் தனிலரைத்து அதன்பின் கேளீர் 

பழையபனைக் கற்கண்டுந் தேனுங் காசும்

பகுந்துடனுஞ் சேர்த்துவுணர்ந் திடுவீ ராகில்

மழையதுபோல் வாரியது மலத்தைப் போக்கு

மனதுதிடச் சித்தமதாய் மகிழச் சொல்லே. 

பாடல் எண்:- 1130

துவரைமுள நீருஞ்சுண்டை வற்றல் கூட்டித்

தூதுபத் திரியினுட வற்றல் சேர்த்து 

அவரையரைக் கீரைமிள கதுவுங் காயம்

அதிபேதிக் காலின்மோர் சுக்கு ஓமம்

விவேகஞான வெட்டியருள் பணிந்து போற்றி

வெள்ளுள்ளி சீரகமு மரத்தை யோடு

தவறாது இவ்வகைகள் சேரா தென்னில் 

தகர்த்துவதும் புளிபுகையுந் தள்ள லாமே. 

பாடல் எண்:- 1131

தள்ளுவது வெட்டுநாள் திரிநா ளுண்டு

சண்டமா ருதக்குழம்பில் பனந்தான் ரெண்டு

தெள்ளிமையால் திரியதுகாண் முன்போல் செய்து

தீங்கில்லா மூவேளை புகைதா னூட்டி

எள்ளளவும் பிழைவரா தெண்சாண் தேகம்

இருந்தகெர்ப்பச் சூடதுபோய் சூலை போகும்

கள்ளமில்லா நீர்களெல்லாங் கடலே புக்குக் 

கருக்குழியுஞ் சுத்தியதாய்க் கருத லாமே. 

பாடல் எண்:- 1132

வாதமென்ற தேகியென்றா லஞ்சு நாள்தான்

மருவும்பித்த தேகியென்றால் நாலு நாள் தான்

நாதசேத் துமதேகி மூன்று நாள் தான் 

நயந்துசண்ட மாருதத்தை நாட்டுங் காலை

வேதமெனுங் கியானபொரு ளதீத மிந்நூல்

விதித்தவிதி யெள்ளளவும் விதம்போ காது

காதலிந்த சாஸ்திரத்தைக் கண்ட பேர்கள்

கைவிடார் கருக்குழியில் கருது வாரே. 

பாடல் எண்:- 1133

வெந்துகருக் குழியதுவும் புண்ணாய்ப் போகும்

வெட்டையி னால்தேக மீறிப் பாய்ந்து

உந்தியெனுங் கமலமதில் இரணங் கண்டு

ஒரிடியா யிடித்துவயிற்று வலியுண் டாக்கித்

தந்திரமாய்க் கிடைகொடுக்கா பிரட்டல் சோபந்

தாபம்வரு மூழ்வினையாய்ச் சடத்தி லெய்தும் 

விந்துவெனுஞ் சுரோணிதமி ரண்டுங் கூடி

யிருக்குமந்த காலமதில் வாய்வா லாண்டே. 

பாடல் எண்:- 1134

வாய்வுமனு சரிக்குமட மாதர்க் கேதான்

மாதாந்தங் கட்டியது மருவு நாளில்

பாயும்ரதி புருஷருமே புணர்வா ராகில்

பரிதியெனு நாதமதில் விந்துஞ் சேரில்

தேயுவெனுங் கனலேகக் கனலி னாலுஞ்

செவ்விள நீர் போலவுமே யுதிரஞ் சாயும்

பேயதனால் பெரும்பாடு அதீத மென்பார்

பேருலகிற் கல்லெறியு முனியென் பாரே. 

பாடல் எண்:- 1135

சாயுமடை மதமதகில் சலஞ்சரித் தாப்போல்

தங்குதடை யில்லாமல் சாரு மாப்போல்

ஓயாம லுதிரமது மோடிப் பாயும் 

ஒருதிங்கள் நாதவிந்து ஒக்கச் சேர்ந்து

மாயுமட மங்கையரோ டனுபோ கித்தால்

மருவியுமே போகமதில் மகிழ்ந்தா ராகில்

தூயிருமூன் றதுநாலு மஞ்சு மாறு

துகையேழு எட்டிரண்டும் பத்தும் பாழே. 

பாடல் எண்:- 1136

கருவுருவாய்த் திரண்டுகெர்ப்பங் கருது மாப்போல் 

காசினியில் யாவர்களுங் கணக்கேன் பார்காண் 

உருவதுமுண் டாச்சிதென்பா ருலக வாதர்

உறுதியென்பார் துருதமனென்பா ருவமை யென்பார் 

சிறுவரெனும் புத்திரனென்பார் திருமா தென்பார்

சிலபேர்க ளிதுவென்ன செய்கை யென்பார் 

வருவதுசெய் வினையீதென்பார் வளர்பாண் டென்பார்

வசனமெடுத் துரைப்பவர்கள் மாத ராண்டே. 

பாடல் எண்:- 1137

பத்துதிங்கள் சென்றுசரி யாச்சு தென்பார்

பாரில்மட மாதர்வந்து பரிசோ திப்பார்

கற்றுணர்ந்த பேர்கள்பெரு வயிறென் பார்கள் 

கடிந்துரைக்குஞ் சிலபேர்கள் குளிய தென்பார்

குத்தமில்லாப் பலப்பலவாய் யோசிப் பார்காண் 

கூறுவே னாண்டையினிக் குறித்து யானும்

சுத்தமெனுஞ் சண்டமா ருதக்கு ழம்பில் 

சூட்டியெடுத் தொடுகுன்றி கொடுக்கத் தானே. 

பாடல் எண்:- 1138

கொடுக்கிலாத் தூதுளத்தில் பழத்தின் சாற்றில்

குழம்பொரு பணவிடைதான் பொரித்துக் காயம் 

மடக்கலா மிந்தஎடை பதினெட் டுந்தான்

மத்தித்து மூன்றுநாள் மடந்தைக் கீந்து

கெடுக்குமந்த உதிரமதாஞ் சூலை பாயுங்

கெடுதிமல சலஉதிர மெல்லாம் போக்கும்

விடுக்கலாங் கருக்குழியுஞ் சுத்தி யாகும்

விளங்குமுன்பு திரிபுகையை விலங்க லாமே. 

பாடல் எண்:- 1139

சண்டமா ருதத்திரியை முன்போல் பாகந்

தாக்கான யோனிவழிப் புகைதான் சொல்ல

முண்டனெனும் வாய்வுகனல் மேக சூலை

முச்சுடரில் வெட்டைகனல் மூல மெட்டு

கண்டிதமாய்க் குழம்புஅதி வேகத் தாலுங்

கண்காணா தோடிஅனல் புக்கு மாகில்

உண்டிடவு முதிர்சூலை யோடிப் போகும்

உடல்சுத்தி கருக்குழிதன் புண்கள் போமே. 

பாடல் எண்:- 1140

அறுவிதத்தால் சூலையெய்துங் கெர்ப்பக் கோள்கள் 

அடைவுதனை யறிந்திந்த வவிழ்தத் தாலும்

பரவசமாய்ச் சொன்னதிந்நூல் யோகிக் காகப்

பரீட்சையனு போகமிதைப் பாரில் மாண்பர்

கெருவமில்லாப் பண்டிதற்குச் சொன்னே னாண்டே

கேவலமா யிருந்ததனா லென்ன வாய்க்கு

மாறுபடா ஞானவிதி யறிவோ னாகில்

மகாராஜ பூபதிபண் டிதனே ஆண்டே. 

(வேறு- விருத்தம்)

பாடல் எண்:- 1141

அன்னையபி ராமிசிரோ மணியருளா

லாண்டையினி யவிழ்தஞ் சொல்வேன்

நன்னயமாய்ச் சண்டமாரு தக்குழம்பிற்

குன்றியிடை நல்கு வீராய்

மன்னர்மண்ட லீகருமே மகிழ ராஜ

பண்டிதனை வணங்கிப் போற்றி

யின்னிமித்த மறியாசுக சன்னியதும்

விலகிடவு மினிசொல் வேனே. 

பாடல் எண்:- 1142

வேம்பினுட வித்ததனில் வெள்ளாட்டுப்

பிச்சதுவிட் டிழைத்து மேலும்

செம்பதுவின் பற்பமொரு அரிசியிடைக்

குழம்புமரைக் குன்றித் தாக்கி

நம்பியது நாலுமொரு மித்தவர்க்கு

நாவதனில் நன்றாய்த் தேய்த்து

வெம்புதலை வாராமல் வெந்நீருங்

குடிப்பித்து மிகச்செய் வீரே. 

பாடல் எண்:- 1143

நயனமிரு விழியதனில் கலிக்கமிடுங்

கடுகளவு நாடி யேற்ற

பயமணுகுஞ் சன்னியதும் பறந்துவிடுஞ்

சரபாணம் பாய்ந்தாற் போலும்

துயரணுகா துயிருவிழி யதனில்நீர்த்

தாரையது சொரியு மாகில்

சயனமிது கனல்வேக மெண்சாணு

தேகமெல்லாந் தணலா மாண்டே. 

பாடல் எண்:- 1144

தணல்பாயப் பாதாதி கேசம்வரை

யனல்சூழுஞ் சன்னிதோஷம்

அனலருவி யரிக்கும்விதந் தொண்ணூறு

கடிகைமனோ வேகத் தாலும்

புனல்சொரியும் பேதியர்தம் பத்தியமுந்

துவரைமிள- நீருங் கூட்டும்

அனல்வேக மடங்கிடுங்கா ணொருவேளை

யன்னமது மருளு வீரே. 

பாடல் எண்:- 1145

மூன்றுநா ளிந்தவித மொருவேளை

யவிழ்தமது முணருங் காலை

நின்றுவிரு நாசியிலு முன்சொன்ன

வற்றியது நசிய மேத்தப்

பண்டுபழ கினதோஷஞ் சுகசன்னி

பறந்தோடும் பாரில் விட்டுக்

கண்டுமிந்தப் பெரியோர்கள் கருத்ததனா

லெனக்குரைத்த கருவீ தாண்டே. 

(கொச்சகம்)

பாடல் எண்:- 1146

காயா புரியிலகுங் கன்னியபி ராமியருள்

தாயா மதியமிர்தந் தந்துவர மேயளித்தாள்

மாயா மருந்தறிந்தேன் வாசிகொண்டு நான்மகிழ்ந்து 

சாயா விருக்ஷமதின் சஞ்சீவி கண்டேனே. 

பாடல் எண்:- 1147

மதுரசஞ் சீவியுமே வாச்சுதுகா ணாண்டுசென்றால்

விதுரனெனு ஞானசிங்கம் வெட்டியரு ளால்மொழியும்

சதுர்முகஷ்ட கோணவரைத் தாண்டி சண்ட மாருதத்தைச்

சுதனருள்தன் கிருபையினால் சோதிமதி யாயெனக்கே. 

(கலித்துறை)

பாடல் எண்:- 1148

பிரசண்ட மாருத மெய்ஞ்ஞான போதப் பிரபந்தமாய்

வரமுத்தி ஞான குறுமுனி வாக்கிய மகிழ்ந்தெனக்குத்

திரமாய் விதேகமுங் கல்வியின்பே ரின்பத் தேன்புகழ்ந்து

சரமாயா தீத துரைராஜ பண்டிதன் சதுர்மறையே. 

பாடல் எண்:- 1149

வீராதி வீரவீர ஞான வெட்டியானும்

பேராற் பிரசண்ட மாரூதபா ணப்பிர யோகமதால்

வேரான நோய்க ளதமாயப் பறந்து வெளிப்படவும்

தோரா தவிழ்த மநுபானஞ் சொல்லத் தொடங்கினனே. 

(வெண்பா)

பாடல் எண்:- 1150

கண்டீரோ பண்டிதரே காலைதனில் குன்றியது

சண்டமா ருதக்குழம்பைச் சாதித்தால்- எண்டிசையில்

மண்டலத்தோர் காண்க மருவி யொருவேளை

அண்டி பஞ்ச தாரையினி லாம். 

பாடல் எண்:- 1151

வாதமுதல் வாய்வும் வரும்பித்த சேத்துமங்கள்

மாதவிடாய் சூதகமு மாண்டுபோம்- கோதையே

அவரை துவரை யரைக்கீரை தூதுளங்காய்

விரையில்லாக் கத்தரியை மேவு. 

(விருத்தம்)

பாடல் எண்:- 1152

சம்பழத்தின் சாறதனில் கற்கண் டிட்டுச்

சண்டமா ருதக்குழம்பு குன்றி கூட்டி

நம்புதலா யதிகாலை தனியே யுண்ண

நாவறட்சி சுரதோஷஞ் சன்னி தீரும்

அம்புவியில் மூன்றுநா ளிச்சா பத்தியம்

அகன்றுவிடு மாண்டையினி யறையக்கேளீர்

கெம்பீர தானமிது வதித வேகஞ்

கேட்டீரோ பண்டிதரே கேள்வி யாண்டே. 

(வேறு- விருத்தம்)

பாடல் எண்:- 1153

அதிவீர சண்டமா ருதக்குழம்பி

லொருகுன்றி அவிழ்தந் தன்னில்

துதிசெய்து மாவிலிங்க மூலமெனும் 

வேர்தயிலங் கழஞ்சி தூக்கி

விதியதுவாய் மிளகுசுக்கு திப்பிலிமென்

பொடியி லத்தேன் விரவிக்கொண்டு

சதிசெய்யும் வினையது காண்சச்சு

வாய்வது தசைக்குஞ் சாற்று. 

பாடல் எண்:- 1154

கதிசெய்யுங் குமரகண்டன் பாரிசமும்

பச்சதொந்தி தமர்வாய் வோடு

மதிமயக்கு முகல்வலியும் காக்கைவலி

மூர்ச்சையதும் வாத ரோகம்

இதுக்கதித முன்னிசிவு பின்னிசிவு

யிரைப்பிரும லெழும்புஞ் சுவாசம்

அதிதமெனும் வாய்வுதசை யையஞ்க

மோரஞ்சு மகலு மாண்டே. 

பாடல் எண்:- 1155

பட்சமிந்தப் படியவுழ்த மதிகாலை

யொருவேளை பாலித் தேதான்

துஷ்டிவினை யகற்றுமஷட குன்மவலி

மூலமெட்டுந் துலைந்து போகும்

கஷ்டமென்ற கர்மமெல்லா மவிழ்தத்தா

லகலுமெனுங் கருதி னோங்காண்

இஷ்டமெனும் பத்தியந்தா னியம்பிடுவீ

ரன்னமிது வேளை தானே. 

(விருத்தம்)

பாடல் எண்:- 1156

திரிபுரத்தை யெரித்தமதி ரவியைப் போற்றி

ஜெனகாதி ரிஷிகள் பதி னெண்பேர் போற்றிக்

கருவித்து நாதவிந்து கமலம் போற்றிக்

கனகரதந தீபசுழி முனையைப் போற்றி

மருமலரம் பிகைஞான குருவைப் போற்றி

மதிகசகுண் டலிகமல பதமே போற்றி

நிருபமணி மகுடமுடி வான சோதி

நிர்மலத்தாய் பதம்பணிந்து நிகழ்த்து வேனே. 

பஞ்சாமிர்தக் குளிகை

(தரு)

பஞ்சாமிர்தக்குளிகையைப்பாரும்- பூபதியாண்டே

ரஞ்சிதநாதவிந்தாலுநா னுண்டுகண்டேன். 

பாடல் எண்:- 1157

கஞ்சமலர்க்கணேசகமலபாதாரவிந்தஞ்செஞ்சொல்மொழி

மெஞ்ஞானதிருவள்ளுவன்பிரபந்தம்- ஜெகமும்பணியமதியமிர்தபரிபூரண

திரிவம்பலமிகுஞ்சுழியின்முனைககுணை

தெரிசித்தொழுமலர்சூடியும்வருஷித்துதிதமிழ்பாடியும்- பஞ்சா. 

பாடல் எண்:- 1158

சூதங்கெந்தி மால்தேவி துய்யபாஷாண லிங்கந்- தினுசொன்றுக்குப்

பலந்தானிடையதும் துகையஞ்சது கிளிகொண்டரு பத்ததுவுகமை

தொழுதுநாத மொன்றிடை யமுரிநாலும் மந்திடைச் 

சுகமெய்ப் பொருளது சுத்தியில் தகைமைப்படி யனலக்கினி- பஞ்சா. 

பாடல் எண்:- 1159

வீரமென்றவிந்துநீர்காரமென்றநாவநீர்

வீரமும்பூரமுநன்றாய்மேவியும்விரவியசாடியிலிரவிமதியைச்சாடி

மிகவும்வைத்துநாள்மூன்றுதெளியவைத்துநாளெடும்

விபரத்துடன்கிளிதொடங்கிடகமலாக்கினியனல்வீசிட- பஞ்சா. 

பாடல் எண்:- 1160

நீர்தொக்கிடநாதவிந்ததிதஅட்டுவொட்டுப்புநிறமுந்

துல்யமதிபோலவுநிலவுபோல்நிகரிலகுதிசையிலுலகுமிகபுகழும்

நெடியகனலமிர்தபடிகமெனும்லவனம்நிகழ்பத்தொரு

கதிர்காந்தியில்துருவெண்மதிவொளிவீசவும்- பஞ்சா. 

பாடல் எண்:- 1161

அஞ்சுபஞ்சபூதத்திலாடுஞ்சரக்கதஞ்சு- ஆனால்

சுத்தியிதாண்டேயஞ்சுங்கட்டனமாச்சுஅமுரியுவர்க்கனலில்

விபரமதுசலநீர்புகலரவியினொளிநிறமுஞ்செழுமையுரு

அதுபந்தனமிதுசிப்பியில்லெகுபந்தனபுகையாய்வரும்- பஞ்சா. 

பாடல் எண்:- 1162

இருவிசூஸ்திர நாபிநீருவிசாஸ்திரபேதி- யேலமிதஞ்சு

வகையினமதும்இடைபலமுமவ்விதகடல்நுரையுமிளகும்

மிருசீரகமுஞ் சுக்குவகையு மிடையுபலமெடு மஞ்சினை

திடமித்தொருஇனமாமிவைமனமேவிசீர்- பஞ்சா. 

பாடல் எண்:- 1163

சாதிக்காயும் பத்திரிசெண்பகஞ் சவ்வாது சட்டஞ்

சந்தனங்கஸ்தூரிகுரோசனையுந்- தவளநிறமதிபடிகமடநெகன

தனதுபசுமையொளிகனலும்பூரமதுகாண்சனிதானிடை

யிதுரோகணியதுகாலரைபலமாவதும்- பஞ்சா. 

பாடல் எண்:- 1164

கருதுஞ்சீனச்சரக்குவகைபலமரைகாண்- கடைச்சரக்கது

வஞ்சங்கணக்காய்ப்பலமதுகாண்- கடினம்வுணவுசரக்கதிமது

காலெனக்கடூரமில்லாவகையுங்கருதுமைந்திடைக்காணும்

கவனத்துடனவலேசதுசயனத்துடன்சரிபார்த்திடை- பஞ்சா. 

(கொச்சகம்)

பாடல் எண்:- 1165

மதிரவியு நாதவிந்து வந்தவர லாறறிய

மதியும்ரவி வாதபித்த மண்ணும்விண்ணு மேபடைத்த

மதியுங்கதிர் சோதிமின்னல் வாரிபொழிந் தேசொரியும்

மதியுஞ்சல சூஸ்திரமாய் வந்தவகை காண்கிலரே. 

பாடல் எண்:- 1166

கருதியதை நாதவிந்து கண்டுமன மென்றிருவைத்

திருமருவெண் சர்க்கரைபோல் தீட்சைபத்துஞ்சென்றதுகாண்

அருவுருபோல் அவ்வும்உவ்வும் அன்னந்தண்ணீருண்டபலன்

வருவதுமுன் போனதெல்லா மதிரவியாற் காண்கிலரே. 

(கலித்துறை)

பாடல் எண்:- 1167

நாலஞ் சொன்றாகிப் பிருதிவி நாத ரசமுறவாய்

மாலான அப்புமால் தேவி யுப்பு மதிரவியும்

மேலான தீப நதிமேவுஞ் சோதி மெய்க்குருவை

ஆலால முண்ட சிவனாலுஞ் சொல்ல அதுகழஞ்சே. 

பாடல் எண்:- 1168

இருபத்து ஒன்று மொருமித்துச் சுற்றி யினிமருந்தை

ஒருமித்து நாடி யபிராமி பாதமொருபொழுதும்

அறுபத்தில் நின்று கமலால யத்தி லருள்தனையே

புருவத்தி னேரில் துரியாதீ தத்தைப் போற்றினனே. 

(வெண்பா)

பாடல் எண்:- 1169

இந்தச் சரக்கதனை யிட்டுக் குளிக்கல்லில்

விந்துகரு நாய்த்தலைசன் வெண்மதிபால்- இந்தசரக்

காட்டியொரு வாரமது தானதன்பின் தேசியின்பால் 

ஆட்டியது முன்போலா மாண்டே. 

பாடல் எண்:- 1170

கேசரியின் பால்விடங் கேட்டீரோ ஆண்டையினி

மேஷம்வெள்ளை யாடதின்பால்விட்டுக்- கேசரியைப்

பொற்கமல மேவிப் பூமலரை யான்பணியச்

சொற்பர ஞானமதி சொல். 

(விருத்தம்)

பாடல் எண்:- 1171

மதிநிலவு ரவியொளி மருவுக்கன் பாலில்

வாரமொரு நாள்பிசகா மயன மாட்டிக்

கதிருதைய மிஞ்சிரச மதனா லேழு

கற்பூர வெற்றிலைச்சா றதனி லேழாம்

சிறுகீரை மூலமிகுத் தொன்று கேட்டுச்

சுத்தசலம் வீட்டுஅனல்படி யொன் றாக்கிக்

குருகுமிந்தக் கியாழமிட்டு வார மாட்டிக் 

கொடிதாக மெழுகுபதங் குடோரி யாண்டே. 

பாடல் எண்:- 1172

குடோரியெனுங் குளிகைநிழ லுலர்த்தல் வாரங்

குடோரமில்லாக் சிறுபயறுபோல் குளிகை செய்து

மிடைபயறி னிடையதுகா ணிடைவெவ் வேறாய்

இருந்தமருந் திடைகுறைந்தா லிதுவே கங்காண்

மடைபயர்களே கவனமில்லா மதிவே றானால்

மருந்ததுவு மிடைகுறைந்து மனிதர்க் கூட்ட

புடமதுகொண் டதுபொழியுங் காந்தி வீசும்

பொல்லாத கிராணிசுர தோஷ மாண்டே. 

பாடல் எண்:- 1173

பாவமென்ன செய்தொழிலின் தோஷத் தாலும்

படித்துகுரு ஆசானைப் பணியா தாலும்

ஆவதென்ன அருள்பொருளு மறியா தாலும்

அடுத்ததச தீட்சைகொண்டு அமைத்த தாலும்

மேவிதிறப் பதுவாசல் திறிவு கோலால்

வெளியாகும் வெளியில்பர வெளியுங் காணும்

தேவரிஷி யோர் பணியுஞ் சுழிமுனை தீபஞ்

சேர்ந்தொருநாள் கடுகையொன்று தெரிசித்தேனே. 

(விருத்தம்)

பாடல் எண்:- 1174

மாதரைவிட் டகன்றுகற்ப மறியா தாலும்

மவுனமென்றே வாசிகொண்டு மாறா தாலும்

வேதனையாம் விந்துவிட்டொ ழிந்த தாலும்

வீண்வேஷ மெடுத்துலகில் விறதா வாலும்

பாதையறிந் தென்னகுறை படிக்கா தாலும்

பாழ்யோனிக் காகமடிந் திடுவா ராகில்

சூதகவித்தை யமுரியென்ற சூட்சத் தாலுஞ்

சுகஞான பதவிதனில் சேர்க்கார் தானே. 

(கொச்சகம்)

பாடல் எண்:- 1175

சாத்தியமென்ற சன்னிசுர தாபசன்னி தானொழிய

மாற்றிவிடு மோஅவிழ்த மந்திரபஞ் சாக்ஷரத்தை

ஏற்றிவிடு மோர் குளிகை யிஞ்சி ரசந்தனிலும்

கார்த்திடுநாள் மூன்றுதினங் காலையொடு மாலையுமே. 

பாடல் எண்:- 1176

தாந்திரிக சன்னிசுரந் தாபசன்னி வாதசன்னி

ஆந்திரிகப் பித்தசன்னி யையமெனுஞ் சேத்மசன்னி

விந்தைசுக சன்னிகுறி மேகமது போல்கறுத்துச்

சுந்தரமாய்ப் பிரதாபஞ் சொல்லிதுய ராற்றும்தே. 

(கலித்துறை)

பாடல் எண்:- 1177 

வாதத்தில் மூன்று பித்தத்தில் ரெண்டு வன்னியொன்று

தாதுத்த மத்த மீரஞ்சு வாயில் சார்ந்ததெனில்

பூதந் தலைப்பட்டு நானா வினோதம் புலப்படுமாய்ச்

சாதந்த மிதுவறி யாமலு மாண்பர்கள் பேசுவரே. 

பாடல் எண்:- 1178

மூலாக் கினிதன்னில் பித்தமும் வாதமு முன்னிழைந்தால்

காலாக் கினைகொண்டு வன்னியும் வாயுவுங் கருதினதாய்

வேலாக் கினைரண சூராதி வீர விகாரமந்தம்

பாராமல் பூதவே தாளம்போல் வந்து பாயுமதே. 

(வெண்பா)

பாடல் எண்:- 1179

வெள்ளெருக்கு மாவிலிங்கு வேர்க்கொடியும் வேலிபுனல்

மெள்ளைவிடு முருங்கை வேர்ப்பட்டை- உள்ளபடி

இஞ்சியதின் சுரச மினியசரி யஞ்சுமிடை

அஞ்சுபஞ்சு பூதரச மாம். 

பாடல் எண்:- 1180

காலையது மாலை கதிருதய காலத்தில்

வாலைப்பரு வத்தில்வரும் வாதசன்னி- காலைதனில்

இஞ்சியதோ டஞ்சு மினிய சுரசமதில்

அஞ்சி லொருகுளிகை யாம். 

பாடல் எண்:- 1181

விரவியனல் வெதுப்பியெட்டுக் கொருபங்காய்ச்

சுரசமது மினிநீர் வாங்கி

துறவியெனு மமிர்தபஞ்சாட் சரமெனவும்

தொடுத்தவிழ்தஞ் சுகபோ கிக்கு

நிறுவியெனுஞ் சன்னியது வசைவிபர

தோஷமதுஞ் தீருந் தீராச்

சுரசமிந்த நீரதனி லிழைத்துமருந்

திருவிழிக்குஞ் சூட்டி டீரே. 

பாடல் எண்:- 1182

பனிநீர்போல் நீர்த்தாரை கடிகைதொண்ணூற்

றாறுவிழி பகட்டி மூடி

இனியமருந் தனுபானஞ் சுரசமிரு

வேளையிடு மிழைத்து நாவில்

சனியன்விடுஞ் சன்னிசுரந் தாபம்விடுந்

தாந்தரீகந் தலைமேற் கொண்டால் 

மனிதனல்ல வென்றுபுகை வற்றிவசி

யங்கள் செய்து மாற்ற லாமே. 

(வேறு)

பாடல் எண்:- 1183

சூஸ்திர சன்னி வாகந் தொடும்பித்த சேத்ம சன்னி

வேற்றுமை பலதொந் தங்கள் விகாரத்தி னிடரி னாலும் 

சேத்தும மிகவும் விம்மி சென்னிய கனலுண் டாகும்

பார்த்தீரோ வேதஞான பண்டித ரறிகி லீரே. 

பாடல் எண்:- 1184

நாபியில் சூடுண் டாகி நற்குளஞ் சிதறிப் போகும்

நாபியில் வாதஞ் சேரில் நமனதாய் வாயு மீறும்

நாபியில் தோஷ மெய்தும் நாவறட் சியுமே யுண்டாம்

நாபியில் பித்தஞ் சேரில் நளிர்குளிர் சுரங்கா ணாண்டே. 

பாடல் எண்:- 1185

கன்றிடு குடைச்ச லண்டங் கதிர்மதி யிடியுங் குத்தல்

அண்டிடுந் தாப சோப மருட்பிரள் கடுக்குங் கைகால்

குண்டியும் வாயு பித்தங் கொலைவயி றிடிக்கு முஷ்ணம்

கண்டிரோ ஆண்டே யிந்தக் காரசா ரத்தின் வாறே. 

(கொச்சகம்)

பாடல் எண்:- 1186

குரோசனைகஸ் தூரிபச்சை குங்குமஞ்சவ் வாதுசட்டம்

அறுவகையி னோர்பழந்தான் அறுத்ததனி லுங்குழைத்து

மாறுமணி மாத்திரைகாண் வைத்ததிலுந் தேனுமிட்டுக்

கூறதுவாய் மூன்றுதினங் கொண்டிருக்க லாமறியே. 

பாடல் எண்:- 1187

ஆரேழு சன்னியது மாகுமனு பானமதால்

ஈரேழு வாதசுர மிஞ்சிசுர சந்தனிலே

பாரேழு மேபடைத்த பஞ்சாமிர் தக்குளிகை

காரார்க ணேசனருள் கர்மவினை யேகிடுமே. 

(கலித்துறை)

பாடல் எண்:- 1188

கொட்டாவி யிட்டு விக்கலு மேப்பமுங் குன்மக்ஷயம்

ஒட்டாச் சயமீளை உப்பிச மன்ன விரோசனமும்

தொட்டால் வலிவயர் காசமுஞ் சத்தி சுவாசபித்தங்

கட்டோடு சன்னி சுரங்குளிர் குத்தல் கடல்புகுமே. 

பாடல் எண்:- 1189

ஆடா தொடைரச மாதண்டைத் தும்பை யதில்பூரசங்

கோடா சாலைரசம் பொற்றலை யிஞ்சி குறித்திருமூன்

றாறாய சுரசம்வகைக் குப்பலங் கொண்டன் னீரினில்தேன்

நேராய்ச் சரியிடை மாத்திரை யொன்று நிகழ்த்திடுமே. 

பாடல் எண்:- 1190

உரைத்திரு வேளை விழிக்கொரு வேளை யோரைந்துநாள்

துரைப்படி நோய்க ளகல்வது நன்றுசின் னாட்கள்சென்றால்

முறைப்படி வற்றிப் புகைகொண்டு நாசி முடுக்குடனே

மறப்புனல் நீறு நதியாய்ப் பெருகி வழிந்திடுமே. 

(வேறு- கவி)

பாடல் எண்:- 1191

சண்ட மாருதக்கு ழம்பின் வேகஞ்

சதகோடி கோடிவினை சருவிபோங்

கண்ட போதுசுர சன்னி தோஷங்

கடல்புக்கி யோடிவிடுங் காண்கிலார்

விண்ட வேதையிதில் சண்ட மாருதமும்

வெள்ளி செம்பது வெவ் வேறதாய்த்

துண்டு துண்டம்வராக னோரிடையுந்

தூக்கு வாய்தகடு சூக்ஷமே. 

பாடல் எண்:- 1192

ரசித மாவதும் ஐவ ராகனெடை

தகடி லிருந்தகுரு காற்பலம்

விசித மாயமுரி யுடனும் வைத்துகுழை

மேலுஞ் செம்பதுமே பூசிடு

கசிடுங் கதிரில்காய்ந் ததின் னுமியில்

காட்டு மஞ்சுமுற மாமெடு

நேசு கீழதுமேல் வன்னி யிட்டுகனல்

நீறி னாலுமியி னேர்மையே. 

பாடல் எண்:- 1193

நீறி யாறியது பாருஞ் செம்பினொளி

நேரி துக்குவய தெட்டதாய்

மாறி சீவனமும் வாழ்வீர் நாடதிலும்

வாசி வாவெனவும் ரேசிகாண்

வாரி யோடுநிலை வங்கு சிங்கெனவு மாறி

வாழ்வீர் கண்ட தாரையில்

ஆசி யண்டவரை கீழு மேலுமிது

ஆவி நின்றிடம றிந்திடே. 

பாடல் எண்:- 1194

பாரும் செம்பு பசும்பொன்னின் வர்னமது

பரிசை வேதைகுரு பாதைகாண்

வாரி வெள்ளியது வராகநூறு எடை

வாங்கி டுங்குருவிற் கால்பலம்

வேரு மேமுரிவிட் டுமத்தி யதுவெள்ளி

மேலுந் தகடா திதம்

போகு மேகதிரில் வாலை வீசுகனல்

போடு முன்னுமுயல் புடமே. 

பாடல் எண்:- 1195

தகடு நூறுவரைக் கனலில் போடபுடந் தவளமென்ற நிற ரசிதமாம்

முகடு மேவரா வயசு பத்தரையு மோடி யாகிபொன் னாணிதான்

அகடு மேயிலையார் சீவனஞ்செய்து அம்பு விதனிலும் வாசமாய்

எகடு தன்வார மவுன சாதனையி லெய்தி டுமமுரி மாறிடே. 

பாடல் எண்:- 1196

மாறி மாறிவர வாசி யூதிவர வாசி வாசியதும் வீசியுந்

தேது தேறியொரு நாளு நாளுமினி தேக சுத்திசித றாமலும்

வாரி வாரிகட லாழி யானசல மாற மாறகதிர் வாலைகாண்

சூரி சூரியனுந் தேக தேகமொளி சுரூபசூக்ஷசுக சுத்தியே. 

பாடல் எண்:- 1197

வருஷ மொன்றுமதி மாற மாறகதிர்

வர்ன மாமதித வேதைகாண்

புருஷ னோடுரதி போர் மோகமது

போலுங் காரசார போதனை

பரிட்சை யாய்வருதல் காய தேகியெனும்

பாடு பாடுவெகு பாடுகாண்

அருளி லங்குமதி சந்திர புஷ்கரணி

யமிர்த சஞ்சீவியி னாட்டமே. 

பாடல் எண்:- 1198

நாலுங் கண்டுவெகு நாள்கள் சென்றுஉடல்

நாடி நாடி வெகு நாளதும்

போலுங் கற்பமுண ரம்பு விதனிலும்

பூத லத்தில்சில ஞானிக

ளாலும் வாதரச போத னைச்செயலி

லாவி தானுஞ்சுடு காடுபோய்த்

தேலுந் தேலிடினுங் கார சாரகுரு

தேடி தேடியலை வார்களே. 

பாடல் எண்:- 1199

மாதுயோனிதனில் வாழ்க்கை நாள்சிலது

வாடி வாடிசில மாய்கையால் 

ஓது நாள்முழுது மோடி மோடியுழன்

றார்க ளம்புவியி லோர்சிலர்

வாதி னால்சிலது நோய்க ளால்சிலது

வறுமை யால்சிலது நாள்கள்போய்

ஏது காய்ந்தளர்த் தான பின்புசட

மேது நாள்தினமு மில்லையே. 

பாடல் எண்:- 1200

சயில மஞ்சும்ரவி கான லுண்டுவர

தானுந் தன்னறிய லாகுமோ

சபில மாதுவின் சார மாவதனில்

சத்தும் சித்தும்விளை யாடலாம்

சயிலங் காணுதக தயிலஞ் சுண்டுஞ்சை

தன்னியத்தில் மனஞ் சாரிடா

சயில மஞ்சுமது தானே தானது

வாய்த்தா தும்வலுவ தாகுமே.